Subscribe to Updates
Get the latest creative news from FooBar about art, design and business.
Author: LANKA24X7
රජය විසින් මෙවර යල කන්නයේ වී මිලදී ගැනීම ආරම්භ කිරීමත් සමඟ මේ වනවිට වී මෙට්‍රික් ටොන් 1238ක් මිලදී ගෙන ඇතැයි වී අලෙවි මණ්ඩලයේ සභාපති මංජුල පින්නලන්ද මහතා ප්‍රකාශ කළේය. මේ වසරේ යල කන්නයේ වී මිලදී ගැනීම සම්බන්ධයෙන් අනුගමනය කරන වැඩපිළිවෙළ පැහැදිලි කරමින් සභාපතිවරයා මෙසේ ද පැවසීය. “වසර 2025 යල කන්නේ වී මිලදී ගැනීම බොහෝ තැන්වල දැන් ආරම්භ කරලා තිබෙනවා. මෙවර අස්වැන්න ලැබෙන්නේ විසිරුණු විදිහට. කලින්ම අම්පාරේ කපන්න පටන් ගත්තා. ගබඩා විවෘත කරලා තිබෙනවා. උතුරු පළාතෙත් පුත්තලම, මුලතිව් මේ ස්ථානවලත් ගබඩා විවෘත කරලා තිබෙන්නේ මේ වෙනකොටත් ගොවි මහතුන් වී ලබාදෙමින් පවතිනවා. මේ වෙනකොට අපිට වාර්තා වෙලා තිබෙනවා වී මෙට්‍රික් ටොන් 1238ක්…
රුපියල් කෝට් 5කට අධික වටිනාකමින් යුත් කුෂ් මත්ද්‍රව්‍ය තොගයක් සමග විදෙස් ජාතික කාන්තාවක් කටුනායක ජාත්‍යන්තර ගුවන් තොටුපළේ දී අත්අඩංගුවට ගෙන තිබේ. ඊයේ (16) රාත්‍රී චෙන්නායි හී සිට පැමිණි 23 හැවිරිදි ඩෙන්මාක් ජාතික තරුණියක් මෙලෙස අත්අඩංගුවට ගෙන ඇති බව පොලීසිය සඳහන් කළේය. බැංකොක් නුවර සිට ඉන්දියාවේ චෙන්නායි වෙත පැමිණ පසුව ඇය කටුනායක ගුවන්තොටුපළ වෙත පැමිණ ඇති අතර හරිත මාවත ඔස්සේ ගුවන්තොටුපළෙන් පිටව යාමේ දී ඇයගේ ගමන් මල්ලේ තිබී මෙම කුෂ් මත්ද්‍රව්‍ය තොගය සොයාගෙන තිබේ. ගමන් මල්ලේ ආහාර අඩංගු පැකට් 25ක් තුළ සුක්ෂම ලෙස සඟවා තිබිය දී කුෂ් මත්ද්‍රව්‍ය කිලෝග්‍රෑම් 5යි ග්‍රෑම් 356ක් සොයාගත් බව කටුනායක ගුවන්තොටුපොළ පොලිස් මත්ද්‍රව්‍ය නාශක කාර්යංශය සඳහන්…
TikTok සාමාජ මාධ්‍යයේ නියෝජිත පිරිසක් සහ අග්‍රාමිත්‍ය ලේකම් ප්‍රදීප් සපුතන්ත්‍රි මහතා අතර හමුවක් ඊයේ (16) අග්‍රාමාත්‍ය කාර්යාලයේදී සිදුව තිබේ. විනෝදාස්වාදයෙන් ඔබ්බට ගොස් ආර්ථික අවස්ථා පුළුල් කර ගැනීමට සහ අධ්‍යාපන කටයුතු සඳහා TikTok සමාජ මාධ්‍ය ඩිජිටල් මෙවලමක් ලෙස භාවිත කළ හැකි ආකාරය පිළිබඳව මෙහිදී අවධානය යොමු කෙරිණ. ඩිජිටල් අධ්‍යාපනය පිළිබඳ දැනුම ලබා දීම සඳහා විධිවිධාන, පර්යේෂණ සහ විෂයමාලාවට අවශ්‍ය සංශෝධන ඇතුළත් කිරීමේ වැදගත්කම මෙන්ම ඩිජිටල් තාක්ෂණය වගකීමෙන් යුතුව භාවිත කිරීම සහ Tik Tok හරහා ආර්ථික අවස්ථා නිර්මාණය කිරීමේ වැදගත්කම මෙහිදී Tik Tok නියෝජිතයින් පෙන්වා දුන් බව අග්‍රාමාත්‍ය මාධ්‍ය අංශය නිකුත් කළ නිවේදනයේ සඳහන් වේ.
