Author: LANKA24X7

පවතින අයහපත් කාලගුණ තත්ත්වය නිසා කොළඹ කලාපයේ පාසල් අද දිනයේ වසා දැමෙන බව බස්නාහිර පළාත් අධ්‍යාපන අධ්‍යක්ෂ කාර්යාලය පවසයි.එසේම කැලණිය සහ ගම්පහ කලාපයේ පාසල් හෙට සහ අනිද්දා යන දෙදින වසා තැබීමටද පියවර ගෙන ඇත.

ශ්‍රී ලංකා කණ්ඩායම සහ සංචාරක බටහිර ඉන්දීය කොදෙව් කණ්ඩායම අතර ඊයේ රාත්‍රියේ දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවැති පළමු විස්සයි විස්ස ක්‍රිකට් තරගය කඩුලු 05 කින් ජය ගැනීමට බටහිර ඉන්දීය කොදෙව් කණ්ඩායම සමත් විය.ලකුණු 180ක ඉලක්කයක් හඹා ගිය බටහිර ඉන්දීය කොදෙව්වන් පන්දු වාර 19.1කදී කඩුලු 06ක් දැවී සිය ජයග්‍රහණය තහවුරු කර ගත්තේය.බ්‍රුන්ඩන් කිංග් 63, එවින් ලිවීස් 50 යි.පන්දු යැවීමේදී මතීෂ පතිරණ 27/2යි.

පසුගිය වසරේ (2023) නව පිළිකා රෝගීන් 33,000කට අධික සංඛ්‍යාවක් හමුවී ඇති බවත් මරණ 19,000ක් සිදුව ඇති බවත් සෞඛ්‍ය අමාත්‍යාංශ ලේකම් විශේෂඥ වෛද්‍ය පාලිත මහීපාල මහතා පැවැසීය. පිරිමින් අතර මුඛ පිළිකා සහ කාන්තාවන් අතර පියයුරු පිළිකා ඉහළ අගයක් ගන්නා බවත්, 2050 වන විට ලෝකයේ නව පිළිකා රෝගීන්ගේ සියයට හැත්තෑ හතක් (77%) ක වැඩිවීමක් අපේක්‍ෂා කරන බවත් ශ්‍රී ලංකා පිළිකා රෝගී විශේෂඥ වෛද්‍ය විද්‍යාලයේ 21 වන වාර්ෂික අධ්‍යයන සැසිවාරය 2024 සමාරම්භක අවස්ථාවට එක්වෙමින් සෞඛ්‍ය ලේකම්වරයා එසේ කීය. උත්සවය පාලිත මහීපාල මහතාගේ ප්‍රධානත්වයෙන් කොළඹ ගලධාරි හෝටලයේදී පැවැත්විණි. මෙය ඔක්තෝබර් 10 සිට අද (14දා) දක්වා පැවැත්වේ. ශ්‍රී ලංකා පිළිකා රෝග විශේෂඥ වෛද්‍ය විද්‍යාලය යනු…

දිවයින ආශ්‍රිත වායුගෝලයේ පවතින කැළඹිලි ස්වභාවය හේතුවෙන් දිස්ත්‍රික්ක 12ක පවුල් 29,980 පුද්ගලයින් 118,032ක් ඊයේ (13දා) වනවිට අවතැන්ව ඇතැයි ආපදා කළමනාකරණ මධ්‍යස්ථානය පවසයි. ආපදා තත්ත්වය හේතුවෙන් මරණ 03ක් සහ පුද්ගල තුවාලවීම් 02ක්ද වාර්තා වී ඇත. මෙම අයහපත් කාලගුණික තත්ත්වය පසුගිය 07 වැනිදා සිට දිවයිනට බලා ඇත. මරණ තුන පානදුර, කොළඹ සහ කොළොන්නාව ප්‍රදේශවලින් වාර්තා වේ. 11 වැනිදා පානදුර – අඟුරුවාතොට මාර්ගයේ ගමන් කරමින් සිටි 48 හැවිරිදි පුද්ගලයෙකු හල්තොට බෝධිය අසලදී මාර්ගය අසල ජලය පිරි කුඹුරකට වැටී මියගොස් ඇත. කොළඹ දිස්ත්‍රික්කයේ කඩුවෙල ප්‍රාදේශීය ලේකම් කොට්ඨාසයේ ඇළකට වැටී ඉකුත් 10දා සිට අතුරුදන්ව සිටි පුද්ගලයාගේ සිරුර පෙරේදා (12දා) හමුවී තිබේ. මේ අතර කොළොන්නාව ප්‍රදේශයේ…

