Author: LANKA24X7

ආසියානු කුසලාන තරගාවලියේ අවසන් මහා තරගය අද (17) ශ්‍රී ලංකාව සහ ඉන්දියාව අතර කොළඹ ආර්. ප්‍රේමදාස ක්‍රිකට් ක්‍රීඩාංගණයේදී පැවැත්වෙයි. එම තරගය නැරඹීමට පැමිණෙන ක්‍රිකට් ක්‍රීඩා ප්‍රේක්ෂකයන්ගේ පහසු සඳහා ක්‍රීඩාංගණයේ දොරටු අද දහවල් 12 සිට විවෘතව තබන බව ශ්‍රී ලංකා ක්‍රිකට් ආයතනය නිවේදනය කරයි.

ශ්‍රී ලංකා නිදහස් පක්ෂයේ පුරප්පාඩු වී ඇති මහලේකම් ධුරය සඳහා පක්ෂයේ ජ්‍යෙෂ්ඨයන් කිහිප දෙනකු අතර දැඩි තරගයක් නිර්මාණය වී ඇතැයි එම පක්ෂ ආරංචි මාර්ග සඳහන් කරයි. පක්ෂයේ ජ්‍යෙෂ්ඨ නියෝජ්‍ය ලේකම් වරයකු වන හිටපු මහ ඇමැති සරත් ඒකනායක සහ ජාතික සංවිධායක දුමින්ද දිසානායක යන මහත්වරුන් අතර මේ සඳහා දැඩි උනන්දුවක් ඇති වී තිබෙන බවද එම ආරංචි මාර්ග වලින් පැවසේ. දයාසිරි ජයසේකර මහතා ශ්‍රී ලංකා පක්ෂයේ මහ ලේකම් ධුරයෙන් ඉවත්කර වැඩබලන මහ ලේකම්වරයා ලෙස නියෝජ්‍ය ලේකම් සරත් ඒකනායක මහතා පත් කරනු ලැබුවද එම තනතුරේ වැඩ බැලීම අධිකරණය විසින් පසුගියදා වළක්වනු ලැබීය. මේ අනුව එම ධුරයේ වැඩ ආවරණය කිරීම සඳහා පාර්ලිමේන්තු මන්ත්‍රි දුෂ්මන්ත…

පොලිස් නිලධාරීන්ගෙන් පොලිස් සේවයට අවංක සහ ගුණාත්මක සේවයක් අපේක්ෂා කරන බව මහජන ආරක්ෂක අමාත්‍ය ටිරාන් අලස් මහතා පවසයි. අමාත්‍යවරයා පෙන්වා දෙන්නේ, පිරිහී තිබූ පොලිස් නිලධාරීන්ගේ ගෞරවය සහ අභිමානය නැවත ඉහළ නංවා තැබීමට මේ වනවිට හැකි වී ඇති බවයි. පොල්පිතිගම පොලිස් ස්ථානයේ නව ගොඩනැඟිල්ල ඉදිකිරීමේ අවස්ථාවට එක්වෙමින් මහජන ආරක්ෂක අමාත්‍ය ටිරාන් අලස් මහතා එම අදහස් පළ කළේය. එහි දී වැඩිදුරටත් අදහස් දැක්වූ මහජන ආරක්ෂක අමාත්‍ය ටිරාන් අලස් මහතා, “මම ඇමතිකම භාර ගත්තාට පස්සේ පොලිස් නිලධාරීන්ට කරන්න පුළුවන් සෑම දෙයක්ම වගේ කරලා තියෙනවා. ආර්ථික වශයෙන් වාහන…ජීප් 500ක් ගෙනාවා. පුළුවන් තරම් පොලීසිවලට ඒ වාහන බෙදා දුන්නා. බටා එක දුන්නා. මම ඉස්සරහට තව දේවල්…

කටුගස්තොට, මැණික්කුඹුර පටුමාවත ප්‍රදේශයේ තෙමහල් නිවසක ආරක්ෂාවට යොදවා සිටි පෞද්ගලික ආරක්ෂකයෙක් එම නිවෙස්හිමියාට තියුණු ආයුධයකින් පහරදී ඝාතනය කර තිබේ. එලෙස මියගොස් ඇත්තේ 56 හැවිරිදි එක්දරු පියෙකි. ඊ (16) අළුයම 5ට පමණ නිවෙස්හිමියාව නිවසින් එළියට කැඳවා ඝාතනය සිදුකර ඇති බව පොලීසිය පැවසීය. අනතුරුව තියුණු ආයුධය ද රැගෙන ඝාතනයා මහවැලි ගඟට පැනීමට උත්සාහා කිරීමේදී ප්‍රදේශවාසීන් ඔහුව අල්ලාගෙන පොලීසිය භාරදී තිබුණි. මියගිය පුද්ගලයාගේ බිරිඳ මැදපෙරදිග රැකියාවක නිරතව සිටින අතර මියගිය පුද්ගලයා එම නිවසේ තනිව වාසයකරන ඇති බව පොලීසිය පැවසීය. ඝාතනයට හේතුව මෙතෙක් අනාවරණය වී නොමැත. මේ අතර රත්මලාන ඥානේන්ද්‍රාරාම පාරේ පසුගියදා පුද්ගලයෙකුට වෙඩිතබා බරපතළ තුවාල සිදුකිරීමේ සිද්ධියට සම්බන්ධ පිස්තෝලයක්, උණ්ඩ සහ අත් මාංචු…

ශ්‍රී ලංකා විදේශ සේවා නියුක්ති කාර්යංශයේ වලංගු රැකියා ඇනවුමක් නොමැතිව කාන්තාවන් දෙදෙනෙකු විදේශගත කරවීමට උත්සාහ කළ කාන්තාවක් අත්අඩංගුවට ගෙන තිබේ. එම කාන්තාවන් දෙදෙනාව මැලේසියාව වෙත සංචාරක වීසා මත යැවීමට ඇය උත්සාහ කර ඇත. සිද්ධිය සම්බන්ධයෙන් අත්අඩංගුවට ගෙන ඇත්තේ බගවන්තලාව ප්‍රදේශයේ පෙරපාසල් ගුරුවරියකි. එම සැකකාරිය විදේශ සේවා නියුක්ති කාර්යංශයේ විශේෂ විමර්ශන අංශයේ නිලධාරීන් විසින් ඊ (16) අත්අඩංගුවට ගෙන ඇත. අදාළ කාන්තාවන් දෙදෙනා මැලේසියාවේ ගෘහ සේවයට යැවීම සඳහා ගුවන්තොටුපොළින් පිටත් කිරීමට උත්සාහ කළ අවස්ථාවේදී පෙරපාසල් ගුරුවරියගේ සහෝදරයා අත්අඩංගුවට ගෙන සිදුකළ විමර්ශනයකින් අනතුරුව පෙරපාසල් ගුරුවරිය අත්අඩංගුවට ගැනුණි. සැකකාරිය හැටන් වැඩබලන මහෙස්ත්‍රාත්වරයා වෙත ඉදිරිපත් කිරීමෙන් අනතුරුව රුපියල් ලක්ෂ 05ක ශරීර ඇපයක් මත මුදා හැරීමට…

ඉදිරියේදී රජය ව්‍යාපාර කිරීමෙන් සම්පූර්ණයෙන් ඉවත්වී නියාමනය කිරීම පමණක් සිදුකරන බව මුදල් රාජ්‍ය අමාත්‍ය ශෙහාන් සේමසිංහ මහතා පවසයි. වැඩිදුරටත් අදහස් දක්වමින් රාජ්‍ය අමාත්‍යවරයා පවසා සිටියේ, අනාගතයේ දී රජයේ ආර්ථික ප්‍රතිපත්ති මූලිකවම පෞද්ගලික ක්ෂේත්‍රය මත රඳා පවතිනු ඇති බවය. එහිදී වැඩිදුරටත් අදහස් දැක්වූ මුදල් රාජ්‍ය අමාත්‍ය ශෙහාන් සේමසිංහ මහතා, “ඉදිරි අනාගතයේ දී රජයේ ආර්ථික ප්‍රතිපත්ති මූලිකවම පෞද්ගලික ක්ෂේත්‍රය මත රඳාපවතීවි. රජය හුදෙක් නියාමන අධිකාරියක් වශයෙන් පමණක් කටයුතු කරාවි. රජය ආර්ථිකය ස්ථායිකරණයේ සැලකිය යුතු වර්ධනයක් ළඟා කරගෙන තියෙනවා. ශ්‍රී ලංකාව එහි ණය ප්‍රතිව්‍යුහගතකරණය 2023 වසරේ අවසන් කාර්තුවේදී අවසන් කිරීමට අපේක්ෂා කරනවා. IMF පළමු සමාලෝචනය ඊයේ ආරම්භ කළා. එය සති දෙකක් වැනි දිගු…

මහනුවර, පදියපැලැල්ල මාර්ගයේ 16වන කිලෝමීටර් කණුව අසල වික්ටෝරියා රක්ෂිතයේ තිබී පුපුරණ ද්‍රව්‍ය කිහිපයක් සොයාගෙන ඇත. එහි අත්බෝම්බ 03ක්, ගුවන්යානා නාශක උණ්ඩයක්, ස්වයංක්‍රීය ගිනිඅවිවලට යොදන උණ්ඩ 09ක් ඇතුළු පුපුරණ ද්‍රව්‍ය කිහිපයක් තිබී ඇත. තලාතුඔය පොලීසියේ නිලධාරීන්ට ලද තොරතුරුට අනුව එම පුපුරණ ද්‍රව්‍ය සෙයාගෙන ඇත. සොයාගත් පුපුරණ ද්‍රව්‍ය පොලිස් විශේෂ කාර්ය බළකායේ නිලධාරීන් වෙත භාරදී නිෂ්ක්‍රීය කිරීමට කටයුතු කර තිබේ. සිද්ධිය සම්බන්ධයෙන් තලාතුඔය පොලීසිය පරීක්ෂණ පවත්වයි.

පාරිහෝගිකයා ආරක්ෂා කිරීම සඳහා වත්මන් පාරිහෝගික අධිකාරී පනත සංශෝධනය කළ යුතු බව අධිකරණ අමාත්‍ය ආචාර්ය විජයදාස රාජපක්ෂ මහතා පවසයි. ඔහු චෝදනා කරන්නේ, පාරිභෝගික අධිකාරියේ ඇතැම් නිලධාරීන් දූෂිත බවය. වැඩිදුරටත් අදහස් දැක්වූ අධිකරණ, බන්ධනාගාර කටයුතු සහ ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ආචාර්ය විජයදාස රාජපක්ෂ මහතා, “සමාගම් 4ක තේ පැකට් මිලදීගෙන ඩයි දාලා කියලා පාරිභෝගික අධිකාරියට කිව්වා. ඒක දීලා එළියට එන්න කලින් සමාගම් 2ක නීතිඥයින් මට කතා කළා. මගේ පැමිණිල්ල ගැන කවුද කිව්වේ ?. අධිකාරිය හැර වෙන කෙනෙක් දන්නෙ නැහැ. නිලධාරීන්ට සමාගම් ගෙවීමක් කරනවා ඇති. නීතියේ ආධිපත්‍යය නොසලකා හැරිය නිසයි රට කඩන් වැටුණේ. පාරිභෝගික අධිකාරී පනත ප්‍රමාණවත් නැහැ. අලුත් පනතක අවශ්‍යතාව අවධාරණය කරනවා.”…

පිළිස්සුම් තුවාල ලබා මාතර රෝහලේ ප්‍රතිකාර ගනිමින් සිටි විදේශ ජාතිකයකු මියගොස් තිබේ. එසේ මියගොස් ඇත්තේ, ඊජිප්තු ජාතිකයෙකි. ඔහු වැලිගම ප්‍රදේශයේ පිහිටි ලැගුම්හලක නේවාසික ව සිට ඇති අතර, එම ලැගුම්හලේ හිමිකරු සමඟ ආරවුලක් ඇති කරගෙන ඇත. ඒ හේතුවෙන් විදේශ ජාතිකයා ලැගුම්හලට ගිනි තබා ගින්නට පැන ඇති බව වාර්තා වේ. එහි දී පිළිස්සුම් තුවාල ලැබූ විදෙස් ජාතිකයා මාතර බන්ධනාගාර නිලධාරීන්ගේ භාරයේ මාතර රෝහලේ ප්‍රතිකාර ලබමින් සිටින අතරතුර මියගොස් ඇත. මියගිය විදෙස් ජාතිකයාගේ මෘතදේහය මාතර රොහලේ තැන්පත් කර ඇත. ඔහුගේ ඥාතින් පැමිණිමෙන් පසු පශ්චාත් මරණ පරික්ෂණය පැවැත්වීමට නියමිත ව තිබේ.

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් අද (17) දිනයේ වැසි වාර කිහිපයක් ඇතිවිය හැකි බව කාලගුණවිද්‍යා දෙපාර්තමේන්තුව පවසයි. එම දෙපාර්තමේන්තුව සඳහන් කරන්නේ, නැගෙනහිර, ඌව සහ මධ්‍යම පළාත්වලත්, පොළොන්නරුව සහ මුලතිව් දිස්ත්‍රික්කවලත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බවය. පුත්තලම සහ හම්බන්තොට දිස්ත්‍රික්කවල වැසි ස්වල්පයක් ඇතිවේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මගින් සිදුවන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටී.