Author: LANKA24X7

ඇසළ පෙරහර නිසා ඇති වී තිබෙන රථවාහන තදබදය හේතුවෙන් මහනුවර නගර සීමාවේ සියලුම රජයේ පාසල් අගෝස්තු 28, 29 සහ 31 යන දිනවල වසා තැබෙන බව මධ්‍යම පළාත් ආණ්ඩුකාරවරයා දැනුම් දී තිබෙනවා. ඇසළ පෙරහර නැරඹීමට විශාල ජනගහණයක් මහනුවර නගරයට පැමිණීම හේතුවෙන් නගරය තුළ අධික රථවාහන තදබදයක් නිර්මාණය වී ඇති බැවින් පාසල් සිසුන් අපහසුතාවට ලක් වීම නිසා මෙම තීරණය ගත් බවයි සඳහන් වන්නේ.

නව හැවිරිදි දැරියක් අපයෝජනයට ලක් කළ විශ්‍රාමික යුධ හමුදා කෝප්‍රල්වරයෙකු රක්ෂිත බන්ධනාගාර ගතකිරීමට මහියංගනය මහේස්ත්‍රාත් අධිකරණය අද නියෝග කර තිබෙනවා. මෙලෙස රක්ෂිත බන්ධනාගාර ගත කර ඇත්තේ හසලක මහඅස්වැද්දුම ප්‍රදේශයේ පදිංචිකරුවෙකු බව වාර්තා වෙනවා. අපයෝජනයට ලක් වූ නව හැවිරිදි දැරිය වෛද්‍ය ප්‍රතිකාර සඳහාරෝහල් ගත කර ඇති අතරමෙම සම්බන්ධව ඉදිරි විමර්ශන හසලක පොලීසිය විසින් සිදුකරන බව අප වාර්තාකරු පවසනවා.

ආරක්‍ෂක ලේකම් ජෙනරල් කමල් ගුණරත්න මේ බව සදහන් කළේ 26 සෙනසුරාදා ‘විශ්‍රාමික ධජ ශ්‍රේණියේ නිලධාරීන්ගේ සංගමය’ (ARFRO) විසින් සංවිධානය කරන ලද ‘Masterminds Competition-2023’ ප්‍රධාන ආරාධිත අමුත්තා ලෙස සහභාගි වෙමින්ය. එම ස්ථානයට පැමිණි ආරක්‍ෂක ලේකම්වරයාව විශ්‍රාමික ධජ ශ්‍රේණියේ නිලධාරීන්ගේ සංගමය හි වත්මන් සභාපති එයාර් චීෆ් මාර්ෂල් ගගන් බුලත්සිංහල (විශ්‍රාමික) විසින් උණුසුම් අයුරින් පිළිගනු ලැබුවා. අදියර කිහිපයකින් පවත්වන ලද Retired Flag Rank Officer’ Masterminds Competition-2023(ARFROMC-2023) ත්‍රිවිධ හමුදා නිලධාරීන්ගෙන් සාමාජිකයින් 3 දෙනෙකුගෙන් සමන්විත වු කණ්ඩායම් 86 ක් තරගවැදුනා. ජෙනරල් ගුණරත්න රැස්ව සිටි පිරිස අමතමින් සදහන් කළේ මෙවර තරගය යුද හමුදාවේ මධ්‍යම කළමණාකාරිත්වය කෙරෙහි අවධානය යොමු කරන බව හා “සැබෑ ජයග්‍රහණය පවතින්නේ දැනුම හඹා…

