Author: LANKA24X7

අද (4) බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි ඇතිවිය හැකි බව කාලගුණවිද්‍යා දෙපාර්තමේන්තුව පවසයි. එම ප්‍රදේශවල ඇතැම් ස්ථානවලට මි.මී. 50ට වැඩි තරමක තද වැසි ඇති විය හැකි බවත් සඳහන්ය. ඊට අමතරව අනුරාධපුර සහ මන්නාරම දිස්ත්‍රික්කවල වැසි වාර කිහිපයක් ඇතිවිය හැකි බවත් එම දෙපාර්තමේන්තුව පැවසීය. මේ අතර මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද සහ වයඹ පළාත්වලත් රත්නපුර, හම්බන්තොට සහ ත්‍රිකුණාමලය දිස්ත්‍රික්කවලත් විටින් විට පැ.කි.මී. 40-50ක පමණ තද සුළං ඇති විය හැකි බවත් ඔවුන් වැඩිදුරටත් සඳහන් කළේය.

සංචාරක ශ්‍රී ලංකා කණ්ඩායම සහ බටහිර ඉන්දිය කොදෙව් කණ්ඩායම අතර පැවැත්වෙන දෙවන ටෙස්ට් ක්‍රිකට් තරගය අද (03) ඇන්ටිගුහාහිදී ආරම්භවීමට නියමිතව තිබේ. කෙසේ වෙතත් ශ්‍රී ලංකා ක්‍රීඩකයින් කිහිප දෙනෙකු මේ වනවිට ආබාධයකට ලක්ව සිටීම හේතුවෙන් කණ්ඩායම තේරීමට සිදුව ඇත්තේ, ක්‍රීඩකයින් 13 දෙනෙකුගෙනි. වේගපන්දු යවන ක්‍රීඩකයින් වන ළහිරු කුමාර සහ විශ්ව ප්‍රනාන්දු දෙදෙනාම මේ වනවිට ආබාධවලට ලක්ව සිටිති. එමෙන්ම ආරම්භ පිතිකරු පැතුම් නිස්සංක ද ආබාධයකට ලක්ව සිටීම හේතුවෙන්, එම ස්ථානයට ළහිරු උදාර ක්‍රීඩා කිරීමට නියමිත බව සඳහන්ය. රමේෂ් මෙන්ඩිස් බැක්ටීරියා ආසාදනයකට ගොදුරුවී ඇති බැවින් ඔහු‌ට ද දෙවන ටෙස්ට් ක්‍රිකට් තරගය අහිමි වනු ඇත. කසුන් රාජිත මෙම තරගයට ක්‍රීඩා කිරීම අවිනිශ්චිත බැවින් ඉසිත්…

අන්තර්ජාලය ඔස්සේ ව්‍යාපාර සිදුකර මුදල් ඉපයීම සිදුකළ හැකි බව පවසා රුපියල් 4,386,219ක් වංචා කළ සැකකරුවෙකු අත්අඩංගුවට ගෙන තිබේ. වයඹ පළාත් පරිගණක අපරාධ විමර්ශන අංශය වෙත ලද පැමිණිල්ලකට අනුව සැකකරු අත්අඩංගුවට ගෙන ඇති අතර ෆේස්බුක් හා ටෙලිග්‍රෑම් හරහා සබඳතා ගොඩනගා ගනිමින් මෙම වංචා සිදුකර ඇති බව අනාවරණය වී ඇත. සැකකරු විසින් රුපියල් හතලිස් තුන් ලක්ෂ අසූ හයදහස් දෙසිය දහනමයක් වංචා කර එම මුදලින් රුපියල් ලක්ෂ 5ක මුදලක් සාවද්‍ය ලෙස පරිහරණය කර ඇති බවද හෙළිවී ඇත. සැකකරු වයස අවුරුදු 23 ක් වන බේරුවල ප්‍රදේශයේ පදිංචිකරුවෙකි. වයඹ පළාත් පරිගණක අපරාධ විමර්ශන අංශය සිද්ධිය ගැන වැඩිදුර විමර්ශන සිදුකරයි.

