Subscribe to Updates
Get the latest creative news from FooBar about art, design and business.
Author: LANKA24X7
මාරවිල දිසා අධිකරණයේ සේප්පුවේ තිබී රුපියල් ලක්ෂ 22කට වඩා වැඩි මුදලක් අතුරුදහන් වී තිබෙනවා. එම සිද්ධිය සම්බන්ධයෙන් එම අධිකරණයේම සේවය කරන ලිපිකරුවෙකු සහ ලිපිකාරිණියක් මාරවිල පොලීසිය විසින් ඊයේ (27) දින අත්අඩංගුවට ගෙන තිබුණා. අධිකරණ සේප්පුවේ තැන්පත් කර තිබූ රුපියක් 22,07,000ක මුදලක් මෙලෙස අස්ථාන ගත වී ඇති බව එම අධිකරණයේ රෙජිස්ටාර්වරියක ලෙස සේවය කරන ශාරිකා මානෙල් වික්රමනායක පසුගිය මාර්තු 20 වැනිදා මාරවිල පොලීසිය වෙත පැමිණිලි කර ඇති බවයි වාර්තා වන්නේ. පොලීසිය විසින් මෙම සිදුවීමට අදාලව විමර්ශණ කටයුතුවල දී අධිකරණයේ සේවයේ නියුතු කිහිප දෙනෙකුගෙන්ම ප්රකාශ ලබා ගැනීමටයි පොලීසිය කටයුතු කර තිබෙන්නේ. මාරවිල පොලීසිය සිද්දිය සම්බන්ධයෙන් වැඩිදුර විමර්ශන කටයුතු සිදුකරනවා.
වගාවන්ට රිළවුන්ගෙන් හා වඳුරන්ගෙන් සිදුවන හානිය වළක්වා ගැනීම සඳහා නව උපකරකණයක් නිෂ්පාදනය කර තිබෙනවා. මේ වන විට එහි පර්යේෂණ කටයුතු සිදුකරගෙන යන බවයි වාර්තා වන්නේ. මෙම නව නිෂ්පාදනය ඉංජිනේරු මනතුංග ශෙරෝන් දීප්ති ජීවකාන්ත ද සිල්වා විසින් නිශ්පාදනය කර ඇති අතර එය නිෂ්පාදනය ලුනුවිල ජාතික පොල් පර්යේෂණ ආයතනයේ ඉල්ලීමක් මතයි.
IMF එකඟතා පිළිබඳ විවාදය තුන්වන දිනටත් අද (28) පාර්ලිමේන්තුවේ පැවැත්වීමට නියමිතයි. විවාදයෙන් අනතුරුව ඡන්ද විමසීම පැවැත්වෙනු ඇති. මේ අතර ජාත්යන්තර මූල්ය අරමුදල සමඟ ඇතිකරගත් ගිවිසුම පිළිබඳව අද (28) පැවැත්වෙන ඡන්ද විමසීම සඳහා සහභාගීවීමට නොහැකි බව හිටපු ජනාධිපති මෛත්රීපාල සිරිසේන පවසනවා. කෙසේ වෙතත් ඔහු පෙරේදා (26) සඳහන් කළේ මෙම ඡන්ද විමසීමේ දී නිදහස් පක්ෂය ඊට පක්ෂව ඡන්දය ප්රකාශකරන බවයි.
අද්මිරාල් ඔෆ් ද ෆ්ලීට් වසන්ත කරන්නාගොඩ මහතා සහ ඔහුගේ බිරිඳ පිළිබඳව අමෙරිකාව ගෙන ඇති තීරණය සම්බන්ධයෙන් සිය කනස්සල්ල පළ කරන බව විදේශ කටයුතු අමාත්යාංශය නිවේදනය කරයි. විදේශ කටයුතු අමාත්ය අලි සබ්රි මහතා මේ බව ශ්රී ලංකාවේ එක්සත් ජනපද තානාපතිනි ජූලි චන්ග් මහත්මිය වෙත දන්වා තිබේ. වයඹ පළාත් ආණ්ඩුකාර, අද්මිරාල් ඔෆ් ද ෆ්ලීට් වසන්ත කරන්නාගොඩ මහතාට සහ ඔහුගේ බිරිඳට සිය රටට ඇතුළු වීම වළක්වාලමින් අමෙරිකා එක්සත් ජනපදය තහනමක් පනවනු ලැබීය. අමෙරිකා රාජ්ය දෙපාර්තමේන්තුව පැවසුවේ, ඔහු නාවික හමුදාපතිවරයා ලෙස කටයුතු කළ කාලය තුළ බරපතළ ලෙස මානව හිමිකම් උල්ලංඝනය කළ බවට එල්ල වූ චෝදනා විශ්වාසනීය ලෙස ඉදිරිපත්වීම හේතුවෙන් මෙම තීරණය ගත් බවය. රාජ්ය…
විදේශගත ශ්රමිකයින් නැවත ලංකාවට පැමිණීමේදී ගුවන්තොටුපොළේදී ලබාදෙන තීරු බදු සහනය මැයි 1 වනදා සිට ඉහළ නැංවීමට තීරණය කර තිබේ. රජයේ ප්රවෘත්ති දෙපාර්තමේන්තුවේදී අද (27) පැවති ප්රවෘත්ති සාකච්ඡාවකට එක්වෙමින් අමාත්ය මනූෂ නානායක්කාර මහතා වැඩිදුරටත් සඳහන් කර සිටියේ, ඒ සඳහා වන චක්රලේඛය නිකුත් කර ඇති බවය. ගුවන්තොටුපොළේ දී මේ වන විට ලබාදෙන තීරුබදු සහනට අමතර විශේෂ තීරු බදු සහන විදේශ ගත ශ්රමිකයින්ට ලබාදෙන ලෙසට වන කැබිනට් පත්රිකාවක් කම්කරු සහ විදේශ රැකියා අමාත්යවරයා විසින් කැබිනට් මණ්ඩලයට ඉදිරිපත් කර තිබූ අතර එයට කැබිනට් අනුමැතිය හිමිවුණි. ඒ අනුව කම්කරු හා විදේශ රැකියා අමාත්යාංශය විසින් එම චක්රෙල්ඛය නිකුත් කර තිබේ. එම චක්රෙල්ඛය අනුව නීත්යානුකූලව බැංකු ක්රමය…
කොළොන්නාව පොම්පාගාරයේ ප්රධාන පැනලයේ අත්යවශ්ය නඩත්තු කටයුත්තක් හේතුවෙන් අප්රේල් මස 29 වන දින පැය 10ක ජල කප්පාදුවක් සිදුකිරීමට නියමිත බව ජල සම්පාදන සහ ජලාපවහන මණ්ඩලය පවසයි. ජල කප්පාදුව එදින පෙ.ව 11 සිට එදින රාත්රී 9.00 දක්වා සිදුකිරීමට නියමිතය. ඒ අනුව කොළොන්නාව නගර සභා බල ප්රදේශය, මොරගස්මුල්ල , රාජගිරිය, ඔබේසේකරපුර, බණ්ඩාරනායකපුර,ඇතුල්කෝට්ටේ, නාවල, කොස්වත්ත සහ රාජගිරිය සිට නාවල විවෘත විශ්වවිද්යාලය දක්වා ප්රධාන මාර්ගය සහ ඊට සම්බන්ධිත සියලු මාර්ගවල ජල සැපයුම අත්හිටවනු ලැබේ.
ශ්රී ලංකා විදුහල්පති සේවයේ පවත්නා සේවා ගැටලු හා අඩුපාඩු පිළිබඳ ව විධිමත් ව පරීක්ෂා කර, කඩිනමින් විසඳුම් වාර්තා ලබාදීම පිණිස අධ්යාපන අමාත්ය ආචාර්ය සුසිල් ප්රේමජයන්ත් මහතා විසින් කමිටුවක් පත්කර ඇත. අධ්යාපන අමාත්යාංශය විශේෂ නිවේදනයක් නිකුත් කරමින් මේ බව සඳහන් කර තිබේ. අධ්යාපන අමාත්යාංශයේ උපදේශක මහාචාර්ය ගුණපාල නානායක්කාර මහතා ඇතුළු අධ්යාපන හා පරිපාලන ක්ෂේත්රවල ප්රවීණයන් පස් දෙනකුගෙන් සමන්විත එම කමිටුව දැනටමත් සිය කටයුතු ආරම්භ කර ඇතැයි අදාළ නිවේදනයේ දැක්වේ. සියලුම විදුහල්පති සංගම්වලින් ඔවුන්ගේ යෝජනා ලබාගෙන ඇති අතර වැඩිමනත් කරුණු දැක්වීමට මැයි මස 9 වෙනි දින දක්වා කල් ලබා දී තිබේ. මැයි 15 දින සිට සමිති සංවිධාන සමග සම්මුඛ සාකච්ඡා පැවැත්වීමට කටයුතු…
අයර්ලන්ත කණ්ඩායමට එරෙහිව සිය පළමු ඉනිම ක්රීඩා කරන ශ්රී ලංකා කණ්ඩායම වෙනුවෙන් ශ්රී ලංකා ආරම්භක පිතිකරු නිශාන් මධුෂ්ක ද්විත්ව ශතකයක් රැස්කරගැනීමට සමත්විය. තම මංගල ශතකය ද්විත්ව ශතකයක් බවට පත්කළ දෙවන ශ්රී ලාංකික ටෙස්ට් ක්රිකට් ක්රීඩකයා වන්නේ නිශාන් මධුෂ්කයි. මීට පෙර 1987 වර්ෂයේදී හිටපු ශ්රී ලංකා ක්රීඩක බ්රෙන්ඩන් කුරුප්පු සිය මංගල ටෙස්ට් ශතකය ද්විත්ව ශතකයක් බවට පත්කිරීමට සමත්විය. එහිදී ඔහු නවසීලන්තය ට එරෙහිව නොදැවී ලකුණු 201ක් රැස්කරගැනීමට සමත්විය. නිෂාන් මදුෂ්ක වාර්තා අතරට එක්වූයේ ශ්රී ලංකාව වෙනුවෙන් ටෙස්ට් ද්විත්ව ශතකයක් රැස් කළ 12වන ක්රීඩකයා ලෙසය. සංචාරක අයර්ලන්ත කණ්ඩායම සහ ශ්රී ලංකා කණ්ඩායම අතර පැවැත්වෙන දෙවන සහ අවසන් ටෙස්ට් ක්රිකට් තරගයේ සිවුවන දිනය…
මුලතිව්, වවුනිකුලම වැවේ ගිලී එකම පවුලේ සහෝදරයින් දෙදෙනෙකු ජීවිතක්ෂයට පත්ව ඇතැයි පොලීසිය පැවසීය. මල්ලාවි ප්රදේශයේ මළ ගෙදෙරකට පැමිණීමෙන් අනතුරුව සිය පවුලේ ඥාතීන් සමඟ වැවේ දියනෑමට ගිය අවස්ථාවේ සහෝදරයින් දෙදෙනා මෙම අවාසනාවන්ත සිදුවීමට මුහුණ දී තිබේ. යාපනය, නල්ලූර් ප්රදේශයේ පදිංචි එකම පවුලේ සහෝදරයන් වන 27 හැවිරිදි රවිචන්ද්රන් සුරේෂ් සහ 16 හැවිරිදි රවිචන්ද්රන් සුමන් නැමති තරුණයින් දෙදෙනා මෙලෙස දියේ ගිලී ජීවිතක්ෂයට පත්ව ඇත. තරුණයින් දෙදෙනාගේ මව සහ පියා ද වැවේ දියනෑමට ගොස් ඇති අතර, අනතුර සිදුවන අවස්ථාවේ වැවේ සොරොව්ව විවෘත කර තිබී ඇත. එම අවස්ථාවේ දී විශාල ජල පහරකට මැදිව තරුණයින් දෙදෙනා දියේ ගිලුණු බව මුලික පොලිස් පරීක්ෂණවල දී අනාවරණය වී තිබේ.…
පසුගිය වසරට සාපේක්ෂව මේ වසරේ ගත වු මාස කිහිපය තුළ වනඅලි මියයාම් ඉහළ ගොස් ඇති බව වනජීවි සංරක්ෂණ දෙපාර්තමේන්තුව පවසයි. ඒ අනුව මේ වසරේ ගත වු මාස හතර තුළ මිනිස් ක්රියාකාරකම් ඇතුළු විවිධ හේතූන් මත වනඅලි 143 දෙනෙකු මියගොස් ඇති බව එහි ප්රකාශිකාවක් සඳහන් කළාය. එම අලි මරණ අතුරෙන් වෙඩි තැබීම්වලින් මරණ 37ක් ද විදුලි සැර වැදීම්වලින් මරණ 27ක් සහ හක්ක පටස් ආහාරයට ගැනීමෙන් මරණ 06ක් ද සිදුව තිබේ. එමෙන්ම වනඅලි පහරදීම් හේතුවෙන් පුද්ගලයින් 36දෙනෙකු මේ වසරේ ගත වු මාස හතර තුළ ජීවිතක්ෂයට පත්ව ඇති බව අදාළ ප්රකාශිකාව සඳහන් කළාය. ඉන් වැඩිම මරණ සංඛ්යාවක් නැගෙනහිර වනජීවි කලාපයෙන් වන අතර එම…