Author: LANKA24X7

වෙනිසියුලාවට බලපෑ ඉතා දරුණු භූමිකම්පාව හේතුවෙන් මියගිය නිල මරණ සංඛ්‍යාව 2,295 දක්වා ඉහළ ගොස් තිබේ. විපතට පත්වූවන් මුදාගැනීමේ මෙහෙයුම් අද (02) වන විට හත්වන දිනටත් ක්‍රියාත්මක වන අතර, අතුරුදන් වූවන් සොයාගැනීම සහ අවතැන් වූවන්ට සහන සැලසීම සම්බන්ධයෙන් එර රට නව රජය දැඩි අභියෝගයකට මුහුණ දී සිටී. පසුගිය ජූනි 24 වන දින තත්පර 39ක පරතරයක් ඇතිව වෙනිසියුලාවේ උතුරු-මධ්‍යම ප්‍රදේශයට රික්ටර් මාපකයේ 7.2 සහ 7.5 ක ප්‍රබලත්වයෙන් යුත් භූමිකම්පා දෙකක් බලපෑවේය. නිකුත් කර ඇති නවතම වාර්තාවලට අනුව, මෙම අනතුරෙන් පුද්ගලයන් 11,267 දෙනෙකු තුවාල ලබා ඇත. ප්‍රධාන භූමිකම්පාවෙන් පසු පසුකම්පන 782ක් වාර්තා වී ඇති නමුත්, එහි ප්‍රබලත්වය ක්‍රමයෙන් අඩුවෙමින් පැවතී බව සඳහන් වේ.…

මේ වසරේ ඉදිරි මාස 06 සඳහා ජල ගාස්තුවල සංශෝධනයක් සිදුනොවනු ඇති බව නිවාස, ඉදිකිරීම් හා ජල සම්පාදන අමාත්‍ය සුසිල් රණසිංහ මහතා පවසයි. අමාත්‍යවරයා සඳහන් කළේ, වසරේ මුල් මාස හය සඳහා ජල පිරිපහදු කටයුතු වෙනුවෙන් මණ්ඩලයට විශාල පිරිවැයක් දැරීමට සිදුනොවු බවය. ඒ අනුව ජල ගාස්තු වැඩි කිරීමේ අවශ්‍යතාවක් පැන නොනගින බව සුසිල් රණසිංහ අමාත්‍යවරයා පවසයි. වර්ෂිකව මාස හයකට වරක් ජල ගාස්තු සංශෝධනය සිදුකෙරෙන අතර මේ වසරේ මුල් මාසය 06 සඳහා ද ජල ගාස්තු සංශෝධනයක් සිදුනොකිරීමට රජය පියවර ගෙන තිබුණි. ජුලි පළමු දින සිට දෙසැම්බර් 31 දක්වා මාස 06ක කාලය තුළ ගාස්තු ඉහළ දැමීමක් සිදුවන්නේ ද යන්න සම්බන්ධයෙන් ‘අද දෙරණ’ නිවාස, ඉදිකිරීම්…

අද වනවිට ගොවි ජනතාව මුහුණපා සිටින ගැටලුව මෙරට ජාතික ප්‍රශ්නය බවට පත්වී ඇතැයි සර්වජන බලයේ නායක පාර්ලිමේන්තු මන්ත්‍රී දිලිත් ජයවීර මහතා පවසයි. පොළොන්නරුවේ ගොවි නායකයින් සමග අද (01) පැවති සාකච්ඡාවකදී ඔහු වැඩිදුරටත් කියා සිටියේ මෙම ගැටලුවට විසඳුම් සෙවීම රජයේ ප්‍රමුඛ කාර්යය කරගත යුතු බවය. සර්වජන බලයේ නායක, පාර්ලිමේන්තු මන්ත්‍රී දිලිත් ජයවීර මහතා අද පෙරවරුවේ මැදිරිගිරිය ප්‍රදේශයට ගොස් පොළොන්නරුව දිස්ත්‍රික්කයේ ගොවීන් මුහුණපා සිටින ගැටලු සම්බන්ධයෙන් ගොවි නායකයින් සමග සාකච්ඡාවක නිරත වුණි. එම අවස්ථාවට සර්වජන බලයේ උප සභාපති ආචාර්ය චන්න ජයසුමන, නියෝජ්‍ය ලේකම් රුෂාන් මලින්ද යන මහත්වරුන්ද එක්විය.

පාස්කු ඉරිදා ත්‍රස්ත ප්‍රහාරය සම්බන්ධයෙන් සිදුකරන විමර්ශනවලට අදාළව අපරාධ පරීක්ෂණ දෙපාර්තමේන්තුවේ රැඳවුම් භාරයේ සිටියදී උපවාසයක් ආරම්භ කළ, රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා නීතිඥ උපදෙස් මත ඔහුගේ උපවාසය නතර කිරීමට තීරණය කර තිබේ. ඔහු උපවාසය ආරම්භ කිරීමෙන් අනතුරුව මේ වනවිටත් කොළඹ ජාතික රෝහලේ ප්‍රතිකාර ලබමින් සිටී.

තාක්ෂණික දෝෂයක් හේතුවෙන් අද (01) දින ආරම්භය ප්‍රමාද වූ කොළඹ කොටස් වෙළෙඳපොළ ගනුදෙනු සැසිය පෙරවරු 11.00ට ආරම්භ විය. මේ සම්බන්ධයෙන් කොළඹ කොටස් වෙළෙඳපොළ පවසන්නේ, වසර 15කට වඩා වැඩි කාලයක් අක්‍රීය තිබූ මධ්‍යම තැන්පතු ක්‍රම (CDS) ගිණුම් අත්හිටුවීමට ගත් පියවර ක්‍රියාත්මක කිරීමේ දී සක්‍රීය ගිණුම් කිහිපයක් ද ඒ සමඟින් අත්හිටුවා ඇති බව වාර්තා වීමත් සමඟම එය නිවැරදි කිරීම සඳහා මෙලෙස අද දින වෙළෙඳපොළ ආරම්භය ප්‍රමාද කළ බවය.

බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවල වැසි වාර කිහිපයක් ඇති වේ. ඌව පළාතේත් අම්පාර සහ මඩකළපුව දිස්ත්‍රික්කවලත් තැනින් තැන පස්වරු 2න් පසුව වැසි හෝ ගිගුරුම් සහිත වැසි ඇති විය හැකි බව කාලගුණවිද්‍යා දෙපාර්තමේන්තුව නිවේදනය කරයි. බස්නාහිර, සබරගමුව, මධ්‍යම, දකුණු, උතුරු-මැද, සහ වයඹ පළාත්වල සහ ත්‍රීකුණාමලය දිස්ත්‍රික්කයේ විටින් විට හමන පැ.කි.මී. 40-50ක පමණ තද සුළං ඇතිවිය හැකිය. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

එල් නිනෝ දේශගුණික තත්ත්වය හේතුවෙන් ඉදිරියේදී ඇති විය හැකි බලපෑම් පිළිබඳ අවධානය යොමු කරමින්, පවතින දත්ත මත පදනම් වූ පුරෝකථන සම්බන්ධයෙන් ජනාධිපති අනුර කුමාර දිසානායක මහතා නිලධාරීන්ගෙන් කරුණු විමසා තිබේ. ව්‍යසන කළමනාකරණ ජාතික සභාව ජනාධිපතිවරයාගේ ප්‍රධානත්වයෙන් අද (30) පෙරවරුවේ ජනාධිපති ලේකම් කාර්යාලයේදී රැස් වූ අවස්ථාවේදී මේ පිළිබඳව සාකච්ඡා කෙරිණි. එහිදී එල්නිනෝ තත්ත්වයට මුහුණ දීම සඳහා ගත යුතු ක්‍රියාමාර්ග, ව්‍යසන කළමනාකරණ පද්ධතියේ ප්‍රතිසංස්කරණ සහ ජාතික ආපදා ඒකාබද්ධ යාන්ත්‍රණය පිළිබඳව දීර්ඝ ලෙස අවධානය යොමු කර තිබේ. කෘෂිකර්මාන්තය, පානීය ජල සැපයුම සහ බලශක්ති උත්පාදනය යන අංශවල සූදානම පිළිබඳවද මෙහිදී සාකච්ඡා වී ඇත. මහ කන්නයේ වගා කටයුතු කල්තියා ආරම්භ කිරීම, ජල සම්පත් කළමනාකරණය සහ…

