Author: LANKA24X7

හොලිවුඩ් සිනමාවේ සදා අමරණීය රංගන ශිල්පියකු ලෙස සැලකෙන ඩොනල්ඩ් සදර්ලන්ඩ් සමුගත්තේය. මියයනවිට ඔහුගේ වයස 88 කි. ඩොනල්ඩ් සදර්ලන්ඩ් යනු මෙරට පවා අතිශයින් ජනප්‍රිය වූ ’24’ කතා මාලාවේ ප්‍රධාන චරිතය නිරූපණය කළ කීෆර් සදර්ලන්ඩ්ගේ පියාය. කැනේඩියානු රංගන ශිල්පියකු වන ඩොනල්ඩ් සදර්ලන්ඩ්, රංගනයට යොමු වූයේ 1960 දශකයේය. 2020 වනතුරු ඔහු සිනමා නිර්මාණ රැසකට මෙන්ම රූපවාහිනී කතා මාලා රැසකට දායක විය. 70 දශකයේ හොලිවුඩ් සිනමාවේ කැපී පෙනෙන රංගන ශිල්පියකු වීමට ද ඩොනල්ඩ් සදර්ලන්ඩ්ට හැකිවිය.

ඇල්පිටිය තලාව ප්‍රදේශයේ නිවෙසක අද (20) අලුයම ඇති වූ ගින්නකින් නිවාසය සම්පූර්ණයෙන්ම විනාශවී , නිවෙස් හිමියාද ගින්නට හසුවී මියගොස් ඇති බව පොලිසිය පවසයි. මෙසේ මියගොස් ඇත්තේ ඇල්පිටිය තලාව අලිකෑහේන පාරේ පදිංචිව සිටි පන්සල්වත්තේ ගෙදර සුජිත් සමන්ත දිසානායක හෙවත් ජනක නැමැති 48 හැවිරිදි දෙදරු පියෙකි. ඔහුපෙදරේරුවකු වශයෙන් රැකියාව කර ඇති බවද පොලිසිය කියයි. අද අලුුයම 3.30 ට පමණ මෙම නිවසේ අඹුසැමියන් අතර ආරවුලක් ඇතිවී ඇති බවත් බීමත්ව සිටි නිවෙස් හිමියා පොරවක් ගෙන බිරිඳට හා දරුවන්ට පහරදීමට උත්සාහ දරා ඇති බවත් එවිට දරුවන් හා බිරිඳ නිවෙසින් පළාගොස් අසල නිවෙසක සැඟවී දිවි බේරාගෙන සිට ඇති බවත් පොලිස් පරීක්ෂණවලදී හෙළිවූ බව පොලිසිය කියයි. පසුව…

ලංකාවට පැමිණ සිටින ඉන්දීය විදේශ කටයුතු අමාත්‍ය ආචාර්ය එස්. ජයශංකර් මහතා සහ ජනාධිපති රනිල් වික්‍රමසිංහ මහතා අතර හමුවක් කොළඹ ජනාධිපති මන්දිරයේ දී සිදු විය. මේ වන විට ජනාධිපතිවරයා සහ ඉන්දීය විදේශ අමාත්‍යවරයා අතර ද්විපාර්ශවික සාකච්ඡා සිදු කෙරෙන බව ජනාධිපති කාර්යාලය පවසයි.

යුද හමුදා නව මාණ්ඩලික ප්‍රධානී වශයෙන් මේජර් ජනරාල් රෝහිත අළුවිහාරේ මහතා පත්කර තිබේ. රෝහිත අලුවිහාරේ මහතා විජය බා රෙජිමේන්තුව නියෝජනය කරන දක්ෂ නිලධාරියෙකි.

