Author: LANKA24X7

13 වන ආණ්ඩුක්‍රම ව්‍යවස්ථා සංශෝධනය සම්බන්ධයෙන් මහජන ආරක්ෂක අමාත්‍ය ටිරාන් අලස් මහතා සහ දෙමළ ජාතික සන්ධානයේ මන්ත්‍රීවරුන් අතර සාකච්ඡාවක් පවත්වා තිබේ. මහජන ආරක්ෂක අමාත්‍යංශයේ දී පැවති සාකච්ඡාවේ දී විශේෂයෙන් පොලිස් බලතල සම්බන්ධයෙන් අවධානය යොමුවූ බව වාර්තා වෙයි. මෑත කාලයේ එංගලන්තය සහ ඉන්දියාව වැනි දියුණු රටවල්වල පවා බලය බෙදීම ඉතා විශිෂ්ට අයුරින් සිදුවූ බව එහි දී පෙන්වා දුන් දෙමළ සන්ධාන මන්ත්‍රීවරුන්, එම ක්‍රමවේදයන් මෙරට තුළ ද ක්‍රියාත්මක කිරීමේ හැකියාව පවතින බව සඳහන් කර ඇත. කෙසේවෙතත් එංගලන්තයේ හා ශ්‍රී ලංකාවේ දේශපාලන සමාජීය සංස්කෘතීන් සම්පූර්ණයෙන්ම වෙනස් බව එහි දී ටිරාන් අලස් අමාත්‍යවරයා සඳහන් කර තිබේ. මේ වන විට උතුරු ප්‍රදේශය පුරාවට මත්ද්‍රව්‍ය සහ…

ඖෂධ ආසාත්මිකතා හේතුවෙන් වාර්තාවූ සිද්ධීන් ගැන සෙවීමට පත්කළ කමිටුවේ සාමාජික මහාචාර්ය චන්දිම ජීවන්දර මහතා එම කමිටු වාර්තාව පිළිබඳ ඊයේ (10) පැහැදිලි කිරීමක් සිදුකළේය. එහිදී ඔහු පැවසුවේ, සෞඛ්‍ය විශේෂඥ කමිටුවේ අවධානයට ලක්වූ ඖෂධ ආසාත්මිකතා සම්බන්ධ සිදුවීම් අතරින් රෝගී මරණ 02ක් එම ආසාත්මිකතා හේතුවෙන් සිදුවී ඇති බවය. සෞඛ්‍ය ගැටලු පිළිබඳ විශේෂඥ කමිටු වාර්තාවේ නිර්දේශ සම්බන්ධයෙන් පැහැදිලි කිරීම සඳහා සෞඛ්‍ය අමාත්‍යංශයේදී අද පැවැති ප්‍රවෘත්ති සාකච්ඡාවකට එක්වෙමින් ශ්‍රී ජයවර්ධනපුර විශ්වවිද්‍යාලයේ ආසාත්මිකතා, ප්‍රතිශක්තිවේද සහ සෛල ජෛව විද්‍යා අංශයේ අධ්‍යක්ෂ මහාචාර්ය චන්දිම ජීවන්දර මහතා මේ බව පැවසීය.

අමාත්‍යාංශ කිහිපයක් ඒකාබද්ධ කරමින් රජයේ හා පෞද්ගලික අංශයේ නියෝජිතයන් ඇතුළත්ව කෘෂිකාර්මික නවීකරණය සඳහා කාර්‍ය සාධක බළකායක් ක්‍රියාත්මක කිරීමට නියමිත බව ජනාධිපති රනිල් වික්‍රමසිංහ මහතා අවධාරණය කරයි. කෘෂිකර්ම, වැවිලි සහ වාරිමාර්ග අමාත්‍යාංශය සහ මහවැලි සංවර්ධන අමාත්‍යාංශ මෙසේ ඒකාබද්ධ කිරීමට නියමිත බව ජනාධිපති මාධ්‍ය අංශය වාර්තා කර තිබේ. මෙම ඒකාබද්ධ කිරීම, පළාත් සභා නවයක සම්පත් සමඟ කෘෂිකර්මයට සම්බන්ධ ගැටලු කාර්යක්ෂමව විසඳීම අරමුණු කරගෙන ඇති බව සඳහන්ය.

ආනයනය කළ මෝටර් රථ 03ක් හම්බන්තොට වරායෙන් නිදහස් කරදෙන බවට පවසා මුදල් වංචා කළ පුද්ගලයෙකුව පොලීසිය විසින් අත්අඩංගුවට ගෙන තිබේ. ඔහු විසින් පුද්ගලයින් තිදෙනෙකුගෙන් රුපියල් මිලියන 6.2ක් ලබාගෙන ඇති බවද වාර්තා වෙයි. මෙලෙස අත්අඩංගුවට ගෙන ඇත්තේ තලවතුගොඩ ප්‍රදේශයේ පදිංචි පුද්ගලයෙක්වය.

MTFE SL Group ආයතනය සම්බන්ධයෙන් ශ්‍රී ලංකා මහ බැංකුවේ නිරාකරණ සහ බලගැන්වීමේ දෙපාර්තමේන්තුව විමර්ශනයක් ආරම්භ කර තිබේ. අදාළ ආයතනයේ ක්‍රියාකාරකම් තහනම් පිරමීඩ යෝජනා ක්‍රම යටතට වැටෙන බවට විශ්වාස කළ හැකි කරුණු අනාවරණ වෙමින් පවතින බව මහ බැංකුව පවසයි.

දුම්රිය මාර්ගයේ නඩත්තු කටයුත්තක් හේතුවෙන් මහනුවර සිට මාතලේ දක්වා දුම්රිය ධාවනය තාවකාලිකව නතර කිරීමට සිදුවන බව ශ්‍රී ලංකා දුම්රිය සේවය පවසයි. මහනුවර සහ කටුගස්තොට අතර දුම්රිය මාර්ගය නඩත්තු කිරීමක් හේතුවෙන් මෙලෙස අදාළ කොටසේ දුම්රිය ධාවනව තාවකාලිකව නැවැත්වීමට පියවර ගෙන ඇත. එබැවින් අගෝස්තු මස 18 වනදා මධ්‍යම රාත්‍රියේ සිට 21 වනදා පෙරවරු 04.00 දක්වා එම දුම්රිය මාර්ගයේ දුම්රිය ධාවනය සිදු නොවන බව ශ්‍රී ලංකා දුම්රිය මූලස්ථානයේ නියෝජ්‍ය සාමාන්‍යධිකාරි (ගමනාගමන) එන්.ජේ. ඉඳිපොලගේ මහතා පැවසීය.

කැලණිමුල්ල වීදියබණ්ඩාර මාවතේ කාණුවක් අසල තිබියදී පසුගිය (09) සෙයාගත් බිළිඳු මළසිරුර පිළිබඳ පශ්චාත් මරණ පරීක්ෂණය ඊයේ (10) සිදුකෙරුණි. එහිදී අනාවරණය වුණේ බිළිඳා ජීවත්ව සිටියදී කාණුවට දමා ඇති බවත් එහිදී බිළිඳාගේ පෙනහලු තුළට ජලය ඇතුළුවීම හේතුවෙන් මරණය සිදුවී ඇති බවය. අදාළ සිද්ධිය සම්බන්ධයෙන් මේ වනවිට බිළිඳාගේ මව්පියන් අත්අඩංගුවට ගෙන රක්ෂිත බන්ධනාගාරගත කර තිබේ

ලියුකේමියා රෝගය උත්සන්නවී අසාද්‍යව සිටින 10 හැවිරිදි ඇමෙරිකා ජාතික එමා එඩ්වර්ඩ්ස්ගේ ජීවිතයේ එක් සිහිනයක් ඇය මිය යෑමට පෙර සැබෑ කර දීමට ඇයගේ මාපියෝ කටයුතු කළහ. එමා එඩ්වර්ඩ්ස් කුඩා කළ සිටම ඇයගේ හොඳම මිතුරා වන 10 හැවිරිදි ඩැනියෙල් මාෂල්ර් සමග විවාහ වීමට සිහින මවා ඇත. එමාට ජීවත්වීමට වැඩි කාලයක් නොමැති වීම හේතුවෙන් ඇයගේ මාපියන් එමාගේ සිහිනය සැබෑ කර දීමට පසුගිය දා කටයුතු කර තිබිණ. ඒ අනුව එමා එඩ්වර්ඩ්ස් සහ ඩැනියෙල් මාර්ෂල් ක්‍රිස්ටෝෆර් විවාහ ගිවිසගෙන ඇති අතර විවාහ ගිවිස ගැනීමෙන් දින 12 කට පසුව එමා අවාසනාවන්ත ලෙස මිය ගියාය. එමාගේ මාපියන් පවසා ඇත්තේ තම දියණිය ලියුකේමියා රෝගය පාරද කරා වී යැයි තමන්…

දහතුන් වැනි ආණ්ඩුක්‍රම ව්‍යවස්ථා සංශෝධනය සම්බන්ධයෙන් ජනාධිපතිවරයා ඉදිරිපත් කළ යෝජනා හා අදහස් පරීක්ෂාකර බලා රට වෙනුවෙන් සද්භාවයෙන් කටයුතු කිරීමට සූදානම් බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී ඊයේ (9) පැවසීය. දහතුන් වැනි ආණ්ඩුක්‍රම ව්‍යවස්ථා සංශෝධනය ක්‍රියාත්මක කරන්නේ කවුරුන් වෙනුවෙන් දැයි මෙහිදී ප්‍රශ්න කළ විපක්ෂනායකවරයා මුලින්ම පළාත් සභා පළාත් පාලන ඡන්ද පවත්වා ජනවරමක් සමග මෙම සංශෝධනය ක්‍රියාත්මක කිරීම වැදගත් බවද ප්‍රකාශ කළේය. විපක්ෂනායකවරයා මෙසේ පැවසූවේ දහතුන් වැනි ආණ්ඩුක්‍රම ව්‍යවස්ථා සංශෝධනය සම්බන්ධයෙන් ජනාධිපති රනිල් වික්‍රමසිංහ මහතා කළ ප්‍රකාශය පිළිබඳව අදහස් ඉදිරිපත් කරමිනි. සජිත් ප්‍රේමදාස මහතා මෙසේද සඳහන් කළේය. ඔබතුමා මේ රටේ ජනවරමට ඉඩක් දෙන්න. ඔබතුමා ප්‍රජාතන්ත්‍රවාදය වෙනුවෙන් හඬක් නැගුවා. විපක්ෂයේ ඉඳිද්දි නැඟූ…

ශ්‍රී ලංකා කාන්තා ක්‍රිකට් කණ්ඩායම තරග සංචාරයක් සඳහා මෙම මස 28 වනදා එංගලන්තයට යෑමට නියමිතය. එම සංචාරයේදී ශ්‍රී ලංකා කාන්තා කණ්ඩායම එක්දින තරග 3කට සහ 20යි 20 තරග 3කට සහභාගී වෙයි. 20යි 20 තරග පිළිවෙලින් අගෝස්තු 31 සහ සැප්තැම්බර් 02, 06 යන දිනවල පැවැත්වෙනු ඇත. අනතුරුව එක්දින ජාත්‍යන්තර තරග පැවැත්වෙයි. ඒ සැප්තැම්බර් 09, 12 සහ 14 යන දිනවලදීය.