Author: LANKA24X7

මේ වසරේ මාර්තු මාසයට සාපේක්ෂව අප්‍රේල් මාසයේ නිල සංචිත වත්කම් ප්‍රමාණය ඉහළ ගොස් තිබෙනවා. ඒ සියයට 2.2 කින්. ඒ අනුව මෙරට නිල සංචිත වත්කම් ප්‍රමාණය ඇමරිකානු ඩොලර් මිලියන 2755ක් බවයි ශ්‍රී ලංකා මහ බැංකුව නිවේදනයකර සිටින්නේ.

හිටපු ජනාධිපති මෛත්‍රීපාල සිරිසේන දකුණු කොරියාවේ පැවති ලෝක සාම සම්මේලනයට සහභාගි වුණා. ජාත්‍යන්තර මූල්‍ය අරමුදල සමඟ රජය ගිවිසුම් ගතවීම හරහා මෙරට තුළ සාර්ව ආර්ථික ස්ථාවරත්වය ක්‍රමයෙන් ස්ථාපනය කෙරෙන බවයි එහි දී ඔහු ප්‍රකාශ කළේ. ආසියාව කේන්ද්‍ර කරගත් නව ජගත් සංවිධානයක් ලෙස ලෝක සාම සම්මේලනය ගොඩනැගෙමින් පවතින බවත් එය කාලීන අවශ්‍යතාවක් බවද හිටපු ජනාධිපතිවරයා පෙන්වා දුන්නා. කෙසේ වෙතත් මෙරට තුළ පවතින ආර්ථික අර්බුදය තවමත් ප්‍රකෘත්ති මට්ටමට පත්ව නොමැති බවයි හිටපු ජනාධිපතිවරයා මෙහි දී ප්‍රකාශ කළේ. ආහාර හා අත්‍යවශ්‍ය ද්‍රව්‍ය හිඟවීම නිසා පාසල් ළමයින් දැඩි අපහසුතාවට පත්ව ඇති බවද ඔහු මෙහිදී සඳහන් කර සිටියා. එහිදී වැඩිදුරටත් අදහස් දැක්වූ හිටපු ජනාධිපතිවරයා පවසා සිටියේ…

ණයබරින් පීඩාවට පත්ව සිටින රටවල් සඳහා ඵලදායී ණය සහන පැකේජයක් ලබාදීමට එකඟවන්නැයි විදේශ අමාත්‍ය ජනාධිපති නීතිඥ අලි සබ්රි මහතා ආසියානු සංවර්ධන බැංකුවේ සාමාජික රටවලින් ඉල්ලා සිටිනවා. අමාත්‍යවරයා මෙම ඉල්ලීම සිදුකළේ එම බැංකුවේ 56වන වාර්ෂික සමුළුව අමතමින්. මෙම සමුළුව මෙවර පැවත් වූයේ දකුණු කොරියාවේදී. ලෝක බැංකුවේ නව සභාපතිවරයා ලෙස අජේ බංගා ඉදිරි වසර 05 සඳහා තෝරාපත්කර ගෙන තිබෙනවා.

නැගෙනහිර, මධ්‍යම සහ ඌව පළාත්වලත් මුලතිවු සහ පොළොන්නරුව දිස්ත්‍රික්කවලත් විශේෂයෙන්ම සවස් කාලයේ දී හෝ රාත්‍රී කාලයේ දී තැනින්තැන වැසි හෝ ගිගුරුම් සහිත වැසි ඇති වෙන බව කාලගුණවිද්‍යා දෙපාර්තමේන්තුව පවසනවා. බස්නාහිර, සබරගමුව සහ දකුණු පළාත්වලත් යාපනය සහ පුත්තලම දිස්ත්‍රික්කවලත් වැසිවාර කිහිපයක් ඇති වන බවයි එම දෙපාර්තමේන්තුව පවසන්නේ. එමෙන්ම බස්නාහිර සහ දකුණු වෙරළබඩ ප්‍රදේශවල විටින් විට හමන පැ.කි.මී. (40 – 50)ක පමණ තද සුළං ඇති විය හැකියි. තවද ගිගුරුම් සහිත වැසි සමග ඇති විය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස කාලගුණවිද්‍යා දෙපාර්තමේන්තුව ජනතාවගෙන් ඉල්ලා සිටිනවා.