වැලිගම, උඩුකාව ප්‍රදේශයේ නීතිඥවරයෙකුගේ නිවසට අද (16) අලුයම 4.40ට පමණ යතුරුපැදියකින් පැමිණි නාඳුනන වෙඩික්කරුවෙකු විසින් වෙඩිතැබීමක් සිදුකර පලාගොස් තිබේ. අප කළ විමසීමකදී පොලිස් මාධ්‍ය ප්‍රකාශක කාර්යාලය සඳහන් කළේ, වෙඩිතැබීමෙන් කිසිවෙකුටත් තුවාල සිදුව නොමැති අතර, වෙඩි ප්‍රහාරය නිවසේ ගේට්ටුවට එල්ල වී ඇති බවය. අදාළ නීතිඥවරයා මරණ තර්ජනයක් හේතුවෙන් පොලීසිය මීට පෙර දැනුවත් කර ඇති බව ද පොලිස් මාධ්‍ය ප්‍රකාශක කාර්යාලය සඳහන් කළේය.
පසුගිය පළාත් පාලන මැතිවරණයෙන් විපක්ෂයට වැඩි බහුතරයක් හිමි සීතාවකපුර නගර සභාවේ බලය තහවුරු කිරීමටත් සමගි ජන බලවේගය සමත්ව තිබේ. ඒ අනුව අද (15) පැවැති එම නගර සභාවේ මංගල සැසිවාරයේදී නගරාධිපතිවරයා තෝරා පත් කර ගැනීම සඳහා පැවැති රහස් ඡන්ද විමසීමේදී සමගි ජන බලවේගයේ අපේක්ෂකයා වූ සුනිල් ජයරත්න මහතා තේරී පත්ව තිබේ. එමෙන්ම උප නගරාධිපති ධුරයද ස්වාධීන කණ්ඩායමෙන් ඉදිරිපත් වූ අජිත් විජයමුණි සොයියා මහතාට හිමි විය.
විදේශයන්හි පිහිටි ශ්‍රී ලංකා දූත මණ්ඩල කාර්යාල මඟින් මාර්ගගත ක්‍රමවේදය ඔස්සේ විදේශ ගමන් බලපත්‍ර අයදුම් කිරීම සඳහා වන ව්‍යාපෘතිය මේ වසරේ සිට ක්‍රියාත්මක කිරීමට අමාත්‍ය මණ්ඩල අනුමැතිය හිමිව තිබේ. ශ්‍රී ලාංකිකයින් විසින් විදේශයන්හි පිහිටි ශ්‍රී ලංකා දූත මණ්ඩල කාර්යාල හරහා සිදුකරනු ලබන විදේශ ගමන් බලපත්‍ර අයදුම් කිරීමේ ක්‍රමවේදය කඩිනම් කිරීම පිණිස එය මාර්ගගතව සිදුකිරීම සඳහා සහාය ලබා ගැනීමට අදාළව යෝජනාවක් සංක්‍රමණ සඳහා වන ජාත්‍යන්තර සංවිධානය (IOM) වෙත ඉදිරිපත් කර ඇත. ඒ අනුව, දූත මණ්ඩල කාර්යාල 20ක් ආවරණය වන පරිදි ජෛවමිතික ග්‍රහණ මධ්‍යස්ථාන සහ ඒ ආශ්‍රිත උපකරණ සැපයීම, ආගමන හා විගමන දෙපාර්තමේන්තුව සමඟ මාර්ගගත සම්බන්ධතාව පහසු කිරීම සහ ඒකාබද්ධ වීමට අදාළ…
නීතිවිරෝධී ලෙස එකලස් කරන ලද ජීප් රථයක් සමඟ සැකකරුවෙකු පොලිස් විශේෂ කාර්ය බළකා ජයවර්ධනපුර කඳවුරේ නිලධාරීන් විසින් අත්අඩංගුවට ගෙන තිබේ. වැඩබලන පොලිස්පතිතුමාගේ උපදෙස් මත දිවයින පුරා ක්‍රියාත්මක වන පරිදි ශ්‍රී ලංකා පොලීසිය සිදුකරගෙන යනු ලබන අපරාධ හා මත්ද්‍රව්‍ය නිවාරණ මෙහෙයුමට අදාළව මෙම ජිප් රථය සොයා ගෙන ඇත. ඊයේ (14) දහවල් කාලයේ මුල්ලේරියාව පොලිස් වසමේ හිඹුටාන ප්‍රදේශයේදී පොලිස් විශේෂ කාර්ය බළකා ජයවර්ධනපුර කඳවුරේ නිලධාරීන්ට ලද තොරතුරක් මත වැටලීමක් සිදුකර තිබුණි. ජිප් රථය සන්තකයේ තබාගෙන සිටි සැකකරු අත්අඩංගුවට ගෙන මුල්ලේරියාව පොලීසිය වෙත ඉදිරිපත් කර ඇති අතර, එලෙස අත්අඩංගුවට ගෙන ඇත්තේ, 53 හැවිරිදි හිඹුටාන, මුල්ලේරියාව ප්‍රදේශයේ පදිංචිකරුවෙකි. මුල්ලේරියාව පොලීසිය වැඩිදුර විමර්ශන සිදුකරයි.
මාතර වැලිගම නගර සභාවේ නව නගරාධිපති ලෙස මොහොමඩි අෆ්රාස් මහතා අද (14) වැඩ භාර ගෙන තිබේ. මෙම අවස්ථාව සදහා ජාතික ජන බලවේගයේ මාතර දිස්ත්‍රික් මන්ත්‍රී අකම් ඉල්ලියාස් මහතා ඇතුලු පිරිසක් සහභාගි වී ඇත. ආගමික වතාවත්වලට මුල් තැන දෙමින් ඔහු සිය ධුරයේ වැඩ ආරම්භ කිරීමට පියවර ගෙන තිබුණි.
2024 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵල නැවත සමීක්ෂණය සඳහා අයදුම්පත් කැඳවීම අද (14) සිට ලබන 28වනදා දක්වා සිදුකිරීමට නියමිත බව අධ්‍යාපන අමාත්‍යංශය පවසයි. 2024 අධ්‍යයන පොදු සහතික පත්‍ර සාමාන්‍ය පෙළ විභාගයේ ප්‍රතිඵලවලට අනුව සිසුන් 237,026ක් දෙනෙකු උසස් පෙළට සුදුසුකම් ලබා ඇති බව විභාග කොමසාරිස් ජනරාල් ඒ. කේ. එස්. ඉන්දිකා කුමාරි මහත්මිය සඳහන් කළේය. මෙවර විභාගයට පෙනී සිටි ශිෂ්‍ය සංඛ්‍යාවෙන් 73.45%ක ප්‍රතිශයක් උසස් පෙළට සුදුසුකම් ලබා සිටියි.
ගුවන් යානයක් කඩා වැටීමෙන් පසු එංගලන්තයේ ලන්ඩන් නුවර සවුත්එන්ඩ් ගුවන්තොටුපොළ නැවත දැනුම් දෙන තුරු වසා දමා තිබේ. ඊයේ (13) සවුත්එන්ඩ් ගුවන්තොටුපළෙන් ගුවන්ගත කුඩා ගුවන් යානයක් මද වේලාවකට පසු මෙලෙස කඩා වැටි ගිනිගෙන ඇති බව වාර්තාවේ. පොලීසිය, හදිසි සේවා සහ ගුවන් අනතුරු විමර්ශකයින් අනතුර සිදු වූ ස්ථානයේ පරීක්ෂණ කටයුතු සිදුකරණ බව විදෙස් මාධ්‍ය පවසයි. අනතුරින් තුවාල ලැබූවන් සම්බන්ධයෙන් තවමත් තොරතුරු වාර්තා වී නැත. තුවාල ලැබූ සංඛ්‍යාව පිළිබඳව කිසිදු තහවුරු කිරීමක් නොමැත. මෙම ගුවන් යානය ලන්දේසි සමාගමක් වන සියුෂ් ඒවියේෂන් සමාගමට අයත් SUZ1 වර්ගයේ ගුවන් යානයක් බව සඳහන් වේ.