Author: LANKA24X7

මහජන ආරක්ෂක අමාත්‍ය ආනන්ද විජේපාල මහතාට පාර්ලිමේන්තු මන්ත්‍රී ධුරයක් දැරීමට සුදුසුකම් නොමැති බවට තීන්දු කොට ඔහුගේ මන්ත්‍රී ධුරය බලරහිත කිරීමේ නියෝගයක් නිකුත් කරන ලෙස ඉල්ලා ගොනුකෙරුණු රිට් පෙත්සමක් විභාගයට නොගෙන නිෂ්ප්‍රභ කිරීමට අභියාචනාධිකරණය අද (07) නියෝග කළේය. අභියාචනාධිකරණයේ වැඩබලන සභාපති මොහොමඩ් ලෆාර් තාහීර් සහ සරත් දිසානායක යන මහත්වරුන්ගෙන් සමන්විත අභියාචනාධිකරණ විනිසුරු මඩුල්ලක් විසින් මෙම නියෝගය ප්‍රකාශයට පත් කළහ. ශ්‍රී ලංකා පොදුජන පෙරමුණේ පාලක ලේකම් රේණුක පෙරේරා මහතා විසින් පෙත්සම ඉදිරිපත් කර තිබුණි.

හිටපු රාජ්‍ය අමාත්‍ය ප්‍රසන්න රණවීර මහර මහේස්ත්‍රාත් අධිකරණයට භාර වී තිබෙනවා. කිරිබත්ගොඩ ප්‍රදේශයේ රජයට අයත් ඉඩමක් ව්‍යාජ ඔස්පු සකස් කර විකිණීමේ සිද්ධියකට අදාළව ඔහුව අත්අඩංගුවට ගැනීමට විවෘත වරෙන්තු නිකුත් කර ඇති පසුබිමකයි. මෙම සිද්ධියට අදාලව හිටපු අමාත්‍යවරයෙකු වන මර්වින් සිල්වා ද රිමාන්ඩ් බන්ධනාගාර ගත කර තිබෙනවා.

චිකන්ගුන්‍යා පාලනයකින් තොරව වසංගත තත්වයකින් ව්‍යාප්ත වීමේ ප්‍රවණතාවක් පෙන්නුම් කරමින් තිබෙන බව සෞඛ්‍ය වෘත්තීයවේදීන්ගේ විද්වත් සංගමය සඳහන් කරයි. මෙම රෝගය නිවැරදිව හඳුනා ගැනීම සඳහා PCR (Polymerase Chain Reaction), IgM/IgG ප්‍රතිදේහ පරීක්ෂණ වැනි නවීන විද්‍යාත්මක ක්‍රමවේද පවතින බවද එම සංගමයේ සභාපති රවිකුමුදේශ් මහතා සඳහන් කළේය. මෙරට රෝහල් පද්ධතියට මෙම පරීක්ෂණ සඳහා අවශ්‍ය ප්‍රතික්‍රීයක කට්ටල තවමත් ලබාදී නොමැති බවත් වෛද්‍ය පර්යේෂණ ආයතනයේ PCR පරීක්ෂණ පහසුකම තිබෙන බවත් ඔහු සඳහන් කළේය. චිකන් ගුන්‍යා යනු මදුරුවන් මගින් බෝවන රෝගයක් බවත් එවැනි රෝගයක් පාලනය කිරීම සඳහා ආසාදිත මදුරු ගහන හඳුනා ගැනීම සහ ඒවා විනාශ කිරීම හා පාලනය කිරීමද අත්‍යවශ්‍ය බවත් රවී කුමුදේශ් මහතා සඳහන් කළේය.…

මෙම සතියේ පොදු ව්‍යාපාර පිළිබඳ කාරක සභාව (කෝප්) දවස් දෙකක් රැස් වීමට නියමිතව තිබේ. ඒ අනුව පළමු රැස්වීම ලබන 08 වැනිදා පැවැත්වෙන අතර, එදින කෝප් කමිටුව හමුවට ඉඩම් ප්‍රතිසංස්කරණ කොමිෂන් සභාව කැඳවීමට නියමිතව ඇත. එමෙන්ම කෝප් කමිටුව ලබන 09 වැනිදාද රැස්වන අතර, එදින කමිටුව හමුවට සීමාසහිත ගුවන්තොටුපල සහ ගුවන් සේවා (ශ්‍රී ලංකා) සමාගම කැඳවීමට නියමිතව තිබේ. මීට අමතරව ආබාධ සහිත වූවන් සඳහා වන පාර්ලිමේන්තු සංසදය ලබන 08 වැනිදා රැස්වීමට නියමිතව ඇත. එමෙන්ම 09 වැනිදා ආචාර්ය ධර්ම සහ වරප්‍රසාද පිළිබඳ කාරක සභාවද රැස්වීමට නියමිතව තිබේ.

සිරි දළදා වන්දනාවට පැමිණි බැතිමතුන් විසින් දමා ගිය ටොන් 600කට අධික මිශ්‍ර කසල තොගය සම්බන්ධයෙන් ගත යුතු ක්‍රියාමාර්ග ගැන මෙතෙක් තීරණයක් ගෙන නොමැති බව මහනුවර මහනගර සභාවේ ජල කර්මාන්ත ඉංජිනේරු සහගැන අපද්‍රව්‍ යඒකකයේ ප්‍රධානි නාමල් ධම්මික දිසානායක මහතා කියයි. එම කසල තොගය මේ වන විට ගුහාගොඩ ගම්මානයේ දරු දැරියන් ක්‍රීඩා කිරීම සඳහා යොදාගත්ක්‍රීඩාංගනයේ ගොඩ ගසා ඇති අතර එම ක්‍රීඩාංගණ භූමියද දීර්ඝ කාලයක්අසල පිරවීමෙන් පසුගොඩ වූ ඉඩමක නගර සභාව විසින් විශාල මුදලක් වැය කොට ඉදි කරන ලද්දකි. එම මිශ්‍ර කසල තොගය කොළඹට රැගෙන ගොස් දහනය කිරීමට මීට පෙර තීරණය කොට තිබුණද එය වියදම් අධික කටයුත්තක් බැවින්සිදු නොවනු ඇති බව ඉංජිනේරු නාමල්…

