Author: LANKA24X7

මැතිවරණ ක්‍රමය සංශෝධනය කිරීම, ඊට අදාලව නීති සැලසීම ඇතුළු කරුණු කිහිපයක් මුල්කර ගනිමින් පිහිට වූ පරීක්ෂණ කොමිෂන් සභාවේ නිර්දේශ සාර්ථක වුවහොත් එළඹෙන පළමු ජාතික මැතිවරණයේදීම එම නව ක්‍රමය යටතේ මැතිවරණය පැවැත්විය හැකිදැයි සොයා බලන ලෙස ජනාධිපති රනිල් වික්‍රමසිංහ මහතා අදාල අංශ වෙත උපදෙස් දුන්නේය . විශ්‍රාමික අගවිනිසුරු ප්‍රියසත් ඩෙප් මහතාගේ ප්‍රධානත්වයෙන් ජනාධිපතිවරයා මෙම කොමිසම පත් කළ අතර නීතිපති දෙපාර්තමේන්තුව ඇතුළු අදාල අංශ වෙත ජනාධිපතිවරයා මෙලෙස උපදෙස් ලබාදී තිබේ. එසේම මැතිවරණ ක්‍රමය සංශෝධනය කිරීමට අදාලව ජනාධිපති රනිල් වික්‍රමසිංහ මහතා පාර්ලිමේන්තුවේදි අද (8) විශේෂ ප්‍රකාශයක් කිරීමට ද නියමිතය. තවද මාස හයක් වැනි කෙටි කාලයක් ඇතුලත නව ක්‍රමයට අදාල කෙටුම්පත සකසන ලෙස ද…

ක්‍රිකට් අතුරු කමිටුව ඉවත් කරගන්නැයි ඉල්ලීම් කර එසේ නොකළහොත් ක්‍රීඩා නීතිය ඔහු යටතට ගන්නේ යැයි ජනාධිපතිවරයා තමාට පැවසූ බව ක්‍රීඩා අමාත්‍ය රොෂාන් රණසිංහ මහතා පාර්ලිමේන්තුවේදී ඊයේ (7) පැවසීය. ඇමති ධූරයෙන් ඉවත් කර කැමති තීරණයක් ගන්නා ලෙස තමා එහිදී පැවසු බව ප්‍රකාශ කළ අමාත්‍යවරයා පත්කළ කමිටුව නැවත අහෝසි කරන්නේ නැතැයි තමා එහිදී තරයේ පැවසූ බවද ප්‍රකාශ කළේය. වැටත් නියරත් ගොයම් කා නම් කාට පවසම්ද මේ අමාරුව කියන කියමන තමාට මේ අවස්ථාවේදී මතකයට එන බවද රණසිංහ මහතා පැවසීය.

ලංකා ඉන්දියානු ඔයිල් සමාගම විසින් ආනයනය කෙරුණු ඩීසල් තොගයක් ගැන මතුවූ සැකයක් මත ඒවා පරීක්ෂණ සඳහා යොමු කළ බව විදුලිබල හා බලශක්ති අමාත්‍ය කංචන විජේසේකර මහතා පාර්ලිමේන්තුවේදී ඊයේ (7) පැවසීය. ප්‍රමිතියෙන් තොර බව සනාථ වුවහොත් එම ඉන්ධන ගොඩ නොබා නැවත හරවා යවන බවද ඔහු සඳහන් කළේය. අමාත්‍යවරයා මෙසේ පැවසුවේ විපක්ෂ නායක සජිත් ප්‍රේමදාස මහතා මේ සම්බන්ධයෙන් මතු කළ ප්‍රශ්නයකට පිළිතුරු දෙමිනි. ඩීසල් තොගය සමග රැගෙන ආ පෙට්රල් 92 තොගය තත්ත්ව පරීක්ෂාවෙන් පසු එය හොඳ බව තහවුරු වීමෙන් පසු ගොඩ බෑ බවද ඔහු සඳහන් කළේය. “මේ රටට අපි ප්‍රමිතියෙන් තොර ඉන්ධන ආනයනය කරලත් නැහැ. බෙදාහැරලත් නැහැ” යැයිද ඔහු සඳහන් කළේය. ඩීසල්…

