Author: LANKA24X7

තුර්කි රජයට අයත්, අන්කාරා අගනුවර පිහිටි, තුර්කි අභ්‍යවකාශ ආයතනයේ මූලස්ථාන ගොඩනැගිල්ලට ත්‍රස්ත ප්‍රහාරයක් එල්ල විය. ආයුධවලින් සන්නද්ධ ත්‍රස්තවාදීන් දෙදෙනකු අභ්‍යවකාශ ආයතනයට කඩා වැදුණු බවත්, අත් බෝම්බවලින් දමා ගසමින්, ඔවුන් කළ වෙඩි තැබීම්වලින් පස් දෙනකු මියගොස් විසි දෙදෙනකු තුවාල ලැබූ බවත් මාධ්‍ය වාර්තා කරයි. ප්‍රහාරය එල්ල කළ ත්‍රස්තවාදීන් දෙදෙනා තරැණයකු සහ තරුණියකි. ඔවුන් වෙඩි තබමින්, අභ්‍යවකාශ ආයතනයට ඇතුළු වන අයුරු සීසීටීවී ආරක්ෂක කැමරාවල සටහන්ව ඇත. එම දසුන් මේ වනවිට විදෙස් මාධ්‍ය ඔස්සේ ප්‍රසිද්ධියට පත් වී තිබේ. මෙම ත්‍රස්ත යුවළ පැමිණ ඇත්තේ කුලී රථයකිනි. කුලී රථයේ රියදුරා ද වෙඩි ප්‍රහාරයකින් ජීවිතක්ෂයට පත්වුණු බව පැවැසෙයි. මියගිය සෙසු පිරිස තුර්කි අභ්‍යවකාශ ආයතනයේ සේවකයන් බව…

පෞද්ගලික ආරක්ෂාව සඳහා මිලදීගෙන ඇති තම ගිනි අවි භාරදෙන ලෙස ආරක්ෂක ලේකම්වරයා කර ඇති නිවේදනය බලරහිත කරන රිට් ආඥාවක් නිකුත් කරන්නැයි ඉල්ලා ව්‍යවසායක ‘ඇවේන්රා’ සමූහ ව්‍යාපාරයේ අධිපති දිනේෂ් ද සිල්වා මහතා අභියාචනාධිකරණයේ පෙත්සමක් ගොනුකර ඇති පෙත්සම කරුණු තහවුරු කිරීම සඳහා ලබන 30 වැනිදා කැඳවීමට අභියාචනාධිකරණය නියෝග කළේය. ව්‍යාපාරිකයකු වන තමන්ට මැර තර්ජන ඇතැයිද රජයේ තීරණය සම්බන්ධයෙන් තමන් සහ පුත්‍රයන් දෙදෙනා ඇපෑලක් ඉදිරිපත් කළත් ඉන් පලක් නොවුණු බව පෙන්වා දෙමින් රජයේ තීරණය හේතුවෙන් තම ජීවිත වලට තර්ජන එල්ල විය හැකි බවද පවසමින් ඇවෙන්රා හෝටල් සමූහයේ අධිපති එච්.ඩී. නවින්තක ද සිල්වා මහතා ගොනු කළ පෙත්සම කැඳවු අවස්ථාවේදී එලෙස නියම කෙරිණී. අභියාචනාධිකරණ විනිසුරුවරුන්…

ජලනල උපාංග, හොංකොං දේශයට යවන බව බව පවසමින් රුපියල් කෝටි පහකට ආසන්න තඹ ටොන් 23,000 ක් නැව්ගත කිරීමට සූදානම් කර තිබියදී රේගු නිලධාරීන් විසින් ඊයේ (23) අත්අඩංගුවට ගනු ලැබීය. අපනයන පහසුකම් පර්යන්තයේ දී මෙම තඹ තොගය සහිත කන්ටේනරය රේගු නිලධාරීන් විසින් අත්අඩංගුවට ගනු ලැබීය. පෑලියගොඩ නව නුගේ පාර ප්‍රදේශයේ කර්මාන්ත ශාලාවකින් තඹ තොග උණුකර කුට්ටි බවට සකසා කන්ටේනර් පිටින් කලක පටන් අපනයනය කර ඇති බව රේගු නිලධාරීන් කළ විමර්ශනවලදී තොරතුරු අනාවරණය වී ඇත. අත්අඩංගුවට ගත් තඹ තොගය සම්බන්ධයෙන් රේගු නිලධාරීහු වැඩිදුර විමර්ශන සිදුකරති.

මුදල් ඇමති ලෙස රාජ්‍ය සේවක වැටුප් වැඩි කිරීමට තමා ගත් නීත්‍යානුකූල කැබිනට් තීරණය වහා ක්‍රියාත්මක කළ යුතුව ඇතැයි හිටපු ජනාධිපති රනිල් වික්‍රමසිංහ මහතා පැවසීය. තමා ජනපතිවරණය ජයග්‍රහණය කළා නම් ලබන ජනවාරියේ සිට අදාළ වැටුප් වැඩි වීම ලබා දීමට සැලසුම් කර තිබූ බව කී හිටපු ජනාධිපතිවරයා අදාල පඩි වැඩිවීම දෙන්නට බැරි නම් ඊට වෙන් කෙරුණු මුදල් කොහිදැයි ආණ්ඩුව වහා හෙළි කළ යුතුව තිබෙන බවද සඳහන් කළේය. හිටපු ජනාධිපති රනිල් වික්‍රමසිංහ මහතා මේ බව සඳහන් කළේ රාජ්‍ය සේවක වෘත්තීය සමිති සංගම් නියෝජිතයන් සමඟ ඊයේ (23)පැවැති විශේෂ සාකච්ඡාවකදීය. කොළඹ මල් පාරේ නව ප්‍රජාතන්ත්‍රවාදී පෙරමුණු කාර්යාලයේදී මෙම සාකච්ඡාව පැවැත්විණි. එහිදී වැඩිදුරටත් අදහස් දැක්වූ හිටපු…

ජනතා මුදල් කෝටි ගණනින් වංචා කළේ යැයි කියන ඔන්මැක්ස් ඩී.ටී නීති විරෝධී පිරමීඩාකාර මූල්‍ය සමාගමේ නීති විරෝධී කටයුතු සම්බන්ධයෙන් පැමිණිලි ලැබෙන තෙක් බලා නොසිට කඩිනමින් විමර්ශන අවසන් කර සැකකරුවන්ට එරෙහිව නීතිය ක්‍රියාත්මක කිරීමට කටයුතු කරන්නැයි කොළඹ ප්‍රධාන මහේස්ත්‍රාත් තිළිණ ගමගේ මහතා ඊයේ (23) රහස් පොලිසියට නියෝග කළේය. මෙම නඩුව කැදවූ අවස්ථාවේදී ඉදිරිපත් වූ කරුණු සලකා බැලීමෙන් පසුව මහේස්ත්‍රාත්වරයා මෙම නියෝග නිකුත් කළේය. සැකකාර ඔන්මැක්ස් සමාගමේ මුදල් ආයෝජනය කිරීම සඳහා ජනතාව පොළඹවමින් බයිනෑන්ස් ගිණුම් හරහා ජනතා මුදල් වංචා කල එම සමාගමේ දෙවැනි පෙළ නියෝජිතයෙකු යැයි අත් අඩංගුවට ගෙන අධිකරණයට ඉදිරිපත් කළ නුවර ප්‍රදේශයේ ඉසුරු පියමාල් අමරසේකර සැකකරු නොවැම්බර් 6 දින දක්වා…

සංචාරකයන්ගේ ආරක්ෂාව වෙනුවෙන් කටයුතු කිරීම සඳහා මූලික පියවරක් ලෙස අද සිට 1997 විශේෂ කෙටි දුරකතන අංකය හඳුන්වා දී ඇතැයි පොලිස් මූලස්ථානය කියයි. ඒ අනුව ඕනෑම සංචාරකයෙකුට තම ආරක්ෂාව සම්බන්ධයෙන් ඇති වන ගැටලුවක් පිළිබඳව මේ අංකයෙන් පොලීසියට දැනුම් දිය හැකි බව පොලිස් මූලස්ථානය සඳහන් කරයි. මැදපෙරදිග මෙන්ම නැගෙනහිර යූරෝපයේ පවතින යුධමය වාතාවරණය ද සැලකිල්ලට ගෙන මෙරටට පැමිණෙන විදේශීය සංචාරකයින්ගේ ආරක්ෂාව සඳහා විශේෂ ආරක්ෂක වැඩපිළිවෙලක් ක්‍රියාත්මක කිරීමට සියලු ආරක්ෂක අංශ සමග එක්වී විශේෂ වැඩපිළිවෙලක් සකස් කර ක්‍රියාත්මක කිරීමට නියමිත බවද පොලිස් මූලස්ථානය දැනුම් දෙයි.

දේශීය නිෂ්පාදන වන පොල් කිරි සහ ජෙලි අපනයනය කරන මුවාවෙන් කටාර් රාජ්‍යයට යැවීමට සූදානම් කොට තිබූ හෙරොයින් මත්කුඩු ග්‍රෑම් 200 සහ අයිස් මත්ද්‍රව්‍යය ග්‍රෑම් 200 ක ප්‍රමාණයක් සමග සැකකරුවෙකු අත් අඩංගුවට ගනු ලැබූ බව ගණේමුල්ල පොලීසිය සදහන් කරයි. වයස අවුරුදු 42 ක් වන මොහු ගණේමුල්ල , තිබ්බොටුගොඩ ප්‍රදේශයේ නිවසක් තුළ මත්ද්‍රව්‍ය ඇසුරුම් කොට සිටියදී පොලිසිය අත්අඩංගුවට ගනු ලැබූ බව පොලීසිය පවසයි. මෙරටට මත්ද්‍රව්‍ය රැගෙන ඒමේ සිදුවීම් වාර්තා වුවද සූක්ෂම ලෙස අසුරා මෙලෙස වෙනත් රටවලට මත්කුඩු යැවීමක් සම්බන්ධයෙන් ඛරපතල වාර්තා වීමක් මෙසේ සිදුවී නොමැති බවද පොලිසිය පවසයි. පොලීසියට ලද තොරතුරක් මත සැකකරුගේ නිවස වැටලූ අවස්ථාවේ ඔහු වෙළඳ සලෙන් රැගෙන එනලද බඩු…

රුපියල් එක් කෝටි හැට ලක්ෂයක වටිනාකමක් ඇතැයි කියන අම්බර් (තල්මස් වමනය )කිලෝ ග්‍රෑම් එකහමාරක් ළඟ තබා ගෙන සිටි පුද්ගලයන් දෙදෙනෙකු අද (23) අලුයම බෙන්තොට ප්‍රදේශයේ අවන්හලකදී සැකපිට අත් අඩංගුවට ගත් බව බෙන්තොට පොලීසිය පැවසීය. මෙසේ අත් අඩංගුවට ගෙන ඇත්තේ කිරිඳිවැල පදිංචි 31හැවිරිදි හා බියගම පදිංචි 28 හැවිරිදි දෙදෙනෙකි. අම්බර් තොගය අලෙවි කිරීම සඳහා ගැනුම්කරුවන් පැමිණෙන තෙක් අවන්හලේ රැඳී සිටි මොවුන් දෙදෙනා පොලීසිය මගින් යෙදවූ උපාය දූතයන් මාර්ගයෙන් අම්බර් තොගයද සමගින් අත් අඩංගුවට ගැනීමට හැකිවූ බව පොලීසිය කියයි.

බස්නාහිර, සබරගමුව, දකුණ, වයඹ සහ උතුරු පළාත්වලත් මහනුවර සහ නුවරඑළිය දිස්ත්‍රික්කවලත් විටින්විට වැසි හෝ ගිගුරුම් සහිත වැසි ඇති වේ. කාලගුණවිද්‍යා දෙපාර්තමේන්තුව බස්නාහිර, සබරගමුව, දකුණ සහ උතුරු පළාත්වල ඇතැම් ස්ථානවලට මි.මී. 75ට වැඩි තරමක් තද වැසි ඇතිවිය හැකි බවය. දිවයිනේ සෙසු ප්‍රදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවන අතර ඇතැම් ස්ථානවල මි.මී.75ට වැඩි තරමක් තද වැසි ඇතිවිය හැකිය. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.

අද (23) අලුයම් කාලයේ දී රත්මලාන දුම්රිය අංගනයේ සිදුවු වෙඩිතැබීමකින් පුද්ගලයෙක් තුවාල ලබා තිබේ. පොලිස් මාධ්‍ය කොට්ඨාසය සඳහන් කළේ, දුම්රිය අංගනයට දේපල සොරකම් කිරීමට ඇතුළුවූ පුද්ගලයින් පස් දෙනෙකු එහි ආරක්ෂක රාජකාරී යෙදී සිටි දුම්රිය ආරක්ෂක නිලධාරියෙකුට පහරදී තුවාල සිදුකර ඇති බවය. එහිදී දුම්රිය ආරක්ෂක නිලධාරියෙකු විසින් මෙම සැකකරුවන්ට වෙඩි තැබීමක් සිදුකර ඇත. එම වෙඩි තැබීමෙන් එක් සැකකරුවෙකු තුවාල ලබා ඇති අතර අනෙක් සැකකරුවන් පළා ගොස් තිබේ. සැකකරුවන් විසින් පහරදීම හේතුවෙන් තුවාල ලැබූ දුම්රිය ආරක්ෂක නිලධාරියා සහ වෙඩි වැදීමෙන් තුවාල ලැබූ සැකකරු කළුබෝවිල රෝහලට ඇතුළත් කර ඇත. සිදුවීම සම්බන්ධයෙන් ගල්කිස්ස පොලීසිය වැඩිදුර විමර්ශන සිදුකරයි.