Author: LANKA24X7

ජාතික ගීය විකෘති කර ගායනා කළ බවට චෝදනා එල්ලවී ඇති ගායන ශිල්පිණී උමාරා සිංහවංශ ප්‍රකාශයක් ලබාගැනීම සඳහා රාජ්‍ය පරිපාලන හා ස්වදේශ කටයුතු අමාත්‍යංශයට කැඳවා තිබේ. අද (02) දිනයේ උමාරා සිංහවශට අමාත්‍යංශය හමුවේ පෙනී සිටින ලෙස දන්වා යවා ඇති බව වාර්තා වේ. උමාරාට එල්ල වූ චෝදනාවත් සමඟ ඒ පිළිබඳ විමර්ශනයක් සිදුකර වාර්තාවක් තමාවෙත ලබාදෙන ලෙස අග්‍රාමාත්‍ය දිනේෂ් ගුණවර්ධන මහතා රාජ්‍ය පරිපාලන හා ස්වදේශ කටයුතු අමාත්‍යංශ ලේකම් රංජිත් අසෝක මහතාට දැනුම් දී තිබේ. ඒ අනුව අමාත්‍යංශයේ විමර්ශන ඒකකයට ලේකම්වරයා විසින් සිදුකළ දැනුම්දීමට අනුව මෙම විමර්ශන ආරම්භ කර ඇති බව සඳහන්ය. රාජ්‍ය පරිපාලන හා ස්වදේශ කටයුතු අමාත්‍යංශයේ අතිරේක ලේකම්වරයෙක් සහ අධ්‍යාපන අමාත්‍යංශයේ සහකාර…

උපාධිධාරීන් 5,450ක් ගුරු සේවයට බඳවා ගැනීමට අමාත්‍ය මණ්ඩල අනුමැතිය ලැබී ඇති බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි. බදුල්ල දිස්ත්‍රික්කයේ අධ්‍යාපන ගුණාත්මක සංවර්ධනය සඳහා විදුහල්පතිවරුන් දැනුම්වත් කිරීමේ වැඩසටහනකට එක් වෙමින් අමාත්‍යවරයා මෙම අදහස් පළ කළේය. එහිදී වැඩිදුරටත් අදහස් දක්වමින් අමාත්‍යවරයා පැවසුවේ විද්‍යා, තාක්ෂණ, ඉංග්‍රීසි හා විදේශ භාෂා යන ප්‍රධාන විෂය ධාරා සඳහා පළාත් නමයට අදාළ ව මෙම ගුරුවරුන් බඳවා ගන්නා බවය. පළාත් මගින් එම බඳවාගැනීම් ඉදිරියේ දී සිදු කිරීමට නියමිත බවත් ජාතික පාසල් සඳහා ගුරුවරුන් අධ්‍යාපන අමාත්‍යාංශය මගින් බඳවාගන්නා බවත් අමාත්‍යවරයා මෙහි දී සඳහන් කළේ ය.

හෙරොයින් හා අයිස් සමග සැකකරුවන් 04 දෙනෙකු ඊයේ (01) දින දිවයිනේ විවිධ ප්‍රදේශවලින් අත්අඩංගුවට ගැනීමට පොලීසිය හා ආරක්ෂක අංශ සමත්ව තිබෙනවා. ගල්කිස්ස පොලිස් ස්ථානයට ලද තොරතුරක් මත ගල්කිස්ස දුම්රියපොල අසලදී හෙරොයින් ග්‍රෑම් 06ක් සන්තකයේ තබාගෙන සිටි රත්මලාන ප්‍රදේශයේ පදිංචි (42) අයෙකු අත්අඩංගුවට ගෙන ඇති අතර සැකකරු අද(02) ගල්කිස්ස අධිකරණයට ඉදිරිපත් කිරිමට නියමිතයි. ඊයේ (01) උදෑසන මතුගම පොලිස් වසමේ කඩවක ප්‍රදේශයේ සිදුකරන ලද වැටලීමකදී හෙරොයින් ග්‍රෑම් 05 යි මිලිග්‍රෑම් 440 ක් සන්තකයේ තබාගත් (26) අයෙකු කළුතර කොට්ඨාශ අපරාධ විමර්ශන කාර්යංශයේ නිළධාරීන් විසින් අත්අඩංගුවට ගෙන තිබෙනවා. මෙම සැකකරු අළුත්ගම,දොඩංගොඩ හා මතුගම පොලිස් වසම්වල සිදුවු අපරාධ රැසකටද අවශ්‍යකර සිටි සැකකරුවෙකුද බව විමර්ශන වලදී…

දේශපාලනඥයින් එකතු වී රට විනාශ කරමින් සිටින බවට මිහින්තලේ රජ මහා විහාරාධිපති වළවාහැංගුණුවැවේ ධම්මරතන හිමියන් චෝදනා කරනු ලැබුවා. මිහින්තලේ රජමහා විහාරාධිපති හිමියන් මේ බව සඳහන් කළේ විපක්ෂ නායක සජිත් ප්‍රේමදාස ඊයේ (01) මිහින්තලේ රජ මහා විහාරයට පැමිණි අවස්ථාවේදියි.