දමිතා අබේරත්න මහත්මියගේ නම සමගි ජන සන්ධානයේ නාම යෝජනා ලැයිස්තුවෙන් ඉවත් කිරීම සම්බන්ධයෙන් පරීක්ෂණයක් ආරම්භ කර ඇතැයි එම පක්ෂයේ හිටපු පාර්ලිමේන්තු මන්ත්‍රී මුජිබර් රහුමාන් මහතා පැවැසීය. සමගි ජන සන්ධාන කාර්යාලයේදී පැවති මාධ්‍ය හමුවට එක්වෙමින් ඒ මහතා මේ බව සඳහන් කළේය. එහිදී වැඩිදුරටත් අදහස් දැක්වූ ඒ මහතා මෙසේද කීය. දමිතා අබේරත්න මහත්මිය ජනාධිපතිවරණයේදී සමගි ජන බලවේගයට සහ සමගි ජන සන්ධානයට විශාල ශක්තියක් ලබා දුන්නා. ඒ වගේම එතුමිය රටේ පැවති පාලනයට එරෙහිව ප්‍රජාතන්ත්‍රවාදය වෙනුවෙන් නොබියව ඉදිරියට පැමිණ අදහස් දක්වපු කාන්තාවක්. ඒ නිසා තමයි එතුමියට මෙවර මහ මැතිවරණයේදී නාමයෝජනා ලබාදීමට පක්ෂය තීරණය කරලා තිබුණේ. නමුත් නාමයෝජනා අත්සන් කරලා එතුමියගේ නම කපා හැරීම පිළිගන්න…

ගෙවත්තට වල් අලි පැමිණිම වැළැක්වීම සඳහා බල්බයක් ටකරන් වහලයට සවිකර විදුලිය ලබා ගැනීමට ගොස් විදුලි සැර වැදී දෙදරු පියෙකු එම ස්ථානයේදීම මිය ගිය බව අග්බෝපුර පොලිසිය කියයි. මෙසේ මිය ගොස් ඇත්තේ කන්තලේ , සීනිපුර පදිංචි එච්.එම්. ධනවිරත්න බණ්ඩා (42) නැමති දෙදරු පියෙකි. ටකරන් සෙවිලි කළ වහලයට විදුලිය කාන්දු වී ඇති අතර එම විදුලිය පැති තහඩුවකින් මෙම මියගිය අයට විදුලි සැර වැදී ඇති බව මූලික පොලිස් පරීක්ෂණවලින් අනාවරණය වී තිබේ. මෙම සිද්ධිය වන අවස්ථාවේ නිවැසියන් කිසිවක් නිවසේ නොසිටි අතර පසුව ඔහුගේ පුතා නිවසට පැමිණි අවස්ථාවේ පියාට විදුලි සැර වැදී වැටී සිටින අයුරු දැක ඇතැයි පොලිසිය කියයි .

මෙරට ආන්දෝලනයකට තුඩු දුන් පාස්කු ප්‍රහාරය, භාණ්ඩාගාර බැදුම්කර ගනුදෙනුව, දිනේෂ් ෂාෆ්ටර්ගේ මියයාම ඇතුළු නොවිසඳුණු අපරාධ 7 ක පොලිස් විමර්ශන කඩිනම් කිරීම සදහා මහජන ආරක්ෂක අමාත්‍යංශයෙන් වැඩබලන පොලිස්පතිවරයාට උපදෙස් ලැබී ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව මහතා පැවැසීය. ඒ අනුව විමර්ශනවල අවම ප්‍රගතියක් පෙන්වනු ලබන භාණ්ඩාරගාර බැදුම්කර නිකුතුව, පාස්කු ප්‍රහාරය, දිනේෂ් ෂාෆ්ටර්ගේ මියයාම, 2007 වසරේ නැගෙනහිර විශ්වවිද්‍යාලයේ උපකුලපති මහාචාර්ය රවීන්ද්‍රනාත් සුබ්‍රමනියම් මහතාගේ අතුරුදන්වීම, 2023 දෙසැම්බර් මාසයේදී වැලිගම පොලිසිය විසින් කළ වෙඩි තැබීමකදී වැලිගම පොලිසියේ කොස්තාපල්වරයකු මියයාම සම්බන්ධ විමර්ශන අවම මට්ටමක පවතනි බවට මහජන ආරක්ෂක අමාත්‍යාංශය පෙන්වා දී ඇත. තවද 2005 වසරේ තාරකී ශිවරාම් නොහොත් ධර්මරත්නම් ශිවරාම් නැමැති මාධ්‍යවේදීයා…

බස් හා දුම්රිය මගින්ගේ ජංගම දුරකතන සහ ලැප්ටොප් සොරකම් කළ පුද්ගලයෙකු පොලිස් අත්අඩංගුවට ගෙන තිබෙනවා. කොළඹ සිට අලුත්ගම සහ කළුතර මෙන්ම පානදුර සිට රත්නපුර දක්වා ගමන්ගන්නා මගීන්ගේ ලැප්ටොප් හා ජංගම දුරකතන සොරකම් කිරීම සැකකරු සිදුකර තිබෙනවා. එමෙන්ම මුහුදු බඩ දුම්රිය මාර්ගයේ ගමන් ගන්නා මගීන්ගේ ජංගම දුරකනත සහ ලැප්ටොප් සොරකම් කිරීම ද සැකකරු සිදුකර ඇති බවයි පොලිස් පරික්ෂණවලදී හෙළිවුණේ. කළුතර අපරාධ කොට්ඨාසය අත්අඩංගුවට ගත් මෙම සැකකරුගෙන් කළ ප්‍රශ්න කිරීම්වලදී හෙළිවු තොරතුරු මත සොරකම් කරන ලද ලැප්ටොප් 7 ක් සහ ජංගම දුරකතන 05ක් සොයා ගැනුණා. සැකකරු මත්ද්‍රව්‍ය භාවිතයට තදින්ම ඇබ්බැහි වූවෙකු බවයි පොලිසිය පවසන්නේ.

බස්නාහිර,සබරගමුව, වයඹ, උතුරු සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුන විද්‍යා දෙපාර්තමේන්තුව කියයි. දිවයිනේ සෙසු ප්‍රදේශවල සවස් කාලයේදී හෝ රාත්‍රී කාලයේ දි තැනින් තැන වැසි හෝ ගිගුරුම් සහිත වැසි ඇති වේ නැගෙනහිර පළාතේ අහස වළාකුලින් බරව පවති. ගිගුරුම් සහිත වැසි සමග තාවකාලික තද සුළං සහ අකුණු ඇති වේ.

ඉරාන ගුවන් යානාවලට ලෙබනනයට පැමිණිය නොහැකි යැයි ඊශ්‍රායලය තහංචි පනවා තිබියදී, ඉරාන පාර්ලිමේන්තු කතානායක මොහොමඩ් බකර් කලිබාෆ්, එයාර්බස් ඒ 321 වර්ගයේ මගී ගුවන් යානයක් පියාසර කරමින්, ලෙබනනයට පැමිණි බව විදෙස් මාධ්‍ය වාර්තා කරයි. පාර්ලිමේන්තුව නියෝජනය කිරීමට පෙර, මොහොමඩ් බකර් කලිබාෆ්, ඉරාන ගුවන් හමුදාවේ, ගුවන් නියමුවකු ලෙස සේවය කළ අයෙකි. මොහොමඩ් බකර් කලිබාෆ්, සමඟ එම ගුවන් යානයෙන් ඉරාන රජයේ නියෝජිත පිරිසක් ද බේරූට් අගනුවර බලා පැමිණි බව විදෙස් මාධ්‍ය පවසයි. ඔවුහු ඊශ්‍රායල ප්‍රහාරවලින් විනාශ වුණු බේරූට් නුවර තත්ත්වය දැක බලා ගත්හ.