Author: LANKA24X7

රාගම පොලිස් වසමේ පදිංචි පාසල් සිසුන් දෙදෙනෙකු ඉකුත් 04 දින සිට අතුරුදහන් ව ඇති බවට පැමිණිල්ලක් ලැබී ඇති බව පොලීසිය පවසයි. රාගම බටුවත්ත ප්‍රදේශයේ පදිංචි මිතුරන් වන පාසල් සිසුන් දෙදෙනෙකු මෙලෙස අතුරුදහන් වී ඇත. මිතුරන් දෙදෙනෙකු වන අංක 485/බී/එස් නාරංගොඩපාලුව රාගම ලිපිනයේ පදිංචි ආර්. එම්. සෙත් මානිතු (11)හා අංක 487 /ඩී /එස් ලිපිනයේ පදිංචි එස්. ඒ. ඊ. ඕෂධ ඉන්දීර (13)යන පාසල් සිසුන් මෙලෙස අතුරුදහන් ව තිබේ. මොවුන් දෙදෙනා එකට සෙල්ලම් කරමින් සිටියදී අතුරුදහන් ව තිබෙන බවට එක් සිසුවකුගේ මවක් හා අනෙත් සිසුවාගේ මිත්තනිය විසින් පොලීසිය ට පැමිණිලි කරමින් පවසා ඇත. සිද්ධිය සම්බන්ධයෙන් වැඩිදුර විමර්ශන කටයුතු රාගම පොලිස් ස්ථානයේ කාන්තා හා…

මහනුවර කටුගස්තොට පාරේ ඉන්ධන පිරවුම් හලක ව්‍යාජ ලෙස තෙල් සහ ගෑස් පෝලිමක් ඇතිකොට එය වීඩියෝ ගත කිරීමට තැත් කිරීමේදී මැතිවරණ නිරීක්ෂණ නිලධාරීන් සහ පොලිසිය එක්ව එය වහාම නතර කිරීමට පියවර ගෙන තිබේ . කටුගස්තොට වීරකෝන් උද්‍යානය ප්‍රදේශයේ ඇති තරු හෝටලයක සිටින විදේශිකයන් කණ්ඩායමක් ත්‍රිරෝද රථවල ගමන් කිරීමට කැමැත්තෙන් සිටින බව පවසා ත්‍රී රෝද රථ විශාල සංඛ්‍යාවක් එම ඉන්ධන පිරවුම් හල අසලට කැඳවා එම ව්‍යාජ ඉන්ධන පෝලිම වීඩියෝ ගත කිරීමට සැලසුම් කොට තිබී ඇත. ඒ අතර ව්‍යාජ ගෑස් පෝලිම සඳහා දිගන ප්‍රදේශයේ වත්තක කම්කරුවන් 50-60ක පමණ පිරිසක් රුපියල් 2500 බැගින් ගෙවා එම ස්ථානයට ගෙනවත් තිබූ බව විමර්ශනවලදී අනාවරණය වී තිබේ .…

චීනය සමඟ රාජ්‍යතාන්ත්‍රික සබඳතා පවත්වන සියලු අප්‍රිකා රටවල් සමඟ ද්විපාර්ශ්වික සබඳතා ඉහළ නංවන බව චීන ජනාධිපති ෂී ජින් පිං මහතා ප්‍රකාශ කළේය. චීන අප්‍රිකා සහයෝගතා සංසදයේ බෙයිජිං සමුළුවේ සමාරම්භක උළෙලට සහභාගී වෙමින් චීන ජනාධිපතිවරයා මේ බව කීය. එම උළෙල අද (5) පෙරවරුවේ බෙයිජිංහි මහජන මහා ශාලාවේදී පැවැත්විණි. ‘අත්වැල්‍ බැඳ ගෙන නවීකරණය ඉදිරියට ගෙන යමින් පොදු ඉරණමක් සහිත ප්‍රජාව එක්ව ගොඩනැගීම’යන මැයෙන් එහිදී චීන ජනාධිපතිවරයා ප්‍රධාන දේශනය සිදු කළේය. 2000 වසරේදී චීන අප්‍රිකා සහයෝගතා සංසදය පිහිටුවන ලද බව කී ෂී ජින් පිං මහතා ගෙවුණු වසර 24 තුළ, චීනය සහ අප්‍රිකාව අත්වැල් බැඳගෙන එකිනෙකාගේ නීත්‍යනුකූල අයිතිවාසිකම් ස්ථීර ලෙස ආරක්ෂා කළ බව පෙන්වා…

බිබිල – අම්පාර මාර්ගයේ ළිඳකුඹුර ප්‍රදේශයේදී ලංගම බසයක් පෞද්ගලික බසයක පිටුපස ගැටී සිදුවූ අනතුරකින් ඇඟළුම් කම්හල් සේවක සේවිකාවන් සහ මගීන් 45 දෙනකු තුවාල ලබා බිබිල රෝහලට ඇතුළත් කර ඇතැයි පොලිසිය කියයි. බිබිල මැදගම ප්‍රදේශයේ ඇඟළුම් කම්හලක සේවක සේවිකාවන් පිරිසක් සිය සේවා මුර අවසන් වී නිවෙසක් කරා ප්‍රවාහනය කළ පෞද්ගලික බසයේ එම මාර්ගයේ එකම දිසාවට ධාවනය වූ ලංගම බසය එහි පිටුපස ගැටීමෙන් මෙම අනතුර සිදුව තිබෙ. අනතුරින් පසු බසය මීටර් 20 පමණ දුරට ඇති ගොස් ඇති අතර පෞද්ගලික බසයට බරපතල ලෙස හානි සිදුව තිබේ. තුවල කරුවන් අතර ඇඟළුම් කම්හල් සේවක සේවිකාවන් මෙන්ම ලංගම බසයේ මගීන්ද සිටින බව බිබිල පොලිසිය කියයි. තුවාලකරුවන්…

දේශබන්දු තෙන්නකෝන් මහතා පොලිස්පති ධූරයේ කටයුතු කිරීම වළකාලමින් ශ්‍රේෂ්ඨාධිකරණය නිකුත් කළ අතුරු නියෝගය ඉවත දමන්නැයි ඉල්ලා බෙල්ලන්විල රජමහා විහාරාධිපති ආචාර්ය බෙල්ලන්විල ධර්මරත්න හිමියන් ඇතුළු හිමිවරු තිදෙනෙක් ශ්‍රේෂ්ඨාධිකරණයට අතරමැදි පෙත්සමක් ගොනු කරනු ලැබුහ. බෙල්ලන්විල රජමහා විහාරාධිපති ආචාර්ය බෙල්ලන්විල ධර්මරත්න, කොල්ලූපිටිය රාහුල සහ මහාචාර්ය අගලකඩ සිරිසුමන යන හිමිවරුන් මෙම අතරමැදි පෙත්සම් ගොනු කරනු ලැබුහ. දේශබන්දු තෙන්නකෝන් මහතා පොලිස්පති ධූරයේ කටයුතු කිරීම වළකාලන නියෝගයන් ඉල්ලා අගරදගුරු මැල්කම් රංජිත් කාදිනල් පියතුමා ඇතුළු පිරිසක් ගොනුකර තිබූ පෙත්සම විභාගයට ගැනීමෙන් පසු ජූලි 24 වැනිදා දේශබන්දු තෙන්නකෝන් මහතා පොලිස්පති ධුරයේ කටයුතු කිරීම වළකාලන අතුරු නියෝගයක් ශ්‍රේෂ්ඨාධිකරණය නිකුත් කළ බවද අතරමැදි පෙත්සමේ සඳහන් වේ. මෙම නියෝගය හේතුවෙන් ලබන…

අධ්‍යාපන රාඡ්‍ය අමාත්‍ය අරුණාචලම් අරවින්ද කුමාර් මහතා අවසරයකින් තොරව සිය භාරයේ තබාගෙන සිටි බව කියන හැටන් වැවිලි සමාගමට අයත් ලිඳුල ‘හෙන්ෆොල්ඩ්’ වතුයායේ පිහිටි නිල නිවසේ තිබු අරවින්ද කුමාර් මහතාට අයත් සියලු භාන්ඩ සමඟම අදාළ නිවස නුවරඑලිය දිසා අධිකරණයේ රෙජිස්ටාර්වරිය විසින් වතු අධිකාරිවරයාට ඊයේ බාර දෙන ලදී. එම නිවස යළි වතු අධිකාරිවරයාට බාර දෙන ලෙස නුවරඑලිය දිසා විනිසුරුවරියගේ නියෝගයකට අනුව අධිකරණ රෙජිස්ටාර්වරිය ඇතුළු පිසිකල් නිලධාරින් ලිදුල පොලිසියේ නිලධාරින්ගේ දැඩි ආරක්ෂාව මධ්‍යයේ එම නිවසට පැමිණ එහි තිබු අරවින්ද කුමාර් මහතාට අයත් සියලු භාන්ඩ ලේඛණගත කිරීමෙන් අනතුරුව වතු අධිකාරිවරයාට එලෙස බාර දෙන ලදී. අරවින්ද කුමාර් මහතා 1987 වසරේ ලිඳුල ‘හෙන්ෆොල්ඩ්’ වතුයායේ ප්‍රධාන ලිපිකරු…