හෙරොයින් ග්‍රෑම් 3.074ක ප්‍රමාණයක් සන්තකයේ තබා ගැනීමේ චෝදනාවට වරදකරු කෙරුණු පුද්ගලයෙකුට අනුරාධපුර පළාත්බද මහාධිකරණය විසින් අද (30) ජීවිතාන්තය දක්වා සිරදඬුවම් නියම කරන ලදී. මෙසේ ජීවිතාන්තය දක්වා සිරදඬුවම් නියම වූයේ කැකිරාව පාර, තලාව පදිංචිව සිටි 35 හැවිරිදි පුද්ගලයෙකුටය. මෙම නඩුව වසර හතරකට අධික කාලයක් තිස්සේ අනුරාධපුර මහාධිකරණය හමුවේ විභාග වී ඇති අතර, පැමිණිල්ල විසින් සැකයෙන් තොරව චෝදනා ඔප්පු කිරීමෙන් අනතුරුව අද දින අදාළ තීන්දුව ප්‍රකාශයට පත් කරමින් විත්තිකරුට මෙලෙස ජීවිතාන්තය දක්වා සිරදඬුවම් නියම කර තිබේ. තලාව පොලිස් ස්ථානයට අනුයුක්ත උප පොලිස් පරීක්ෂකට ලද රහසිගත තොරතුරකට අනුව මෙම මත්ද්‍රව්‍ය වැටලීම සිදුකර ඇත. ඒ අනුව, තලාව පොලීසියේ ප්‍රධාන පොලිස් පරීක්ෂක ඇතුළු පොලිස් නිලධාරී…

ජාතික ලොතරැයි මණ්ඩලයේ හිටපු සභාපතිවරියක වන ශ්‍යාමිලා පෙරේරා මහත්මිය අල්ලස් හෝ දුෂණ චෝදනා විමර්ශන කොමිෂන් සභාව මඟින් මීට සුළු මොහොතකට පෙර අත්අඩංගුවට ගෙන තිබේ. ඒ ඇය ජාතික ලොතරැයි මණ්ඩලයේ සභාපතිවරියව සිටි සමයේ සේවයට බඳවාගන්නා ලද නිලධාරීන් තිදෙනෙකු එම ආයතනයේ සේවයට නොයොදවා එවකට අමාත්‍ය රවී කරුණානායක මහතාගේ කාර්යාල මණ්ඩලයේ සේවයට යෙදවීම තුළින් දුෂණය නැමැති වරද සිදුකිරීමේ චෝදනාවට අදාළවය.

වාර්ෂික බස් ගාස්තු සංශෝධනය හෙට (01) දින සිට ක්‍රියාත්මක වීමට නියමිතව තිබියදී ඊයේ (29) දින ඩීසල් මිල අඩු කරමින් ආණ්ඩු බස් හිමියන්ට වංචාවක් කර ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසයි. බස් ගාස්තු පිළිබඳ ජාතික ප්‍රතිපත්තියට අනුව ජුලි 01 වනදාට සිට 20%ක බස් ගාස්තු වැඩිවීමක් අපේක්ෂා කළද දැන් එය 15%ක් හෝ 17% වනු ඇති බවද ගැමුණු විජේරත්න පැවසීය. කෙසේවෙතත් බස් ගාස්තු පිළිබඳ ජාතික ප්‍රතිපත්තියට අනුව ප්‍රමාණවත් ගාස්තු වැඩිවීමක් නොලැබුණොත් අධිකරණ ක්‍රියාමාර්ග හරහා ජාතික ප්‍රතිපත්තියෙන් ඉවත්වීමට කටයුතු කරන බවද ඔහු සඳහන් කළේය. “ඊයේ රෑ ඩීසල් මිල අඩු කළා. හරි නම් ඩීසල් මිල අඩු කරන්න ඕනේ අද රාත්‍රියේ.…