Subscribe to Updates
Get the latest creative news from FooBar about art, design and business.
Author: LANKA24X7
නීති විරෝධී මත්ද්‍රව්‍ය ප්‍රවාහනය කිරීමක් පිළිබඳව ලද තොරතුරක් මත හදිසි මාර්ග සෝදිසියක ගිය ගොකරැල්ල පොලිසියේ තිදෙනෙකුට මැල්සිරිපුර බස් නැවතුම්පල අසලදී පිරිසක් විසින් වට කර සිදුකළ පහර දීමක් හේතුවෙන් එම නිලධාරින් තුවාල ලබා රෝහල් ගත කළ බව ගොකරැල්ල පොලිසිය කියයි. මෙසේ පහර කෑමට ලක් වූ නිලධාරින් අතර උප පොලිස් පරීක්ෂකවරයකු හා කොස්තාපලවරුන් දෙදෙනකු සිටින බව පොලිසිය කියයි. මැල්සිරිපුර නගරයට අයිස් මත්ද්‍රව්‍ය පාර්ශලයක් රැගෙන මදුරාගොඩ ප්‍රදේශයේ සිට සැකකරුවන් පිරිසක් ත්‍රී රෝද රථයකින් එන බවට ලද තොරතුරක් ඔස්සේ උප පොලිස් පරීක්ෂකවරයා තවත් නිලධාරීන් පිරිසක් සමග මැල්සිරපු නගර ආසන්නයේ හදිසි සෝදිසි මෙහෙයුමක නිරතව තිබේ. එම සෝදිසි මෙහෙයුම් අතරතුර පැමිණි සැක සහිත යතුරු පැදිකරුවකු පොලිස්…
රන් මාලයක් මිලදී ගැනීම සඳහා රත්නපුර නගරයේ ස්වර්ණාභරණ ආයතනයක ආ පුද්ගලයකු 5000 හොර නෝට්ටු 102 සමග අත්අඩංගුවට ගත් බව පොලිසිය කියයි. සැකකරු බදුල්ලේ සොනාතොට පදිංචිකරුවෙකි. රන්මාලයක් ඉල්ලා පන්දහසේ නෝට්ටු මිටියක් මේසය මත තබා ඇති අතර ඒ සම්බන්ධයෙන් ඇති වූ සැකයක් මත පොලිසිය දැනුවත් කර ඇත. පසුව සැකකරු අත්අඩංගුවට ගෙන පරීක්ෂාකිරිමේදී ඔහු සතුව තිබූ හොර සල්ලා මිටිය සහ පෙන්ඩ්‍රියිව් එකක් ද පොලිස් බාරයට ගෙන ඇත.
බොරැල්ල පොලිස් වසමේ පාර්ලිමේන්තු පාර මොඩල්ෆාම් හංදිය සහ ඩී.එස්. හංදිය අසල ටිකල් පාර ආසන්නයේ මාර්ගය ගිලා බැසීමක් හේතුවෙන් එය යථාවත් කිරීම සඳහා අද දින සිට දින 20 ක කාලයක් කොළඹට ඇතුළුවන මංතීරු දෙකම වසා දමා සංවර්ධන කටයුතු සිදුකිරීමට සැළසුම් කර ඇත. ඒ අනුව එම මාර්ගයේ රථවාහන ගමනාගමනය අද දින සිට නැවත දැනුම් දෙන තුරු දිනපතා උදෑසන 0530 සිට උදෑසන 1100 දක්වාත්, නැවත රාත්‍රී 1100 සිට පසුදින අළුයම් 0530 දක්වාත් සැළසුම් දෙකක් යටතේ රථවාහන ධාවනය කරවීමට කටයුතු යොදා ඇත. සැළසුම් අංක 01 – අළුයම 0530 සිට උදෑසන 1100 දක්වා •මොඩල්ෆාම් හංදිය දෙස සිට ඩී.එස්. හංදිය දෙසට ධාවනය වන රථවාහන මොඩල්ෆාම් හංදියෙන්…