මීපේ දෙකඳුවල පාර ප්‍රදේශයේ ගල්කොරියක අඩි හතලිස් පහක පමණ උසක සිට බිමට පතිත වූ ගලක කොටසක් බිම වැඩ කරමින් සිටි දෙදෙනෙකුගේ සිරුරේ ගැටී සිදු වූ අනතුරින් බරපතල තුවාල ලබා හෝමාගම මූලික රෝහලට ඇතුලත් කළ එක් පුද්ගලයකු මියගොස් ඇතැයි පාදුක්ක පොලිසිය පවසයි. මෙසේ මියගොස් ඇත්තේ පාදුක්ක බටවල වල්පිට අංක 206 / 63 හි පදිංචි කරුණාරත්න ජයසේකර මුදියන්සේලාගේ පත්මසිරි වසන්ත නමැති (53) හැවිරිදි දෙදරු පියෙකු බව පොලිසිය කියයි. මියගිය පුද්ගලයා ගල් කොරිවල බෝර දමන්නෙකු වන අතර ඔහු තවත් පුද්ගලයෙකු සමඟ මීපේ දෙකදුවල පාර ප්‍රදේශයේ ගල් කොරියක ඉහලින් බෝරයක් දමා කැඩී බිමට වැටුණු ගල් කොටස් එකතු කරමින් සිට තිබේ. එම අවස්ථාවේදී අඩි 45…

නොර්වුඩ් වෙන්චර් ශා/ජෝන් ඩිලරි වතුයායේ පදිංචි පාසල් සිසුන් හතර දෙනකු අතුරුදන් වීමක් සම්බන්දයෙන් පැමිණිල්ලක් ලැබී ඇතැයි නෝර්වුඩ් පොලීසිය කියයි. අවුරුදු 15ක් වන පාසල් සිසුන් හතර දෙනකු ඊයේ(04) නිවසින් පිටව ගියද නැවත නිවසට නොපැමිණි බවට එම සිසුවකුගේ පියකු විසින් පැමිණිලිකර ඇතැයි පොලීසිය සඳහන් කළේය. රාජ්කුමාර් අනුෂන්, දනන්ජය ගජරුබන්, සුබ්‍රමණියම් දනිෂ්ක, කාර්දිබන් නියෝන් යන මෙම පාසල් සිසුන් එම වතුයායේ පාසලක 10වන වසරේ ඉගෙනුම ලබන බවත් එම පැමිණිල්ලේ සඳහන්ය. එම පැමිණිල්ල මත මෙම සිසුන් සෙවිම සදහා නොර්වුඩ් පොලිසිය පරීක්සණ අරඹා තිබේ.

මොරටුමුල්ල පොලිස් ස්ථානාධිපතිවරයා ඇතුළු පිරිසක් පහර දුන්නේ යැයි කියන සිද්ධියක් හේතුවෙන් පානදුර මූලික රෝහලට ඇතුළත්ව සිටි පුද්ගලයා කොළඹ ජාතික රෝහලට මාරු කළ බව රෝහල් ආරංචි මාර්ග සඳහන් කරයි. අදාල පුද්ගලයා සී.ටී. ස්කෑන් පරීක්‍ෂණයක් සඳහා මෙසේ ජතික රෝහලට මාරු කළ බවත් ඔහු ජාතික රෝහලේ 72 වාට්ටුවට ඇතුළත්කර ඇති බවත් එම ප්‍රකාශකයා කීය. වාද්දුව ශ්‍රී වික්‍රම පාරේ පදිංචිකරුවෙක් වන ප්‍රසන්න රම්‍යජිත් ප්‍රනාන්දු නැමැති පුද්ගලයා විමර්ශනයක් සඳහා පැමිණි අවස්ථාවේදී මොරටුමුල්ල පොලිසිය තුළදී ස්ථානාධිපතිවරයා ඇතුළු පොලිස් නිලධාරීන් පිරිසක් පහර දුන්නේ යැයි ඔහු පොලිස් මූලස්ථානයට පැමිණළි කර තිබේ.

චීනය තුළ එරට මුදල් ඒකකය වන යු ආන් මුදල් මහා පරිමාණයෙන් වංචා කර ජාත්‍යන්තර පොලිසියෙන් නිල් වරෙන්තු ලක්වී සිටි , චීන ජාතිකයෙකු කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් පිටුවහල් කර තිබේ . 28 හැවිරිදි මෙම චීන ජාතිකයා , එරට මහා පරිමාණ මුදල් වංචා කිරීම සම්බන්ධයෙන් , චීනයට අවශ්‍යව සිටි පුද්ගලයෙකි . මොහු ඉකුත් 03 දින මාළදිවයින සිට කටුනායක ගුවන් තොටුපොළ වෙත පැමිණ තිබූ අතර , එහිදී ආගමන විගමන දෙපාර්තමේන්තු නිලධාරීන් විසින් මොහු අත් අඩංගුවට ගෙන ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් වෙත භාර දී තිබුණි