Author: LANKA24X7

බූස්ස බන්ධනාගාරයේදී ගෙල වැලලාගත් රැඳවියා රෝහල්ගත කිරීමෙන් පසු මියගොස් තිබේ. එම රැඳවියා කොළඹ ප්‍රදේශයේ පදිංචිකරුවෙකු බවද වාර්තා වෙයි.

කීරි සම්බා සහල් ප්‍රමාණවත්ව මෙරට වෙළෙඳපොළ තුළ නොමැති බවට ශ්‍රී ලංකා පාරිභෝගික සේවා අධිකාරය විසින් කරන ලද කරුණු දැක්වීම පදනම් කරගනිමින් කීරි සම්බා සඳහා ආදේශක සහල් මෙට්‍රික්ටොන් 40,000ක් ආනයනය කිරීමට ආහාර ප්‍රතිපත්ති හා සුරක්ෂිතතා කමිටුව නිර්දේශ කර ඇත. ඉන් මෙට්‍රික්ටොන් 5,000 ක් රජයේ ආයතන මඟින්ද, සෙසු සහල් ප්‍රමාණය පෞද්ගලික අංශය මඟින්ද ආනයනය කිරීමට තීරණය වී තිබේ. ආහාර සුරක්ෂිතතාව තහවුරු කිරීම සම්බන්ධයෙන් ප්‍රතිපත්තිමය තීන්දු තීරණ ගැනීම සඳහා එම කමිටුව ජනාධිපති ලේකම් කාර්යාලයේදී රැස්වූ අවස්ථාවේදී මෙම තීරණයට එළැඹිණි. පුරවැසියන්ගේ ආහාර අවශ්‍යතාව සපුරාලීම මෙන්ම, දේශීය නිෂ්පාදකයා ආරක්ෂා කරගැනීමේ වැදගත්කම වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍ය වසන්ත සමරසිංහ මහතා මෙහිදි පෙන්වා දුන්නේය.…

බදුල්ල මහියංගණය ප්‍රධාන මාර්ගයේ දුන්හිද තිඹිරිගස්පිටිය 4 කනුව ප්‍රදේශයේදි ඉකුත් 21 වැනි දා සිදුවූ මාරක බස් අනතුර සම්බන්ධයෙන් එම බස් රථයේ නිත්‍යා රියදුරා එම අනතුරට අනුබල‍දීමේ චෝදනාව යටතේ අද 26 දින අත්අඩංගුවට ගත් බව බදුල්ල පොලිසිය පැවසීය. අනුරාධපුර තලාව කුඹුක්ගහ වැව පදිංචි මෙම පුද්ගලයාද තුවාල ලබා බදුල්ල ශික්ෂණ රෝහලට ඇතුලත් කිරීමෙන් පසු සුවය ලැබීමෙන් පසු මෙසේ අත්අඩංගුවට ගෙන තිබේ. ඔහු අද බදුල්ල මහේස්ත්‍රාත් අධිකරණයට ඉදරිපත් කිරීමට නියමිතව තිබිණ. තමා බස්රථය මුතියංගන රථ ගාලේ නතර කර බසයේ යතුර යතුරුකවුළුයේ තිබියදීම බැසගොස් ආපන ශාලාවකින් තේ පානය කළ බවත් නැවත එනවිට අනතුර සිදුකළ රියදුරා එම බසය පනගන්වා වෙනත් බසයකට ඉඩ ලබාදෙමින් සිටි බවත්…

ජූනි මාසයේ දී යවත්කාලීන කරන ලද ඔක්ස්ෆර්ඩ් ශබ්දකෝෂයට සිංහල වදන් කීපයක් එක් වී ඇති අතර, එය අපගේ සංස්කෘතික උරුමයට ලැබුණු ජාත්‍යන්තර පිළිගැනීමකි. එසේ අලුතින් එක්වුණු සිංහල වචන අතරේ asweddumize (අස්වැද්දීම) යන කැපී පෙනෙයි. ඊට අමතරව, මෙම ජූනි මාසයේ සිට ඔක්ස්ෆර්ඩ් ශබ්දකෝෂයට එක්වන සෙසු වදන් වන්නේ, කොත්තු රොටි (kottu roti), වටලප්පන් (vatalappam), මැල්ලුම් (mellum), කිරිබත් (kiribath), අවුරුදු (avurudu) බයිලා (baila) සහ පපරේ (papare) ය.

ඇල්ල පොලිසිය ආසන්නයේ පයිනස් වනරක්ශිතයේ හට ගත් ගින්න අද (26) දෙවන දිනටත් ඇල්ල අහස්නවය ආරුක්කු පාලම දෙසට පැතිර යමින් පවතින බවත් මෙම ගිනිතැබීම සිදුකල බවට සැකපිට ඇල්ලේ සංචාරක හෝටලයක කලමනාකරුවෙකු අත් අඩංගුවට ගත් බව ඇල්ල පොලිසිය පවසයි . මෙසේ අත්අඩංගුවට ගෙන ඇත්තේ බණ්ඩාරවෙල ඇත්තලපිටිය ප්‍රදේශයේ පදිංචි ඇල්ල ප්‍රදේශයේ සංචාරක හෝටලයක කලමනාකරුවෙකු ලෙස රැකියාව කරන 33 හැවිරිදි පුද්ගලයකු යැයි පොලිසිය කීය . මොහු ඊයේ (25) පස්වරුවේ කැලිකසල ගොඩක් හෝටලය ආසන්න පරිශ්‍රයේදී ගිනිතබා ඇති බවත් , පසුව එහි ගිනිදැල් ක්‍රමයෙන් ඒ අසල පිහිටි පයිනස් වනරක්ශිතය දෙසට පැතිර යාමත් සමග මෙසේ පයිනස් වනරක්ශිතයේ ගින්න හටගත් බවද පොලිසිය සදහන් කලේය . ඇල්ල පොලිසිය වනසංරක්ෂණ…

2025 අධ්‍යයන පොදු සහතික පත්‍ර උසස්පෙළ විභාගය සදහා මාර්ගගත ක්‍රමය ඔස්සේ අයදුම්පත් කැදවීම අද සිට ආරම්භ කරන බව විභාග දෙපාර්තමේන්තුව පවසනවා. ඒ අනුව ලබන මස 21 වනදා දක්වා ඊට අයදුම් කළ හැකියි. ඒ අනුව සියලු‍ම පාසල් අයදුම්කරුවන් තම පාසලේ විදුහල්පති මගින්ද, පෞද්ගලික අයදුම්කරුවන් පෞද්ගලිකව ද අදාළ උපදෙස් අනුව අයදුම්පත්‍ර ඉදිරිපත් කළ යුතු වනවා. මෙවර උසස්පෙළ විභාගය නොවැම්බර් 10 වනදා සිට දෙසැම්බර් 05 වනදා දක්වා පැවැත්වෙනු ඇති.

සංචාරක බංග්ලාදේශ කණ්ඩායම සහ ශ්‍රී ලංකා කණ්ඩායම අතර පැවැත්වෙන තරග දෙකකින් සමන්විත ටෙස්ට් ක්‍රිකට් තරගාවලියේ දෙවැනි තරගයේ පළමු ඉනිම සඳහා බංග්ලාදේශ කණ්ඩායම සියලු දෙනා දැවී ලකුණු 247ක් ලබා ගත්තා. කාසිය වාසිය දිනා පළමුව පන්දුවට පහර දීමට බංග්ලාදේශ නායක නජ්මුල් හුසේන් ශන්තෝ තීරණය කළ අතර ඒ අනුව පිටියට පිවිසි බංග්ලාදේශ කණ්ඩායම වෙනුවෙන් ශාදම් ස්ලාම් ලකුණු 46ක් ද මුෂ්ෆිකර් රහීම් ලකුණු 35ක් ද ලිටන් දාස් ලකුණු 34ක්, මෙහිදි හසන් මිරාස් ලකුණු 31ක් හා තයිජුල් ස්ලාම් ලකුණු 33ක් වශයෙන් වාර්තා කළා. පන්දු යැවීමේ දී ශ්‍රී ලංකා පිළ වෙනුවෙන් අසිත ප්‍රනාන්දු කඩුලු 3ක්, විශ්ව ප්‍රනාන්දු කඩුලු 2ක් හා දිනයේදී ටෙස්ට් වරම් දිනා ගත් සොනාල්…

වාර්ෂික බස් ගාස්තු සංශෝධනයට සමගාමිව බස් ගාස්තුව සියයට 2කින් අඩු කිරීමට පියවර ගන්නා බව රජය ඊයේ (25) බස් සංගම් වෙත දැනුම්දී තිබේ. ප්‍රවාහන අමාත්‍ය බිමල් රත්නායක මහතාගේ ප්‍රධානත්වයෙන් බත්තරමුල්ල මග නැගුම කාර්්‍යාලයේදී ප්‍රවාහන අමාත්‍යාංශයේ බලධාරීන් සහ බස් සංගම් අතර පැවැති සාකච්චාවකදී මේ බව දැනුම් දී තිබේ. ජුලි 01 වනදා සිදුකිරීමට නියමිතට වාර්ෂික බස් ගාස්තු සංශෝධනය සම්බන්ධයෙන් සාකච්ඡා කිරීම සඳහා මෙම හමුව පැවැත්විණ. ඒ අනුව බස් ගාස්තුව 2%කින් අඩු කිරීමට කටයුතු කරන බවත් පළමු සහ දෙවන ගාස්තුවල සංශෝධනයක් සිදුනොවනු ඇති බවත් ජාතික ගමනාගමන කොමිෂන් සභාව බස් සංගම් වෙත දැනම් දී තිබේ එම ගාස්තු පසුව ප්‍රකාශයට පත් කරන බවත් ජාතික ගමනාගමන කොමිෂන්…

මාදම්පේ සාන්ත සෙබස්තියන් පාසලේ පළමු වසරේ ඉගෙනුම ලබමින් සිටි සිසු දරුවන්12 දෙනකු ආසාද්මික තාවයක් හේතුවෙන් මාදම්පේ රෝහලට ඇතුළත් කළ බව මාදම්පේ රෝහල් ප්‍රකාශකයෙක් කීය. රෝගි වූ දරුවන්ගේ සිරුරුවල තැනින් තැන රත් පැහැ ගැනී කැසීමට පටන් ගෙන තිබූ බව එම පංතිය භාර ගුරුවරියට නිරීක්ෂණය වීමෙන් පසු එම දරුවන් වහා රෝහල් ගත කිරීමට පියවර ගෙන ඇත. මූලික ප්‍රතිකාරවලින් පසු දරුවන් රෝහලෙන් පිටව ගිය බව ද රෝහල් ප්‍රකාශකයා කීය.

ඖෂධ සහ ශල්‍ය උපකරණ හිඟ අවස්ථාවන් වලදී ඒවා මිලදි ගැනිම සඳහා රුපියල් කෝටි 3500 ක මුදලක් වෙන්කර ඇතැයි කැබිනට් මාධ්‍ය ප්‍රකාශක, සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා කොළඹදී පැවසීය. වෛද්‍ය සැපයීම් අංශයේ මධ්‍යම ගබඩාවේ හෝ ආසන්න වෛද්‍ය මධ්‍යස්තාන වල එම ඖෂධ සහ ශල්‍ය උපකරණ නොමැතිනම් සාධාරණ මිල ගනන් යටතේ පූර්ණ විනිවිදභාවයෙන්, කඩිනමින් මෙම මිලදී ගැනිම් සිදුකිරිමට රෝහල් බළධාරින්ට ඕනෑම අවස්ථාවක හැකියාව පවතින බවද අමාත්‍යවරයා සඳහන් කළේය. රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම් දීමේ මාධ්‍ය හමුවේදී මාධ්‍යවේදීන් කළ විමසීමේදි අමාත්‍යවරයා මේ බව සඳහන් කළේය.