Author: LANKA24X7

පාසල් පන්ති කාමරයක සිසුන් ප්‍රමාණය 25ක් – 30ක් බවට පත්කිරීමට කටයුතු කරන බව අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය ආචාර්ය හරිනි අමරසූරිය පැවසුවාය. පන්ති කාමරයක ළමුන් 50ක් 60ක් සමඟ ගුණාත්මක අධ්‍යාපනයක් ලබා දීමට නොහැකි බවද අග්‍රාමාත්‍යවරිය කීවාය. නව අධ්‍යාපන ප්‍රතිසංස්කරණය සම්බන්ධයෙන් දකුණු පළාතේ අධ්‍යාපන බලධාරීන් දැනුවත් කිරීම වෙනුවෙන් ගාල්ල දක්ශිණපාය ශ්‍රවණාගාරයේ පැවති වැඩසටහනකට එක්වෙමින් අග්‍රාමාත්‍යවරිය මේ බව පවසා සිටියාය. නව අධ්‍යාපන ප්‍රතිසංස්කරණ සම්බන්ධයෙන් පළාත් බලධාරීන් දැනුවත් කිරීමේ සිව්වන වැඩසටහන මෙය විය.

සමගි ජන බලවේග පාර්ලිමේන්තු මන්ත්‍රී ජගත් විතාන මහතාගේ පුත්‍රයාව පානදුර වලාන දූෂණ මර්ධන ඒකකය විසින් අත්අඩංගුවට ගෙන තිබේ. ඒ මතුගම ප්‍රදේශයේදීය. නීති විරෝධීව එකලස් කරන ලද වාහනයක් ලඟ තබා ගැනීමේ සිද්ධියකට අදාළව ඔහු මෙලෙස අත්අඩංගුවට ගෙන ඇත.

හැටන් දුම්රිය ස්ථානයේ විදුලි උත්පාදක යන්ත්‍රයට ඉන්ධන ලබානොදීම හේතුවෙන් රාත්‍රී කාලයේ විදුලිය විසන්ධි වෙන අවස්ථාවන්වලදී දුම්රිය ස්ථානය දැඩි අඳුරේ පවතින බව වාර්තා වෙයි. මධ්‍යම කඳුකරයේ බටහිර බෑවුම් ප්‍රදේශවල මේ දිනවල අධික සුළං සමග පවතින දැඩි අයහපත් කාලගුණය හමුවේ විදුලි බලය වරින්වර විසන්ධි වන බවත් වාර්තා සඳහන් ය. එම දුම්රිය ස්ථානයේ ස්ථානාධිපති ජානක ප්‍රනාන්දු මහතා පැවසුවේ, දුම්රිය ස්ථානය සතුව විශාල විදුලි උත්පාදක යන්ත්‍රයක් තිබුණද ඉන්ධන ලබානොදීම හමුවේ හැටන් දුම්රිය ස්ථානය මෙලෙස අදුරේ පවතින බවය. උඩරට දුම්රිය මාර්ගයේ ඉතා කාර්යබහුල සහ මගීන් විශාල පිරිසක් දුම්රියෙන් ගමන්බිමන් යන දුම්රිය ස්ථානයක් ලෙස හැටන් දුම්රිය ස්ථානය හඳුනාගෙන තිබුණත් මේ දිනවල වරින්වර විදුලිය බිඳවැටීමත් සමග මගීන්…

තිරප්පනය ප්‍රදේශයේදී වෑන් රථයක් අද(19) උදෑසන අනතුරට ලක්වීමෙන් එහි ගමන් ගත් 10 දෙනෙකු තුවාල ලබා මේ වනවිට රෝහල් ගත කර තිබේ. කැකිරාව දෙස සිට ⁣අනුරාධපුර දෙසට ධාවනය කරමින් තිබු වැන් රථයක් එහි රියදුරුට වේගය පාලනය කර ගැනීමට නොහැකිව තිරප්පනය ප්‍රදේශයේ දී මාර්ගයෙන් ඉවතට පැන මෙලෙස අනතුරට ලක්ව ඇති බව පොලිසිය කියයි. මෙම අනතුර අද (19) උදෑසන 6.00ට පමණ සිදුව තිබේ. වැන් රථය අනතුරට පත්වන අවස්ථාවේ එහි රියදුරු ඇතුළු පුද්ගලයින් 13 දෙනකු ගමන් කර ඇති බව පැවසේ. සිදුව ඇති අනතුරින් එහි ගමන්ගත් පුද්ගලයින් 10 දෙනෙක් පමණ තුවාල ලබා ඇතැයි පොලිසිය කියයි. ප්‍රදේශවාසීන් හා පොලිසිය එක්ව 1990 ගිලන්රථ සේවාවේ සහය ඇතිව තුවාල…

බේරුවල ධීවර වරායෙන් මුහුදු ගොස් අද (19) අලුයම නැවත පැමිණෙමින් සිටි බහු දිනයාත්‍රාවක ධීවරයකු මුහුදටට වැටී අතුරුදහන්ව ඇතැයි බේරුවල පොලිසිය කියයි. මෙසේ අතුරුදහන්ව ඇත්තේ බේරුවල පැපිලිය ගහ ලන්ද සුනාම නිවාස සංකීර්ණයේ පදිංචිවව සිටි ධීවරයෙකි. “සුබ පැතුම්” නැමැති බහුදිනයාත්‍රාව අද(19) අලුයම ඈත දියඹේ සිට බේරුවල ධීවර වරාය දක්වා පැමිණීමේදී රාත්‍රියේ හටගෙන තිබූ දැඩි සුළං හේතුවෙන් මෙම අනතුර සිදුව තිබෙන බවත් යාත්‍රාව ගොඩට පැමිණි පසු ඒ සම්බන්ධයෙන් සෙසු ධීවරයන්ගෙන් ප්‍රකාශ සටහන් කර විමර්ශන සිදු කරන බව බේරුවල පොලිසියේ වැඩ බලනස්ථානාධිපති ප්‍රධාන පොලිස් පරීක්ෂක සරච්චන්ද්‍ර මහතා පැවසීය.

ඇමෙරිකාව “අන්‍යෝන්‍ය බදු” ක්‍රමය යටතේ මෙරටට පනවා ඇති සියයට 30 ක තීරු බද්ද අඩු කරවා ගැනීම සඳහා ඇමෙරිකාව සමග අඛණ්ඩව සාකච්ඡා කිරීමට තීරණය කර ඇතැයි මුදල් අමාත්‍යාංශය ඊයේ (18) ප්‍රකාශ කළේය. ඒ යටතේ මුදල් ලේකම් ආචාර්ය හර්ෂණ සූරියප්පෙරුම මහතාගේ ප්‍රධානත්වයන් යුත් නියෝජිත පිරිස, ඇමෙරිකාවේ වෙළෙඳ නියෝජිතයන් සමග මාර්ගගතව වීඩියෝ තාක්ෂණය ඔස්සේ සාකච්ඡාවක් පැවැත්වූ බවත් එයට ඇමෙරිකාවේ ශ්‍රී ලංකා තානාපති මහින්ද සමරසිංහ මහතාද මාර්ගගතව සම්බන්ධවූ බවත් මුදල් අමාත්‍යාංශය සඳහන් කළේය. “අන්‍යෝන්‍ය බදු” ක්‍රමය යටතේ පසුගිය අප්‍රේල් 2 වැනිදා ශ්‍රී ලංකාවට පැනවීමට යෝජනා කළ සියයට 44 ක් තීරු බද්ද අඩුකර ගැනීම සඳහා ආරම්භ කළ සාකච්ඡාවල දිගුවක් ලෙස ඊයේ (18) පැවැති සාකච්ඡාව මෙන්ම…

සංචාරක වීසා යටතේ මෙරටට පැමිණ, වීසා කල් ඉකුත් වූ පසුත්, නීතිවිරෝධී ලෙස කිරුලපන ප්‍රදේශයේ නිවෙසක රැදී සිටිමින් අන්තර්ජාලය ඔස්සේ සූදු ඔට්ටු ඇල්ලීමේ ජාවාරමක නිරත වී සිටි ඉන්දීය ජාතිකයන් 21 දෙනෙකු ආගමන විගමන දෙපාර්තමේන්තු විමර්ශන අංශයේ නිලධාරීන් පිරිසක් විසින් ඊයේ (18) පස්වරුවේ අත්අඩංගුවට ගෙන තිබේ . ආගමන විගමන දෙපාර්තමේන්තු විමර්ශන අංශය යටතේ පවතින අවදානම් තක්සේරු කිරීමේ ඒකකයේ නිලධාරීන් විසින් තමන් සතු දත්ත විශ්ලේෂණය කිරීමෙන් පසු , මේ බව අනාවරණය කර ගැනීමෙන් අනතුරුව අත්අඩංගුවට ගැනීම විමර්ශන අංශයේ නිලධාරීන් විසින් සිදු කර තිබුණි . මෙසේ අත් අඩංගුවට ගත් ඉන්දීය ජාතිකයන් සියලුම දෙනා වයස අවුරුදු 22 ත් 36 ත් අතර පසුවන්නන් වූහ . ඔවුන්…