ශ්‍රී ලංකා නිදහස් පක්ෂයේ මෙතෙක් පැවැති වැඩ බලන තනතුරු ස්ථිර තනතුරු බවට ඊයේ (19) පස්වරුවේ රැස්වූ විධායක තීරණය කළේය. ඒ අනුවවැඩබලන සභාපති ලෙස කටයුතු කළ අමාත්‍ය නිමල් සිරිපාද සිල්වා සහ වැඩ බලන ප්‍රධාන ලේකම්වරයා වශයෙන් කටයුතු කළ පාර්ලිමේන්තු මන්ත්‍රී දුමින්ද දිසානායක යන මහත්වරුන්ගේ පක්ෂයේ තනතුරු ස්ථිර තනතුරු ලෙස භාවිතා කරන බව එහි ප්‍රකාශකයෙක් පැවසීය. මෙම විධායක සභාව වැඩ බලන සභාපති ලෙස කටයුතු කළ අමාත්‍ය නිමල් සිරිපාලද සිල්වා මහතාගේ ප්‍රධානත්වයෙන් කොළඹ 02 ඩාලි පාරේ පිහිටි පක්ෂ මූලස්ථානයේදී පැවැත්විණි.

ඉදිරි ජනාධිපතිවරණයේදී ජනාධිපති රනිල් වික්‍රමසිංහ මහතාට සහයෝගය පළකරන බව දෙමළ එක්සත් නිදහස් පෙරමුණේ නායක හිටපු පාර්ලිමේන්තු මන්ත්‍රී විනයාගර් මූර්ති මුරලිදරන් හෙවත් කරුණා අම්මාන් මහතා පැවසීය. ඒ මහතා එසේ පැවසුවේ පානදුර තල්පිටිය එක්සත් ජාතික පක්ෂ මෙහෙයුම් කාර්යාලය විවෘත කිරීමේ උත්සවයකට සහභාගී වෙමිනි. තවදුරටත් අදහස් දැක්වූ කරුණා අම්මාන් මහතා මෙසේ දේ පැවසීය. අපි අපේ ජනාධිපති රනිල් වික්‍රමසිංහ මහතාව අගය කළ යුතුයි.ඔහුට විතරයි රට ආපසු ගොඩනඟන්න පුළුවන්. හැමෝම අතීතය දන්නවා. හිටපු ජනාධිපතිවරයා සෑම ක්ෂේත්‍රයක්ම විනාශ කළා. හැබැයි රනිල් වික්‍රමසිංහ ජනාධිපතිවරයා වැඩ භාර ගත්තට පස්සේ තමයි අපි හොඳ තත්ත්වයකට ඇවිත් ඉන්නේ. විශේෂයෙන්ම උතුරේ සහ නැගෙනහිර දෙමළ ජනතාව ඔහුට ඡන්දය ලබා දෙන්න සූදානමින් ඉන්නවා. ඒක…

මධ්‍යම පළාත් සභාව සතු නිවසක තාවකාලිකව පදිංචි වී සිටින හිටපු අමාත්‍ය කෙහෙළිය රඹුක්වැල්ල මහතාගෙන් එම නිවස සඳහා අයවිය යුතු මුදල් මන්ත්‍රී පඩියෙන් කපා ගැනීමට අවසර ඉල්ලා ලිපියක් යොමු කොට දින 19 ක් ගතවී ඇතත් ඒ සඳහා මෙතෙක් ඔහුගෙන් නිසි ප්‍රතිචාර ලැබී නොමැති බව මධ්‍යම පළාත් ප්‍රධාන අමාත්‍යාංශය කියයි . අරගල සමයේදී කෙහෙළිය රඹුක්වැල්ල මහතාගේ නිවස ගිනි තබා විනාශ කිරීමෙන් පසු ඒ මහතාට තාවකාලිකව රැඳී සිටීම සඳහා කුලී පදනම මත මහනුවර මලබාර් වීදියේ පිහිටි මධ්‍යම පළාත් මහ අමාත්‍ය නිල නිවස ලබා දී තිබේ . එසේ ලබා දී ඇත්තේ ඔහුගේ මාසික වැටුපෙන් 10% ක මුදලක් අය කර ගැනීමේ ගිවිසුමක් මත බව පවසන…

