Author: LANKA24X7

හය දෙනෙකුගෙන් පමණ සමන්විත වල් අලි රංචුවක් හේතුවෙන් ආරච්චිකට්ටුව, කුරුක්කුලිය ප්‍රදේශ‍යේ කුරුක්කුලිය මහා විද්‍යාලය තාවකාලිකව වසා දමා තිබෙනවා. සිසු සිසුවියන්ගේ ආරක්ෂාව වෙනුවෙන් විදුහල අද (31) දින තාවකාලිකව වසා දැමීමට තීරණය ක‍ර ඇති බවයි අප වාර්තාකරු සඳහන් කළේ. එම විදුහලේ ගුරුවරයෙක් පවසා සිටියේ අදාළ වල් අලි රංචුව ගම්මානයට කඩා වදින විටත් මෙම විදුහලට සිසු සිසුවියන් පිරිසක් පැමිණ සිට ඇති අතර එම සිසු සිසුවියන් මව්පියන් වෙත භාරදුන් බවයි. කෙසේ වෙතත් වනජීවී දෙපාර්තමේන්තුවේ නිලධාරීන් සහ පොලීසිය ප්‍රදේශවාසීන්ගේ ද සහාය ඇතිව වන අලි රංචුව පලවා හැරීමට පියවර ගෙන ඇති බවයි වාර්තා වන්නේ.

විදේශ ගතවන ශ්‍රී ලාංකිකයන්ට ලබාදෙන කහ උණ එන්නත සෞඛ්‍ය අමාත්‍යාංශය සතුව නොමැති බව වාර්තා වෙනවා. එම නිසාම විදේශගතවන්නන් දැඩි අපහසුතාවට පත්ව තිබෙනවා. මෙම එන්නත් බොරැල්ල වෛද්‍ය පර්යේෂණ ආයතනයේ ජාත්‍යන්තර සෞඛ්‍ය ඒකකයේ දැනට මාස කිහිපයක සිට නොමැති වීම නිසා කහ උණ පැතිරයාමේ අවදානමක් මතුව ඇති බවයි වෛද්‍යවරුන් පෙන්වා දෙන්නේ. ලෝක සෞඛ්‍ය සංවිධානයේ ජාත්‍යන්තර සෞඛ්‍ය රෙගුලාසිවලට අනුව කහ උණ රෝග තත්ත්වය වළක්වා ගැනීම සඳහා එන්නත්කරණය කිරීම සාමාජික රටවල වගකීමක් වෙනවා. එවැනි පසුබිමක් යටතේ ශ්‍රී ලාංකිකයන් විදේශගත වීමේදී සහ නැවත පැමිණීමේදී කහ උණ පැතිර යාමේ අවදානමක් මතුව ඇති බැවින් ලක් රජය ජාත්‍යන්තර රෙගුලාසි උල්ලංඝනය කිරීම බරපතළ කාරණයක් බවට පත්ව තිබෙනවා.

ගාල්ල බන්ධනාගාරයේ රැඳවියන් කිහිපදෙනෙක්ට මරු කැඳවූ ‘මෙනින්ගොකොකල්’ නමැති බැක්ටීරියාව ආසාදනය වූ රෝගියෙකු කොළඹ දිස්ත්‍රික්කයෙන් හඳුනාගෙන ඇති බව වාර්තා වේ. අදාල රෝගියා ජාඇළ ප්‍රදේශයේ පදිංචි 49 හැවිරිදි පුද්ගලයෙක් බවත් ඔහු රත්මලාන සෞඛ්‍ය වෛද්‍ය බලප්‍රදේශයේ ආයතනයක සේවය කරන්නෙක් බවත් දැනගන්නට තිබේ. එම පුද්ගලයාට ඇති වූ උණ තත්ත්වයක් හේතුවෙන් කොතලාවල ආරක්ෂක විශ්වවිද්‍යාල රෝහලට ඇතුළත්ව ඇති බවත් එම රෝගියාව වැඩිදුර ප්‍රතිකාර සඳහා කොළඹ ජාතික රෝහලට ඇතුළත් කර ඇතැයි රත්මලාන සෞඛ්‍ය වෛද්‍ය නිලධාරි කාර්යාලයේ උසස් නිලධාරියෙක් පැවසීය. එමෙන්ම මෙම පුද්ගලයා සේවය කළ ස්ථානයේ ආශ්‍රිතයන් 30 ක් පමණ පරීක්ෂා කර ප්‍රතිජීවක ඖෂධ දුන් බවත් එම නිලධාරියා වැඩි දුරටත් කීය.

ශ්‍රී ලංකා ආර්ථිකය සම්පූර්ණයෙන්ම ප‍්‍රතිව්‍යුහගත කිරීමට බලාපොරොත්තු වන බව ජනාධිපති රනිල් වික්‍රමසිංහ මහතා පැවසීය. ඒ සඳහා දැනටමත් පියවර ගනිමින් සිටින බව කී ජනාධිපතිවරයා තරඟකාරිත්වයට මුහුණ දෙමින් නව වෙළෙඳපොළ , විදේශ ආයෝජන සහ ප්‍රාග්ධනය ආකර්ෂණය කර ගැනීම සඳහා තායිලන්තය, ඉන්දුනීසියාව සහ වියට්නාමය වැනි රටවල ගමන් මඟ අනුගමනය කරන බවද කීය. ජනාධිපති රනිල් වික්‍රමසිංහ මහතා මේ බව සඳහන් කළේ අරලියගහ මන්දිරයේ පැවති “ශ්‍රී ලංකාවේ තිරසර සංවර්ධන දිශානතිය” පිළිබඳ විද්වත් සමුළුව අමතමිනි. තිරසර සංවර්ධන සභාව විසින් මෙය සංවිධානය කර තිබිණි. ශ්‍රී ලංකාව තවදුරටත් අන් රටවලට බරක් නොවිය යුතු අතර කලාපයේ සෙසු රටවල් සිදු කළ අන්දමින් පවතින සම්පත් භාවිතා කරමින් රටක් ලෙස තනිව නැඟී…

ජාතික ඖෂධ නියාමන අධිකාරියේ නිලධාරින් සහ ඖෂධවේදීන් 50කට පමණ ඇමරිකානු ආහාර සහ ඖෂධ නියාමන අධිකාරියේ විශේෂ පුහුණුවක් කොළඹ පදනම් ආයතනයේදී අද (30) පැවැත්විණි. ජනාධිපති රනිල් වික්‍රමසිංහගේ සංකල්පයකට අනුව ජාතික ඖෂධ නියාමන අධිකාරිය ප්‍රමිතියෙන් යුතු ආයතනයක් බවට පත් කිරීම පුහුණුවේ අරමුණයි. අධිකාරියේ සභාපති මහාචාර්ය එස්. ඩී. ජයරත්න පැවසුවේ ඇමරිකානු ඖෂධ හා ආහාර පිළිබද අධිකාරිය වන එෆ්.ඩී.ඒ ආයතනයේ අභාෂය ගනිමින් ඉදිරියේදී ඖෂධ ගෙන්වීම හා නියාමනය කිරීමේදී එම ආයතනයේ උපදෙස් ගන්නා බවය. ඉදිරියේදී තත්වයෙන් බාල ඖෂධ නිෂ්පාදනය අවම කරගැනීම සදහා මෙම දැනුම ඖෂධවේදීන් භාවිතා කරනු ඇතැයි සභාපතිවරයා කීය.

ත්‍රි රෝද රථයකින් හෙරොයින් මත්ද්‍රව්‍ය අලෙවි කිරීම සඳහා ප්‍රවාහනය කරන බවට පොලීසියට ලැබුණු තොරතුරක් එම ත්‍රි රෝද රථ හඳුනා ගෙන පරීක්ෂා කිරීමේදී එම ත්‍රිෙරා්ද රථයේ සිටි සැකකරු පොලිස් නිලධාරින් සමඟ පොර බදා පලා ගොස් ඇති අතර එහි සිටි සැකකරුගේ බිරිඳ හෙරොයින් ග්‍රෑම් දෙකයි මිලි ග්‍රෑම් 500 ක් සමඟ අත් අඩංගුවට ගත් බව කටුගස්තොට පොලිසිය කියයි. පොලීසියට ලැබුණු තොරතුරක් අනුව කටුගස්තොට පොලීසියේ දූෂණ මර්දන අශයේ ස්ථානාධිපති ප්‍රධාන පොලිස් පරීක්ෂක සෙනෙවිරත්න මහතා සමඟ තවත් එක් නිලධාරියෙකු ද මහනුවර මාතලේ මාර්ගයේ අඹතැන්න ප්‍රෙද්ශයට මෙම වැටලීමට ගොස් ඇති අතර එහිදි අදාළ ත්‍රිෙරා්ද රථය හඳුනා ගෙන එය පරීක්ෂා කිරීමට උත්සාහ කිරීමේදී එහි සිටි සැකකරු පොලිස්…

රාගල පොලිස් වසමේ රාගල – වලපනේ මාර්ගයේ හරස්බැද්ද ප්‍රදේශයේ දී සිදුවු රිය අනතුරකින් පුද්ගලයින් 15 දෙනෙක් තුවාල ලබා තිබේ. වලපනේ ප්‍රදේශයේ කෝවිලක පැවති පූජාවකට සහභාගී වීමට පැමිණි පිරිසක් ආපසු කැබ්රථයකින් යමින් සිටිය දී කැබ් රථයේ ඇන්ද කැඩීයෑමෙන් අනතුර සිදුව තිබුණි. එහිදි කැබ් රථයේ ගමන්ගත් පිරිස මාර්ගයට ඇදවැටී ඇති අතර එහිදී තුවාල ලැබු පිරිස වලපනේ හා රිකිල්ලගස්කඩ රෝහල් වෙත ඇතුළත් කළ බව පොලීසිය පවසයි. ඊයේ (30) සවස එම අනතුර සිදුව ඇති අතර, කැබ් රථයේ රියදුරුව මේ වනවිට අත්අඩංගුවට ගෙන ඇත.