සියලුම තැපැල් සේවකයන්ගේ නිවාඩු වහාම ක්‍රියාත්මක වන පරිදි අද(8) හෙට(9) සහ අනිද්දා (10) අවලංගු කිරීමට තැපැල්පති රුවන් සත්කුමාර මහතා තීරණය කර ඇත. තැපල් සේවය මහජනතාව වෙනුවෙන් බාධාවකින් තොරව පවත්වාගෙන යෑමේ අරමුණින් යුතුව මෙම පියවර ගෙන ඇත. මහනුවර සහ නුවරඑළිය තැපැල් කාර්යාල ගොඩනැගිලි පෞද්ගලික අංශයට පැවරීම ඇතුළු කරුණු කිහිපයක් මුල්කරගෙන තැපැල් සේවකයන් පැය 48 ක සංකේත වැඩ වර්ජනයක් ඊයේ මධ්‍යම රාත්‍රියේ සිට ආරම්භ කෙරිණ. ඒකාබද්ධ තැපැල් වෘත්තීය සමිතියේ මෙහෙයවීමෙන් මෙම වැඩ වර්ජනය ක්‍රියාත්මක කෙරේ.

හමාස් – ඊශ්‍රායල ගැටුම්වලින් මිය ගිය ශ්‍රී ලාංකික සුජිත් යටවර බණ්ඩාර මහතාගේ දේහයට ඊශ්‍රායලය තානාපති කාර්යාලයේ දී ඊයේ ආගමික වතාවත් සිදු කෙරුණි . මතක වස්ත්‍ර පූජාව , පැන් වැඩීම සහ අවසන් ගෞරව දැක්වීම එහිදී සිදු විය.

පවතින අධික වර්ෂාවත් සමග කොළඹ ආමර්වීදිය ප්‍රදේශය ජලයෙන් යටවී තිබේ. මේ හේතුවෙන් ආමර්වීදිය ප්‍රදේශයේ රථවාහන ධාවනයට බාධා එල්ලවී තිබේ.

නීතිවිරෝධීව පවත්වාගෙන ගිය මහා පරිමාණ අරක්කු නිෂ්පාදනාගාරයක් වටලා මත්පැන් බෝතල් 6,000කට වැඩි ප්‍රමාණයක් සමඟ සැකකරුවන් 12 දෙනෙකු අත්අඩංගුවට ගෙන තිබේ. දොම්පේ කළුකොඳයාව ප්‍රදේශයේ ගබඩාවක් තුළ එම මහා පරිමාණ අරක්කු නිෂ්පාදනාගාරය පවත්වා ගෙන ගොස් තිබුණි. දොම්පේ පොලීසිය විසින් එම වැටලීම සිදුකර ඇත. එහි තිබී හමුවූ නීතිවිරෝධී මත්පැන් බෝතල්වල ව්‍යාජ ආරක්ෂිත ස්ටීකර්ද අලවා තිබුණි

මෙරට ක්ෂුද්‍ර මූල්‍ය ආයතන 11,000ක් පමණ ක්‍රියාත්මක වුව ද ඉන් ලියාපදිංචි වී ඇත්තේ ආයතන 5ක් පමණක් බව අමාත්‍ය රංජිත් සියඹලාපිටිය මහතා පවසයි. වැඩි වශයෙන් ග්‍රාමීය අඩු ආදායම් ලාභී ජනතාව ගනුදෙනු කරන මෙම ආයතනවල බලපෑම හේතුවෙන් අපහසුතාවට පත් වූ ලක්ෂ 30ක පමණ පිරිසක් සිටින බව අමාත්‍යවරයා පෙන්වා දෙයි. එබැවින් මෙම ආයතන ලියාපදිංචි කිරීම අනිවාර්යය වන අතර ක්ෂුද්‍ර මුල්‍ය ආයතන නියාමනය සඳහා නව අධිකාරියක් පිහිටුවන බව ද අමාත්‍ය රංජිත් සියඹලාපිටිය මහතා සඳහන් කළේය. “ක්ෂුද්‍ර මූල්‍ය කටයුතු සිදුවිය යුතුයි. නමුත් හොඳ පාලනයක් තිබිය යුතුයි. අපේ රටේ 11,000ක් තියෙනවා ආයතන. නමුත් ලියාපදිංචි වෙලා තියෙන්නේ 5යි. ලියාපදිංචියක් නෑ කියන්නේ නියාමනයක් නෑ. හිතූමතේ වැඩ කරනවා. මේ…

ක්‍රිකට් ක්‍රීඩාව ගොඩගැනීමට තමාට ලබාදිය හැකි උපරිම සහයෝගය ලබාදෙන බව ක්‍රිකට් අතුරු කමිටුවේ, සභාපති අර්ජුන රණතුංග මහතා පවසයි. තමාගේ අවධානය යොමුව ඇත්තේ ක්‍රිකට් ක්‍රීඩාවට බවත් පරිපාලනය පිළිබඳ අනෙක් සාමාජිකයින් විසින් කටයුතු කරනු ඇති බවත් පැවසු අර්ජුන රණතුංග මහතා, ක්‍රිකට් ක්‍රීඩාවට නව සන්නාමයක් හඳුන්වා දීම තම අභිප්‍රාය වන බවත් කියා සිටියේය. එමෙන්ම රටට ආදරය කරන ක්‍රීඩකයෝ පිරිසක් සාදා ගැනීම තම මුලික කටයුත්ත බව ද සඳහන් කළ අර්ජුන රණතුංග මහතා, තමාට භාරදුන් කටයුත්ත නිසිලෙස ඉටු කිරීමට බලාපොරොත්තු වන බවත් තමාට හිමිවූ තනතුර බලෙන් ලබාගත් දෙයක් නොවන බව ද පැවසීය. “ක්‍රීඩා ඇමතිතුමා තමයි ඒක පත් කරලා තියෙන්නේ. මම හිතන්නේ සෑහෙන කාලයක් එතුමා මේ…

ඩයනා ගමගේ රාජ්‍ය අමාත්‍යවරිය සහ මන්ත්‍රීවරු කිහිපදෙනෙකු අතර පාර්ලිමේන්තු පරිශ්‍රයේ දී ඇති වු සිද්ධිය පිළිබඳව කරුණු සොයාබැලීමට පත් කළ කමිටුව අද (06) රැස්වීමට නියමිතව තිබේ. පසුගිය දා පාර්ලිමේන්තු පරිශ්‍රයේ දී රාජ්‍ය අමාත්‍ය ඩයනා ගමගේ මහත්මිය සහ සමගි ජනබලවේලය පක්ෂයේ රෝහණ බණ්ඩාර සහ සුජිත් සංජය පෙරේරා මන්ත්‍රීවරුන් අතර ගැටුම්කාරී තත්ත්වයක් හටගෙන තිබු අතර ඒ සම්බන්ධයෙන් සොයාබැලීමට කථානායක මහින්ද යාපා අබේවර්ධන මහතා විසින් කමිටුවක් පත්කරනු ලැබීය. නියෝජ්‍ය කථානායක අජිත් රාජපක්ෂ මහතාගේ ප්‍රධානත්වයෙන් මෙම කමිටුව පත්කළ අතර එම සිදුවීමට අදාළ පාර්ලිමේන්තුවේ CCTV දර්ශන ද අදාළ කමිටුව විසින් පසුගියදා නිරීක්ෂණය කරනු ලැබීය. ඒ අනුව මෙම සිදුවීමට සම්බන්ධ පාර්ශව අද දිනයේ මෙම කමිටුව හමුවට කැඳවා…