Author: LANKA24X7

බූස්ස අධිආරක්ෂිත බන්ධනාගාරය තුළ රැඳවියයෙකු ඝාතනය කර තිබේ. උල් ආයුධයක් වැනි දෙයකින් ඇන මෙම ඝාතනය සිදුකර ඇති බව වාර්තා වෙයි. රිමාන්ඩ් භාරයේ සිටි රැඳවියෙකු මෙලෙස ඝාතනය වී ඇති අතර සිරදඬුවම් විඳින රැඳවියෙකු විසින් ඝාතනය සිදුකර ඇති බවට ඇතිවූ සැකය මත විමර්ශන සිදුකෙරෙයි. මෙලෙස ඝාතනයට ලක්වී ඇත්තේ නන්දකුමාර් ශිව නන්දන් නමැති 46 හැවිරිදි රැඳවියෙකු වන අතර ඔහුගේ සිරුරේ ස්ථාන 11ක පමණ උල් ආයුධයකින් ඇනීමෙන් ඇතිවූ තුවාල දක්නට ඇති බවත් වාර්තා වෙයි. පසුගියදා බූස්ස බන්ධනාගාරයේ දැඩි සෝදිසි කිරීමක් සිදුවූ අතර එහිදී රවුටර් සහ ජංගම දුරකථක රැසක් සොයාගෙන තිබුණි. මෙම ඝාතනය සහ එම සිදුවීම අතර සම්බන්ධයක් පවතින්නේදැයි සැකයක් මතුවී ඇති අතර එසේත් නොමැති…

අධිකරණ නියෝග කඩකරමින් සෞඛ්‍ය අමාත්‍යංශය ඉදිරිපිටදී විරෝධය දැක්වූ අන්තර් විශ්වවිද්‍යාල ශිෂ්‍ය බලමණ්ඩලයේ කැඳවුම්කරු ඇතුළු තවත් අයෙක් ඇපමත මුදාහැරීමට අධිකරණය නියෝග කළේය. රක්ෂිත බන්ධනාගාර ගතකර සිටි ඔවුන් දෙදෙනා මාලිගාකන්ද මහෙස්ත්‍රාත් අධිකරණයට අද (28) ඉදිරිපත්කළ අවස්ථාවේදී මෙම නියෝගය ලබා දී ඇත. එහිදී අධිකරණය විසින් ඔවුන් දෙදෙනා රුපියල් ලක්ෂ 10 බැගින් වූ ශරීර ඇප 2ක් මත මුදාහැර තිබේ. ඉල්ලීම් කිහිපයක් මුල් කරගනිමින් සම සෞඛ්‍ය විද්‍යා පීඨ ශිෂ්‍ය සංගමය සෞඛ්‍ය අමාත්‍යංශය ඉදිරිපිට පසුගිය 27වනදා විරෝධතාවයක නිරත විය. එහිදී අත්අඩංගුවට ගනු ලැබූ 25 දෙනෙකු රුපියල් ලක්ෂ 10 බැගින් වූ ශරීර ඇප මත මීට පෙර මුදාහැර තිබුණි.

බෝතල්කළ පානීය ජලය සඳහා උපරිම සිල්ලර මිලක් නියම කරමින් අතිවිශේෂ ගැසට් පත්‍රයක් ප්‍රකාශයට පත්කර ඇත. එම ගැසට් නිවේදනයට අනුව, මි.ලී. 500 – රු. 70 ලීටර 1 – රු. 100 ලීටර 1.5 – රු. 130 ලීටර 2 – රු. 160 ලීටර 5 – රු. 350 ලෙස උපරිම සිල්ලර මිලක් නියම කර තිබේ. ඒ අනුව අප්‍රේල් මස 01වනදා සිට කිසිම නිෂ්පාදකයෙකු, අසුරන්නෙකු, වෙළෙන්දෙකු හෝ බෙදාහරින්නෙකු විසින් මෙරට බෝතල්කළ පානීය ජලය උපරිම සිල්ලර මිලට වැඩියෙන් වෙළෙඳාම් කිරීම, වෙළෙඳාම් කිරීම සඳහා ඉදිරිපත් කිරීම හෝ වෙළෙඳාම සඳහා ප්‍රදර්ශනය කිරීම නොකළ යුතු බව එම නිවේදනයේ දැක්වේ.

රුපියල් ලක්ෂ 80 කට ආසන්න වටිනාකමෙන් යුත් අයිස් මත්ද්‍රව්‍ය තොගයක් හා ජාවාරමෙන් උපයා ගත් මුදල් තොගයක් සමඟ පුද්ගලයකු අත්අඩංගුවට ගත් බව ගල්කිස්ස මූලස්ථාන පොලිසිය කියයි. එම සැකකරු සමඟ අයිස් මත්ද්‍රව්‍ය ග්‍රෑම් 800 ක් රුපියල් 496,000 ක මුදලක් පොලිස් භාරයට ගෙන ඇත. ගල්කිස්ස මූලස්ථාන පොලිසියට ලද තොරතුරකට අනුව රත්මලාන මැලිබන් හන්දියේදී අයිස් මත්ද්‍රව්‍ය සමග අත්අඩංගුවට ගත් සැකකරුගෙන් සිදු කළ ප්‍රශ්න කිරීමේදී අනාවරණ වූ තොරතුරුු අනුව පිළියන්දල පල්ලිය පාර ප්‍රදේශයේදී, නවතා තිබූ ලොරි රථයක සඟවා තිබූ තවත් අයිස් මත්ද්‍රව්‍ය සහ මුදල් සොයාගැනීමට හැකිවූ බව පොලිසිය කියයි.

පලාගල, නෙල්ලියගම නිවසක් තුළ තිබී අභිරහස් ලෙස මිය ගිය කාන්තාවකගේ මළ සිරුරක් අද (04) උදෑසන සොයා ගත් බව පොලිසිය කියයි. ගල්කිරියාගම පොලිස් ස්ථානයේ නිලධාරීන් සිදුකළ සෝදිසියකදී මෙම මළ සිරුර සොයා ගැනීමට හැකිව තිබේ. අභීරහස් ලෙස මිය ගිය එම කාන්තාවගේ මළ සිරුර ගල්කිරියාගම පොලිස් වසමට අයත් නෙල්ලියගම ගම්මානයේ නිවසක කාමරයක් තුළ තිබී සොයාගත් බව පොලිසිය කියයි. මිය ගොස් ඇත්තේ නෙල්ලියගම පලාගල ලිපිනයේ පදිංචිව සිටි මොහොමඩ් රියාස් ෆාතිමා රිෆ්නා නමැති (25) එක්දරු මවක බවට පොලිසිය මේ වනවිට හඳුනාගෙන ඇත.

මැණික් හා ස්වර්ණාභරණ අධිකාරියේ පාලක මණ්ඩලය 2023 වසරේදී ලක්ෂ 61ක මුදලක් වියදම් කර ලාස් වේගාස්හි මැණික් ප්‍රදර්ශනයකට යාම පිළිබඳව කෝප් කාරක සභාව කරුණු විමසා ඇත මෙතරම් මුදලක් වැය කොට මෙම ප්‍රදර්ශනයට සහභාගී වීමේ පරමාර්ථය කුමක්දැයි කාරක සභා සභාපතිවරයා එම අධිකාරියේ හිටපු සභාපතිවරයාගෙන් ප්‍රශ්න කර ඇත. කාරක සභා සමාජික මන්ත්‍රීවරුද ඒ හරහා මෙරටට යම් ප්‍රතිලාභයක් ලැබුනේද යන්න පිළිබඳව කරුණු විමසූහ. ලස් වේගාස් මැණික් ප්‍රදර්ශනයට සහභාගී වී ලබාගත් දැනුම සහ අත්දැකීම් ඔස්සේ ප්‍රථමවරට අන්තර්ජාතික ප්‍රමිතීන්ට අනුව රත්නපුර මැණික් ප්‍රදර්ශනයක් සාර්ථක ලෙස සංවිධානය කිරීමට හැකි වූ බවත්, එවන් විදේශ අත්දැකීම් ඔස්සේ මෙරට මැණික් ව්‍යාපාරය දියුණු කළ හැකි ක්‍රමවේද සැකසීම සිය අරමුණු වූ බවත්…

ඇමෙරිකාව ශ්‍රී ලංකාවට සියයට 44 ක නව අපනයන බද්දක් පැනවීමෙන් මෙරට ඇඟලුම් කර්මාන්තයට බරපතල අවාසියක් වන බවත් ආණ්ඩුව ඒ සඳහා කමිටුවක් පත් කිරීම පමණක් කර ඇති බවත් පොදුජන එක්සත් පෙරමුනේ නායක හිටපු අමාත්‍යවරයෙක් වන අනුර ප්‍රියදර්ශන යාපා මහතා ඊයේ (3) පැවසීය. මරදානේ පිහිටි ශ්‍රී ලංකා නිදහස් පක්‍ෂ මූලස්ථානයේදී ඊයේ (3) පැවැති මාධ්‍ය හමුවේදී අනුර ප්‍රියදර්ශන යාපා මහතා එසේ පැවසීය. මෙම බද්දත් සමඟ මෙරට සමස්ත අපනයන ක්ෂේත්‍රය විශාල අර්බුදයකට පත්වන බවත් ආණ්ඩුව කළ යුත්තේ කමිටුවක් කිරීම නොව හිටපු නායකයන් සමඟ එකතුව පොදුවැඩ පිළිවෙලක් ලෙස බද්ද පිළිබඳව සළකා බලන ලෙස ඇමෙරිකාවෙනු ඉල්ලීමක් කිරීම බවත් සදඟන් කළේය. ඇමෙරිකානු ජනාධිපතිවරයා එම බදු පිළිබඳව මැතිවරණයට…

