Author: LANKA24X7

රටේ ශීඝ්‍ර ආර්ථික වර්ධනයක් ඇති කිරීම සඳහා රජය ආරම්භ කර ඇති වැඩපිළිවෙළ සාර්ථක කර ගැනීමට නම් නීති පද්ධතියද නවීකරණය විය යුතු බව ජනාධිපති රනිල් වික්‍රමසිංහ මහතා පැවසීය. බිඳ වැටුණු ශ්‍රී ලංකා ආර්ථිකය ගොඩනැඟීමට ඇති කඩිනම් විසඳුම ජාත්‍යන්තර මූල්‍ය අරමුදල සමඟ වන වැඩසටහන බව කී ජනාධිපතිවරයා එම ප්‍රතිලාභය ජනතාවට හිමිකර දීම වෙනුවෙන් ජාත්‍යන්තර මූල්‍ය අරමුදල සමඟ වන ගිවිසුම නීතිගත කිරීමට කටයුතු කරන බව ද සඳහන් කළේය. ජනාධිපතිවරයා මේ බව කීවෙි මහනුවර නීතිඥවරුන් සමඟ මහනුවර මහවැලි රීච් හෝටලයේ පැවති සුහද හමුවේදීය. එසේම සෑම ක්ෂේත්‍රයකම නවීකරණයක් වෙනුවෙන් නව නීති පද්ධතියක් ගෙන එන බව පැවසූ ජනාධිපතිවරයා එම කටයුතු සඳහා නීති ක්ෂේත්‍රයේ සියලුදෙනාගේ සහාය අපේක්ෂා…

බස්නාහිර. සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් අද පස්වරු 2.00 පමණ පසු ස්ථාන ස්වල්පයකට වැසි ඇති වන බව කාලගුණ විද්‍යා දෙපාර්තමේන්තුව කියයි. ගිගුරුම් සහිත වැසි සමග තද සුළං ද අකුණු ද ඇති විය හැකි බවද කාලගුන විද්‍යා දෙපාර්තමේන්තුව අනතුරු අඟවයි. දෘශ්‍ය ලෙස සූර්ය උතුරට ගමන් කිරීමේදී සූර්යා අද දින දහවල් 12.11 ට උඩප්පුව,ආඬිගම,පිදිවිල්ල, බකමූණ,නුවරගල සහ එරාවුර් යන ප්‍රදේශවලට හිරු මුදුන්වනු ඇති බව ද කාලගුන විද්‍යා දෙපාර්තමේන්තුව පවසයි.

වසර 14 ක් තිස්සේ තම වැදූ මව සොයන ජර්මනියේ වෙසෙන ශ්‍රී ලංකික තරුණියක් නැවත වරක් තම මව සෙවීම සදහා ඉකුත් දා ලංකාවට පැමිණියාය. ඇය නමින් ජානා බෙකර්ය. ඇයගේ උප්පැන්න සහතිකයේ සදහන් ලංකාවේ නම වනුයේ වාසනා මල්කාන්ති ය. ඇයට මාස තුනක් පමණ වන විට වැදූ මව විසින් ජර්මන ජාතික යුවළකට ඇය හදාගැනීම සදහා බාරදී තිබේ. ඇය ජර්මනියේ ෆ්‍රැන්ක්ෆර්ට් නගරයේ ජීවත්වේ. ඇය 1990 වසරේ අප්‍රෙල් මස 20 වැනි දින පෙරවරු 7.30 ට කොළඹ කාසල්වීදිය රෝහලේ උපත ලබා ඇති අතර ඇය ලංකාවට පැමිණෙන සෑම අවස්ථාවකම කාසල් රෝහල අසලට යාමට අමතක නොකරන්නේ කොයිම මොහොතක හෝ ඇගේ මව කාසල් රෝහල අසල හිදීවි යන විශ්වාසයෙන් බව…

ශ්‍රී ලංකාව ගෙවීමට ඇති ණය ආපසු ගෙවීම 2028 වසර තෙක් අත් හිටුවීමට නිල ණය හිමියන් කණ්ඩායම සමග කළ සාකච්ඡා අවසාන අදියරේ තිබෙන බව නිකෙයි ඒෂියා වෙබ් අඩවිය වාර්තා කළේය ජපානය ඇතුළු ශ්‍රී ලංකාවේ නිල ණය හිමියන් චීනය ශ්‍රී ලංකාවට එල්ල කරන බලපෑම අවම කිරීමට උත්සාහ දරමින් සිටින බවද නිකෙයි ඒෂියා වෙබ් අඩවිය සඳහන් කළේය. මෙරට ණය ආපසු ගෙවීම 2028 වසර තෙක් අත් හිටුවීමට ණය හිමියන් කණ්ඩායම සමග සිදුකළ සාකච්ඡා අවසන් වී තිබෙන බවත් ඉදිරි සති කීපය තුළදී ඒ පිළිබඳ නිල වශයෙන් දැනුම් දීමට හැකිවනු ඇති බවත් ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක සාගල රත්නායක මහතා නිකෙයි නාලිකාව සමග පැවැති සම්මුඛ…

නව විදුලිබල පනතට කැබිනට් මණ්ඩලයේ අනුමැතිය ඊයේ (8) පස්වරුවේ ලැබුණු බව විදුලිබල හා බලශක්ති අමාත්‍ය කාංචන විජේසේකර මහතා පැවසීය. එම පනත මෙම සතියේ ගැසට් කිරීමට නියමිත බව ද අමාත්‍යවරයා වැඩි දුරටත් සඳහන් කළේය.

