Author: LANKA24X7

පවතින වර්ෂාවත් සමග ඩෙංගු රෝගීන් වැඩිවීමේ ප්‍රවණතාවක් ඇති විය හැකි බවට සෞඛ්‍ය අංශ අනතුරු අගවනවා. පසුගිය සතියේදී පමණක් ඩෙංගු රෝගීන් 993 දෙනෙකු හදුනාගෙන තිබෙනවා. මේ වසරේ මේ දක්වා ඩෙංගු මරණ විස්සක් සිදුව ඇති බවයි සෞඛ්‍ය අංශ පෙන්වා දෙන්නේ. එහෙයින් මදුරුවන් බෝවිය හැකි පරිශ්‍ර විනාශ කරමින් පරිසරය පවිත්‍රව තබා ගැනීමට ජනතාව දැඩි අවදානයක් යොමු කළ යුතු බව සෞඛ්‍ය අංශ වැඩිදුරටත් අවධාරණය කරනවා.

වැල්ලම්පිටිය පොලිස් වසමේ වඩුගොඩවත්ත, මීතොටමුල්ල, වැල්ලම්පිටිය ප්‍රදේශයේ සිදු කළ වැටලීමකින් කේරළ ගංජා සන්තකයේ තබා ගෙන සිටි පුද්ගලයෙකු අත්අඩංගුවට ගෙන තිබෙනවා. සැකකරු රුපියල් ලක්ෂ 10 ට අධික වටිනාකමක් ඇති කේරළ ගංජා කිලෝ 04, ග්‍රෑම් 112 ක් සන්තකයේ තබාගෙන සිටි බවයි පොලිස් විශේෂ කාර්ය බලකාය සඳහන් කළේ වයස අවුරුදු 36 ක් වන සකරු අත්අඩංගුවට ගෙන වැඩිදුර විමර්ශන කටයුතු සඳහා වැල්ලම්පිටිය පොලිස් ස්ථානය වෙත භාර දී තිබෙනවා.

මතභේදකාරී තත්වයකට මුහුණ දී ඇති පහ ශ්‍රේණියේ ශිෂ්‍යත්ව විභාගය සම්බන්ධයෙන් අවසන් තීරණය අද (14) දිනයේ දැනුම් දීමට නියමිතව තිබේ. ඒ අනුව අද උදෑසන විභාග කොමසාරිස් ජනරාල්වරයා විසින් විශේෂ මාධ්‍ය හමුවක් කැඳවමින් මේ සම්බන්ධයෙන් ප්‍රකාශයට පත් කිරීමට නියමිතයි. කෙසේ වෙතත් ශිෂ්‍යත්ව විභාගය යළි නොපවත්වනු ඇති බව වාර්තා වේ. එහි ප්‍රශ්න තුනක් පමණක් පිටවී ඇති බවට සිදු කළ විමර්ශනවලදි තොරතුරු අනාවරණය වීමත් සමග මෙම තීරණය ගෙන ඇති බව සඳහන් වේ. මෙම තත්ත්වය තුළ දැනට අත්හිටුවා ඇති පිළිතුරු පත්‍ර පරීක්ෂා කටයුතු කඩිනමින් ආරම්භ කිරීමටද නියමිතයි. ශිෂ්‍යත්ව විභාගය සම්බන්ධයෙන් පරීක්ෂණ සිදුකිරීම සඳහා කමිටු කිහිපයක් පත් කළ අතර එම පරීක්ෂණ කණ්ඩායම්වල අවසන් තීරණය වී ඇත්තේ…

ගම්පොල නගරයේ දී ගම්පොල දෙස සිට නාවලපිටිය දෙසට ධාවනය වූ ජීප් රථයක් ඉදිරියෙන් ධාවනය වූ ත්‍රීරෝද රථයක ගැටීමෙන් සිදු වූ රිය අනතුරකින් කුඩා පිරිමි දරුවෙකු මියගොස් තිබේ. පොලීසිය සඳහන් කළේ මෙම අනතුර ඊයේ (13) පස්වරුවේ සිදුව ඇති බවය. ජීප් රථය ඉදිරියෙන් ධාවනය වූ ත්‍රීරෝද රථයේ ගැටීමේදී ත්‍රීරෝද රථය පෙරළී ගොස් එහි සිටි රියදුරු හා කුඩා දරුවෙකු ඉන් ඉවතට විසි වී ගොස් තිබේ. ජීප් රථය ද ඉදිරියටම ධාවනය වී මාර්ග අසල වෙ‍ෙළදාම් කරන කරත්තයක හා තවත් ත්‍රීරෝද රථයක ද ගැටී ඇති බව පොලීසිය පවසයි. අනතුරින් තුවාල ලැබූ ත්‍රීරෝද රථයේ රියදුරු, පිරිමි දරුවා හා වෙළෙදාම් කටයුතුවල යෙදී සිටි පුද්ගලයෙකු ගම්පොල රෝහලට ඇතුළත්…

පවතින අයහපත් කාලගුණ තත්ත්වය නිසා කොළඹ කලාපයේ පාසල් අද දිනයේ වසා දැමෙන බව බස්නාහිර පළාත් අධ්‍යාපන අධ්‍යක්ෂ කාර්යාලය පවසයි.එසේම කැලණිය සහ ගම්පහ කලාපයේ පාසල් හෙට සහ අනිද්දා යන දෙදින වසා තැබීමටද පියවර ගෙන ඇත.

ශ්‍රී ලංකා කණ්ඩායම සහ සංචාරක බටහිර ඉන්දීය කොදෙව් කණ්ඩායම අතර ඊයේ රාත්‍රියේ දඹුල්ල ජාත්‍යන්තර ක්‍රිකට් ක්‍රීඩාංගණයේ දී පැවැති පළමු විස්සයි විස්ස ක්‍රිකට් තරගය කඩුලු 05 කින් ජය ගැනීමට බටහිර ඉන්දීය කොදෙව් කණ්ඩායම සමත් විය.ලකුණු 180ක ඉලක්කයක් හඹා ගිය බටහිර ඉන්දීය කොදෙව්වන් පන්දු වාර 19.1කදී කඩුලු 06ක් දැවී සිය ජයග්‍රහණය තහවුරු කර ගත්තේය.බ්‍රුන්ඩන් කිංග් 63, එවින් ලිවීස් 50 යි.පන්දු යැවීමේදී මතීෂ පතිරණ 27/2යි.

පසුගිය වසරේ (2023) නව පිළිකා රෝගීන් 33,000කට අධික සංඛ්‍යාවක් හමුවී ඇති බවත් මරණ 19,000ක් සිදුව ඇති බවත් සෞඛ්‍ය අමාත්‍යාංශ ලේකම් විශේෂඥ වෛද්‍ය පාලිත මහීපාල මහතා පැවැසීය. පිරිමින් අතර මුඛ පිළිකා සහ කාන්තාවන් අතර පියයුරු පිළිකා ඉහළ අගයක් ගන්නා බවත්, 2050 වන විට ලෝකයේ නව පිළිකා රෝගීන්ගේ සියයට හැත්තෑ හතක් (77%) ක වැඩිවීමක් අපේක්‍ෂා කරන බවත් ශ්‍රී ලංකා පිළිකා රෝගී විශේෂඥ වෛද්‍ය විද්‍යාලයේ 21 වන වාර්ෂික අධ්‍යයන සැසිවාරය 2024 සමාරම්භක අවස්ථාවට එක්වෙමින් සෞඛ්‍ය ලේකම්වරයා එසේ කීය. උත්සවය පාලිත මහීපාල මහතාගේ ප්‍රධානත්වයෙන් කොළඹ ගලධාරි හෝටලයේදී පැවැත්විණි. මෙය ඔක්තෝබර් 10 සිට අද (14දා) දක්වා පැවැත්වේ. ශ්‍රී ලංකා පිළිකා රෝග විශේෂඥ වෛද්‍ය විද්‍යාලය යනු…