බුද්ධාගමට අපහාසාත්මක වන අයුරින් අන්දෝලනාත්මක ප්‍රකාශ සිදුකිරීම සහ එම ප්‍රකාශ විකාශය කිරීමට අදාළව ගොනුකර තිබූ නඩුවෙන් ප්‍රහසන ශිල්පිනියක වන නතාෂා එදිරිසූරිය සහ ‘එස්.එල් ව්ලොග්’ යූ ටියුබ් චැනලයේ හිමිකරු බෘෘනෝ දිවාකර නිදහස් කිරීමට කොටුව මහේස්ත්‍රාත් කෝසල සේනාධිර මහතා ඊයේ (19) නියෝග කළේය. නඩුකාරය පවත්වාගෙන යාමට ප්‍රමාණවත් සාක්ෂි නොමැති බව නීතිපතිවරයා ලිඛිතව කොටුව මහේස්ත්‍රාත් අධිකරණයට දන්වා තිබෙන බවත් ඒ හේතුවෙන් නීතිපති උපදෙස්මත විත්තිකරුවන් දෙදෙනාව අදාළ නඩුකරයෙන් නිදහස් කරන බවත් නියෝගය නිකුත් කරමින් කොටුව මහේස්ත්‍රාත් කෝසල සේනාධිර මහතා ප්‍රකාශ කළේය. එම අවස්ථාවේ තීරණය පිළිබඳ නැවත සළකා බලන ලෙස පැමිණිල්ල මෙහෙයවූ නිලධාරීන් කොටුව මහේස්ත්‍රාත්වරයාගෙන් ඉල්ලීමක් කළේය. කොටුව මහේස්ත්‍රාත් කෝසල සේනාධිර මහතා එම ඉල්ලීම ප්‍රතික්ෂේප…

ශ්‍රී ලංකාවට ණය ලබාදුන් රටවල් සමඟ ඉදිරි සති කිහිපය තුළ ගිවිසුමකට එළැඹීමට අපේක්ෂා කරන බව ජනාධිපති රනිල් වික්‍රමසිංහ මහතා පැවසීය. ඉන් අනතුරුව තරඟකාරී, ඩිජිටල්කරණය වූ හරිත ආර්ථිකයක් ප්‍රවර්ධනය කිරීම සඳහා නව වාණිජ බැංකුවක්, ආර්ථික කොමිෂන් සභාවක් සහ “එන්ටර්ප්‍රයිස් ශ්‍රී ලංකා” නමින් නව ආයතනයක් පිහිටුවමින් මෙරට කර්මාන්ත ක්ෂේත්‍රය නංවාලීමට රජය සැලසුම් කර ඇති බවත් ජනාධිපතිවරයා කීය. 2024 ජාත්‍යන්තර කර්මාන්ත ප්‍රදර්ශනය විවෘත කරමින් ජනාධිපති රනිල් වික්‍රමසිංහ මහතා මේ බව පැවසීය .

දැනට දින 50කට ආසන්න කාලයක සිට වැඩ වර්ජනයක නිරතව සිටින පේරාදෙණිය විශ්ව විද්‍යාලයේ අනධ්‍යයන සේවකයන් ගලහ මංසන්ධියේ අඛණ්ඩ සත්‍යග්‍රහයක් ආරම්භ කොට තිබේ . අද (19) පෙරවරුවේ සිට ආරම්භ කළ එම සත්‍යග්‍රහය තම වෘත්තීය අයිතීන් ලැබෙන තුරු අඛණ්ඩව පවත්වාගෙන යන බව පේරාදෙණිය විශ්ව විද්‍යාලයේ වෘත්තීය සමිති බල මණ්ඩලයේ සභාපති ටී. ඒ. ඩී. සුරංජීව මහතා පැවසීය . විශ්ව විද්‍යාල අනධ්‍යයන සේවකයන්ගේ සාධාරණ ඉල්ලීම් කිහිපයක් මුල් කරගනිමින් ආරම්භ කළ මෙම වැඩවර්ජන ක්‍රියාවලියට විසඳුම් ලබාදීමට විශ්ව විද්‍යාල ප්‍රතිපාදන කොමිසමේ ප්‍රධානීන්ට අවශ්‍යතාවයක් නොමැති බවට පෙනී යන බවත් පේරාදෙණිය විශ්වවිද්‍යාලයේ උපකුලපතිවරයා අනධ්‍යන සේවකයන්ට සේවයට වාර්තා කරන ලෙස දැනුම් දී තිබුණත් තම වෘත්තිය අයිතීන් ලැබෙන තුරු සේවයට…