හොරණ ගෝනපොල ප්‍රදේශයේ දී ඊයේ (27) විවාහයක් අතරතුර එයට සහභාගී වූ තරුණියක් මිය ගොස් තිබෙනවා. අදාළ තරුණිය තම මිතුරියන් හා නර්තනයේ යෙදෙමින් විනෝද වී සිට ඇති අතර එහිදී ඇයට හදිසි අසනීප තත්ත්වය ඇති වී තිබෙන බවයි වාර්තා වන්නේ. මේ හේතුවෙන් ඇයගේ මිතුරියන් ඇයව මෝටර් රථයකින් හොරණ ප්‍රදේශයේ පෞද්ගලික රෝහලක් වෙත රැගෙන ගොස් තිබෙනවා. එහිදී එම පෞද්ගලික රෝහලේ වෛද්‍යවරු ඇයව හොරණ රෝහල වෙත රැගෙන යාම සඳහා උපදෙස් ලබාදී ඇති බවයි අප වාර්තාකරු සඳහන් කළේ. කෙසේ වෙතත් පොලිසිය පැවසුවේ තරුණිය හොරණ රෝහල වෙත රැගෙන යාමෙන් අනතුරුව සිදු කළ පරික්ෂාවේදී ඇය මියගොස් ඇති බවට වෛද්‍යවරුන් විසින් දැනුම් දී ඇති බවයි. මෙසේ මියගොස් ඇත්තේ…

දිවයිනේ නිරිත දිග කොටසේ වැසි තත්ත්වයේ තරමක වැඩිවීමක් අද (28) දින සිට ඉදිරි දින කිහිපයේදී බලාපොරොත්තු වේ. බස්නාහිර සහ සබරගමුව පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇතිවේ. ඌව පළාතේත් අම්පාර සහ මඩකළපුව දිස්ත්‍රික්කවලත් තැනින් තැන සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවේ. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටිනු ලැබේ. දෘශ්‍ය ලෙස සූර්යයා දකුණට ගමන් කිරීමේදී, අගෝස්තු මස 28 වන දින සිට සැප්තැම්බර් 07 දක්වා ශ්‍රී ලංකාව ආසන්න අක්ෂාංශ වලට සෘජුවම ඉහලින්…

පැල්මඩුල්ල පොලිසියේ සිර මැදිරිය තුළ රඳවා සිටි පුද්ගලයකුගේ ගෙළට පිහියකින් ඇන තුවාල සිදු කළ 26 හැවිරිදි පුද්ගලයකු අත්අඩංගුවට ගත් බව පොලිසිය පවසනවා. සැකකරු මෙලෙස පිහියෙන් ඇන ඇත්තේ සිය බිරිදගේ අනියම් සැමියාට බවයි මාධ්‍ය කළ විමසීමක දී පොලිසිය පැවසුවේ. අනියම් සැමියා හා සැකකරුගේ බිරිඳ නගරයේ ප්‍රසිද්ධියේ අඩදබර කර ගැනීමක් හේතුවෙන් දෙදෙනා පැල්මඩුල්ල පොලිසිය විසින් අත්අඩංගුවට ගෙන තිබෙන අතර, අත්අඩංගුවට ගෙන සිටි සිය බිරිඳට පොලිස් ඇප ලබා දීමට ඉදිරිපත්ව ඇති සැමියා බිරිදට ඇප ලබා දී පොලිසියෙන් පිටතට යන අවස්ථාවේ බිරිදට පහර දීම සම්බන්ධයෙන් පොලිසිය එම සැමියා අත්අඩංගුවට ගෙන තිබෙනවා. අත්අඩංගුවට ගත් එම සැකකරු පොලිසියේ සිර මැදිරියට දැමීමට පෙර පොලිස් නිලධාරීන් ඔහු පරික්ෂා…

පවතින නියං තත්ත්වය මෙරට දියර කිරි නිෂ්පාදනයෙන් දෙවන ස්ථානය ගෙන සිටින වයඹ පළාතේ කිරි නිෂ්පාදනයටත් දැඩි බලපෑම් එල්ල කර ඇති බව වාර්තා වෙයි. දැඩි අව් රෂ්මිය හමුවේ ගවයන්ට ආහාර සඳහා සුදුසු තෘණ භූමි වියැළී ගොස් ඇති අතර, කිරි ගොවීන් පවසන්නේ, ඉදිරි සතිවල දී නියං තත්ත්වය උග්‍ර වුවහොත් දියර කිරි ප්‍රමාණය සියයට පනහකින් පමණ අඩු විය හැකි බවයි. සාමාන්‍යයෙන් මෙරට කිරි නිෂ්පාදනය ලීටර් මිලියන 1,250 ඉක්මවන අතර ඉන් සියයට 18කට වැඩි දායකත්වයක් සැපයෙන්නේ වයඹ පළාතෙනි. පසුගිය ජූලි මාසයේ වයඹ පළාතේ දියර කිරි නිෂ්පාදනය කිරි ලීටර් 156,000ක් ලෙසට සටහන් වුවත් ඉදිරි සතිවල දී නියඟය උග්‍ර වුවහොත් දියර කිරි ප්‍රමාණය සියයට පනහකින් පමණ…