ලංකාව තුළ ආයෝජනය කරනු ලබන ව්‍යාපෘතියක් සදහා ඇමෙරිකානු ඩොලර් මිලියන 2.8 ක මුදලක් ගෙවන බව පවසා විදේශීය ආයෝජකයන්ගෙන් රුපියල් ලක්ෂ 56 ක මුදලක් වංචා කළ බව කියන සැකකරුවකු ඇතුළු දෙදනෙක් හෙරොයින් මිලිග්‍රෑම් 300 ක් සමග අපරාධ පරීක්ෂණ දෙපාර්තමේන්තුවේ නිලධාරීන් කණ්ඩායමක් විසින් අත්අඩංගුවට ගනු ලැබූහ. මෙසේ අත්අඩංගුවට ගෙන ඇත්තේ අංගොඩ, හල්ගහදෙණිය ප්‍ර දේශයේ පදිංචි අවුරුදු 56 සහ 48 වියේ පසුවන පුද්ගලයන් දෙදෙනකි. අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන අංශයට ලද පැමිණිල්ලක් මත විමර්ශන ආරම්භ කර තිබුණි. ඒ අනුව පරිගණක අපරාධ විමර්ශන අංශයේ නිලධාරීන් කණ්ඩායමක් සැකකරු අත්අඩංගුවට ගැනීමට ගිය අවස්ථාවේදී ඔහු සමග සිටි අනෙක් සැකකරු ද හෙරොයින් සන්තකයේ තබාගැනීම හේතුවෙන් අත්අඩංගුවට ගෙන…

හික්කඩුව කුමාරකන්ද හන්දියේ රෙදිපිළි වෙළදසලක් වෙඩි ප්‍රහාරයකට ලක් වූ සැමියා මියගිය බව පොලිසිය කියයි. බිරිද අසාධ්‍ය තත්වයෙන් හදිසි ප්‍රතිකාර ඒකකයේ ප්‍රතිකාර ලබන බව රෝහල් ප්‍රකාශකයෙක් කීය. මියගොස් ඇත්තේ දොඩන්දුව පටුවත ගම්මඩුවත්ත පදිංචි පෙත්තායන් දෙහිගේ කිර්තිවංශ නමැති 61හැවිරිදි පුද්ගලයෙකි. මෙතෙක් කරනලද පරික්ෂණවලදි අනාවරණයවි ඇත්තේ යතුරු පැදියකින් පැමිණි දෙදෙනකු වෙළඳසලට පැමිණ ටි.56 ගිනි අවියකින් සහ 9.එම්.එම්.වර්ගයේ ගිනි අවියකින් වෙඩිතබා පලාගොස් ඇති බවය. මියගිය පුද්ගලයාගේ පපුවටද ඔහුගේ බිරිඳගේ උරහිසට වෙඩි වැදි ඇත.

ඉන්දිය අග්‍රාමාත්‍ය නරේන්ද්‍ර මෝදි මහතා තෙදින නිල සංචාරයක් සඳහා අද (4) රාත්‍රී 8ට දිවයිනට පැමිණෙයි. විදේශ කටයුතු අමාත්‍ය විජිත හේරත් මහතා විසින් ඉන්දීය අග්‍රාමාත්‍යවරයා කටුනායක බණ්ඩාරනායක ගුවන්තොටුපලේදී පිළිගැනීමට නියමිතය. නරේන්ද්‍ර මෝදි මහතා අද (4) සිට ඉරිදා (6)දක්වා මෙරට නිල සංචාරයේ නිරත වීමට නියමිතය. ජනාධිපති අනුර කුමාර දිසානායක මහතාගේ ආරාධනයකට අනුව ඉන්දීය අග්‍රාමාත්‍යවරයා මෙම සංචාරයේ නිරත වෙයි. ශ්‍රී ලංකාව සහ ඉන්දියාව අතර “සියවස් මිතු දමක සෞභාග්‍යවත් අනාගතයකට බැඳීමක්” (Friendship Of Centuries Commitment to Prosperous Future) යන සංකල්පය තහවුරු කරමින් අග්‍රාමාත්‍ය නරේන්ද්‍ර මෝදි මහතා මේ සංචාරයේ නිරත වෙයි. ඉන්දියානු අග්‍රාමාත්‍යවරයා පිළිගැනීමේ නිල උත්සවය සෙනසුරාදා(5) පෙරවරුවේ කොළඹ නිදහස් චතුරස්‍ර පරිශ්‍රයේදී පැවැත්වේ. ඉන්දියානු අග්‍රාමාත්‍ය…