දිවයින ආශ්‍රිත වායුගෝලයේ පවතින කැළඹිලි ස්වභාවය හේතුවෙන් දිස්ත්‍රික්ක 12ක පවුල් 29,980 පුද්ගලයින් 118,032ක් ඊයේ (13දා) වනවිට අවතැන්ව ඇතැයි ආපදා කළමනාකරණ මධ්‍යස්ථානය පවසයි. ආපදා තත්ත්වය හේතුවෙන් මරණ 03ක් සහ පුද්ගල තුවාලවීම් 02ක්ද වාර්තා වී ඇත. මෙම අයහපත් කාලගුණික තත්ත්වය පසුගිය 07 වැනිදා සිට දිවයිනට බලා ඇත. මරණ තුන පානදුර, කොළඹ සහ කොළොන්නාව ප්‍රදේශවලින් වාර්තා වේ. 11 වැනිදා පානදුර – අඟුරුවාතොට මාර්ගයේ ගමන් කරමින් සිටි 48 හැවිරිදි පුද්ගලයෙකු හල්තොට බෝධිය අසලදී මාර්ගය අසල ජලය පිරි කුඹුරකට වැටී මියගොස් ඇත. කොළඹ දිස්ත්‍රික්කයේ කඩුවෙල ප්‍රාදේශීය ලේකම් කොට්ඨාසයේ ඇළකට වැටී ඉකුත් 10දා සිට අතුරුදන්ව සිටි පුද්ගලයාගේ සිරුර පෙරේදා (12දා) හමුවී තිබේ. මේ අතර කොළොන්නාව ප්‍රදේශයේ…

දමිතා අබේරත්න මහත්මියගේ නම සමගි ජන සන්ධානයේ නාම යෝජනා ලැයිස්තුවෙන් ඉවත් කිරීම සම්බන්ධයෙන් පරීක්ෂණයක් ආරම්භ කර ඇතැයි එම පක්ෂයේ හිටපු පාර්ලිමේන්තු මන්ත්‍රී මුජිබර් රහුමාන් මහතා පැවැසීය. සමගි ජන සන්ධාන කාර්යාලයේදී පැවති මාධ්‍ය හමුවට එක්වෙමින් ඒ මහතා මේ බව සඳහන් කළේය. එහිදී වැඩිදුරටත් අදහස් දැක්වූ ඒ මහතා මෙසේද කීය. දමිතා අබේරත්න මහත්මිය ජනාධිපතිවරණයේදී සමගි ජන බලවේගයට සහ සමගි ජන සන්ධානයට විශාල ශක්තියක් ලබා දුන්නා. ඒ වගේම එතුමිය රටේ පැවති පාලනයට එරෙහිව ප්‍රජාතන්ත්‍රවාදය වෙනුවෙන් නොබියව ඉදිරියට පැමිණ අදහස් දක්වපු කාන්තාවක්. ඒ නිසා තමයි එතුමියට මෙවර මහ මැතිවරණයේදී නාමයෝජනා ලබාදීමට පක්ෂය තීරණය කරලා තිබුණේ. නමුත් නාමයෝජනා අත්සන් කරලා එතුමියගේ නම කපා හැරීම පිළිගන්න…

ගෙවත්තට වල් අලි පැමිණිම වැළැක්වීම සඳහා බල්බයක් ටකරන් වහලයට සවිකර විදුලිය ලබා ගැනීමට ගොස් විදුලි සැර වැදී දෙදරු පියෙකු එම ස්ථානයේදීම මිය ගිය බව අග්බෝපුර පොලිසිය කියයි. මෙසේ මිය ගොස් ඇත්තේ කන්තලේ , සීනිපුර පදිංචි එච්.එම්. ධනවිරත්න බණ්ඩා (42) නැමති දෙදරු පියෙකි. ටකරන් සෙවිලි කළ වහලයට විදුලිය කාන්දු වී ඇති අතර එම විදුලිය පැති තහඩුවකින් මෙම මියගිය අයට විදුලි සැර වැදී ඇති බව මූලික පොලිස් පරීක්ෂණවලින් අනාවරණය වී තිබේ. මෙම සිද්ධිය වන අවස්ථාවේ නිවැසියන් කිසිවක් නිවසේ නොසිටි අතර පසුව ඔහුගේ පුතා නිවසට පැමිණි අවස්ථාවේ පියාට විදුලි සැර වැදී වැටී සිටින අයුරු දැක ඇතැයි පොලිසිය කියයි .