Subscribe to Updates
Get the latest creative news from FooBar about art, design and business.
Author: LANKA24X7
1998 වසරේ දී දකුණු කොරියාවේ දී එරට 18 හැවිරිදි තරුණියක දූෂණය කිරීම සම්බන්ධයෙන් චෝදනා එල්ල වූ ශ්‍රී ලාංකික විත්තිකරුවකු නිදොස් කොට නිදහස් කිරීමට කොළඹ මහාධිකරණය දුන් තීන්දුව අහෝසි කොට එම විත්තිකරුට දඬුවම් පමුණුවන ලෙස ඉල්ලා නීතිපතිවරයා විසින් ගොනුකරනු ලැබූ ඇපෑලේ විභාගය අවසන් කළ ශ්‍රේෂ්ඨාධිකරණය එහි තීන්දුව ප්‍රකාශයට පත් කිරීම ඊයේ (27) දින නියමයක් නොමැතිව කල් තැබීය. නීතිපතිවරයා විසින් ඉදිරිපත් කරනු ලැබූ එම ඇපැල් පෙත්සම ගාමිණී අමරසේකර, ශිරාන් ගුණරත්න සහ ජනක් ද සිල්වා යන මහත්වරුන්ගෙන් සමන්විත ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් ඉදිරියේ විභාගයට ගැනුණි. 1998 වසරේ දකුණු කොරියාවේදී රැකියාවකට ගොස් සිටි ශ්‍රී ලාංකික විත්තිකරු විසින් ම එරට පදිංචි 18 හැවිරිදි තරුණියක් දූෂණය…
ශ්‍රීලන්කන් ගුවන් සේවයේ ගුවන් යානා පිටවීම් සහ පැමිණීම් අද (28) පස්වරුව වන විට සාමාන්‍ය තත්ත්වයට පත්විය හැකි බව ශ්‍රීලන්කන් ගුවන් සමාගම පවසයි. අද දෙරණ “බිග් ෆෝකස්” වැඩසටහන සමග එක්වෙමින් ගුවන් සමාගමේ වෘත්තීය සමිති සංගම් පවසන්නේ දේශපාලන මැදිහත්වීම මත ගුවන්යානා මිලදී ගැනීම් අවලංගු කිරීම හේතුවෙන් ගුවන් සමාගම වත්මන් අර්බුදයට මුහුණ පා ඇති බවය. ශ්‍රීලන්කන් ගුවන් ගමන් වාර ප්‍රමාදවීම සහ ඇතැම් ගමන් වාර අවලංගු වීමේ සිද්ධී පසුගිය කාලය පුරා දිගින් දිගටම වාර්තා වූ අතර ඉකුත් ඉරිදා සිට එම ගැටලුව උග්‍ර තත්ත්වයට පත්වුණි. ඊයේ (27) දිනයේදී පමණක් ගුවන් ගුමන්වාර 10 කට වැඩි ප්‍රමාණයක් ප්‍රමාද වී ක්‍රියාත්මක වු අතර ගුවන් ගමන්වාර 03කට ආසන්න සංඛ්‍යාවක්ද…
මහරගම පොලිස් වසමේ හයිලෙවල් මාර්ගය ආසන්නයේ ගොඩනැගිල්ලක් කඩා ඉවත් කරමින් සිටි සේවකයින් දෙදෙනෙකුගේ ඇඟ මතට එම ගොඩනැගිල්ලේ බිත්තියක් කඩා වැටී තිබේ. පොලීසිය සඳහන් කළේ, එම බිත්තියට යටවීමෙන් අදාළ සේවකයින් දෙදෙනා තුවලා ලබා කළුබෝවිල රෝහලට ඇතුළත් කර ඇති බවය. එලෙස ඇතුළත් කිරීමේදී 45 හැවිරිදි පුද්ගලයෙක් ජීවිතක්ෂයට පත්ව තිබේ. මෘත ශරීරය මේ වනවිට කළුබෝවිල රෝහලේ තැන්පත් කර ඇත. තුවාල ලැබූ අනෙක් පුද්ගලයා කළුබෝවිල රෝහලේ නේවාසිකව ප්‍රතිකාර ලබයි.
