Author: LANKA24X7

හම්බන්තොට සිට කොළඹ බලා ධාවනය කළ පුද්ගලික මගී බස්‍ රියක් අද (30) අලුයම 3.30 ට පමණ තංගල්ල වේල්ලේදී අනතුරට ලක්වීමෙන් පුද්ගලයන් හත්දෙනකු තුවාල ලබා ඇතැයි තංගල්ල මූලස්ථාන පොලිසිය කියයි . බස්‍ රථය තංගල්ල වේල්ලේදී පාලමක ගැටී ඇතැයි පොලිසිය පවසයි . තුවාල කරුවන් තංගල්ල මූලික රෝහලට ඇතුළත් කර තිබේ . ඔවුන්ගේ අත් පාවලට තුවාල සිදුවී ඇතැයි රෝහල් ආරංචි මාර්ග පවසයි .

බස්නාහිර,සබරගමුව සහ වයඹ පළාත්වලත්, ගාල්ල,මාතර, මහනුවර සහ නුවරඑළිය දිස්ත්‍රික්කවලත් විටින් විට වැසි ඇති වන බව කාලගුණ විද්‍යා දෙපාර්තමේන්තුව කියයි. බස්නාහිර සහ සබරගමුව පළාත්වලත් ගාල්ල, මාතර, නුවරඑළිය සහ පුත්තලම දිස්ත්‍රික්කවලත් ඇතැම් ප්‍රදේශවලට මිලි මීටර් 50ට වැඩි තද වැසි ඇති වේ. ඌව පළාතෙත් අම්පාර සහ මඩකළපුව දිස්ත්‍රික්කවලත් සවස් කාලයේ හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකියි. ගිගුරුම් සහිත වැසි සමග තාවකාලික තද සුළං ද ඇති වේ.

සිංගප්පූරු ජාතිකයකු විසින් නිතීවිරෝධිව මහා පරිමා‍ණයෙන් මහර කඩවත ප්‍රදේශයේ පවත්වාගෙන ගිය විස්කි ස්කාගාරයක් වටලා පුද්ගලයන් දෙදෙනෙක් අත්අඩංගුවට ගනු ලැබූහ. යුද හමුදා බුද්ධි අංශයේ තොරතුරකට අනුව යුද හමුදාව සමග මෙම මෙහෙයුම ක්‍රියාත්මක කළේය. එහිදී මීගමුව කුරණ ප්‍රදේශයේ පදිංචි අවුරුදු 47ක පුද්ගලයකු සහ අවුරුදු පනස් පහක පස්යාල ප්‍රදේශයේ පදිංචි පුද්ගලයෙකු අත්අඩංගුවට ගෙන ඇත. එම ස්කාගාරයේ තිබි සීල් මැෂින් 02 ක්, ලීටරයේ විස්කි බෝතල් 54 ක්, හිස් ලීටරේ බෝතල් 70 ක්, ලීටර 25 හිස් කෑන් 09, ලීටර 500 හිස් බැරල් 06 ක්, ස්ප්‍රිට් (97%) ලීටර 133 ක්, ස්ටිකර් ලේබල් තොගයක් සහ හිස් මූඩි 725 ක් අත්අඩංගුවට ගෙන ඇත.

ක්ලබ් වසන්ත ඝාතනය සම්බන්ධයෙන් තුවක්කු කරු සහ තවත් පුද්ගලයකු සැකපිට අත්අඩංගුවට ගත්බව පානදුර කොට්ඨාස අපරාධ විමර්ශන ඒකකය පවසයි. මෙසේ අත්අඩංගුවට ගෙන ඇත්තේ ගාල්ල නාගොඩ සහ අහුංගල්ල ප්‍රදේශයේ පදිංචි 29 සහ 32 වියැති පුද්ගලයන් දෙදෙනකු බව පොලිසිය කීය. සැකකරුවන් පානදුර පින්වත්ත ප්‍රදේශයේ රැදී සිටින බවට පානදුර ජේෂ්ඨ පොලිස් අධිකාරි චමිල් රත්නායක මහතා ට ලද තොරතුරක් මත ස්ථානාධිපති ප්‍රධාන පොලිස් පරීක්ෂක චන්න අමරසේකර මහතා ඇතුළු නිළධාරින් පිරිසක් පින්වත්ත බස් නැවතුමේ රැදී සිටියදී අත්අඩංගුවට ගෙන තිබේ. සැකකරුවන් වෙඩිතැබීම සිදුකිරීමෙන් පසු මෝටර් රථයෙන් වෑන් රථයකට මාරුවී කඩවත දක්වා ගමන්කර එහිදී දක්ෂිණ අධිවේගී මාර්ගය ඔස්සේ මාතර දක්වා ගමන්කර ඇති බවට මෙතෙක් කල පරීක්ෂණ වලදී හෙලිව…

කොළඹ ප්‍රධාන මහෙස්ත්‍රාත් අධිකරණ නඩු භාණ්ඩ කාමරයේ සුරක්‍ෂිතව තබා තිබු රුපියල් කෝටි 24ක් වටිනා හෙරොයින් කිලෝ 12ක් අතුරුදන් වී ඇති බව හෙළි වී ඇත. මහාධිකරණ නඩුවකට ඉදිරිපත් කිරීම සඳහා කොළඹ ප්‍රධාන මහෙස්ත්‍රාත් අධිකරණ නඩු භාණ්ඩ කාමරයේ සුරක්‍ෂිතව තබා තිබු මෙම හෙරොයින් තොගය රජයේ රස පරීක්‍ෂවරයාට ඉදිරිපත් කිරීමට බව පවසා රහස් පොලිසස් නිලධාරියකු වශයෙන් පෙනී සිටි පුද්ගලයකු විසින් රැගෙන ගොස් ඇති බව හෙළි වීම නිසා සිද්ධියට සම්බන්ධ සැකකරුවන් වහාම අත්අඩංගුවට ගෙන අධිකරණයට ඉදිරිපත් කරන ලෙස කොළඹ ප්‍රධාන මහෙස්ත්‍රාත් තිළිණ ගමගේ මහතා රහස් පොලිසියේ අධක්‍ෂවරයාට අද නියම කළේය. රහස් පොලිසියෙන් යැයි පවසමින් අදළ හෙරොයින් තොගය රැගෙන ගිය බව කියන ‘තරිඳු යෝෂිත’ නමැත්තා…

ජනාධිපති අපේක්ෂකයින්ට බහින්බස් වී පුද්ගලික රෝහලක ආහාර පරීක්ෂකවරයකුගේ දතක් ගැලවෙන්නට පහර දුන් එම රෝහලේ අරක්කැමියකුට දැඩි අවවාද කළ කොළඹ අතිරේක මහේස්ත්‍රාත් පසන් අමරසේන මහතා රුපියල් ලක්ෂයක ශරිර ඇපයක් මත මුදා හැදැරීමට ඊයේ (28) නියෝග කළේය. පසුගිය විසිවෙනි දින උදෑසන රාජකාරී නිමව යමින් සිටි ආහාර පරීක්ෂකවරයා ඔහු කැමති අපෙක්ෂකයා ඡන්දය දෙන බවට පැවසීමෙන් උරන වු සැකකාර අරක්කැමියා පැමිණිලිකරුට මුහුණට අතින් පහර දිමෙන් ඔහුගේ දතක් ගැලවියාම සම්බන්ධයෙන් අත්අඩංගුවට ගෙන අධිකරණයට ඉදිරිපත් කරන බව නාරහෙන්පිට පොලිසියට පැවසීය. විවෘත අධිකරණයෙදි පැමිණිලිකරු හා විත්තිකරු ඇමතූ මහේස්ත්‍රාත්වරයා ඡන්දයට ගහ මරා ගැනීමෙන් සිදුවිය හැකි අනිටු විපාක පෙන්වා දෙමින් ප්‍රකාශ කර සිටියේ, ‘ ඡන්දය නිදහස් සහ රහස් ඡන්දයක්…

පළාත් පාලන මැතිවරණය පැවැත්වීම සම්බන්ධයෙන් නීති උපදෙස් ලබා ගැනීමට බලාපොරොත්තු වන බව මැතිවරණ කොමිෂන් සභා ආරංචි මාර්ග සඳහන් කළේය. මේ අතර පළාත් පාලන මැතිවරණයේ නාමයෝජනා අවලංගු කිරීමේ හෝ ඉල්ලා අස්කර ගැනීමට හෝ බලයක් මැතිවරණ කොමිෂන් සභාවට නැතැයි එහි සභාපති ආනන්ද රත්නායක මහතා ලංකාදීපයට පැවසීය. ජනාධිපති ඡන්දය අවසන් වූ වහාම පළාත් පාලන මැතිවරණය පැවැත්වීමට අධිකරණයෙන් නියෝගයක් ලැබී ඇතැයිද ඔහු සඳහන් කළේය. පවතින නීතිය අනුව එම මැතිවරණය පැවැත්විය යුත්තේ කැඳවූ නාම යෝජනා අනුව බවත් පළාත් පාලන පනතට සංශෝධනයක් ගෙන ඒමෙන් නාම යෝජනා අවලංගු කළ හැකි බවත් රත්නායක මහතා කීවේය.

මාතලේ ළමා නිවාසයක සිටි පාසල් සිසුවියන් තිදෙනෙකු එම ළමා නිවාසයෙන් අතුරුදන් වී ඇතැයි මාතලේ පොලිසිය පවසයි. අධිකරණ මගින් පරිවාස භාරයේ තැබීමට නියෝග කර තිබුණු වයස (17) ක් වන 11 පන්තියේ ඉගෙනුම ලබන හා වයස අවුරුදු(14) ක් වයස වූ වන 09 වන පන්තියේ ඉගෙනුම ලැබූ පාසල් සිසුවියන් දෙදෙනෙකු එම ළමා නිවාසයේ රඳවා සිටියදී අතුරුදහන් වී ඇති බවට එහි ප්‍රධාන පාලිකාව විසින් මාතලේ පොලිසිය වෙත පැමිණිලි කර තිබේ. මෙසේ අතුරුදන්ව ඇත්තේ මහනුවර හතරලියද්ද ප්‍රදේශයේ පදිංචිව සිටි එකම පවුලේ සහෝදරියන් දෙදෙනෙකු හා මාතලේ හත්තොටඅමුණ ප්‍රදේශයේ පදිංචිව සිටි දැරිවියකි.

කොළඹ වරාය නගරය (සහාධිපත්‍ය දේපළ කළමනාකරණය) නියෝග පාර්ලිමේන්තුවට ඉදිරිපත් කිරීම සඳහා කැබිනට් අනුමැතිය ලැබී ඇත. කොළඹ වරාය නගරයේ ප්‍රධාන සැලැස්මට අනුව දළ බිම් ප්‍රමාණයෙන් 51%ක් නේවාසික පරිහරණය සඳහා වෙන් කර ඇති අතර එමඟින් සහාධිපත්‍ය දේපළ සංර්වධනය සඳහා මග සලසන බව රජය පවසයි. ඒ අනුව සහාධිපත්‍ය කොටස් වල හිමිකරුවන්ට සහ කුලී නිවැසියන්ට බාධාවකින් තොරව ජීවත්වීමේ අවකාශ සලසා දෙමින් ජාත්‍යන්තර ප්‍රමිතියෙන් යුත් පොදු පහසුකම් සහ අංගෝපාංග පවත්වා ගෙන යාමට නියාමන ආයතනයක් ස්ථාපිත කිරීම සහ නියෝග පැනවීමට අවශ්‍ය වී ඇත. 2021 අංක 11 දරන කොළඹ වරාය නගරය ආර්ථික කොමිෂන් සභා පනතේ විධිවිධාන පරිදි අංක 2394/68 හා 2024-07-26 දිනැති අති විශේෂ ගැසට්‌ නිවේදනය මඟින්…

මීගමුව වෙරළ තීරයේ හෝටලයක් ආශ්‍රිතව ෆේස් බුක් සාදයක් පවත්වමින් සිටි බව කියන විවිධ ප්‍රදේශවල පදිංචි තරුණ තරුණියෝ 43 දෙනකු සමග හෙරොයින් , ගංජා සහ නීති විරෝධී දුම්වැටි සමග අත් අඩංගුවට ගත් බව සුරා බදු දෙපාර්තමේන්තුවේ බස්නාහිර පළාත් සහකාර කොමසාරිස් කාර්යාලය සදහන් කරයි. සුරා බදු කොමසාරිස් ජනරාල් එම්.ජේ.ගුණසිරි මහතාගේ උපදෙස් පරිදි මේ දිනවල ක්‍රියාත්මක කෙරෙන දින සියය වැඩසටහන යටතේ මෙම වැටලීම සිදු කොට ඇත්තේ සහකාර කොමසාරිස් කාර්යාලයට ලද තොරතුරක් මතය. අත් අඩංගුවට පත් පිරිස අවුරුදු 19 ත් 35 ත් අතර වයසේ පසුවන්නවුන් වන බවත් මොවුන් අතර පෞද්ගලික විශ්ව විද්‍යාල සිසු සිසුවියන් , ව්‍යාපාරිකයින් සහ විවිධ රැකියාවල නිරතවන අය සිටි බවත් එම…