මාකුඹුර බහුවිධ ප්‍රවාහන මධ්‍යස්ථානයට ඉතිහාසය තුළ වැඩි ම මගීන් ප්‍රමාණයක් පැමිණි දිනය අද(05) දිනය බවයි වාර්තා වන්නේ. ප්‍රවාහන මධ්‍යස්ථානයට ඉතා විශාල මගී ප්‍රමාණයක් අන්තර් පළාත් සඳහා ගමන් කිරීමට පැමිණ තිබෙනවා. තංගල්ල හම්බන්තොට,ඇල්පිටිය, දෙනියාය,කතරගම, බදුල්ල, අම්පාර වැනි ස්ථාන සඳහා මගීන් විශාල ප්‍රමාණයක් ගමන් කිරීමට පමිණ තිබූ බවයි වැඩි දුරටත් සඳහන් වන්නේ.

කටුනායක ගුවන් තොටුපළ අවට ප්‍රදේශයට ඊයේ (04) රාත්‍රී පැවති අධික වැසි සහ අකුණු ගැසීම් සහිත අයහපත් කාළගුණික තත්ත්වය නිසා කටුනායක ගුවන් තොටුපළ වෙත ගොඩ බැස්සවීමට පැමිණි ගුවන් යානා දෙකක් මත්තල ගුවන් තොටුපළ වෙත යොමු කළ බව කටුනායක ගුවන් තොටුපළ කාර්යය භාර නිලධාරීවරයා පවසනවා. ඒ අනුව, ඕස්ට්‍රේලියාවේ මෙල්බර්න් නුවර සිට ඊයේ (04) රාත්‍රී 10.25 කටුනායක ගුවන් තොටුපළ වෙත පැමිණි ශ්‍රී ලන්කන් ගුවන් සේවයේ යූ.එල්.- 605 දරන යානය මත්තල ගුවන් තොටුපළ වෙත යොමු කෙරුණා. එම ගුවන් යානය ඊයේ (04) රාත්‍රී 11.35ට මත්තල ගුවන් තොටුපළ වෙත ගොඩ බස්වා තිබෙනවා. මෙම ගුවන් යානය තුළ මගීන් 297 දෙනෙකු සහ ගුවන් යානා කාර්යය මණ්ඩලය 15 දෙනෙකු…

වෙසක් පුර පසළොස්වක පෝය අදට(05) යෙදී තිබෙනවා. ලොව්තුරු අමාමෑණි බුදු පියාණන් වහන්සේගේ තෙමඟුල අද වැනි වෙසක් පොහොය දිනක සිදුවීම ලෝකවාසි බෞද්ධ ජනතාව සමරන්නේ මහත් හරසරින්. ආමිෂ හා ප්‍රතිපත්ති පූජාවන්ට මුල්තැන දෙමින් බෞද්ධ ජනතාව වෙසක් දිනය සමරන්නේ මහත් බැතියෙන්. සිද්ධර්ථ කුමරුගේ උපත, බෝධිසත්වයන් වහන්සේගේ බුදුවීම හා පිරිනිවන් පෑම වෙසක් දින සිදු වූ සුවිශේෂී සිදුවීම ලෙස හදුන්වා දෙන්න පුලුවන්. බුදු හිමියෝ බුද්ධත්වයෙන් අටවන වර්ෂයේ මණිඅක්ඛිත නා රජුගේ ආරාධනයෙන් කැලණියට වැඩම කරවන ලද්දේ අදවන් වෙසක් ‍පොහෝ දිනක වීම විශේෂත්වයක්. එම ගමනේදී සමනළ කඳු මුදුනට වැඩම කළ බුදු හිමියෝ සිරිපා සටහන එහි තැබූ අතර එය සිහිපත් කරමින් කෙරෙන සිරිපා සමය නිමවන්නේ ද වෙසක් පුර…