සබරගමුව විශ්ව විද්‍යාලයේ ඉංජිනේරු තාක්ෂණ පීඨයේ සිසුවකු නවක වදයට ලක්වීම හේතුවෙන් සියදිවි නසා ගැනීමේ සිද්ධියට අදාළව විමර්ශනයක් කර සිද්ධියට සම්බන්ධ සිසුන්ට එරෙහිව සුදුසු පියවර ගන්නැයි ඉල්ලා ශ්‍රී ලංකා නීතිඥ සංගමය ගොනුකර තිබූ මූලික අයිතිවාසිකම් පෙත්සමේ වගඋත්තරකරුවන් වශයෙන් නම් කර සිටින සබරගමුව විශ්ව විද්‍යාලයේ උපකුලපතිවරයා ඇතුළු සනාතන සභාව වෙනුවෙන් නීතීපතිවරයා පෙනී නොසිටින බව ශ්‍රේෂ්ඨාධිකරණයට ඊයේ දැනුම් දුන්නේය. පෙත්සම කැඳවූ අවස්ථාවේදී නීතීපතිවරයා වෙනුවෙන් පෙනී සිටි රජයේ ජේෂ්ඨ නීතිඥ ජයනි වල්ගම්පාය මහත්මිය මේ බව දැනුම් දුන් අතර කරුණු තහවුරු කිරීම සඳහා පෙත්සම අගෝස්තු 29 වැනිදා කැඳවන ලෙස නියෝග කළ ශ්‍රේෂ්ඨාධිකරණය සියදිවි නසාගත් සිසුවාගේ මව්පියන් ගොනුකර ඇති පෙත්සම සම්බන්ධයෙන් යළි නොතීසි නිකුත් කළේය. පෙත්සම…

දේශපාලනඥයන් අනුරාධපුර දිස්ත්‍රික්කයේ වැව් 22ක රක්ෂිත තුළ නාන තටාක සහිත හෝටල් ඉදි කර ඇති බවට හඳුනාගෙන ඇතැයි වාරිමාර්ග නියෝජ්‍ය අමාත්‍ය සුසිල් රණසිංහ මහතා පැවසීය. එම වැව් 22 රක්ෂිත මායිමි කිරීමට වාරිමාර්ග දෙපාර්තමේන්තුව හා මිනුම් කටයුතු දෙපාර්තමේන්තුව එක්ව තීරණයක් ගෙන ඇතැයි නියෝජ්‍ය අමාත්‍යවරයා පැවැසීය. නියෝජ්‍ය අමාත්‍යවරයා මේ බව කියා සිටියේ අනුරාධපුර දිස්ත්‍රික් සම්බන්ධීකරණ කමිටුවේදීය.උතුරු මැද පළාත් සභා ශ්‍රවණාගාරයේදී මෙම රැස්විම පැවැත්විණි. නියෝජ්‍ය අමාත්‍යවරයා මෙසේ ද කීය. අනුරාධපුර නුවර වැව වටා සිටින නිත්‍යානුකූල සහ අනවසර පදිංචිකරුවන් සම්බන්ධයෙන් විමර්ශනයක් සිදු කර විධිමත් වාර්තාවක් සැකසිය යුතුයි. එම ඉඩම්වල රක්ෂිත ප්‍රදේශ මිනුම් කටයුතු කළ යුතුයි. නුවර වැව මැනුම් කටයුතුවලදී මෙවර සිදු කරනු ලබන්නේ මායිම් ගල්…

පාසල් සිසුවියක රවටා ගෙන රැගෙන ගොස් හපුතලේ ප්‍රදේශයේ නිවසක රදවා සිටි තරුණයකු අත්අඩංගුවට ගත් බව ලිදුල පොලිසිය කියයි. මුහුණු පොත ඔස්සේ හදුනා ගත් තරුණයකු සමග ප්‍රේම සම්බන්ධතාවයක් ඇති කර ගෙන පසුව එම තරුණයා එම පාසල් සිසුවියට (15) දින නානුඔය දුම්රිය ස්ථානයට මුණ ගැසීමට පැමිණෙන ලෙස දැනුම් දීමෙන් පසු සිසුවිය නිවසට නොදන්වා නානුඔය දුම්රිය ස්ථානයට ගිය අවස්ථාවේ සැකකරු පාසල් සිසුවිය දුම්රියෙන්ම හපුතලේ දක්වා රැගෙන ගොස් ඇති බව ලිදුල පොලිසිය කියයි. පාසල් සිසුවියගේ මව ගෘහ සේවයට විදේශගත වී ඇති බවත්, තමා භාරගේ සිටි දියණිය නිවසේ නොමැති බවට පියා විසින් ලිදුල පොලිසිය වෙත කරන ලද පැමිණිල්ලක් මත වහා ක්‍රියාත්මක වූ ලිදුල පොලිසියේ වැඩ…