රජයේ පවුල් සෞඛ්‍ය සේවා සංගමයේ සභාපතිනි දේවිකා කොඩිතුවක්කු මහත්මිය සමගි ජන බලවේගය සමග එක්වී තිබේ. ඒ අනුව ඇයව සමගි ජන බලවේග සෞඛ්‍ය ප්‍රතිපත්ති සම්පාදන කමිටුවේ, ජාතික පවුල් සෞඛ්‍ය සේවා ප්‍රතිපත්ති සම්පාදන කමිටුවේ සහ රෝග නිවාරණ ප්‍රතිපත්ති උපදේශක කමිටුවේ විධායක සාමාජික ධුරය සඳහා එම්. ජී. පත්කිරීමට විපක්ෂ නායක සජිත් ප්‍රේමදාස මහතා කටයුතු කර ඇත. ඇය රජයේ පවුල් සෞඛ්‍ය සේවා සංගමයේ සභාපති ධුරය දරන අතර දේශපාලන සහ සමාජ ක්‍රියාකාරිනියක ලෙස ද කටයුතු කරමින් සිටී. 1969 අගෝස්තු මස පේරාදෙණියේදී උපත ලද ඇය පේරාදෙණිය සරසවි උයන විද්‍යාලයෙන් මූලික අධ්‍යාපනය ලැබීමෙන් අනතුරුව මහනුවර හේමමාලි බාලිකා විද්‍යාලයේ විද්‍යා අංශයෙන් ද්විතීක අධ්‍යාපනය ලැබුවාය. පාසල් සමයේ සිටම විෂය…
ලෝකයේ දියුණුම රටවල් අපරාධ විසඳීමට යොදාගන්නා ක්‍රමවේද අනුව ශ්‍රී ලංකා පොලීසිය ද අනුගත කිරීම තම බලාපොරොත්තුව බව පොලිස්පති දේශබන්දු තෙන්නකෝන් මහතා පවසයි. ශ්‍රී ලංකා පොලිසියේ අපරාධ වාර්තා කොට්ඨාසයේ ඇඟිලි සටහන් විද්‍යා විෂයට අදාළව පවත්වනු ලැබු Advance Grade සහ Elementary විභාග සමත් නිලධාරින්ට සහතිකපත් පිරිනැමීමේ උත්සවයට එක්වෙමින් පොලිස්පතිවරයා එම අදහස් පළ කළේය. ඉදිරි කෙටි කාලය තුළ පොලිස් දෙපාර්තමේන්තුවේ පුළුල් වෙනසක් සිදුකිරීමට බලාපොරොත්තු වෙන බව ද ඒ මහතා වැඩිදුරටත් පැවසීය. “මෑත කාලීනව අපරාධ මර්දනය සහ මත්ද්‍රව්‍ය තුරන් කිරීම සඳහා පටන් ගත්ත මෙහෙයුම්වලට අපරාධ වාර්තා කොට්ඨාසයේ දායකත්වය අති විශිෂ්ඨයි. ඇත්ත වශයෙන්ම මගේ දැක්මත් ලෝකයේ දියුණුම රටවල් අපරාධ විසඳීමට යොදාගන්නා ක්‍රමවේදවලට ශ්‍රී ලංකා පොලීසිය…
විදුලි ගාස්තුව සියයට 37 කින් අඩු නොකර තවදුරටත් ජනතාව මුලාකිරීමට කටයුතු නොකරන ලෙස විදුලිබල ඇමතිවරයාට මතක් කරන බව ජාතික ජන බලවේගයේ ජාතික විධායක සභික වසන්ත සමරසිංහ මහතා ඊයේ (27) පැවසීය. ජාතික ජන බලවේගය කොළඹදී ඊයේ (27) පැවැත්වූ මාධ්‍ය හමුවේදී වසන්ත සමරසිංහ මහතා එසේ පැවසීය. විදුලි ගාස්තු සංශෝධනය කිරීමේදී ආණ්ඩුව ජනතාවට එරෙහිව තවදුරටත් කටයුතු කිරීමට සූදානම් වූ අවස්ථාවේ ජාතික ජන බලවේගය සහ තවත් සංවිධාන කිහිපයක් මහජන උපයෝගී කොමිසම ඉදිරියේ කරුණු දැක්වීමට අවස්ථාව සලසා ගත් බවත් විදුලිබල මණ්ඩලයේ නිලධාරීන් පළමුවෙන් සියයට 3.34 කින් පමණක් බිල අඩු කළ හැකි යැයි පැවසූ බවත් ඒ මහතා කීය. පසුගිය වසරේ ඔක්තෝබර් මාසයේදී නීති විරෝධීව සියයට 18…
මාර්ග රාජකාරියේ දී පොලිස් භාරයට ගත් රියදුරු බලපත්‍රයක් මුදා හැරීමට රුපියල් දස දහසක අල්ලසක් ලබා ගත්තේ යැයි කියන ඉත්තෑපාන පොලිසියේ පොලිස් කොස්තාපල් හා ආධුනික පොලිස් නිලධාරියා මාර්තු මස 12 වැනි දින දක්වා රක්ෂිත බන්ධනාගාර ගත කිරීමට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා ඊයේ (27)නියෝග කළේය. අල්ලස් හෝ දූෂණ විමර්ශන කොමිසම ඉදිරිපත් කළ කරුණු සලකා බැලීමෙන් පසුව පොලිස් කොස්තාපල් සුපුන් මධුසංක සහ ආධුනික පොලිස් නිලධාරී ඉසුරු තීක්ෂණ මෙසේ රක්ෂිත බන්ධනාගාර ගත කෙරිණි. සැකකරුවන් විසින් දිමුතු මදුශංක යන පැමිණිලිකාර යතුරුපැදිකරු පරීක්ෂා කිරීමෙන් අනතුරුව හිස් ආවරණයක් නොමැතිව ධාවනය කිරීමට දඩ කොලයක් ලබාදී ඇති බවත්,රියදුරු බලපත්‍රය සන්තකයට ගෙන ඇති බවත් කොමිසම අධිකරණයට කරුණු ඉදිරිපත්…
