Author: LANKA24X7

පොලීසිය විසින් දිවයින පුරා සිදුකරන අපරාධ හා මත්ද්‍රව්‍ය නිවාරණ විශේෂ මෙහෙයුම යටතේ විවිධ අපරාධ සිද්ධීන්වලට සෘජුව සම්බන්ධ පුද්ගලයින් 16 දෙනෙකු අත්අඩංගුවට ගෙන තිබේ. ඊයේ දිනයේ මෙම සැකකරුවන් අත්අඩංගුවට ගත් බව පොලීසිය පැවසීය. එම මෙහෙයුමේදී පුද්ගලයින් 32,201 දෙනෙකු පරීක්ෂාවට ලක්කර ඇති බව පොලිස් මාධ්‍ය කොට්ඨාසය සඳහන් කළේය. එහිදි විවිධ සිද්ධීන්වලට සැකපිට පුද්ගලයින් 736 දෙනෙකු සහ වරෙන්තුකරුවන් 271 දෙනෙකු අත්අඩංගුවට ගෙන තිබේ. ඊට අමතරව බීමත් හා අපරික්ෂාකාරී රිය ධාවනය සම්බන්ධයෙන් තවත් පුද්ගලයින් 48 දෙනෙකු ද අත්අඩංගුවට ගෙන ඇති බව පොලීසිය සඳහන් කළේය.

“රටම එකට“ ජාතික මෙහෙයුමට අනුව පොලිසිය දිවයින පුරා ක්‍රියාත්මක කළ මත්ද්‍රව්‍ය නිවාරණ මෙහෙයුම යටතේ ඊයේ දිනයේදීම වැටලීම් 987කදී සිදු කර තිබේ. එහිදී මත්ද්‍රව්‍ය වැරදි සම්බන්ධයෙන් පුද්ගලයින් 371දෙනෙකු අත්අඩංගුවට ගෙන ඇත. දිවයින පුරා ක්‍රියාත්මක කළ මෙම මෙහෙයුම හරහා සමස්තයල් ලෙස සැකකරුවන් 971 දෙනෙකු අත්අඩංගුවට ගත් බව පොලීසිය සඳහන් කළේය. පොලිස් මාධ්‍ය කොට්ඨාසය වැඩිදුරටත් නිවේදනය කළේ, එහිදී සැකකරුවන් විසි දෙදෙනෙකුට අදාළව රැඳවුම් නියෝග ලබාගත් බවය. ඒමෙන්ම අත්අඩංගුවට ගත් පුද්ගලයින්ගෙන් 10 දෙනෙකු ද පුනරුත්ථාපනයට යොමුකර තිබේ.

වෙළෙඳ, වාණිජ ආහාර සුරක්ෂිතතා සහ සමූපකාර සංවර්ධන අමාත්‍ය වසන්ත සමරසිංහ මහතා ජා-ඇල පිහිටි ශ්‍රී ලංකා ත්‍රිපෝෂ සමාගම් පරිශ්‍රයේ නිරීක්ෂණ චාරිකාවකට සහභාගී විය. කර්මාන්ත පරිශ්‍රය නිරීක්ෂණයෙන් අනතුරුව වත්මන් සභාපති අමල් අත්තනායක මහතා සහ එහි අධ්‍යක්ෂ මණ්ඩලය විසින් ත්‍රිපෝෂ සමාගමේ වත්මන් තත්ත්වය හඳුන්වා දෙමින් ඉදිරියේදී අපේක්ෂිත ඉලක්ක පිළිබඳව අමාත්‍යවරයා සමඟ සාකච්ඡාවක නිරත විය. මෙහිදී අදහස් දක්වමින් අමාත්‍යවරයා කීවේ ඈවර කිරීමට නියමිතව තිබූ ශ්‍රී ලංකා ත්‍රිපෝෂ සමාගම රජය බලයට පත් වීමෙන් පසු සෞඛ්‍ය අමාත්‍යාංශය යටතේ නැවත ස්ථාපිත කළ බවයි. පසුගියදා අමාත්‍ය මණ්ඩල සංශෝධනය සමඟ නිකුත් කළ ගැසට් නිවේදනය මඟින් වෙළෙඳ, වාණිජ, ආහාර සුරක්ෂිතතා සහ සමුපකාර සංවර්ධන අමාත්‍යාංශය යටතට පත් කෙරිණි.