ගාසා තීරයේ හමාස් සටන්කාමීන්ගේ ග්‍රහණයේ සිටින ඊශ්‍රායල ප්‍රාණඇපකරුවන් 130 දෙනාගෙන් 34 දෙනකු මියගොස් ඇති බවත්, එසේ මියගිය 34 දෙනාගෙන් 12 දෙනකුගේ සිරුරු හමුවී ඇති බවත් විදෙස් මාධ්‍ය පවසයි. ප්‍රාණ ඇපකරුවන් මියගොස් ඇත්තේ, ඊශ්‍රායල හමුදාව, ගාසා තීරයේ හමාස් සටන්කාමීන් ඉලක්ක කර ගනිමින් එල්ල කරන ප්‍රහාර හේතුවෙන් යැයි හමාස් සංවිධානය පවසයි.

ඝාතන සිද්ධියක් සම්බන්ධයෙන් අත් අඩංගුවට ගත් සැකකරුවකු ලබා දුන් තොරතුරකට අනුව ඒ පිළිබදව විමර්ශනය සදහා සැකකරු සමග පාදුක්ක අංගමුව ප්‍රදේශයට අද (08) අළුයම ගිය අවස්ථාවේදී සැකකරු පොලිස් නිළධාරීන්ට වෙඩි තැබීමට උත්සහා කළ අවස්ථාවේපොලිසිය එල්ල කරන ලද ප්‍රති ප්‍රහාරකින් බරපතල තුවාල ලැබූ සැකකරු පාදුක්ක ප්‍රාදේශීය රෝහලට ඇතුලත් කිරීමෙන් පසු මියගොස් ඇතැයි පාදුක්ක පොලිසිය පවසයි. මෙලෙස මියගොස් ඇත්තේ ගුවන් හමුදා සෙබළකු බව කියන 26 හැවිරිදි පුද්ගලයෙකි.

ශ්‍රි ශ්‍රී ලංකා නිදහස් පක්ෂයේ ජේ‍්‍යෂඨ උපසභාපතිවරයකු වන අමාත්‍ය නිමල් සිරිපාද සිල්වා මහතා අද (08 )දින පැවැත්වීමට කැඳවා තිබෙන දේශපාලන මණ්ඩල රැස්වීම නීත්‍යානුකූල එකක් නොවෙි යැයි එම පක්ෂයේ වැඩ බලන මහලේකම් පාර්ලිමේන්තු මන්ත්‍රි නීතිඥ සාරතී දුෂ්මන්ත මිත්‍රපාල මහතා අමාත්‍ය වරයා වෙත ලිපියක් මගින දන්වා ඇත. දේශපාලන මණ්ඩල රැස්වීමක් කැඳවීමේ බලය ඇත්තේ භාපතිවරයාට පමණක් යැයි එම ලිපියේ සඳහන් කර තිබේ. පක්ෂයේ තීන්දුවක් මත ජ්‍යෙෂ්ඨ උපසභාපති ධුරය අත්හිටුවා ඇතැයි ද අමාත්‍යවරයා දැනට එම තනතුරේ පෙනී සිටින්නේ අධිකරණයෙන් ලබාගත් අතුරු නියෝගයක් මත බවද එහි සඳහන් කර ඇත.

බස්නාහිර, සබරගමුව, දකුණු සහ වයඹ පළාත්වලත් මොනරාගල, මන්නාරම සහ අනුරාධපුර දිස්ත්‍රික්කවලත් අද ප.ව. 2.00 න් පමණ පසු වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව කියයි. ගිගුරුම් සහිත වැසි සමග තාවකාලික තද සුළං ද ඇති විය හැකියි. දෘශ්‍ය ලෙස සූර්යා උතුරට ගමන් කිරීමේදී අප්‍රේල් 05 සිට 15 දක්වා දිනවල ශ්‍රී ලංකාව ආශ්‍රිත අක්ෂාංශවලට සෘජුවම ඉහළන් ගමන් කරයි. ඒ් අනුව අද දහවල් 12.12ට මාරවිල, ගුරුකැටේ,කල්මුණේ,ගර්තවෙල සහ වරාපිටිය යන ප්‍රදේශවලට හිරු මුදුන්වනු ඇති

ගිවිසුමක් හරහා සමීප ඥාතිවරියකට ලබා දුන් වයස අවුරුදු 4 මාස 7 ක් දැරියක් සැක කටයුතු ලෙස මියයාමේ සිද්ධියක් සම්බන්ධයෙන් එම කාන්තාවගේ සැමියා ඇතුළු සිව් දෙනකු අත්අඩංගුවට ගත් බව මාලිගාවත්ත පොලිසිය කියයි. එම සැකකරු වන (මියගිය දැරියගේ පියා) අත්අඩංගුවට ගෙන ඇත්තේ වයස අවුරුදු පහට අඩු දරුවකු ගිවිසුමක් හරහා වෙනත් පාර්ශවයකට ලබාදීමට කටයුතු කිරීම සම්බන්ධයෙනි. අත්අඩංගුවට ගත් සෙසු පිරිස අතර දැරිය හදා වඩා ගැනීමට භාරගත් 45 හැවිරිදි කාන්තාවක් ඇයගේ 19 හැවිරිදි දියණිය සහ 15 හැවිරිදි පුතාද වන බව පොලිසිය කියයි. මෙලෙස අවාසනාවන්ත ලෙස මියගොස් තිබුණේ මාලිගාවත්ත ලක් සෙවන මහල් නිවාස සංකීර්ණයේ තාවකාලිකව පදිංචිව සිටි මොහොමඩ් රිෆ්කාන් හායිසා දැරියයි.