Author: LANKA24X7

ජනාධිපතිවරණයේදී රාජ්‍ය බලය සහ සම්පත් අවභාවිත කිරීම දැඩි ගැටලුවක් බවට පත්ව ඇති බවත් ශ්‍රේෂ්ඨාධිකරණ සහ මැතිවරණ කොමිසමේ නියෝග ප්‍රතික්ෂේප කිරීම බරපතල තත්වයක් බවත් මැතිවරණ ප්‍රචණ්ඩක්‍රියා නිරීක්‍ෂණ මධ්‍යස්ථානයේ මෙහෙයුම් ප්‍රධානී මහාචාර්ය අර්ජුන පරාක්‍රම මහතා ඊයේ (6) පැවසීය. ඇතැම් වෘත්තීන්වල නිතරව සිටින විශේෂයෙන් කාන්තාවන් ඇතුළු ලක්‍ෂ තුනකට පමණ ඡන්ද අයිතිය අහිමිවීම ද විශාල ගැටලුවක් බව කී පරාක්‍රම මහතා රට සිටින ජනතාව ඇතුළු පුරවැසියන් සියයට 10 කට පමණ ඡන්ද අයිතිය අහිමිවී ඇතැයි ද සඳහන් කළේය. මැතිවරණ ප්‍රචණ්ඩක්‍රියා නිරීක්‍ෂණ මධ්‍යස්ථානය කොළඹදී ඊයේ (6) පැවැත්වූ විශේෂ මාධ්‍ය හමුවකදී මහාචාර්ය අර්ජුන පරාක්‍රම මහතා එසේ පැවසීය. මන්ත්‍රීවරු දෙවැනි ගිනිඅවියත් ඉල්ලා සිටීම, වැඩබලන පොලිස්පතිවරයෙක් පත්නොකිරීම, රාජ්‍ය සේවකයන්ගේ වැටුප්…

දේශබන්දු තෙන්නකෝන් මහතා පොලිස්පති ධූරයේ කටයුතු කිරීම වළකාලමින් ශ්‍රේෂ්ඨාධිකරණය නිකුත් කර ඇති අතුරු නියෝගය ඉවත දමන්නැයි ඉල්ලා බෙල්ලන්විල රජමහා විහාරාධිපති ආචාර්ය බෙල්ලන්විල ධර්මරත්න හිමියන් ඇතුළු හිමිවරු තිදෙනකු ගොනුකොට ඇති අතරමැදි පෙත්සම සම්බන්ධයෙන් විරෝධතා ඇත්නම් ලබන 13 වැනිදාට පෙර ගොනු කරන ලෙස අගරදගුරු මැල්කම් රංජිත් කාදිනල් හිමිපාණන් ඇතුළු පාර්ශ්වකරුවන්ට ශ්‍රේෂ්ඨාධිකරණය ඊයේ (06) නියෝග කළේය. අතරමැදි පෙත්සම අධිකරණයේ කැඳවූ අවස්ථාවේදී ඉදිරිපත් ුවු කරුණු සළකා බැලීමෙන් අනතුරුව එලෙස නියෝග කළ ශ්‍රේෂ්ඨාධිකරණය අතරමැදි පෙත්සමට පාදක වු මුල් පෙත්සම විභාග කළ විනිසුරු මඩුල්ල හමුවේ අතරමැදි පෙත්සම කැඳවීමටද නියම කළේය. ශ්‍රේෂ්ඨාධිකරණ විනිසුරුවරුන් වන යසන්ත කෝදාගොඩ, ජනක් ද සිල්වා සහ අර්ජුන ඔබේසේකර යන මහත්වරුන්ගෙන් සමන්විත ශ්‍රේෂ්ඨාධිකරණ විනිසුරු…

අවිස්සාවේල්ල මිරිස්වත්ත ප්‍රදේශයේ ව්‍යාපාරිකයෙකු කොස්ගම පොලිස් ස්ථානය වෙත රැගෙන ගොස් නිරුවත් කර පැය පහකට ආසන්න කාලයක් අමානුෂික ලෙස පහර දී වද දී එම ව්‍යාපාරිකයාගේ බිරිඳට ද පොලිස් නිළධාරියෙකු පහර දුන් බවට පැමිණිල්ලක් ලැබී ඇතැයි සබරගමුව පළාත ජ්‍යෙෂ්ඨ නියෝජ්‍ය පොලිස්පති කාර්යාලය පවසයි කොස්ගම පොලිස් බල ප්‍රදේශයේ නිවසක් බිඳ රුපියල් ලක්ෂ 19කට ආසන්න මුදලක් සහ භාණ්ඩ සොරකමක් සම්බන්ධයෙන් සැකපිට තමන්ව බිරිඳ සහ ඇයගේ මව කොස්ගම පොලිස් ස්ථානය වෙත රැගෙන ගිය බවත් එහිදී තම බිරිද ගේ කණට පොලිස් නිළධාරියෙකු පහර දුන් බවත් මේ හේතුවෙන් ඇයගේ කන් ඇසීම දුරුවල වී ඇති බවත් එම පැමිණිල්ලෙහි සදහන් වේ එසේම පසුව රාත්‍රි 9 ට පමණ තමන්ව නිරුවත්…

තැපැල් ඡන්ද සලකුණු කිරීමට නොහැකි වූ තැපැල් ඡන්දදායකයන්ට ලබන 11 සහ 12 දෙදිනේදී ඡන්දය සලකුණු කිරීමට අවස්ථාව සලසා ඇතැයි මැතිවරණ කොමිෂන් සභාව පවසයි සිය සේවා ස්ථානයේ පිහිටි දිස්ත්‍රික් මැතිවරණ කාර්යාලවලදී මේ සඳහා අවස්ථාව සැලසෙනු ඇත. ජනාධිපතිවරණයේ ඡන්ද විමසීම පසුගිය 4, (5) සහ ඊයේ (6) දිනවල පැවැත්විණ. මේ අතර පසුගිය දින දෙකේදී තැපැල් ඡන්ද දායකයන්ගෙන් සියයට අසූවකට වැඩි පිරිසක් සිය ඡන්දය භාවිත කර ඇතැයි නියෝජ්‍ය තැපැල්පති ඩී.ඒ රාජිත කේ.රණසිංහ මහතා පැවසීය.

ජනාධිපතිවරණයට අදාල නිල ඡන්ද දැන්වීම් පත්‍රිකා ලක්ෂ 12 ක් පමණ ඊයේ (6) වනවිට ජන්දදායකයින් වෙත බෙදා හැර ඇතැයි නියෝජ්‍ය තැපැල්පති රාජිත රණසිංහ මහතා පැවසීය. පසුගිය 3 දා සිට නිල ඡන්ද දැන්වීම් පත්‍රිකා තැපැල් මගින් ජන්දදායකයින් වෙත බෙදා හැරීම ආරම්භ කළ බවත් සදහන් කරන ඒ මහතා ලබන 14 දා දක්වා නිල ඡන්ද දැන්වීම් පත්‍රිකා ජන්දදායකයින් වෙත ගෙන්ගෙට බෙදා හැරීම සිදු කරන බවද කීය. හෙටත් (7) නිල ඡන්ද දැන්වීම් පත්‍රිකා තැපැල් මගින් ගෙන්ගෙට බෙදා හැරීම සිදු කරන බවද අනිද්දා (8 වැනි ඉරිදා) නිල ඡන්ද දැන්වීම් පත්‍රිකා බෙදා හැරීමේ විශේෂ දිනයක් ලෙස ප්‍රකාශයට පත් කර ඇති බවත් නියෝජ්‍ය තැපැල්පති රාජිත රණසිංහ මහතා වැඩිදුරටත්…

අනුරාධපුර හිටපු පාර්ලිමේන්තු මන්ත්‍රි උද්දික ප්‍රේමරත්න මහතතා ගමන් කළ මෝටර් රථයට වෙඩි තැබීමේ සිද්ධිය සම්බන්ධයෙන් සැකපිට අත්අඩංගුවට ගත් අනුරාධපුර හිටපු සහකාර පොලිස් අධිකාරි සංජීව මහනාම මහතා ලබන 13 වැනිදා තෙක් රිමාන්ඩ්බාරයේ රඳවා තැබීමට අනුරාධපුර අතිරේක මහේස්ත්‍රාත් මනෝදි හේවාවසම් මහත්මිය ඊයේ (06) නියම කළාය. සැකකාර හිටපු සහකාර පොලිස් අධිකාරි සංජීව මහනාම මහතා අධිකරණයට ඉදිරිපත් කරමින් රහස් පොලිසියය කළ ඉල්ලීමක් පිළිගනිමින් සැකකරු රිමාන්ඩ් බාරයට පත් කළ මහේස්ත්‍රාත්වරිය සිද්ධියට අදාළව කරන විමර්ශන වල ප්‍රගතිය එදින අධිකරණයට වාර්තා කිරීමට රහස් පොලිසියට නියම කළාය. මෙම සිද්ධියට අදාළ පැමිණිල්ල අපරාධ පරික්ෂණ දෙපාර්තමේන්තුව ඉදිරිපත් කළ මෝෂමකට අනුව කැඳවනු ලැබු අවස්ථාවේදී හිටපු සහකාර පොලිස් අධිකාරී සංජීව මහනාම මහතා…

විදුලිබල සැපයීම සම්බන්ධ සියලු සේවාවන් හා ඛනිජ තෙල් නිෂ්පාදනය හා ඉන්ධන සැපයීම හෝ බෙදාහැරීම ජනාධිපති රනිල් වික්‍රමසිංහ මහතා විසින් අත්‍යවශ්‍ය සේවා බවට පත් කෙරේ. මෙකී සේවා අත්‍යවශ්‍ය සේවා බවට පත් කළ ගැසට් නිවේදනය ජනාධිපති ලේකම් ඊ.එම්.එස්.බී.ඒකනායක මහතා විසින් ඊයේ( 5)දිනෙන් නිකුත් කරනු ලැබීය. මෙම ගැසට් නිවේදනය මගින් ඕනෑම රාජ්‍ය සංස්ථාවකින්,දෙපාර්තමේන්තුවකින්,පළාත් පාලන ආයතනයකින්,සමුපකාර සමිතියකින් හෝ ඒවායේ ශාඛාවකින් සපයනු ලබන මෙකී සේවාවන් සාමාන්‍ය ජන ජීවිතය පවත්වාගෙන යාමට අත්‍යාවශ්‍ය සේවා බවට පත්කර තිබේ.

මිරිහාන මාදිවෙල වෙල්සිරිපුර ප්‍රදේශයේ ත්‍රිරෝද රථ අලුත් වැඩියා කරන ආයතනයක් ආසන්න මාර්ගයේ කාණුවක් තුළ සැක සහිත අයුරින් මියගිය පුද්ගලයෙකුගේ මළ සිරුරක් හමු වූ බව මිරිහාන මූලස්ථාන පොලිසිය කියයි. මෙලෙස මියගොස් ඇත්තේ කෝට්ටේ මාදිවෙල ප්‍රගතිපුර පදිංචිව සිටි ගී කියන ගේ මනෝජ් ප්‍රියන්ත සිල්වා 55 යන ත්‍රිරෝද රථ රියදුරකු බව හඳුනාගෙන ඇතැයි පොලසිය පවසයි. මළ සිරුර කාණුව තුළ මුනින් අතට වැටී තිබූ බවත් ඔහු පැදවූ ත්‍රී රෝද රථයද එම ස්ථානයේ තිබූ බවත් පොලිසිය සඳහන් කරයි. මියගිය පුද්ගලයාගේ බිරිඳ සහ දරුවන් පැමිණ මළ සිරුර හඳුනාගත් බවත් පොලිස් නිලධාරියකු පැවසීය.

මුලතිව්, මාන්කුලම් තුනුක්කායි ප්‍රදේශයේ රාජ්‍ය නොවන සංවිධානයක් විසින් යුදසමයේ වලදමන ලද බිම්බෝම්බ ඉවත් කරමින් සිටියදී වලදමා තිබූ බිම්බෝම්බයක් පුපුරා යාමෙන් එම සංවිධානයේ සේවයේ නිරත සේවිකාවන් සිව් දෙනෙකු බරපතල තුවාල ලබ රෝහල්ගත කළ බවට තුනුක්කායි පොලීසිය පැවසීය. යුදසමයේදී එල්.ටී.ටී.ඊ. සංවිධානය විසින් වලදමන ලද බිම්බෝම්බ ඉවත් කිරීමේ කටයුතු වල නිරතව සිටින අදාල රාජ්‍ය නෙවන සංවිධනයේ බිම්බෝම්බ ඉවත් කිරීමේ කටයුතුවල නිරතව සිටි සේවිකාවන් සිව් දෙනෙකු මෙලෙස තුවාල ලබා ඇත. වලදමා තිබූ බිම්බෝම්බයක් ඉවත් කිරීමට යාමේදී මෙලෙස බෝම්බය පුපුරා ගොස් ඇති බවට පොලීසියට තොරතුරු අනාවරනය වී ඇති අතර බෝම්බය පිපිරීමෙන් බරපතල තුවාල ලැබූ අදාල කාන්තාවන් සිව් දෙනා මාන්කුලම් මූලික රෝහලට ඇතුලත් කිරීමෙන් අනතුරුව වැඩිදුර…

ශ්‍රී ලංකාවෙි ජීවත්වෙන ආදීවාසී ජනතාවට, ඔවුන්ගෙ දෛනික කටයුතු බාධාවකින් තොරව,කරගෙන යාම සදහා වනජීවි හා වන සංරක්ෂණ කලාපවලට ඇතුල්වීම සදහා හැදුනුම්පතක් නිකුත් කිරීමට වනජීවි සංරක්ෂණ දෙපාර් තමෙින්තුව කටයුතුකරමින් සිටින බව වනජීවි සංරක්ෂණ දෙපාර් තමෙින්තුව පවසයි. මෙම වැඩසටහනේ පළමු අදියරේදී,දඹාන හා රතුගල ආදීවාසී ජනතාව වෙනුවෙන් මෙම හැදුනුම්පත ලබාදීමට බලාපොරොත්තු වන බවත්,මෙම හැදුනම්පත නිකුත්කරන්නේ අදාල ප්‍රදේශයේ, ආදීවාසී නායකයා විසින් ලබාදෙන නාමලේඛණයකට අනුව, පමනක් බවත්, වනජීවි සංරක්ෂණ දෙපාර් තමෙින්තුව අවධාරණය කරයි. වනජීවි සංරක්ෂණ දෙපාර් තමෙින්තුව නියෝජනය කරමින් පැමිණි, එම දෙපාර් තමෙිනුතුවෙි, නීති අංශ ප්‍රධානියකු මෙි බව පැවසුවෙි, ආදීවාසී ජනයාට වනජීවි හා වන සංරක්ෂණ කලාපවලදී එම දෙපාර් තමේන්තු නිළධාරීන්ගෙන්, හිරිහැර සිදුවන බවට, රතුගල ආදීවාසි නායක…