වැල්ලවාය මහෙස්ත්‍රාත් මංජුල රත්නායක මහතාගේ වැඩතහනම් කර තිබේ. පොලිස්පතිවරයාගේ පැමිණිල්ලක් අනුව අධිකරණ සේවා කොමිෂන් සභාව විසින් මෙම වැඩතහනම් කිරීම සිදුකර ඇත. ඔහුගේ නඩු තීන්දු කිහිපයක් පිළිබඳ පොලිස්පතිවරයා විසින් අගවිනිසුරුවරයා වෙත කරන ලද පැමිණිල්ලක් මත අධිකරණ සේවා කොමිෂන් සභාව සිදුකරන විමර්ශනයක් මෙම වැඩතහනම් කිරීමට හේතු වී ඇති බව සඳහන් වෙයි. ඊයේ (30) දිනයේ සිට ක්‍රියාත්මක වන පරිදි මෙම නියෝගය ලබා දී ඇත.

ආරක්ෂාව ඉල්ලා සිටින මන්ත්‍රීවරුන් සියලුදෙනා සඳහා ආරක්ෂාව ලබාදීමට පොලිස්පතිවරයා සහ කථානායකවරයා එකඟ වූ බව පාර්ලිමේන්තු මන්ත්‍රී ජගත් විතානගේ මහතා සඳහන් කළේය. විපක්ෂයේ මන්ත්‍රීවරුන්ගේ ඉල්ලීම මත මන්ත්‍රීවරුන්ගේ ආරක්ෂාව සම්බන්ධයෙන් සාකච්ඡා කිරීම සඳහා විශේෂ සාකච්ඡාවක් අද (31) පාර්ලිමේන්තුවේදී පැවතියේය. මේ සඳහා පොලිස්පති ප්‍රියන්ත වීරසූරිය මහතාද එක්විය. එහිදී මන්ත්‍රීවරුන් ගේ ආරක්ෂාව සම්බන්ධයෙන් දීර්ඝ ලෙස සාකච්ඡා කර ඇත. එහිදී ආරක්ෂාව ඉල්ලා සිටින මන්ත්‍රීවරුන්ට ආරක්ෂාව ලබා දීමට පොලිස්පතිවරයා මෙන්ම කථානායකවරයාද එකඟතාව පළ කර තිබේ.

හෙද උපාධිධාරීන් හත්සීයක් බඳවා ගැනීමට රජය තීරණය කර තිබේ. ඒ අනුව අනුස්ථාපන හා සමායෝජන පාඨමාලා පුහුණුව සඳහා විද්‍යාවේදී හෙද උපාධිධාරීන් 700 දෙනකු බඳවා ගන්නා බව සෞඛ්‍ය හා ජනමාධ්‍ය අමාත්‍යාංශය පවසයි. මෙවැනි පිරිසක් බඳවා ගන්නේ වසර හතරකට පසුව බව ද අමාත්‍යාංශය කියයි. අදාල පුහුණුවට බඳවා ගැනීම සඳහා පත්වීම් ලිපි ප්‍රදානය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් ශ්‍රී ලංකා ජාතික රෝහල් බාහිර රෝගී අංශ ශ්‍රවණාගාරයේ දී අද සිදුකිරීමට නියමිතව තිබේ.

පාතාලය සම්බන්ධයෙන් කෙරෙන පරීක්ෂණ වල කොතැනක හෝ පොලිස් නිලධාරියෙකුගේ සබඳතාවයක් ඇතැයි හෙළිදරව් වී තිබෙන බව ජනාධිපති අනුර කුමාර දිසානායක මහතා පැවසීය. විෂ මත් ව්‍යසන පරදන ” රටම එකට” ජාතික මෙහෙයුම වැඩසටහන කොළඹ සුගතදාස ගෘහස්ථ ක්‍රීඩාංගනයේදී ඊයේ (30) අරඹමින් ජනාධිපතිවරයා මේ බව කීය. ෙමේ කාර්යය කළ හැකි යැයි සමාජයේ විශාල බලාපොරොත්තුවක් තිබෙනවා.මෙය පරාජය කරන්න නම් පොලිසිය සුද්ද කළ යුතුයි.පොලිසියේ වැඩිම වැඩ තහනමට ලක්වූ යුගය මේ යුගයයි. ඔබ රැකියා සුරක්ෂිත බව නිල ඇඳුමේ ගෞරවය රැකගෙන ඉදිරියට යන්න.නැතිනම් ඉවත් වෙන්න.එහෙම නැතිනම් අප ඉවත් කරනවා යනුවෙන්ද ජනාධිපතිවරයා කීය.

මත්තල ජාත්‍යන්තර ගුවන්තොටුපළ වන සතුන්ගේ තර්ජනවලින් ආරක්ෂිත ගුවන්තොටුපළක් ලෙස සිවිල් ගුවන් සේවා අධිකාරිය විශේෂ සහතිකයක් දී අැත මේ සහතිකයදී අැත්තේ මත්තල ගුවන්තොටුපළට වන සතුන්ගෙන් එල්ල වන තර්ජන වැලැක්විමට පියවර ගැනීමෙන් පසුවය ඒ අනුව මත්තල ගුවන්තොටුපළට මෙහෙයුම් කරන ගුවන් සේවා සංඛ්‍යාව වැඩි කර ගැනීමේ සකාච්ඡා ආරම්භ කළ බව වරාය හා සිවිල් ගුවන් සේවා නියෝජ්‍ය අමාත්‍ය රුවන් කොඩිතුවක්කු මහතා සඳහන් කළේ ය. මත්තල ජාත්‍යන්තර ගුවන්තොටුපළට මෙහෙයුම් කරන ගුවන් සේවා සංඛ්‍යාව 4කි. නව ගුවන් සේවා පැමිණීමත් සමග ගුවන්තොටුපළේ මෙහෙයුම් අලාභය අඩු කර ගත හැකි බව නියෝජ්‍ය අමාත්‍යවරයා විශ්වාසය පළ කෙළේය මත්තල ගුවන්තොටුපළට මාසිකව රුපියල් කෝටි 25 ක පාඩුවක් ලබයි.

වගා ව්‍යාපෘති සහ සංචාරක ක්ෂ්ත්‍රයේ ආයෝජනය කිරීමෙන් ප්‍රතිලාභ අත්කර දෙන බවට පවසා ජනතා මුදල් වංචා කළෙ යැයි කියන කුණ්ඩසාලේ නගරය කේන්ද්‍ර කොට ගෙන රට පුරා ව්‍යාප්ත කළ තවත් මහා පරිමාණ පිරමීඩ සමාගමක් පිළිබඳව විමර්ශන ආරම්භ කළ බව කොළඹ ප්‍රධාන මහේස්ත්‍රාත් අසංක එස් බෝදරගම මහතා හමුවේ කරුණු දැක්වූ රහස් පොලිසියේ මුල්‍ය අපරාධ වාණිජ විමර්ශන කොට්ඨාසය අද දැනුම් දුන්නේය. ශ්‍රී ලංකා මහ බැංකුවේ මූල්‍යය පාරිභෝගික සබඳතා දෙපාර්තමේන්තුවේ අධ්‍යක්ෂකවරයා කරන ලද පැමිණිල්ලක් අනුව අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන අංශයේ පොලිස් පරීක්ෂක දංගල්‍ල නිලධාරියා විසින් මෙම කරුණු අධිකරණයට ඉදිරිපත් කළේය. නෙට් ෆො ජාත්‍යන්තර පුද්ගලික සමාගම නමින් පවත්වාගෙන ගිය මෙම නීති විරෝධී…

කෑගල්ල බන්ධනාගාරයේ රැදවියකුට දීමේ අරමුණින් මාවනැල්ලේ පාවහන් වෙළදසලකදී පාවහන් යුගළයක් තුළට ජංගම දුරකතන දෙකක් දුම්කොළ දමා මසද්දී සැකකරුවන් දෙදෙනකු ජංගම දුරකතන දෙකක් දුම්කොළ සමග ඊයේ සවස අත් අඩංගුවට ගත් බව මාවනැල්ල පොලිසිය පැවසීය. මෙලෙස අත් අඩංගුවට ගෙන ඇත්තේ අරණායක අරම උඩගම්මැද්ද පදිංචි 33 හැවිරිදි කාන්තාවක හා මාවනැල්ල දනාගම පදිංචි 53 හැවිරිදි සපත්තු මසන්නකු බව පොලිසිය පැවසීය. අයිස් මත්ද්‍රව්‍ය ජාවාරමකට අත් අඩංගුවට ගෙන අධිකරණයට ඉදිරිපත් කිරීමෙන් පසුව දැනට කෑගල්ල රිමාන්ඩ් බන්ධනාගාරයේ රදවා තබා ඇති සැකකරුවකුට දීම සඳහා ඔහුගේ උපදෙස් මත දුරකතන දෙකක් හා දුම්කොළ ග්‍රෑම් 42 ක් පාවහන් යුගළයක් ඇතුළතට දමා මාවනැල්ලේ පාවහන් අලෙවි සලක මසමින් සිටින බවට ලැබුණු තොරතරුකට අනුව…