මේ වසරේ ගෙවීගිය කාලය තුළදී වෙඩිතබා ගැනීමේ සිදුවීම් 42 ක් වාර්තා වී තිබෙන බවත්, මීට අදාළව සැකකරුවන් 94ක් අත්අඩංගුවට ගෙන තිබෙන බවත් පොලිස් මූලස්ථානය සඳහන් කරයි. මෙම වෙඩිතබා ගැනීමේ සිදුවීම සඳහා භාවිත කළ ටී පනස්හය ගිනිඅවි තුනක් හා පිස්තෝල ගිනිඅවි 03ක්ද අත්අඩංගුවට ගෙන තිබෙන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා සඳහන් කළේය. මේ වසරේ ගෙවීගිය මාස හතරක කාලය තුළදී සිදු කළ මෙහෙයුම්වලදී ටී පනස්හය ගිනි අවි 11ක් ඇතුළුව ස්වයංක්‍රීය ගිනිඅවි තිස්නවයක් අත්අඩංගුවට ගෙන තිබෙන බවද පැවසීය. වාර්තා වන අපරාධ විසඳීම හා අපරාධ වැළැක්වීමට ගත හැකි සියලුම ක්‍රියාමාර්ග ගන්නා බවද සඳහන් කළේය. මේ වසරේ ගෙවීගිය කාලය තුළ…

සබරගමුව විශ්වවිද්‍යාලයේ නවක වද සිද්ධියක් මුල්කරගෙන එම සරසවියේ තාක්ෂණ පිඨයේ දෙවන වසරේ සිසුවෙකු මියයෑමේ සිද්ධියට අදාළව අත්අඩංගුවට ගත් අනෙක් සිසුන් 6 දෙනා ද මේ මස 16 වනදා දක්වා රක්ෂිත බන්ධනාගාරගත කර තිබෙනවා. ඒ සැකකරුවන් ඊයේ බලංගොඩ මහේස්ත්‍රාත් හමුවට ඉදිරිපත් කිරීමෙන් අනතුරුවයි. නවක වද සිද්ධියට අදාළව සබරගමුව විශ්වවිද්‍යාලයේම තාක්ෂණ පීඨයේ 3 වන වසර ඉගෙනුම ලබන සිසුන් දෙදෙනෙකු අපරාධ පරීක්ෂණ දෙපාර්තමේන්තුව ඊයේ අත්අඩංගුවට ගෙන තිබුණා. එමෙන්ම, සිද්ධිය සම්බන්ධයෙන් පෙරේදා රාත්‍රීයේ දී ද තවත් සිසුන් 4 දෙනෙකු සමනලවැව පොලිසියට භාර වීමෙන් පසු අත්අඩංගුවට ගෙන තිබුණා.

ලෝක බැංකුවේ සභාපති අජේ බංගා අද (7) ශ්‍රී ලංකාවට පැමිණෙන බව ලෝක බැංකුව නිවේදනයක් නිකුත් කරමින් පවසනවා. වසර 20කට ආසන්න කාලයකට පසු ලෝක බැංකු සමූහයේ සභාපතිවරයෙකු ශ්‍රී ලංකාවට පැමිණෙන පළමු අවස්ථාව මෙය වීම විශේෂත්වයක්.

ආදිවාසීන්ට පොරව රැගෙන ඡන්ද පොළට යෑමට මැතිවරණ කොමිෂන් සභාව පළමු වරට මෙවර අවසර දී ඇත. ආදිවාසීන් කාලයක් තිස්සේ කළ ඉල්ලීමක් අනුව මෙසේ අවසරදී ඇත. පොරව කර මත තබාගෙන ගමන් කිරීම ආදීවාසී ජන සම්ප්‍රදායේ මූලිකාංගයක් ලෙස සැලකේ.

ගලේවෙල මකුළුගස්වැව ප්‍රදේශයේ පියෙකු සහ පුතෙකු අතර ඇති වූ ගැටුමකින් පුතා විසින් එල්ල කළ යකඩ පොලු පහරකින් පියා මියගොස් ඇතැයි මකුළුගස්වැව පොලිසිය කියයි. මෙම ඝාතනය සැඟවීම සඳහා ඊයේ (05) රාත්‍රියේ සිට අද උදෑසන දක්වා මෙම පුතා සැලසුම් සකස් කර ඇති අතර ඒ සඳහා අසල්වැසි ඥාති කාන්තාවකගෙන් උදව් ඉල්ලිමේන් පසු එම නිවැසියන් මේ පිළිබඳව පොලීසියට දන්වා තිබේ. මෙසේ මියගොස් ඇත්තේ ගලේවෙල මකුළුගස්වැව හතරේ කණුව ප්‍රදේශයේ පදිංචි සමන් ප්‍රියන්ත පනස් තුන් හැවිරිදි දෙදරූපියකි. මෙම නිවසේ මියගිය පුද්ගලයාගේ බිරිඳ සහ පහර දුන් බව කියන පුතා ජීවත්ව සිටි බව මකුළුගස්වැව පොලිසිය කියයි. පියා ඝාතනය කළ බවට සැක කරන පුතා අත්අඩංගුවට ගත් බව මකුළුගස්වැව පොලීසිය…