අක්ෂි සැත්කම් සිදුකිරීමෙන් පසු භාවිතා කළ ඖෂධයකින් සංකූලතා ඇති වුවේ යැයි කියන සිද්ධීන් සම්බන්ධයෙන් වාර්ථාවක් නිකුත් කරන බව සෞඛ්‍ය අමාත්‍යාංශය අතිරේක ලේකම් ආර්.එම්.එස්.කේ රත්නායක මහතා පවසයි. ඒ පිළිබඳ පරීක්ෂණ සිදුකරන කමිටුව නුවරඑළිය දිස්ත්‍රික් රෝහලට පැමිණි අවස්ථාවේදී ඔහු මේ බව කියා සිටියේය. “පසුගිය දා ශල්‍යකර්මයට භාජනය වූ ඇස් රෝගීන් පිරිසකගේ පෙනීම දුර්වලවීමක් සහ පෙනීම නැතිවීමක් වාර්තා වුණා. සෞඛ්‍ය අමාත්‍යාංශයෙන් ලබාදුන්න ඖෂධයක් සම්බන්ධයෙන් මේ ගැටලුව පැන නැගුණා. ඒ අනුව සෞඛ්‍ය ලේකම්තුමා මේ සඳහා 10 දෙනෙකුගෙන් සමන්විත විශේෂඥ කමිටුවක් පත්කරලා තියෙනවා. ඒ කමිටුවේ කාර්ය තමා ලංකාවේ මෙම බෙහෙත පාවිච්චි කරපු රෝහල්වල සංකූලතා ඇතිවුණ තත්ත්වය සම්පූර්ණයෙන්ම විශ්ලේෂණය කරලා ඒ සම්බන්ධයෙන් වාර්තාවක් සෞඛ්‍ය ලේකම්තුමාට භාරදීම.…

නොච්චියාගම පොලිස් වසමේ කලාඔයේ දියනෑමට ගිය පිරිමි දරුවෙක් දියේ ගිලී ජීවිතක්ෂයට පත්ව තිබේ. පොලීසිය සඳහන් කළේ ඊයේ (01) සවස දරුවා දියේ ගිලී බරපතළ තත්ත්වයෙන් නොච්චියාගම රෝහලට ඇතුළත් කිරීමේ දී මියගොස් ඇති බවය. එලෙස මියගොස් ඇත්තේ අවුරුදු 12ක සාලියවැව ප්‍රදේශයේ පාසල් සිසුවෙකි. මියගිය දරුවා මිතුරන් කිහිපදෙනෙකු සමග කලාඔය ආසන්නයේ දේවස්ථානයකට යන බව දෙමාපියන්ට දන්වා නිවසින් පිටව ගොස් ඇත. පසුව කලාඔයේ දියනෑමට ගොස් සිටිය දී මෙම අනතුරට ලක්ව ඇති බව පොලීසිය සිදුකළ විමර්ශනයේ දී අනාවරණය වී තිබේ.

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්කවලත් ඇතිවිය හැකි වැසි ස්වල්පයක් හැරුණකොට දිවයිනේ සෙසු ප්‍රදේශවල ප්‍රධාන වශයෙන් වැසි රහිත කාලගුණ තත්ත්වයක් පවතී. මධ්‍යම කඳුකරයේ බටහිර බෑවුම් ප්‍රදේශවලත්, උතුරු, උතුරු-මැද, දකුණු සහ වයඹ පළාත්වලත් ත්‍රිකුණාමලය දිස්ත්‍රික්කයේත් විටින් විට හමන පැ.කි.මී. 40-45ක පමණ තරමක තද සුළං ඇතිවිය හැකි බව කාලගුණවිද්‍යා දෙපාර්තමේන්තුව නිවේදනය කරයි.

චීනයේ සයිනොපෙක් සමාගමේ දෙවන ඉන්ධන තොගය අද (02) මෙරටට රැගෙන ඒමට නියමිතව තිබේ. සයිනොපෙක් පළමු ