Author: LANKA24X7

ජනප්‍රිය රංගන ශිල්පියෙක් සහ අධ්‍යක්ෂවරයෙක් වන මනෝ බාලා මහතා අභාවප්‍රාප්ත වී තිබේ. අයහපත් සෞඛ්‍ය තත්ත්වයෙන් සිටි ඒ මහතා මියයන විට 69 හැවිරිදි වියේ පසුවුණි. මනෝ බාලා මහතා චිත්‍රපටි 40ක්, රූපවාහිනී ටෙලිනාට්‍ය 16ක්, රූපවාහිනී චිත්‍රපට 3ක් අධ්‍යක්ෂණය කර ඇති අතර චිත්‍රපට 200කට අධික සංඛ්‍යාවකට රංගනයෙන් දායකත්වය ලබාදී තිබේ. අක්මාවේ ඇති වූ ආබාධයක් හේතුවෙන් චෙන්නායි ඇපලෝ රෝහලේ ප්‍රතිකාර ලබමින් සිටි ඒ මහතා පසුගිය දින 15ක පමණ සිට නිවසේ ප්‍රතිකාර ලබමින් සිටියේය.

හිඟුරක්ගොඩ ගුවන් හමුදා කඳවුර තුළ ඇති ගුවන්තොටුපොළ ජාත්‍යන්තර සිවිල් ගුවන්තොටුපොළක් ලෙසට සංවර්ධනය කිරීමට වරාය නාවික හා ගුවන් සේවා අමාත්‍යාංශය සැලසුම් කර තිබේ. ගුවන් හමුදාව මගින් එහි පරිපාලන කටයුතු සහ මෙහෙයුම් කටයුතු මේ වනවිට සිදුකරනු ලබයි. වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතාගේ ප්‍රධානත්වයෙන් මේ පිළිබඳව විශේෂ සාකච්ඡාවක් අද පෙරවරුවේ එම අමාත්‍යාංශයේදී සිදුකර තිබේ. අමාත්‍යාංශය නිවේදනයක් නිකුත් කරමින් පවසන්නේ දැනට මීටර් 2287ක දිගින් යුතු ධාවන පථය මීටර් 2800ක් පමණ දිගු කිරීම, මේ සඳහා පිවිසුම් මාර්ගයක් ඉදිකිරීම, ගුවන්යානා අංගනයක් ඉදිරිකිරීම, ගුවන් නාවික මෙහෙයුම් පද්ධතියක් සැකසීම, ගුවන් පාළක කුළුණක් ඉදිකිරීම, මගී පර්යන්තයක් ඉදිකිරීම ආදී මූලික අත්‍යවශ්‍ය ඉදිකිරීම් සිදුකිරීමට මෙම…

අද (03) මධ්‍යම රාත්‍රියේ සිට ලිට්‍රෝ ගෑස් සමාගම සිය මිල ගණන් සංශෝධනය කර තිබේ. ඒ අනුව කිලෝග්‍රෑම් 12.5ක ගෘහස්ත ගෑස් සිලින්ඩරයක් රුපියල් 100කින් පහත දමා ඇත. එහි නව මිල රුපියල් 3,638කි. මේ අතර කිලෝ ග්‍රෑම් 5 ගෑස් සිලින්ඩරයක් රුපියල් 40කින් පහත දමා ඇති අතර එහි නව මිල රුපියල් 1,462කි. කිලෝගෑම් 2.3ක ගෑස් සිලින්ඩරයක් රුපියල් 19 කින් පහත දමා ඇති අතර එහි නව මිල රුපියල් 681කි.

2022 වසරේදී රත්නපුර දිස්ත්‍රික්කයේ පමණක් ක්ෂය රෝගය වැළඳුණු පුද්ගලයින් 301දෙනෙකු අතරින් 30 දෙනෙකු මියගොස් ඇති බව වාර්තා වෙයි. වෛද්‍යවරු පවසන්නේ ජනතාවගේ නොදැනුවත්කම හා රෝගීන් නිසි ප්‍රතිකාරවලට යොමුනොවීමෙන් මේ වසරේ මුල් මාස කිහිපයේදී ද එම තත්ත්වයේ අඩුවක් නොමැති බවය. ක්ෂය රෝගය වැළඳී එහෙත් හඳුනානොගත් රෝගීන් 4,000ත් 5,000ත් අතර ප්‍රමාණයක් සමාජය තුළ සිටින බවට අනුමාන කෙරේ. මෙම රෝගය බැක්ටිරියාවක් මගින් පැතිරෙයි. රෝගී පුද්ගලයෙකු කහින විට, කතාකරන විට, කිවිසුම් යවන විට, සිනාසෙන විට, නිරෝගී පුද්ගලයකුට වාතය හරහා එය බෝවෙයි.

වෙසක් උත්සවයට සමගාමීව දිවයිනපුරා පැවැත්වෙන දන්සැල් පරීක්ෂා කිරීම සඳහා මහජන සෞඛ්‍ය පරීක්ෂකවරුන් 3,000ක් යොදවා ඇති බව මහජන සෞඛ්‍ය පරීක්ෂකවරුන්ගේ සංගමය පවසයි. එහි සභාපති උපුල් රෝහණ මහතා සඳහන් කළේ, දන්සැල් පැවැත්වීමට පෙර එය ලියාපදිංචි කිරීම අනිවාර්යය වන බවය. “එළැඹෙන වෙසක් උත්සවය වෙනුවෙන් දන්සල් ලියාපදිංචි කිරීම සඳහා අවශ්‍ය කටයුතු අපි සෞඛ්‍ය වෛද්‍ය නිලධාරී කාර්යාලවල සියල්ල සුදානම් කරලා තියෙනවා. ඔබ දන්සැලක් දෙන්න අපේක්ෂා කරනවා නම් ඔබ දන්සැල ලබාදෙන පරිශ්‍රය පිහිටි සෞඛ්‍ය වෛද්‍ය නිලධාරී කාර්යාලයට ගිහින් ලිඛිතව දැනුම් දුන්නහම දන්සල ලබාදෙන දිනය, ස්ථානය හා වර්ගය පිළිබඳව අවශ්‍ය උපදෙස් අපි ලබාදෙනවා. ඒ වගේම ස්ථාන පරීක්ෂා කරලා අවශ්‍ය නිර්දේශ අපි ලබාදෙනවා. ඒ වගේම දිවයින පුරා මහජන…

මහින්ද රාජපක්ෂ ජාතික ටෙලි සිනමා උද්‍යානය රාජ්‍ය හා පෞද්ගලික හවුල්කාරිත්ව ක්‍රමවේදයක් යටතේ කළමනාකාරණ කිරීමට කැබිනට් අනුමැතිය හිමිව තිබේ. බුද්ධශාසන, ආගමික සහ සංස්කෘතික කටයුතු අමාත්‍යවරයා විසින් ඉදිරිපත් කරන ලද එම යෝජනාවට එලෙස අනුමැතිය හිමිව ඇත. එම යෝජනාව 2023.02.27 දින පැවති රැස්වීමේදී සාකච්ඡාවට ගෙන ඇතැයි ද රජයේ ප්‍රවෘත්ති දෙපාර්තමේන්තුව නිවේදනය කරයි. එහිදී ඒ පිළිබඳව කරුණු අධ්‍යනය කර අමාත්‍ය මණ්ඩලය වෙත වාර්තාවක් ඉදිරිපත් කිරීම සඳහා එකී යෝජනාව රාජ්‍ය – පෞද්ගලික හවුල්කාරිත්ව ජාතික නියෝජිතායතනය යෙත යොමු කිරීමට තීරණය කර තිබේ. ඒ අනුව, එම නියෝජිතායතනය විසින් ඉදිරිපත් කරනු ලැබ ඇති වාර්තාව අමාත්‍ය මණ්ඩලය විසින් සලකා බලා, එකී වාර්තාවේ දක්වා ඇති නිර්දේශ මත පදනම්ව මහින්ද රාජපක්ෂ…

කළුතර උතුර පොලීසියේ සේවය කොට විශ්‍රාම ලැබූ කළුතර දකුණ, සේරුපිට, කොහොලාන ප්‍රදේශයේ පදිංචිව සිටි විශ්‍රාමික පොලිස් සැරයන්වරයෙක් විදුලිසැර වැදී ජීවිතක්ෂයට පත්ව තිබේ. විදුලිසැර වැදී බරපතළ තත්ත්වයෙන් සිටි විශ්‍රාමික පොලිස් සැරයන්වරයා කළුතර ශික්ෂණ රෝහලට ඇතුළත් කිරීමෙන් අනතුරුව ඊයේ (02) රාත්‍රීයේ ජීවිතක්ෂයට පත්ව ඇත. ඔහුගේ නිවසේ රූපවාහිනිය සඳහා ඇන්ටනාව සකස් කිරීමේදී ඇන්ටනා බටය විදුලි වයරයක ගැටීමෙන් අනතුර සිදුවී ඇත. සිද්ධිය සම්බන්ධයෙන් දකුණු කළුතර පොලීසිය පරීක්ෂණ පවත්වයි.

2023 මැයි මාසයේ පළමු ගනුදෙනු දිනය වූ ඊයේ (02) කොළඹ කොටස් වෙළෙඳපොළ මිල දර්ශකවල දැවැන්ත කඩා වැටීමක් වාර්තා විය. ඊයේ දින ගනුදෙනු සැසිය අවසානයේ දී සියලු කොටස් මිල දර්ශකය ඒකක 271.75 කින් සහ එස් ඇන්ඩ් පී ශ්‍රී ලංකා 20 දර්ශකය ඒකක 103.42 කින් පහළ ගොස් තිබුණි. මෙය පූර්ව ගනුදෙනු දිනය හා සැසඳීමේ දී පිළිවෙළින් 3.03% ක හා 3.95% ක පහළ යාමකි. මේ අනුව දිනය අවසානයේ දී සියලු කොටස් මිල දර්ශක අගය ඒකක 8,711.46 ක් හා S&P SL20 දර්ශක අගය ඒකක 2,514.37 ක් ලෙසින් සටහන්ව තිබුණි. සියලු කොටස් මිල දර්ශකය අඛණ්ඩව 11 වෙනි දිනටත් පහළ යාමක් වාර්තා විය.

යෝජිත ප්‍රතිත්‍රස්ත පනත සම්බන්ධයෙන් මහජන අදහස් ලබාදීමට මැයි 31 වැනිදා දක්වා කාලය ලබාදී ඇතැයි අධිකරණ හා ආණ්ඩුක්‍රම ව්‍යවස්ථා ඇමැති ආචාර්ය විජයදාස රාජපක්‍ෂ මහතා පවසයි.

තමාට හා තම බිරිඳට ඇමරිකාවට ඇතුළුවීම තහනම් කරමින් ඇමරිකානු රාජ්‍ය ලේකම් ඇන්ටෝනි ජේ. බිලින්කන් නිකුත් කර ඇති නිවේදනය මුළුමනින්ම නීති විරෝධී සහ තම මූලික අයිතීන් දැඩිව උල්ලංඝනය කළ ලියවිල්ලක් බව පෙන්වා දෙමින් හිටපු නාවික හමුදාපති වයඹ පළාත් ආණ්ඩුකාර අද්මිරාල් ඔෆ් ද ෆ්ලීට් වසන්ත කරන්නාගොඩ විසින් මෙරට ඇමරිකානු තානාපති ජුලී චන්ග් මහත්මිය වෙත ලිපියක් යොමු කර තිබේ. වසන්ත කරන්නාගොඩ මහතා විසින් අදාළ ලිපිය පෙරේදා (01 වැනිදා) කොළඹ හෝර්ටන් පෙදෙසේ පිහිටි ඇමරිකානු තානාපති කාර්යාලය වෙත යවා ඇත. ඇමරිකානු නීතියට අනුව යම් පුද්ගලයකුට එරෙහිව චෝදනා එල්ල කරන්නේ නම් ඔහුට ඒ බව දැනුම් දී ඒ සඳහා කරුණු විමසීමක් කළ යුතු වුව ද ඇමරිකානු රාජ්‍ය…