ඉන්දීය අභ්‍යවකාශ ආයතනය, මෙම වසරේ, ගගනගාමීන් සිවු දෙනකු අභ්‍යවකාශයට යැවීමට බලාපොරොත්තු වෙයි. ඒ, ඉන්දියාවේ නිෂ්පාදිත රොකට්ටුවක් සහ ගගන කැප්සියුලයක ආධාරයෙනි. එසේ අභ්‍යවකාශයට යන ගගනගාමීන් සිවුදෙනා කවුරුන්දැයි හඳුන්වා දීම සිදුවූයේ ඉන්දීය අග්‍රාමාත්‍ය නරේන්ද්‍ර මෝදිගේ ද ප්‍රධානත්වයෙනි. ‘ගගනයාන්’ යන නමින් නම් කළ එම මෙහෙයුමට සහභාගී වන ගගනගාමීන් සිවුදෙනා වන්නේ, ප්‍රශාන්ත් නායිර්, ඇන්ගාඞ් ප්‍රථාප්, අජිත් ක්‍රිෂ්ණාන් සහ සුභාෂ් ෂුකාලාය. ‘ගගනයාන්’ යනු ඉන්දීය අභ්‍යවකාශ ආයතනයේ ගගනගාමීන් යොදා ගෙන සිදු කරන පළමු අභ්‍යවකාශ මෙහෙයුම වනු ඇත.‘ගගනයාන්’ මෙහෙයුමේ දී ගගනගාමීන් කණ්ඩායම කිලෝ මීටර් 400 ක් ඉහළ අභ්‍යවකාශට ගොස් ආපසු පැමිණෙනු ඇත.
තමාට එරෙහිව ඉදිරිපත් කිරීමට යන විශ්වාසභංග යෝජනාව තමා සතුටින් බාරගන්නා බව කතානායක මහින්ද යාපා අබේවර්ධන මහතා මාධ්‍යට පැවසීය. එවැනි යෝජනාවක් ඉදිරිපත් කිරීමට පාර්ලිමේන්තු ප්‍රජාතන්ත්‍රවාදය අනුව ඕනෑම මන්ත්‍රීවරයකුට අයිතියක් ඇති බවත් ඒ අයිතියට තමා ගරු කරන බවත් කතානායකවරයා කීවේය. තමා එම යෝජනාවට මුහුණ දෙන බව පැවසූ මහින්ද යාපා අබේවර්ධන මහතා විශ්වාසභංග යෝජනාව ඉතා ඉක්මනින්ම විවාදයට ගැනීමට බලාපොරොත්තු වන බවද ප්‍රකාශ කළේය. “අපි බලමු මොකද වෙන්නේ කියලා” යැයිද කතානායකවරයා පැවසීය. මාර්ග ගත ක්‍රමවල සුරක්ෂිතභාවය පිළිබඳ පනත් කෙටුම්පත සම්මත කරගත් අවස්ථාවේදී කතානායකවරයා ආණ්ඩුක්‍රම ව්‍යවස්ථාව උල්ලංඝනය කරමින් කටයුතු කළ බවට චෝදනා කරමින් සමගි ජන බලවේගය පක්ෂය මෙම විශ්වාසභංග යෝජනාව ඉදිරිපත් කරයි.
ශ්‍රී ලංකා ක්‍රිකට් ක්‍රීඩකයින් මුහුණ දෙන ගැටළු සහ අභියෝග පිළිබඳව සාකච්ඡා කිරීමට ශ්‍රී ලංකා කණ්ඩායමේ ජ්‍යෙෂ්ඨ ක්‍රීඩකයින් කීපදෙනෙක් ක්‍රීඩා අමාත්‍ය හරීන් ප්‍රනාන්දු මහතා ඊයේ (27) හමුවූහ. කොළඹ සංචාරක අමාත්‍යාංශයේදී පැවති මෙම හමුවට ජ්‍යෙෂ්ඨ ක්‍රීඩකයන් වන ඇන්ජලෝ මැතිව්ස් සහ දිමුත් කරුණාරත්න, ශ්‍රී ලංකා ක්‍රිකට් උපදේශක සනත් ජයසූරිය, ජාතික තේරීම් කමිටු සභාපති උපුල් තරංග, එක්දින සහ විස්සයි20 යන කණ්ඩායම්වල නායකයන් වන කුසල් මෙන්ඩිස් සහ වනිදු හසරංග ද මෙම හමුවට සහභාගි වූහ. නවීන තරඟ රටාවන්ට ගැලපෙන පරිදි මෙරට ක්‍රිකට් ක්‍රීඩකයින්ව හැඩගැන්වීම,නව මාදිලියේ පුහුණු ක්‍රමවේද සහ මානසික ඒකාග්‍රතාවයන් පිළිබඳව සහ දක්ෂතා ප්‍රවර්ධනය කර ගනිමින් ඉදිරි තරඟ ජයග්‍රහණය කිරීමට කටයුතු කිරීම,වැනි සුවිශේෂී කරුණු රැසක් එහිදී…