අධ්‍යයන පොදු සහතික පත්‍ර උසස් පෙළ විභාගයේ පිළිතුරු පත්‍ර ඇගයීම් කටයුතු සඳහා සහභාගීවීමට විශ්වවිද්‍යාල ආචාර්යවරුන්ගේ සමිති සම්මේලනය තීරණය කර තිබේ. අද (04) පැවති විධායක සභා රැස්වීමේදී එම තීරණය ගත් බව එහි සභාපති මහාචාර්ය ශ්‍යාම බන්නැහැක මහතා පැවසීය. උසස් පෙළ විභාගයේ පිළිතුරු පත්‍ර ඇගයීම් කටයුතු වර්ජනය කිරීමට විශ්වවිද්‍යාල ආචාර්යවරුන් ගත් තීරණය හේතුවෙන් මේ වනවිට එම කටයුතු මාස 02කට අධික කාලයක් ප්‍රමාදවී තිබේ. රජයේ බදු ප්‍රතිපත්තියට එරෙහිව වෘත්තීය සමිති ක්‍රියාමාර්ගයක් ආරම්භ කළ විශ්වවිද්‍යාල ආචාර්යවරුන්, විශ්වවිද්‍යාල අධ්‍යයන කටයුතු සඳහා සහභාගීවීමට මීට පෙර තීරණය කර තිබුණ ද උසස් පෙළ පිළිතුරු පත්‍ර ඇගයීම් කටයුතු තවදුරටත් වර්ජනය කිරීමට පියවර ගෙන තිබුණි. කෙසේවෙතත් එම ක්‍රියාමාර්ගය අත්හැර පිළිතුරු…

ශ්‍රී ලංකා ක්‍රිකට් ක්‍රීඩක ධනුෂ්ක ගුණතිලකගේ නඩු ගාස්තුව නිව් සවුත් වේල්ස් නීති බලධාරීන් විසින් ගෙවිය යුතු බවට අධිකරණයේ හමුවේ ඔහුගේ නීතිඥයා විසින් තර්කයක් ඉදිරිපත් කර තිබේ. එහිදී ධනුෂ්ක ගුණතිලකගේ නීතිඥයා පවසා ඇත්තේ නඩු විභාගය දිගින් දිගටම පමාද වීම හමුවේ මෙම නඩු ගාස්තු අදාළ බලධාරීන් විසින් ගෙවිය යුතු බවය. ඔස්ට්‍රේලියාවේ සිඩ්නි අධිකරණයකදී අද ඊට අදාළ නඩුව කැඳවූ අවස්ථාවේදී ධනුෂ්කගේ නීතිඥයින් මෙම තර්කය ඉදිරිපත් කර තිබේ. ධනුෂ්ක ගුණතිලක වෙනුවෙන් ඇප ඉල්ලීම තවත් සති දෙකක කාලයක් දක්වා කල්දැමීම හේතුවෙන් ඔහුගේ නීතිඥයින් මේ බව පවසා ඇත. එහිදී ඔහුගේ නීතිඥන් වැඩිදුරටත් පවසා ඇත්තේ ධනුෂ්ක ගුණතිලක විදෙස් ජාතිකයෙකු බවත් දීර්ඝ කාලයක් තිස්සේ එරට නඩු කටයුත්තකට සම්බන්ධ…

එළඹෙන වෙසක් උත්සවය නිමිත්තෙන් දිවයින පුරා දන්සැල් 7,160 ක් ලියාපදිංචි කර ඇති බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය පවසනවා. එහි සභාපති උපුල් රෝහණ පැවසුවේ මෙම දන්සැල් පරීක්ෂා කිරීම සදහා මහජන සෞඛ්‍ය පරීක්ෂකවරුන් 3000 ක් සේවයේ යොදවා ඇති බවයි. බැතිමතුන්ට අහිතකර ආහාර පාන ලබා දෙන දන්සැල් වන්නේ නම් ඒවා ඉවත් කිරීමට කටයුතු කරන බවද ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ වැඩිදුරටත් සඳහන් කළා.