Author: LANKA24X7

ජාතික ලොතරැයි මණ්ඩලයේ හිටපු සභාපතිවරියක වන ශ්‍යාමිලා පෙරේරා මහත්මිය අල්ලස් හෝ දුෂණ චෝදනා විමර්ශන කොමිෂන් සභාව මඟින් මීට සුළු මොහොතකට පෙර අත්අඩංගුවට ගෙන තිබේ. ඒ ඇය ජාතික ලොතරැයි මණ්ඩලයේ සභාපතිවරියව සිටි සමයේ සේවයට බඳවාගන්නා ලද නිලධාරීන් තිදෙනෙකු එම ආයතනයේ සේවයට නොයොදවා එවකට අමාත්‍ය රවී කරුණානායක මහතාගේ කාර්යාල මණ්ඩලයේ සේවයට යෙදවීම තුළින් දුෂණය නැමැති වරද සිදුකිරීමේ චෝදනාවට අදාළවය.

වාර්ෂික බස් ගාස්තු සංශෝධනය හෙට (01) දින සිට ක්‍රියාත්මක වීමට නියමිතව තිබියදී ඊයේ (29) දින ඩීසල් මිල අඩු කරමින් ආණ්ඩු බස් හිමියන්ට වංචාවක් කර ඇති බව ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න පවසයි. බස් ගාස්තු පිළිබඳ ජාතික ප්‍රතිපත්තියට අනුව ජුලි 01 වනදාට සිට 20%ක බස් ගාස්තු වැඩිවීමක් අපේක්ෂා කළද දැන් එය 15%ක් හෝ 17% වනු ඇති බවද ගැමුණු විජේරත්න පැවසීය. කෙසේවෙතත් බස් ගාස්තු පිළිබඳ ජාතික ප්‍රතිපත්තියට අනුව ප්‍රමාණවත් ගාස්තු වැඩිවීමක් නොලැබුණොත් අධිකරණ ක්‍රියාමාර්ග හරහා ජාතික ප්‍රතිපත්තියෙන් ඉවත්වීමට කටයුතු කරන බවද ඔහු සඳහන් කළේය. “ඊයේ රෑ ඩීසල් මිල අඩු කළා. හරි නම් ඩීසල් මිල අඩු කරන්න ඕනේ අද රාත්‍රියේ.…

වත්කම් සහ බැරකම් ප්‍රකාශ ඉදිරිපත් කිරීමට ලබාදී ඇති කාලය අද (30) දිනයෙන් අවසන් වන බව අල්ලස් හෝ දූෂණ චෝදනා විමර්ශන කොමිෂන් සභාව පවසයි. ඒ අනුව අද දිනය තුළ මෙතෙක් වත්කම් සහ බැරකම් ප්‍රකාශ ඉදිරිපත් නොකළ නිලධාරීන්ට ඒ සඳහා අවස්ථාව පවතී. 2023 අංක 9 දරණ දූෂණ විරෝධී පනතේ ප්‍රතිපාදනවලට අනුව වත්කම් සහ බැරකම් ප්‍රකාශ ඉදිරිපත් කිරීමට නියමිත සියලු නිලධාරීන් ඔන්ලයින් ඔස්සේ සිය වත්කම් බැරකම් ප්‍රකාශ ඉදිරිපත් කළ යුතු වේ. ඒ අනුව අද දිනයෙන් පසු වත්කම් බැරකම් ප්‍රකාශ ඉදිරිපත් කර නොමැති සියලුදෙනා හට දඩ අයකිරීමක් සිදුකරන බව අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල් රංග දිසානායක මහතා සඳහන් කළේය. කෙසේවෙතත්…

ඊයේ (29) මධ්‍යම රාත්‍රියේ සිට බලපැවැත්වෙන පරිදි ඉන්ධන වර්ග කිහිපයක මිල පහළ දැමීමට ලංකා ඛනිජ තෙල් නීතිගත සංස්ථාව පියවර ගෙන තිබේ. ඒ අනුව, ඔක්ටේන් 92 පෙට්‍රල් ලීටරයක මිල රුපියල් 20කින් පහළ දමා ඇති අතර එහි නව මිල රුපියල් 414කි. එමෙන්ම ලංකා සුදු ඩීසල් ලීටරයක මිල රුපියල් 25කින් පහළ දමා ඇති අතර ඒ අනුව එහි නව මිල රුපියල් 382ක් වේ. කෙසේ වෙතත් ඔක්ටේන් 95 පෙට්‍රල්, සුපර් ඩීසල් සහ භූමිතෙල් මිලෙහි කිසිඳු වෙනසක් සිදුකර නැත. මේ අතර ලංකා ඛනිජ තෙල් නීතිගත සංස්ථාවේ ඉන්ධන මිල සංශෝධනයට සමගාමීව ලංකා IOC සහ සයිනොපෙක් ඉන්ධන මිල ගණන් ද සංශෝධනය කර ඇති බව සඳහන්ය. ඒ අනුව එම සමාගම්…

දුරකථන අංකය වෙනත් අයට පෙනෙන්නට නොදී, පරිශීලක නාමයක් (Username) පමණක් භාවිත කරමින් අන් අය සමඟ සම්බන්ධ වීමේ හැකියාව WhatsApp විසින් හඳුන්වාදීමට නියමිතව ඇත. ලොව පුරා සිටින බිලියන 3ක පරිශීලකයන් වෙත ඉදිරි මාස කිහිපය තුළ ලබා දීමට නියමිතයි. මෙය අනිවාර්යය නොවන අතර කැමති අයට පමණක් තමන්ට අවශ්‍ය පරිශීලක නාමයක් (Username) වෙන් කරවා ගත හැකියි. මේ අතර, තමන් තෝරාගත් පරිශීලක නාමය ඕනෑම වේලාවක ඉවත් කිරීමට හෝ වෙනස් කිරීමට පරිශීලකයන්ට අවස්ථාව ලැබේ. පරිශීලක නාමයක් සඳහා භාවිත කළ හැක්කේ උපරිම අකුරු/සංකේත 35ක් පමණි. ප්‍රසිද්ධ දේශපාලනඥයන් හෝ ප්‍රසිද්ධ චරිතවල නම් වෙනත් අයට ව්‍යාජ ලෙස භාවිත කිරීමට නොහැකි වන සේ සීමා පනවා ඇත. WhatsApp ගිණුමක් ආරම්භ…

ගල්ෆ් කලාපයේ හටගෙන ඇති නොසන්සුන්කාරී තත්ත්වය හේතුවෙන් ගෝලීය උද්ධමනය ඉහළ යා හැකි බවට මතු වූ බියත් සමඟ, ලෝක වෙළෙඳපොළේ රන් මිල පහත වැටී තිබේ. මෙම උද්ධමන බිය හේතුවෙන් අමෙරිකානු ෆෙඩරල් රිසර්ව් බැංකුව විසින් පොලී අනුපාත තවදුරටත් ඉහළ දමනු ඇතැයි ආයෝජකයින් අපේක්ෂා කරන අතර, එය පොලී ආදායමක් නොලැබෙන රන් වැනි ලෝහ සඳහා පවතින ඉල්ලුම අඩු කිරීමට හේතු වී ඇත. ඒ අනුව, ලෝක වෙළෙඳපොළේ ක්ෂණික රන් මිල සියයට 0.9 කින් පහත වැටී රන් අවුන්සයක් අමෙරිකානු ඩොලර් 4,049.90 ක් දක්වා අඩු වී තිබේ. එමෙන්ම අගෝස්තු මාසය සඳහා වන රන් මිල සියයට 0.8 කින් පහත වැටී ඩොලර් 4,063.50 ක් ලෙස සටහන් වී ඇති බව…

ජනප්‍රිය ගායන ශිල්පී රුක්මන් අසිත මහතා අභාවප්‍රාප්ත වී තිබේ. මියයන විට ඔහු 48 හැවිරිදි වියේ පසුවිය. කලක් රෝගාතුරව සිටි රුක්මන් අසිත මහතා අද (29) ජීවිතක්ෂයට පත්ව ඇති බව වාර්තා වෙයි. සිංහල සංගීත ක්ෂේත්‍රයේ ජනප්‍රිය ගීත රැසක් තුළින් රසික හදවත් දිනාගත් ඔහු, ප්‍රසංග වේදිකාවට නැතුවම බැරි ගායන ශිල්පියෙකි.

බුදු දහමත් සමග මෙරටට ලැබුණු අභිමානවත් ශිෂ්ට සම්පන්න සමාජයේ උරුමය මෙරට මත ප්‍රතිෂ්ඨාපනය කරමින් ශිෂ්ට සම්පන්න රාජ්‍යයක් ගොඩනැගීම වෙනුවෙන් ශක්තිමත්ව එක්විය යුතු බව ජනාධිපති අනුර කුමාර දිසානායක මහතා පවසයි. පොසොන් දින පණිවිඩයක් නිකුත් කරමින් ජනාධිපතිවරයා සඳහන් කර ඇත්තේ ආචාරධාර්මික පැවැත්මක් නොමැති රටකට සැබෑ දියුණුවක් කරා ළඟා විය නොහැකි බවත් මිහිඳු මහරහතන් වහන්සේ දේශනා කළ “චුල්ලහත්ථිපදෝපම” සූත්‍රයෙන් අවධාරණය කරනුයේ අනුපූර්ව ශික්ෂණයේ වැදගත්කම බවත්ය. මේ වන විට සමාජය තුළින් වියැකී යන සාරධර්ම සහ හර පද්ධතීන් යළි කැඳවාගෙන එමින් ශිෂ්ට සම්පන්න රාජ්‍යයක් ගොඩනැගීමට එක්ව කැපවීම වැදගත් බවත් පෙන්වා දෙන ජනාධිපතිවරයා පාර්ලිමේන්තුව, රාජ්‍ය ආයතන ඇතුළු සියලු සංදර්භයන් තුළට ශිෂ්ටත්වය කැඳවාගෙන ඒම සඳහා රජය මේ…

ලෝක කුසලාන පාපන්දු තරගවල අඛණ්ඩව ගෝල 07ක් ලබාගත් ලොව පළමු ක්‍රීඩකයා බවට පත්වීමට ආජන්ටිනාවේ ලියොනල් මෙසී අද (28) සමත්විය. ඒ, ජොර්දානය සමඟ පැවැති තරගයේ 80 වන විනාඩියේදී මීටර් 25ක දුරින් සිට නිදහස් පහරකින් ගෝලයක් වාර්තා කිරීමත් සමඟින්ය. ඒ අනුව ඔහු බිඳහෙළනු ලැබුවේ, 1958 වසරේදී ප්‍රංශය වෙනුවෙන් ෆොන්ටේන් සහ 1970දී බ්‍රසීලය වෙනුවෙන් ජයිර්සින්හෝ අඛණ්ඩව රැස් කර තිබූ ගෝල හයක වාර්තාවය. 2022 කටාර්හි පැවති ලෝක කුසලානයේදී ඕස්ට්‍රේලියාවට එරෙහිව මෙසිගේ මෙම ගෝල දඩයම ආරම්භ විය. ඉන් අනතුරුව නෙදර්ලන්තය සහ ක්‍රොඒෂියාවට එරෙහිව ද ගෝල ලබා ගත්තේය. ප්‍රංශය සමඟ පැවති අවසන් මහතරගයේදී ගෝල දෙකක් මෙසිගේ නම ඉදිරියේ ලියැවිණි. මෙවර ලෝක කුසලානයේ ඇල්ජීරියාවට එරෙහිව ගෝල ත්‍රිත්වයක් සහ ඔස්ට්‍රියාවට…

වසරේ ගත වූ කාලය තුළ වාර්තා වූ ඩෙංගු මරණ සංඛ්‍යාව 31 දක්වා ඉහළ ගොස් තිබේ. ජුනි 25 සහ 26 යන දෙදින දත්ත පදනම් කරගනිමින් ජාතික ඩෙංගු මර්දන ඒකකය මේ බව සඳහන් කළේය. මෙම මරණ සංඛ්‍යාව වාර්තාවන රෝගීන්ගෙන් ප්‍රතිශතයක් ලෙස 0.06ක් බව සඳහන්ය. වසරේ මේ දක්වා කාලය තුළ වාර්තා වූ ඩෙංගු රෝගීන්ගේ සංඛ්‍යාව 51,049 දක්වා ඉහළ ගොස් ඇත. ජුනි මාසයේදී පමණක් රෝගීන් 17,208ක් හඳුනාගෙන ඇති බව සඳහන්ය. බස්නාහිර, දකුණ, සබරගමුව, මධ්‍යම හා නැගෙනහිර පළාත්වලින් වැඩිම රෝගීන් සංඛ්‍යාවක් වාර්තාවී ඇති බව ජාතික ඩෙංගු මර්දන ඒකකය සඳහන් කරයි. එමෙන්ම අවධානම් සෞඛ්‍ය වෛද්‍ය නිලධාරී කොට්ඨාස සංඛ්‍යාව 124කි.