කොළඹ සහ ඒ අවට ප්‍රදේශ රැසකට හෙට (04) පෙරවරු 9.00 සිට රාත්‍රී 9.00 දක්වා පැය 12ක ජල කප්පාදුවක් සිදු කරන බව ජාතික ජල සම්පාදන හා ජලාපවහන මණ්ඩලය නිවේදනය කරයි. එම මණ්ඩලය සඳහන් කළේ, විදුලිබල සැපයුම් පද්ධතියේ මුල්ලේරියාව උපපොළ ආශ්‍රිතව සිදු කෙරෙන අත්‍යවශ්‍ය නඩත්තු කටයුතු හේතුවෙන් අඹතලේ ජල පවිත්‍රාගාරයට සැපයෙන විදුලිබලය තාවකාලිකව අත්හිටුවීමට නියමිත බවය. එමෙන්ම, දෙහිවල ජල පොම්පාගාරය සහ මාළිගාවත්ත එලි හවුස් පොම්පාගාරය ආශ්‍රිත විදුලිබල පද්ධතියේ වැඩිදියුණු කිරීමේ කටයුතු ද එදින සිදු කෙරෙන බව එම නිවේදනයේ සඳහන් වේ. ඒ අනුව, කොළඹ 01 සිට 15 දක්වා ප්‍රදේශවලට මෙන්ම බත්තරමුල්ල, පැලවත්ත, හෝකන්දර, කොස්වත්ත, තලවතුගොඩ, ශ්‍රී ජයවර්ධනපුර කෝට්ටේ, රාජගිරිය, මිරිහාන, මාදිවෙල, නුගේගොඩ, නාවල,…

බස්නාහිර, සබරගමුව සහ වයඹ පළාත්වල මෙන්ම ගාල්ල, මාතර, මහනුවර සහ නුවරඑළිය දිස්ත්‍රික්කවල අද (03) දිනයේ වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කළේ, අනුරාධපුර දිස්ත්‍රික්කයේ ද වැසි ස්වල්පයක් ඇති විය හැකි බවයි. මේ අතර, මධ්‍යම කඳුකරයේ බටහිර බෑවුම් ප්‍රදේශවල, උතුරු, උතුරු-මැද සහ වයඹ පළාත්වල මෙන්ම හම්බන්තොට සහ ත්‍රිකුණාමලය දිස්ත්‍රික්කවල විටින් විට පැයට කිලෝමීටර් 40ත් 50ත් අතර වේගයකින් තද සුළං හමා යා හැකි බව කාලගුණ විද්‍යා දෙපාර්තමේන්තුව වැඩිදුරටත් සඳහන් කළේය.

2026 වසර සඳහා සංචාරය කිරීමට සුදුසු ලොව හොඳම දූපත් ගමනාන්තය ලෙස ශ්‍රී ලංකාව නම් කර තිබේ. ජාත්‍යන්තර සංචාරක මාධ්‍යයක් වන Big 7 Travel විසින් සිදු කළ නවතම ශ්‍රේණිගත කිරීම අනුව, සංචාරය සඳහා සුදුසු ලොව හොඳම දූපත් 50 අතරින් පළමු ස්ථානය හිමිකර ගැනීමට ශ්‍රී ලංකාව සමත්ව ඇති බව විදෙස් මාධ්‍ය වාර්තා කළේය. සැතපුම් 833ක දිගින් යුත් වෙරළ තීරය, දර්ශනීය මධ්‍ය කඳුකරය, ලෝකප්‍රසිද්ධ තේ වගාවන්, පොහොසත් සංස්කෘතික උරුමය සහ සුවිශේෂී ජෛව විවිධත්වය මෙම ශ්‍රේණිගත කිරීමේදී ශ්‍රී ලංකාව පෙරමුණට පැමිණීමට ප්‍රධාන හේතු ලෙස දක්වා තිබේ. එමෙන්ම යාල ජාතික වනෝද්‍යානය සහ යුනෙස්කෝ ලෝක උරුම ලැයිස්තුවට ඇතුළත් සිගිරිය ඇතුළු ප්‍රධාන සංචාරක ආකර්ෂණීය ස්ථාන ද මෙම…

දරුවන් මත්ද්‍රව්‍ය භාවිතයට යොමු වී ඇත්දැයි දෙමාපියන්ට පෞද්ගලිකවම පරීක්ෂා කර බැලිය හැකි විශේෂ පරීක්ෂණ කට්ටල (Drug Test Kits) ඔසුසල් මඟින් පහසුවෙන් මිලදී ගැනීමට හැකි වන සේ වෙළෙඳපොළට හඳුන්වා දීමට රජයේ අවධානය යොමුව තිබේ. විෂ මත්ද්‍රව්‍ය ව්‍යසනය රටින් තුරන් කිරීම සඳහා ක්‍රියාවට නැංවෙන ‘රටම එකට’ ජාතික මෙහෙයුම් සභාව, ත්‍රෛනිකායික මහා සංඝරත්නය ඇතුළු ආගමික නායකයන්ගේ සහභාගිත්වයෙන් අද (02) පෙරවරුවේ ජනාධිපති කාර්යාලයේදී රැස් වූ අතර, එහිදී මෙම තීරණය පිළිබඳ සාකච්ඡා කෙරිණි. මේ අතර පොලිස් මත්ද්‍රව්‍ය නාශක කාර්යාංශයේ නවීන පහසුකම් ස්ථාපිත කිරීම, රස පරීක්ෂක කාර්යාලයේ කටයුතු කාර්යක්ෂම කිරීම සහ රස පරීක්ෂක වාර්තා ලබාගැනීමට නවීන තාක්ෂණික ක්‍රමවේද අනුගමනය කිරීම සහ විෂ මත්ද්‍රව්‍ය සම්බන්ධ නීතිවල සිදුවිය…

පවතින සාමකාමී වාතාවරණය හමුවේ ලෝක වෙළෙඳපොළ ඉන්ධන මිල මේ වනවිට කැපී පෙනෙන ලෙස පහළ අගයකට පැමිණ තිබේ. ආසියානු වෙළෙඳපොළට වැඩි වශයෙන් ඉන්ධන සපයන බ්‍රෙන්ට් වෙළෙඳපොළ බොරතෙල් බැරලයක මිල දැක්වුණේ අමෙරිකානු ඩොලර් 70.80ක පමණ අගයක යි. ඉරාන යුද්ධය ආරම්භ වූ පෙබරවාරි මස 28 වැනිදා වනවිට බ්‍රෙන්ට් ඉන්ධන බැරලයක මිල ඩොලර් 70කට ආසන්න අගයක පැවතුණි. මේ අතර අමෙරිකාවේ WTI වෙළෙඳපොළ බොරතෙල් බැරලයක මිල අමෙරිකානු ඩොලර් 67. 87ක් ලෙස සටහන්ව තිබුණි. යුද්ධයට පෙර එය පැවතියේ ඩොලර් 68ක අගයකයි.

‘අස්වැසුම’ සුබසාධක ප්‍රතිලාභ යෝජනා ක්‍රමයට අදාළව ජුනි මස වැඩිහිටි දීමනාව හෙට (03) බැංකු ගිණුම් වෙත බැර කිරීමට සියලු කටයුතු සූදානම් කර ඇති බව සුබසාධක ප්‍රතිලාභ මණ්ඩලය පවසයි. ඒ අනුව පළමු අදියරට අදාළව අවුරුදු 70ට වැඩි වැඩිහිටියන් 621,761 (හය ලක්ෂ විසි එක් දහස් හත්සිය හැට එක) එක් දෙනෙකුට රු.3,108,805,000.00 (තුන්සිය දස කෝටි අසු අටලක්ෂ පන්දාහක) මුදලක් ගිණුම් වෙත බැර කරණු ලබයි. මේ අතර, දෙවන අදියරට අදාළව අවරුදු 70ට වැඩි වැඩිහිටියන් 76,139 (හැත්තෑ හයදහස් එකසිය තිස් නවය) ක් සඳහා රු.380,695,000.00 (තිස් අටකෝටි හයලක්ෂ අනූපන්දහස) ක මුදලක් ද ඔවුන්ගේ අස්වැසුම බැංකු ගිණුම් වෙත බැර කිරීමට නියමිතය.

වෙනිසියුලාවට බලපෑ ඉතා දරුණු භූමිකම්පාව හේතුවෙන් මියගිය නිල මරණ සංඛ්‍යාව 2,295 දක්වා ඉහළ ගොස් තිබේ. විපතට පත්වූවන් මුදාගැනීමේ මෙහෙයුම් අද (02) වන විට හත්වන දිනටත් ක්‍රියාත්මක වන අතර, අතුරුදන් වූවන් සොයාගැනීම සහ අවතැන් වූවන්ට සහන සැලසීම සම්බන්ධයෙන් එර රට නව රජය දැඩි අභියෝගයකට මුහුණ දී සිටී. පසුගිය ජූනි 24 වන දින තත්පර 39ක පරතරයක් ඇතිව වෙනිසියුලාවේ උතුරු-මධ්‍යම ප්‍රදේශයට රික්ටර් මාපකයේ 7.2 සහ 7.5 ක ප්‍රබලත්වයෙන් යුත් භූමිකම්පා දෙකක් බලපෑවේය. නිකුත් කර ඇති නවතම වාර්තාවලට අනුව, මෙම අනතුරෙන් පුද්ගලයන් 11,267 දෙනෙකු තුවාල ලබා ඇත. ප්‍රධාන භූමිකම්පාවෙන් පසු පසුකම්පන 782ක් වාර්තා වී ඇති නමුත්, එහි ප්‍රබලත්වය ක්‍රමයෙන් අඩුවෙමින් පැවතී බව සඳහන් වේ.…