Author: LANKA24X7

ශ්‍රේෂ්ඨාධිකරණ නියෝග උල්ලංඝනය කරමින් අලුතින් මත්පැන් බලපත්‍ර නිකුත් කිරීම තුළින් අධිකරණයට අපහාස කළේ යැයි චෝදනා කරමින් හිටපු සුරාබදු කොමසාරිස් එම්. ජේ. ගුණසිරි මහතා ඇතුළු පිරිසකට එරෙහිව ගොනුකර තිබෙන පෙත්සම කරුණු තහවුරු කිරීම සඳහා පෙබරවාරි මස 07 වනදා කැඳවන ලෙස ශ්‍රේෂ්ඨාධිකරණය නියම කළේය. මෙම පෙත්සම අද (20) එස්. තුරෙයි රාජා, ඒ.එච්.එම්.ඩී.නවාස් සහ අර්ජුන ඔබේසේකර යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ල ඉදිරියේ කැඳවනු ලැබීය. එහිදී විනිසුරු මඩුල්ල නිසියාකාරව සම්පූර්ණ වී නොමැති බැවින් අදාළ පෙත්සම කරුණු තහවුරු කිරීම සඳහා පෙබරවාරි මස 07 වනදා කැඳවන ලෙස ත්‍රිපුද්ගල විනිසුරු මඩුල්ල විසින් නියෝග කළේය. ගම්පොළ ප්‍රදේශයේ පදිංචි ගිහාන් ෂවීන්ද්‍ර ප්‍රනාන්දු මහතා විසින් මෙම පෙත්සම ඉදිරිපත්…

දකුණු කොරියාවේ කෘෂි හා ධීවර කටයුතු සඳහා ශ්‍රී ලංකාවේ ශ්‍රමිකයින් සැපයීමේ ඊ 8 විසා ගිවිසුම සම්බන්ධයෙන් රහස් පොලිසිය සිදු කරන විමර්ශනයන්ට අදාළව , හිටපු කම්කරු හා විදේශ රැකියා අමාත්‍ය මනුෂ නානායක්කාර මහතාට (21)හෙට දිනයේදී ප්‍රකාශයක් ලබා දිය හැකි බව ජනාධිපතිනීතිඥ සාලිය පීරිස් මහතා කොළඹ ප්‍රධාන මහේස්ත්‍රාත් තනූජා ලක්මාලී මහත්මිය හමුවේ කරුණු දක්වමින් අද(20) පැවසීය. දෙරට ඇති අතර ඇතිකරගත් ගිවිසුම ප්‍රකාරව සේවකයින් විදේශගත කිරීමේදී විදෙස් සේවා නියුක්ති කාර්යංශ පනත හෝ දණ්ඩ නීති සංග්‍රහය ප්‍රකාරව අපරාධයක් සිදුවී ඇද්ද යන්න පිළිබඳව රහස් පොලිසිය හා තැනැත්තන් වෙළඳාම් කිරීමේ හා ජාවාරම් කිරීමේ ඒකකය මගින් සිදු කරන විමර්ශනයන්හි සැකකාරයකු ලෙස නානායක්කාර මහතා මෙතෙක් නම් කොට නොමැති…

ශ්‍රී ලංකා දුම්රිය දෙපාර්තමේන්තු හා මොබිටෙල් සමාගම ක්‍රියාත්මක කරන ” ඔන්ලයින්” ආසන වෙන් කිරීමේ ටිකට් පත්, නිකුත් කළ වහාම මිලදීගෙන යළි වැඩි මිලකට අලෙවි කිරීමේ ජාවාරම සම්බන්ධයෙන් විමර්ශනයක් ආරම්භ කළ බව අපරාධ පරීක්ෂණ දෙපාර්තමේන්තුව කොළඹ ප්‍රධාන මහේස්ත්‍රාත් අධිකරණයට කරුණු ඉදිරිපත් කරමින් සඳහන් කර ඇත. දුම්රිය දෙපාර්තමේන්තුවේ සාමාන්‍ය ආධිකාරීවරයා කළ පැමිණිල්ලක් අනුව මෙම විමර්ශනය ආරම්භ කළ බව රහස් පොලිසියේ පරිගණක අපරාධ විමර්ශන ඒකකය සඳහන් කර ඇත. අපරාධ පරීක්ෂණ දෙපාර්තමේන්තුව අධිකරණයට කරුණු වාර්තා කරමින් සඳහන් කර තිබෙන්නේ දුම්රිය දෙපාර්තමේන්තුව මොබිටෙල් ආයතනය සමග online මාර්ගයෙන් ටිකට් පත් අලෙවි කිරීමේ වැඩපිළිවෙලක් ක්‍රියාත්මක කරන බවය.

වැලිකන්ද සේනපුර ගම්මානයේ සිට සෙවනපිටිය නගරයට පැමිණ 20 වැනිදා පෙරවරුවේ විදේශ ගතවීම සඳහා ගුවන්තොටුපොළට යාමට මුතුගල වැවේ පිටවාන හරහා ගමන් කිරීමට උත්සාහ දැරූ අඹුසැමි යුවළක් පිටවානෙන් වැටී සැඩ පහරට ගසා ගෙන ගොස් සැමියා මියගොස් ඇති අතර බිරිඳ ත්‍රිරෝද රථයේ සිටි කීපදෙනකු විසින් බේරා ගැනීමට සමත් වී ඇති බව වැලිකන්ද පොලිසිය සඳහන් කරයි. මෙලෙස මියගොස් ඇත්තේ සේනපුර වැලිකන්ද ලිපිනයේ පදිංචිව සිටි එක්දරු පියකු වන 35 වියති එච්.එම්.රිස්වාන් යන අය බව ඒ පිළිබඳ පරීක්ෂණ සිදුකරන වැලිකන්ද පොලීසිය පවසයි.

පොලිස් විශේෂ ආරක්ෂක දිසාව බාර නියෝජ්‍ය පොලිස්පතිවරයා ලෙස මඩකලපුව දිසාව භාරව සිටි නියෝජ්‍ය පොලිස්පති ජගත් විශාන්ත මහතා අද (20) දින සිට පත් කරනු ලැබ සිටී. වැඩ බලන පොලිස්පති ප්‍රියන්ත වීරසූරිය මහතා විසින් එම පත්කිරීම සිදුකර ඇති අතර ස්ථීර වශයෙන් විශේෂ ආරක්ෂාව දිසාව භාර නියෝජ්‍ය පොලිස්පතිවරයකු පත්කරන තෙක් විශාන්ත මහතා එම තනතුරේ රාජකාරී සඳහා පත්කර ඇත. මඩකලපුව දිසාව සඳහා පුරප්පාඩු වන තනතුරේ රාජකාරී නැවත දැනුම් දෙන තුරු ආවරණය කිරීම සඳහා අම්පාර දිසාව භාර නියෝජ්‍ය පොලිස්පතිවරයා ලෙස කටයුතු කරන එච්. සමුද්‍රජීව මහතා පත් කර ඇත.

උතුරු,උතුරු මැද,නැගෙනහිර,ඌව සහ මධ්‍යම පළාත්වලට පවතින වැසි තත්වය තවදුරටත් පවතින බව කාලගුණ විද්‍යා දෙපාර්තමේන්තුව කියයි. උතුරු, නැගෙනහිර, උතුරු මැද,ඌව සහ මධ්‍යම පළාත්වලත් හම්බන්තොට දිස්ත්‍රික්කයෙත් විටින් විට වැසි හෝ ගිගුරුම් සහිත වැසි ඇති වේ. නැගෙනහිර සහ ඌව පළාත්වලත් මාතලේ, නුවරඑළිය සහ පොලොන්නරුව දිස්ත්‍රික්කවලත් ඇතැම් ස්ථානවලට මිලි මිටර් 75ක පමණ තරමක තද වැසි ඇති විය හැකියි. සෙසු ප්‍රදේශවලට වැසි හෝ ගිගුරුම් සහිත වැසි ඇති වේ.

ජල ගැලීම් හේතුවෙන් විකල්ප මාර්ගයකින් කාත්තන්කුඩි සිට කොළඹ බලා ධාවනය කළ මගී බස් රථයක් කල්ලාර් හන්දිය වංගුව ගනිද්දී එම බස් රථය මාර්ගයෙන් ඉවතට පැන ගසක හැපී පෙරලිමෙන් 14 තුවාල ලබා ඇතැයි සේරනුවර පොලිසිය කියයි . කල්ලාර් යුද හමුදා කඳවුර ආසන්නයේදී සිදුවූ මෙම අනතුර සැලවීමත් සමග සමඟ සේරුනුවර පොලිස් ස්ථානාධිපති ප්‍රධාන පොලිස් පරීක්ෂක ඩන්කන් ගුණවර්ධන මහතා ඇතුළු පොලිස් කණ්ඩායමක් හා කල්ලාර් යුද හමුදා කඳවුරේ භට කණ්ඩායම් සමග එක්ව බසයේ සිරවී සිටී තුවාලකරුවන් සේරුනුවට රෝහලට ඇතුළත් කිරීමට වහා පියවර ගෙන ඇත.

පාර්ලිමේන්තු සේවිකාවන්ට ලිංගික හිංසනයන් සිදුකිරීම සම්බන්ධයෙන් වැරදිකරුවන් වූ පාර්ලිමේන්තු සේවකයින් තිදෙනෙකු සේවයෙන් පහ කර තිබේ. ඒ, අදියර කිහිපයක් යටතේ විමර්ශන සිදුකිරීමෙන් අනතුරුවය. අදාළ සේවකයින් තිදෙනා විමර්ශන මගින් වැරදිකරුවන් බව තහවුරු වී ඇත. අනතුරුව, පාර්ලිමේන්තු මහ ලේකම් කුෂානි රෝහණධීර මහත්මියගේ නිර්දේශ මත එම සේවකයින් තිදෙනා, සේවයෙන් පහ කිරීම සඳහා කථානායකවරයා පසුගියදා අනුමැතිය ලබා දී තිබේ. 2021 සහ 2022 කාල පරිච්ඡේදවල සිදු වූ මෙම ලිංගික හිංසනයන් පිළිබඳ 2023 වසරේ පුවත්පතක කරුණු වාර්තා විය. අනතුරුව එවකට කථානායකවරයාගේ උපදෙස් මත මේ සම්බන්ධව විමර්ශනය කිරීම සඳහා ත්‍රිපුද්ගල අභ්‍යන්තර විමර්ශන කමිටුවක් පත්කර තිබුණි. එම විමර්ශන කමිටු වාර්තාව 2023 අගෝස්තු මස පාර්ලිමේන්තු මහ ලේකම්වරිය වෙත ලැබී තිබේ.…

ජනවාරි මුල් සති දෙකට වාර්තාගත ලෙස සංචාරකයින් 112,000ක් පැමිණ තිබෙන බව සංචාරක සංවර්ධන අධිකාරිය සදහන් කරයි

ප්‍රකාශයයක් ලබාදීම සඳහා ඊයේ (17) පෙරවරුවේ අපරාධ පරීක්ෂණ දෙපාර්තමේන්තුව වෙත පැමිණි හිටපු ජනාධිපති ගෝඨාභය රාජපක්ෂ මහතා මීට සුළු වේලාවකට පෙර ඉන් පිටව ගොස් ඇත. ඔහු පැය එකහමාරකට ආසන්න කාලයක් ප්‍රකාශ ලබා දී ඇති බව වාර්තාවේ. කතරගම ප්‍රදේශයේ ජී. රාජපක්ෂ නමින් පිහිටි ඉඩමක විදුලි සම්බන්ධතාවක් සම්බන්ධයෙන් අපරාධ පරීක්ෂණ දෙපාර්තමේන්තුව සිදුකරගෙන යනු ලබන විමර්ශනයකට අදාළව ප්‍රකාශයක් ලබාදීම සඳහා ඔහු මෙලෙස පැමිණ තිබුණි