Author: LANKA24X7

පාර්ලිමේන්තු පක්ෂ නායකයන්ගේ රැස්වීමක් කතානායක වෛද්‍ය ජගත් වික්‍රමරත්න මහතාගේ ප්‍රධානත්වයෙන් හෙට (16) පැවැත්වේ. පාර්ලිමේන්තුවේ ඉදිරි කටයුතු සම්බන්ධයෙන් මෙහිදී තීරණය කිරීමට නියමිතව ඇතැයි එහි උසස් නිලධාරියෙක් පැවසීය.

මාර්ග අනතුරු අවම කිරීමට තවත් දැඩි නීති ගෙන එන බව මහජන ආරක්ෂක අමාත්‍ය ආනන්ද විජේපාල මහතා පැවසීය. මාර්ග අනතුරු අවම කිරීමට ශක්තිමත් නීති ඇති බව පැවසු අමාත්‍යවරයා නීති ක්‍රියාවේ නොයෙදෙන පොලිස් නිලධාරීන් සම්බන්ධයෙන්ද සොයා බලා සුදුසු පියවර ගන්නා බව ප්‍රකාශ කළේය. කොත්මලේ බස් අනතුරු සම්බන්ධයෙන් පත් කෙරුණු කමිටුවේ වාර්තාව සති දෙකක් ඇතුළත ලැබෙන බව ආනන්ද විජේපාල මහතා පැවසීය. එම වාර්තාව අධ්‍යයනය කිරීමෙන් අනතුරුව එවැනි අනතුරු වැළැක්වීමට ගතයුතු ක්‍රියා මාර්ග තීරණය කරන බවද ඔහු සඳහන් කළේය.

අ.පො.ස.(සා.පෙළ) විභාගය – 2024(2025) සෞන්දර්ය විෂය ප්‍රායෝගික පරීක්ෂණ 2025.05.21 දින සිට 2025.05.31 දින තෙක් පැවැත්වෙන බව විභාග දෙපාර්තමේන්තුව පවසයි. නිවේදනයක් නිකුත් කරමින් විභාග කොමසාරිස් ජනරාල් ඒ.කේ.එස්. ඉන්දිකා කුමාරි ලියනගේ මහතා සඳහන් කළේ අපේක්ෂකයන් 171,100ක් සඳහා දිවයින පුරා පරීක්ෂණ මණ්ඩල 1,228 කදී සෞන්දර්ය විෂය ප්‍රායෝගික පරීක්ෂණ පැවැත්වෙන බවය. 41 – සංගීතය (අපරදිග) විෂයයෙහි ශ්‍රවණ පරීක්ෂණය 2025.05.25 දින එම විෂයෙහි ප්‍රායෝගික පරීක්ෂණ පැවැත්වෙන මධ්‍යස්ථානවලදී පැවැත්වේ. 40 – සංගීතය (පෙරදිග) 42 – සංගීතය (කර්ණාටක) 45 – නැටුම් (හරත) 51 – නාට්‍ය හා රංග කලාව (දෙමළ) 41 – සංගීතය (අපරදිග) 44 – නැටුම් (දේශීය) 50 – නාට්‍ය හා රංග කලාව (සිංහල) 52 – නාට්‍ය…

පතල් කර්මාන්තයේ නිරත කාර්මිකයින් සඳහා වාර්ෂිකව අලුත් කළ හැකි හදිසි අනතුරු රක්ෂණ ක්‍රමවේදයක් ක්‍රියාත්මක කිරීමට කෘෂිකාර්මික හා ගොවිජන රක්ෂණ මණ්ඩලය තීරණය කර තිබේ. සහනදායී රක්ෂණ වාරික මුදලක් අය කර ගනිමින් අදාල රක්ෂණය සැලසුම් කිරීමට තීරණය කර ඇත. පතල් කර්මාන්තය යනු ඉතා අවදානම් රැකියාවක් වන බැවින් මෙම තීරණයට එළැඹි බව කෘෂිකාර්මික හා ගොවිජන රක්ෂණ මණ්ඩලය කියයි. එම රැකියාවේ පවතින අනාරක්ෂිත භාවය නිසාම පතල් රැකියාවේ නිරතවන තරුණ පිරිස් ක්‍රමයෙන් අඩු වෙමින් පවතින බවද ගොවිජන ලක්ෂණ මණ්ඩලය කියයි.

දිවයින පුරා මේ වසරේ මේ දක්වා කාලයේදී ඩෙංගු රෝගීන් 19901ක් වාර්තා වී ඇතැයි ජාතික ඩෙංගු මර්දන ඒකකයේ අධ්‍යක්ෂ විශේෂඥ වෛද්‍ය සුදත් සමරවීර මහතා පැවසීය. මේ වසරේ මේ දක්වා කාලය ඇතුළත ඩෙංගු මරණ හතක් වාර්තා වී ඇති බවද ඔහු සඳහන් කළේය. දිවයින පුරා ඩෙංගු අවදානම් සෞඛ්‍ය වෛද්‍ය නිලධාරී කාර්යාල වසම් 38ක් හඳුනාගෙන ඇති බව පැවසූ සමරවීර මහතා පසුගිය වසරේ මැයි අප්‍රේල් මාස වලට සාපේක්ෂව මේ වසරේ මැයි අප්‍රේල් කාලයේදී ඩෙංගු පැතිරීමේ සීග්‍ර වර්ධනයක් පෙන්නුම් කළ බවද ප්‍රකාශ කළේය. මැයි මාසයේ පමණක් ඩෙංගු රෝගීන් 2355ක් වාර්තා වී ඇති බවත් වැඩිම රෝගීන් ප්‍රමාණයක් වාර්තා වී ඇත්තේ බස්නාහිර පළාතෙන් බවත් බෙංගු මර්දන ඒකකය පවසයි.…

මේ වසරේ ගත වූ කාලය තුළ පුද්ගලයින් 965 දෙනෙකු රිය අනතුරුවලින් මියගොස් තිබේ.

බස්නාහිර සහ සබරගමුව පළාත්වලත් ගාල්ල, මාතර සහ පුත්තලම දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණවිද්‍යා දෙපාර්තමේන්තුව කියයි. දිවයිනේ සෙසු ප්‍රදේශවල සවස් කාලයේ දී හෝ රාත්‍රී කාලයේ දී තැනින් තැන වැසි හෝ ගිඟුරුම් සහිත වැසි ඇති විය හැකි බව ද එම දෙපාර්තමේන්තුව සඳහන් කරයි . බස්නාහිර සහ සබරගමුව පළාත්වලත් ගාල්ල, මාතර, ත්‍රිකුණාමලය, මඩකලපුව සහ මුලතිව් දිස්ත්‍රික්කවලත් ඇතැම් ස්ථානවල මි.මී 75ක පමණ තරමක තද වැසි ඇති වේ.

සීගිරිය ප්‍රදේශයේ දෙස් විදෙස් සංචාරකයන් පැමිණෙන සුපිරි හෝටලයක තිබී උණ්ඩ 40 ක් සොයාගත් බව සීගිරිය පොලිසිය පවසයි. එම හෝටලයේ කළමනාකරු විසින් කරන ලද පැමිණිල්ලකට අනුව සීගිරිය පොලිසියේ නිලධාරීන් කණ්ඩායමක් පැමිණ කළ විමර්ශනවලදී එම හෝටලය කබඩ් එකක් තුළ කුඩා පෙට්ටියක තිබී මෙම උණ්ඩ තොගය සොයාගනු ලැබීය. මෙම උණ්ඩ තොගය සඳහා අයිතිකරුවකු මෙතෙක් සොයාගෙන නොමැති අතර සැකකරුවන් අත්අඩංගුවට ගැනීම සඳහා සීගිරිය පොලිසිය වැඩිදුර විමර්ශන සිදුකරයි.

මහජන සනීපාරක්ෂාව සහ ගමනාගමන පහසුව වැඩිදියුණු කිරීම වෙනුවෙන්, දිවයින පුරා ඉන්ධන පිරවුම්හල්වලට ප්‍රධාන සනීපාරක්ෂක පහසුකම් සැපයීම සඳහා ජාතික මට්ටමේ වැඩසටහනක් දියත් කිරීම ඊයේ (14) ජනාධිපති කාර්යාලයේදී සිදු කෙරිණි ඒ අනුව ක්ලීන් ශ්‍රී ලංකා ජනාධිපති කාර්ය සාධක බලකාය, බලශක්ති අමාත්‍යාංශය සහ ප්‍රධාන ඉන්ධන සපයන්නන් සිව් දෙනෙකු වන ලංකා ඛනිජ තෙල් සංස්ථාව (CPC), ලංකා IOC PLC (LIOC), සිනොපෙක් එනර්ජි ලංකා (පුද්ගලික) සමාගම සහ RM පාර්ක්ස් (පුද්ගලික) සමාගම අතර අවබෝධතා ගිවිසුමක් (MoU) අත්සන් කරනු ලැබීය. මෙම වැඩසටහන යටතේ දිවයින පුරා ඉන්ධන පිරවුම්හල් පිරිසිදු, ආරක්ෂිත සහ දුබලතා ඇති පිරිස් වෙත පහසුවෙන් ප්‍රවේශ විය හැකි සනීපාරක්ෂක පහසුකම් සහිත ස්ථාන බවට පරිවර්තනය කිරීම අරමුණු කෙරේ. ඒ…

කැනඩාවේ ඉදිකර ඇති එල්.ටී.ටී.ඊ. සමරු ස්මාරකයට විරෝධය දැක්වීමට වර්තමාන ආණ්ඩුවට රාජ්‍යතාන්ත්‍රික දේශපාලන පෞරුෂයක් නොමැති බව ශ්‍රී ලංකා පොදුජන පෙරමුණේ හිටපු පාර්ලිමේන්තු මන්ත්‍රී සංජීව එදිරිමාන්න මහතා ඊයේ (14) පැවසීය. බත්තරමුල්ලේ පිහිටි ශ්‍රී ලංකා පොදුජන පෙරමුණ ප්‍රධාන කාර්යාලයේදී මාධ්‍ය හමුවකට සහභාගි වෙමින් හිටපු පාර්ලිමේන්තු මන්ත්‍රී සංජීව එදිරිමාන්න මහතා එසේ පැවසීය. ශ්‍රී ලංකා රජය ස්මාරකයට මේ දක්වා කිසිඳු විරෝධයක් දක්වා නොමැති බවත් ජනාධිපතිවරයා, අගමැතිවරිය හෝ විදේශ අමාත්‍ය විජිත හේරත් මේ සම්බන්ධයෙන් වචනයක් හෝ කතා කර නොමැති බවත් ඒ මහතා සඳහන් කළේය. ආණ්ඩු බලය සඳහා ඇති කෑදරකම නිසා, අදාළ ප්‍රජාවේ සහාය තවදුරටත් ගැනීමේ අපේක්ෂාවෙන් ආණ්ඩුව මුනිවත රැකීමට කටයුතු කරන බව කී එදිරිමාන්න මහතා පැවසුවේ…