Author: LANKA24X7

දෙල්ගොඩ උඩුපිල මාර්ගය ජලයෙන් යටවී තිබේ. මේ හේතුවෙන් එම මාර්ගයේ දෙල්ගොඩ සිට බැලුම්මහර දක්වා ප්‍රධාන මාර්ගයේ රථ වාහන ධාවනය ඇනහිට තිබේ. —————– වේයන්ගොඩ ප්‍රදේශයට ඇද හැලුණු අධික වර්ෂාව හේතුවෙන් නිවාස සහ මාර්ග රැසක් ජලයෙන් යටවි තිබේ. පවතින කාලගුණික තත්ත්වය යටතේ මධ්‍යම අධිවේගී මාර්ගයේ වැඩකටයුතුද සම්පූර්ණයෙන් නැවති ඇත. —————– හලාවත නාත්තන්ඩිය, හැමිල්ටන් ඇළ මාර්ගයට ගසක් කඩා වැටීමෙන් ගමනාගමනයට බාධා එල්ල වී තිබේ. මේ අතර හලාවත ප්‍රදේශයේ ස්ථාන රැසක්ද ජලයෙන් යටවී ගමනාගමනයට බාධා එල්ල වී ඇතැයිද වාර්තා වේ. රත්නපුර අවට පහත්බිම් රැසක් ජලයෙන් යටවී තිබේ. රත්නපුර බෝධිරාජ මාවත, බටුගෙදර, ඇලපාත, අංගම්මන, තිරවානා කැටය, මුද්දූව, මුවගම ආදී ප්‍රදේශ රැසක් ජලයෙන් යටවී තිබේ. එමෙන්ම…

නිරිත දිග මෝසම දිවයින හරහා ක්‍රමයෙන් ස්ථාපිත වෙමින් පවතින බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, දිවයිනේ නිරිතදිග ප්‍රදේශවල දැනට පවතින වැසි සහිත තත්ත්වය ඉදිරි පැය කිහිපය තුලදී තවදුරටත් පවතිනු ඇතැයි අපේක්ෂා කරන බවය. බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවේ. බස්නාහිර, සබරගමුව සහ වයඹ පළාත්වල ඇතැම් ස්ථානවලට මි.මී 200ට වැඩි ඉතා තද වැසි ඇති විය හැකි අතර ගාල්ල, මාතර, මහනුවර සහ නුවරඑළිය දිස්ත්‍රික්කවල ඇතැම් ස්ථානවලට මි.මී 100ට වැඩි තද වැසි ඇති විය හැකි බව කාලගණ විද්‍යා දෙපාර්තමේන්තුව නිවේදනය කරයි. උතුරු පළාතේ සහ අනුරාධපුර දිස්ත්‍රික්කයේ වැසි…

ජාත්‍යන්තර මූල්‍ය අරමුදලෙන් මේ මස 27 වෙනිදාට ඩොලර් මිලියන 700ක මුදලක් ලැබෙනු ඇතැයි අපේක්ෂා කරන බව මුදල් සහ ක්‍රමසම්පාදන නියෝජ්‍ය අමාත්‍ය අනිල් ජයන්ත මහතා පවසයි. අමාත්‍යවරයා මේ බව ප්‍රකාශ කළේ, අද (21) පාර්ලිමේන්තුවේදී අදහස් පළ කරමිනි. “විදේශ විනියම ලබාගැනීමේදී අපනයනවලට අමතරව විදේශ ප්‍රේෂණවලට අමතරව ජාත්‍යන්තර මූල්‍ය අරමුදලෙන් මේ 27 වෙනිදා බොහෝදුරට බලාපොරොත්තු වෙනවා. අධ්‍යක්ෂ මණ්ඩලය විසින් ඩොලර් මිලියන 700 අපට ලබා දෙයි කියලා. ආසියානු සංවර්ධන බැංකුවෙන් මේ වර්ෂය ඇතුළත ඩොලර් මිලියන 480ක් දක්වා ලබාගැනීමට හැකියාවක් තියෙනවා. ලෝක බැංකුවෙන් ඩොලර් මිලියන 150කුත් අනුශාංඝික ආයතනයකින් ඩොලර් මිලියන 50කුත් ලැබෙන්න තියෙනවා.  ඒ නිසා මේක කළමනාකරණය කරගන්න කිසිදු ගැටලුවක් නිර්මාණය වෙන්නේ නැහැ.” 

ශ්‍රී ලංකා රුපියල අමෙරිකානු ඩොලරයට සාපේක්ෂව අද (21) දිනයේදී තවදුරටත් අවප්‍රමාණය වී තිබේ. ඒ අනුව,  අද දිනයේ අමෙරිකානු ඩොලරයේ විකුණුම් මිල ශ්‍රී ලංකා රුපියල් 354 ඉක්මවා ගොස් ඇත. එය සටහන් වී ඇත්තේ රුපියල් 354.03ක් ලෙසය. අද දින අමෙරිකානු ඩොලරයක ගැණුම් මිල රුපියල් 342.63 ක් ලෙස සටහන්ව ඇත. මෙය 2023 වසරේ මාර්තු 02 වෙනිද‍ෙයින් පසුව අමෙරිකානු ඩොලරයට සාපේක්ෂව ශ්‍රී ලංකා රුපියල වාර්තා කළ අවම අගය බව සඳහන් වේ. ඊයේ (20) දිනයේ එක්සත් ජනපද ඩොලරයක විකුණුම් මිල සටහන් වූයේ 342ක් ලෙසය. ඒ අනුව පැය 24ක් තුළ රුපියල් 12කින් ඩොලරයක විකුණුම් ඉහළ ගොස් තිබේ. අද (21) දින ප්‍රධාන වානිජ බැංකු කිහිපයක විනිමය අනුපාතිකයන්…

මැදපෙරදිග යුදමය තත්ත්වය මෙරට තුළ ඩොලර් අර්බුදයක් ඇතිවීමට හේතුවී ඇති බවත්, එම තත්ත්වය පාලනය කරගැනීමට ගතයුතු උපදෙස් පිළිබඳ ජාත්‍යන්තර මූල්‍ය අරමුදල සමග සාකච්ඡා කර ඇති බවත් ජනාධිපති අනුර කුමාර දිසානායක මහතා පැවසීය. ‘රටම එකට’ ජාතික මෙහෙයුම යටතේ අද (20) පැවති  මඩකලපුව දිස්ත්‍රික් වැඩසටහනට එක්වෙමින් ජනාධිපතිවරයා මේ බව පැවසීය. එහිදී රුපියලේ කඩාවැටීම ගැන තවදුරටත් අදහස් දක්වමින් ජනාධිපතිවරයා පවසා සිටියේ, මෙම තත්ත්වය තවත් කෙටි කාලයක් පවතිනු ඇති බවය. ඒ හේතුවෙන් ඊට සියලු දෙනා ශක්තිමත්ව මුහුණදෙන ලෙස ජනාධිපතිවරයා ජනතාවගෙන් ඉල්ලා සිටියේය. කෙසේ නමුත් මෙම අර්බුදයෙන් විනාශකාරී ආර්ථික තත්ත්වයක් මෙරට තුළ යළි ඇතිවීමට කිසිසේත්ම ඉඩක් නොමැති බවට ජනාධිපතිවරයා මෙහිදී සහතිකය විය. එමෙන්ම මෙම අවස්ථාවේ…

අමෙරිකානු ජනාධිපති ඩොනල්ඩ් ට්‍රම්ප් විසින් ඉරානයට යළි ප්‍රහාර එල්ල කිරීමට සූදානම් වූ බව ප්‍රකාශ කිරීමත් සමඟ, ඉරානය දැඩි අනතුරු ඇඟවීමක් කර නිකුත් කර ඇති බව විදෙස් වාර්තා පවසයි. ඔවුන් පවසන්නේ අමෙරිකාව නැවත ප්‍රහාර එල්ල කළහොත්, මෙම යුද්ධය මැද පෙරදිගින් ඔබ්බට ලෝකයේ අනෙක් කලාපවලටත් ව්‍යාප්ත කරන බවයි. අම‍ෙරිකාව සහ ඉරානය අතර සටන් නැවැත්වීමේ එකඟතාවයකට පැමිණ සති කිහිපයක් ගතවී ඇතත්, සාමය උදාකර ගැනීම සඳහා වන සාකච්ඡා මේ වන විට ඇනහිට තිබේ. මේ අතර, තමන් ඉරානයට බෝම්බ හෙලීමේ තීරණයට ඉතා ආසන්නව සිටි නමුත්, රාජ්‍ය තාන්ත්‍රික සාකච්ඡාවලට ඉඩ තබා එය අවසන් මොහොතේ නතර කළ බව ජනාධිපති ට්‍රම්ප් පවසා ඇත.

මෙරට තැලිසීමියා රෝගීන් 2500ක් පමණ වාර්තා වී ඇති අතර වාර්ෂිකව දරුවන් 45ත් 60ත් අතර ප්‍රමාණයක් තැලසීමියා තත්ත්වය සමඟ උපදින බව සෞඛ්‍ය අමාත්‍යාංශයේ බෝ නොවන රෝග ඒකකයේ අධ්‍යක්ෂක වෛද්‍ය ශ්‍රීනි අලහප්පෙරුම මහතා පවසයි. ජාත්‍යන්තර තැලසීමියා රෝග දිනය මෙම මස 8 වෙනිදා යෙදී තිබුණු අතර ඒ සම්බන්ධයෙන් පැවැත්වූ මාධ්‍ය හමුවට එක් වෙමින් මෙම අදහස් පළ කරන්නට විය. එහිදී වැඩිදුර අදහස් දැක්වූ වෛද්‍ය ශ්‍රීනි අලහප්පෙරුම මහතා, “දැනට ශ්‍රී ලංකාවේ තැලසීමියා රෝගීන් 2500ක් පමණ වාර්තා වී තිබෙනවා. වාර්ෂිකව දරුවන් 45ත් 60ත් අතර ප්‍රමාණයක් “මහා තැලසීමියා” තත්ත්වය සමඟ උපදිනවා. සමහර අයට හිතෙන්න පුළුවන් මේ සංඛ්‍යාව වෙනත් රෝග සමඟ සසඳන විට ඉතා සුළු ප්‍රමාණයක් කියලා. නමුත්…

සමස්ත අධිවේගී මාර්ගවල දුර කිලෝමීටර්  312.57ක නඩත්තු පිරිවැය රුපියල් මිලියන 5180.90 බව ප්‍රවාහන මහාමාර්ග හා නාගරික සංවර්ධන අමාත්‍ය බිමල් රත්නායක මහතා පැවසීය. අද (20) පාර්ලිමේන්තුවේදී පාර්ලිමේන්තු මන්ත්‍රී රවී කරුණානායක මහතා ඇසූ ප්‍රශ්නයකට පිළිතුරු දෙමින් අමාත්‍ය බිමල් රත්නායක මහතා මෙම අදහස් දක්වන්නට විය. ඒ අනුව E1-දක්ෂිණ අධිවේගී මාර්ගයේ කොට්ටාව සිට මත්තල දක්වා කිලෝමීටර් 200.45ක් සඳහා සමස්ථ පිරිවැය ලෙස රුපියල් මිලියන 2024.5ක් බව ඒ මහතා පැවසීය. මේ අතර, E2 පිටත වට රවුම් මාර්ගය කොට්ටාව කෙරවලපිටිය කිලෝමීටර් 28.86ක් සඳහා පිරිවැය රුපියල් මිලියන 767.6කි. E3 කොළඹ කටුනායක අධිවේගී මාර්ගය පෑලියගොඩ සීදූව කිලෝමීටර් 25.8ක් සඳහා පිරිවැය රුපියල් මිලියන 834.1කි. E4 මධ්‍යම අධිවේගී මාර්ගය මීරිගම කුරුණෑගල යග්ගපිටිය කිලෝමීටර් 40.91ක් සඳහා…

අද (20) ජපානයේ කගෝෂිමා ප්‍රාන්තයේ දකුණු දූපත්වලට රිච්ටර් මාපකයේ 5.9ක භූමිකම්පාවක් සිදුව ඇති බව විදෙස් වාර්තා පවසයි. භූමිකම්පාවෙන් පසුව කිසිදු සුනාමි අනතුරු ඇඟවීමක් නිකුත් කර නොමැති අතර, සුනාමි අවදානමක් නොමැති බව ජපාන කාලගුණවිද්‍යා ඒජන්සිය තහවුරු කර ඇත. මේ අතර, මේ වනතෙක් කිසිදු ජීවිත හානියක් හෝ දේපළ හානියක් වාර්තා වී නොමැත.

ආනයනික කිරි පිටි මිල ඉහළ දැමීමට තීරණය කර ඇති බව කිරි පිටි ආනයනකරුවන්ගේ සංසදය පවසයි. ඒ අනුව ග්‍රෑම් 400ක කිරි පිටි පැකට්ටුවක මිල රුපියල් 50කින් සහ කිලෝග්‍රෑම් 1ක කිරි පිටි පැකට්ටුවක මිල රුපියල් 125කින් ඉහළ දැමීමට තීරණය කළ බව එම සංසදය පැවසුවේය. වෙළෙඳපොළේ පවතින තත්ත්වය සහ විනිමය අනුපාත තත්ත්වයන් සැළකිල්ලට ගනිමින් මෙම තීරණය ගෙන ඇති බව සඳහන්ය. ඒ අනුව අද (20) දිනයේ සිට ඇසුරුම් කරන ලද කිරි පිටි පැකට්ටු වල මිල මෙලෙස ඉහළ යාමට නියමිතය. කෙසේ වෙතත් ඉදිරි සතිය තුළ අදාළ මිල ගණන් යටතේ වෙළෙඳපොළට ආනයනික කිරි පිටි නිකුත් කරන අතර මේ වන විට වෙළෙඳපොළේ පවතින කිසිදු ආනයනික කිරි පිටි…