දිවයිනේ නිරිතදිග කොටසේ වැසි තත්ත්වයේ තරමක වැඩිවීමක් හෙට (28) සිට ඉදිරි දින කිහිපයේදී බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි. ඒ අනුව බස්නාහිර සහ සබරගමුව පළාත්වලත් නුවරඑළිය, මහනුවර, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති වේ. ඌව පළාතෙත් අම්පාර සහ මඩකලපුව දිස්ත්‍රික්කවලත් තැනින් තැන සවස් කාලයේ දී හෝ රාත්‍රී කාලයේ දී වැසි හෝ ගිගුරුම් සහිත වැසි ඇති විය හැකිය. ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණුවලින් සිදුවන අනතුරු අවම කරගැනීමට පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී. මේ අතර හෙට සිට සැප්තැම්බර් 7 දක්වා ශ්‍රී ලංකාවට ආසන්න අක්ෂාංශවලට ඍජුවම ඉහළින් ඉර පායන…

පාර්ලිමේන්තුව තුළ රටේ ප්‍රශ්න මතු කරන අවස්ථාවන් වලදී ඒවාට විරුද්ධ වන අයුරින් ආණ්ඩු පක්ෂයේ මන්ත්‍රීවරුන් ක්‍රියාත්මක කරවීමේ කුමන්ත්‍රණයක් පවතින බවට විපක්ෂ නායක සජිත් ප්‍රේමදාස චෝදනා කරනවා. විපක්ෂ නායකවරයා මේ අදහස් පළ කළේ කෑගල්ල ප්‍රදේශයේ පැවති උත්සවයකදීයී. කෑගල්ල, නාරංදෙණිය ශ්‍රී නාගවනාරාම විහාරස්ථානයේ අභිනව චෛත්‍ය රාජයාණන් වහන්සේගේ සතරැස් කොටුවේ ධාතූන් වහන්සේ තැන්පත් කිරීම සහ කොත නිරාවරණය විපක්ෂ නායක වරයාගේ ප්‍රධානත්වයෙන් ඊයේ (26) සිදුකෙරුණු අවස්ථාවේදීයි ඔහු මේ බව සඳහන් කළේ.

රට ගොඩගැනීම සඳහා නව නිදහස් අරගලයක් ගොඩනැගිය යුතු බව ජාතික ජන බලවේගයේ නායක අනුර කුමාර දිසානායක පවසනවා. ඔහු මේ බව සඳහන් කළේ ජාතික භික්ෂු දිනය වෙනුවෙන් පැවති සම්මන්ත්‍රණයකට එක්වෙමින්. ජාතික භික්ෂු දිනය නිමිත්තෙන් ”පරගැති පාලනය පරදන නිදහස් අරගලයේ නූතන කතිකාව” යන මැයෙන් කොළඹ පදනම් ආයතනයේදී මෙම සම්මන්ත්‍රණය පැවැත්වුණේ ජාතික භික්ෂු පෙරමුණේ ප්‍රධානත්වයෙන්. ඊට ජාතික භික්ෂු පෙරමුණේ ප්‍රධන අනුශාසක මහාචාර්ය පූජ්‍ය අත්තංගනේ රතනපාල හිමි, ජාතික භික්ෂු පෙරමුණේ ප්‍රධාන ලේකම් පූජ්‍ය වකමුල්ලේ උදිත හිමි, ජාතික ජන බලවේගයේ නායක අනුර කුමාර දිසානායක සහ භික්ෂූන් වහන්සේ ඇතුළු පිරිසක් එක්ව සිටියා.