බොරැල්ල ප්‍රදේශයේ සිදුකළ මත්ද්‍රව්‍ය වැටලීමක දී ‍කොළඹ අපරාධ කොට්ඨාසයේ පොලිස් නිලධාරීන් කණ්ඩායමක් එල්ල කළ වෙඩි ප්‍රහාර මධ්‍යයේ මත්ද්‍රව්‍ය ජාවාරම්කරුවකු පළාගොස් තිබේ. එලෙස පළාගොස් ඇත්තේ, මල්වත්තේ අමිල නමැති මත්ද්‍රව්‍ය ජාවාරම්කරුවෙකි. ඊයේ (30) පෙරවරුවේ කොළඹ අපරාධ කොට්ඨාසයේ බස්නාහිර පළාත් දුෂණ මර්දන අංශයේ නිලධාරීන් විසින් හෙරෝයින් ග්‍රෑම් 150ක් සමඟ පුද්ගලයෙකු අත්අඩංගුවට ගෙන තිබුණේ, දෙමටගොඩ මිහිඳුසෙන්පුර මහල් නිවාස සංකීර්ණය අසලදීය. අනතුරුව සැකකරුගෙන් සිදුකළ ප්‍රශ්න කිරීම්වල දී අනාවරණය වී ඇත්තේ, මල්වත්තේ අමිල නැමැති මත්ද්‍රව්‍ය ජාවාරම්කරුගෙන් එම හෙරොයින් මිල දී ගත් බවයි. ඒ අනුව නිලධාරීන්, අත්අඩංගුවට ගත් පුද්ගලයා ලවා මල්වත්තේ අමිල නැමැත්තාව බොරැල්ල පී. සරවණමුත්තු ක්‍රීඩාංගණය අසලට ගෙන්වා ගෙන තිබේ. ඔහු රතු පැහැති මෝටර් රථයකින් අදාළ…

කොළඹ ජාතික රෝහල තුළ පවතින CT ස්කෑන් යන්ත්‍ර 4න් දෙකක් මේ වන විට බිඳවැටීම හේතුවෙන් රෝගීන් මෙන්ම විකිරණ ශිල්පීන් දැඩි අසීරුතාවට පත්ව ඇති බව රජයේ විකිරණ විද්‍යාව තාක්ෂණවේදීන්ගේ සංගමය පවසයි. ඒ සම්බන්ධයෙන් අදහස් දැක්වූ රජයේ විකිරණ විද්‍යාව තාක්ෂණවේදීන්ගේ සංගමයේ සභාපති චානක ධර්මවික්‍රම මහතා, “ඊයේ දවසසේදී බිඳ වැටුණු යන්ත්‍රයෙන් අපි දිනකට රෝගීන් 250කට වැඩි පිරිසකගේ CT ස්කෑන් පරික්ෂණ සිදුකර යන්ත්‍රයයි බිඳවැටීම සිද්ධ වුණේ. වැඩිම පරික්ෂණ සංඛ්‍යාවක් සිදුකරන්නේ එම යන්ත්‍රයෙන්. දැන් ලංකාවේ මේ වනවිය CT ස්කෑන් යන්ත්‍ර 7කට වැඩි ප්‍රමාණයක් තාම බිඳවැටුණු තත්ත්වයේ තිබෙන්නේ. එම රෝහල්වල යන්ත්‍ර ඉතා ඉක්මනින් ප්‍රතිස්ථාපනය කළ යුතුයි. මොකද එහෙම නැති වුණොත් රෝගීන් ප්‍රවාහානයට සහ පෞද්ගලික අංශයෙන් CT…

ආසියානු කුසලාන ක්‍රිකට් තරගාවලියේ අද බංග්ලාදේශ කණ්ඩායමට එරෙහිව පිටියට පිවිසෙන්නේ සැලසුම් රැසක් සමඟ බව ශ්‍රී ලංකා නායක දසුන් ශානක පවසයි. ඊයේ නුවරදී පැවති මාධ්‍ය හමුවට එක්වෙමින් දසුන් ශානක මේ බව පැවසීය. එහිදී වැඩිදුරටත් අදහස් දැක්වූ ශ්‍රී ලංකා නායක දසුන් ශානක, “ප්‍රෙෂර් එක වැඩිවෙලාවේ තමයි අපි ටීම් එකක් විදියට හොඳටම කරලා තියෙන්නේ. මම හිතනවා ක්‍රීඩකයෝ ආබාධවලට ලක්වෙන එක අපිට නවත්වන්න අමාරුයි. අවාසනාවකට වගේ අපිට ඒක දිගින් දිගටම වුණ දෙයක්. ට්‍රේනින් වෙන එකේවත් මහන්සිවෙන එකේවත් මම වැරැද්දක් දකින්නේ නෑ. ඒක අවාසනාව. පිතිකරණය ගත්තොත් හොඳ අත්දැකීම් තියෙන ක්‍රීඩකයෝ රැසක් අපිත් එක්ක ඉන්නවා. මම විශ්වාස කරනවා පීඩනය ඔස්සේ හොඳ ගමනක් යන්න පුළුවන් වෙයි කියලා.…