ජනාධිපති රනිල් වික්‍රමසිංහ මහතාට සහාය දැක්වීමට එ\ක් වූ ශ්‍රී ලංකා පොදු ජන පෙරමුණේ සියලුම මන්ත්‍රීවරුන්ට එරෙහිව විනය පරීක්ෂණ ආරම්භ කිරීමට තීරණය කරන ලදැයි පක්ෂයේ ලේකම් නීතිඥ සාගර කාරියවසම් මහතා ලංකාදීපයට පැවසීය. ඒ සම්බන්ධයෙන් දැනුම් දෙමින් එම මන්ත්‍රීවරුන්ට අද හෙටම ලිපි යොමු කරන බවද හෙතෙම සඳහන් කළේය. විනය ක්‍රියාමාර්ග වලින් පසු ඔවුන්ගේ පක්ෂ සාමාජිකත්වය අහෝසි කිරීමට කටයුතු කෙරෙනු ඇතැයි ශ්‍රී ලංකා පොදු ජන පෙරමුණ පවසයි. ඔවුන් සම්බන්ධයෙන් වහාම විනය පියවර ගන්නා ලෙස පක්ෂයේ ක්‍රියාකාරීන් ඉල්ලීම් කරමින් සිටින බව පැවසූ ලේකම්වරයාමේ දිනවල ඊට අවශ්‍ය මූලික කටයුතු කරගෙන යන බවද සඳහන් කළේය. ශ්‍රී ලංකා පොදු ජන පෙරමුණ ඉදිරිපත් කළ අපේක්ෂකයාට සහාය නොදී ජනාධිපති…
ජනාධිපතිවරණය වෙනුවෙන් සමගි ජන සන්ධානයේ අපේක්ෂක විපක්ෂ නායක සජිත් ප්‍රේමදාස මහතා සහභාගි වන ප්‍රධාන රැළි 100ක් දිවයින පුරා පැවැත්වේ. විපක්ෂ නායක සජිත් ප්‍රේමදාස මහතා සහභාගී වන ප්‍රධාන රැලි වලට අමතරව මධ්‍යම ප්‍රමාණයේ රැස්වීම් 400ක් සහ ඡන්ද පොළ මට්ටමේ කුඩා රැස්වීම් දොළොස් දහසකට අධික සංඛ්‍යාවක් සංවිධානය කර තිබේ.
පවතින අයහපත් කාලගුණය හේතුවෙන් දිවයිනේ දිස්ත්‍රික්ක තුනක ප්‍රාදේශීය ලේකම් කොට්ඨාස හතකට නායයාමේ පුර්ව අනතුරු ඇඟවීමේ නිවේදන නිතුක් කිරීමට ජාතික ගොඩනැගිලි පර්යේෂණ සංවිධානය පියවර ගෙන තිබේ. ගාල්ල දිස්ත්‍රික්කයේ නෙළුව, ඇල්පිටිය, නාගොඩ, යක්කලමුල්ල, කළුතර දිස්ත්‍රික්කයේ හොරණ, මතුගම, මාතර දිස්ත්‍රික්කයේ පිටබැද්දර යන ප්‍රාදේශීය ලේකම් කොට්ඨාසවලට මෙම නායයාමේ අනතුරු ඇඟවීමේ නිවේදන නිකුත් කොට ඇත. ඊයේ (16) දින රාත්‍රි 7.30 සිට අද (17) රාත්‍රී 7.30 දක්වා කාලය සඳහා මෙම නායයාමේ අනතුරු ඇඟවීමේ නිවේදනයක් නිකුත් කොට ඇති බවත්, එම ප්‍රාදේශීය ලේකම් කොට්ඨාසයන්ගේ පදිංචි ජනතාව මේ සම්බන්ධයෙන් සැළකිලිමත් වන ලෙස ජාතික ගොඩනැගිලි පර්යේෂණ සංවිධානය පවසයි.
වඳුරු උණ ජාත්‍යන්තර අවධානයට ලක්විය යුතු හදිසි සෞඛ්‍ය තත්වයක් බවත් අප්‍රිකාවේ ඇතැම් කලාපවල පැතිර ඇති වඳුරු උණ ක්ලෙඩ් 1 වසංගතය අප්‍රිකාව තුළ ව්‍යාප්තවීමට මෙන්ම අප්‍රිකාවෙන් පිටතට පැතිර යෑමේ අවදානමක් තිබෙන බවත් ලෝක සෞඛ්‍ය සංවිධානයේ ප්‍රධානී වෛද්‍ය ටෙඩ්රෝස් ඇඩ්හනොම් ගේබ්‍රියෙසස් මහතා ප්‍රකාශ කළේය. වඳුරු උණ ව්‍යාප්තිය මර්දනය කිරීමටත්, ජීවිත බේරා ගැනීමටත් සියලු දෙනා එක්ව කටයුතු කළ යුතු බවත් එසේ එක් නොවූවහොත් වඳුරු උණ මීළඟ ගෝලීය වසංගතය විය හැකි බවත් වෛද්‍යවරයා පැවැසුවේය. අප්‍රිකාවේ ඇතැම් කලාපවල පැතිර ඇති වඳුරු උණ (එම් පොක්ස්) වසංගතය ගෝලීය හදිසි සෞඛ්‍ය තත්වයක් බවට ලෝක සෞඛ්‍ය සංවිධානය ප්‍රකාශයට පත්කර පැය කීපයක් යන්නටත් මත්තෙන් වඩාත් අනතුරුදායි වඳුරු උණ ක්ලෙඩ් 1…
පාර්ලිමේන්තු මන්ත්‍රීවරුන් 225 දෙනාටම නිල බලයෙන් හිමිවන පිස්තෝලයට අමතරව රිපීටර් අවියක්ද ලබාදීමට රජය තීරණය කර ඇතත් තවමත් ඒ සඳහා ඉල්ලුම් කර ඇත්තේ මන්ත්‍රීවරුන් දහයකටත් වඩා අඩු සංඛ්‍යාවක් බව වාර්තාවේ. රිපිටර් අවි නිකුත් කිරීම සඳහා අයදුම්පත් කැඳවීම ආරම්භ කර ඇතැයි ආරක්ෂක අමාත්‍යාංශය පවසයි. මන්ත්‍රීවරුන්ගේ ජීවිත ආරක්ෂාව වෙනුවෙන් ඔවුනට මෙසේ රිපීටර් අවි දෙන්නේ ගාස්තුවක් අය කිරීමෙන් පසුවය. තවද පාර්ලිමේන්තු මන්ත්‍රීවරුන්ට හිමිවන පිස්තෝලය පවා ලබාගෙන නොමැති මන්ත්‍රීවරුන් තිහකට ආසන්න පිරිසක් සිටින බව පාර්ලිමේන්තු ආරංචි මාර්ග සඳහන් කළේය. මන්ත්‍රීවරුන් 225 දෙනාටම රිපීටර් අවියක් ලබාදීමට රජය තීරණය කර ඇත්තේ අරගල සිද්ධිය සහ විවිධ සමාජ කැලඹීම් සැලකිල්ලට ගනිමිනි.
මෙවර පැවැත්වෙන ජනාධිපතිවරණය සඳහා ඉදිරිපත් වී සිටින කිසිදු අපේක්ෂකයෙකුට සහයෝගය ලබා නොදෙන බව හිටපු ජනාධිපති පාර්ලිමේන්තු මන්ත්‍රී මෛත්‍රිපාල සිරිසේන මහතා නිකුත් කළ නිවේදනයක දැක්වේ. ඇතැම් මාධ්‍ය හා ආණ්ඩුවේ සහ විපක්ෂයේ දේශපාලනඥයින් තමා පිළිබඳව කරන ප්‍රකාශ වල කිසිදු සත්‍යයක් නොමැති බවද එහි සඳහන් කර ඇත. ශ්‍රී ලංකා නිදහස් පක්ෂ අභ්‍යන්තරයේ ඇති වී තිබෙන ගැටලුව මේ වන විට අධිකරණයේ පවතින බැවින් අධිකරණය විසින් පක්ෂයේ සභාපතිවරයා කවුද යන්න මෙතෙක් තීන්දුවක් දී නැති බවද එහි සඳහන් කර තිබේ. ඒ අනුව ශ්‍රී ලංකා නිදහස් පක්ෂ ව්‍යවස්ථාව යටතේ සම්පූර්ණ බලතල ඇත්තේ සභාපතිවරයාට බැවින් වෙනත් කිසිදු නිලධාරියෙකු විසින් කරනු ලබන පත්කිරීම් සහ ගනු ලබන තීරණවල කිසිදු වලංගු…
ජනාධිපති රනිල් වික්‍රමසිංහ මහතා විසින් වැඩබලන අභියාචනාධිකරණ සභාපතිවරයා වශයෙන් අභියාචනාධිකරණ විනිසුරු ආර්. එම්. සෝභිත රාජකරුණා මහතා පත්කර තිබේ. ඒ අනුව ආර්. එම්. සෝභිත රාජකරුණා මහතා අද (16) පෙරවරුවේ වැඩබලන අභියාචනාධිකරණ සභාපතිවරයා වශයෙන් ජනාධිපති කාර්යාලයේදී ජනාධිපති රනිල් වික්‍රමසිංහ මහතා ඉදිරියේ දිවුරුම් දුන්නේය. අභියාචනාධිකරණ සභාපති විනිසුරු ලෙස කටයුතු කළ නිශ්ශංක බන්දුල කරුණාරත්න මහතා දිවයිනෙන් බැහැරවීම හේතුවෙන් ඒ මහතා නැවත දිවයිනට පැමිණෙන තෙක් මෙම පත්කිරීම සිදුකර ඇත. ජනාධිපති ලේකම් සමන් ඒකනායක මහතා ද මෙම අවස්ථාවට එක්ව සිටියේය.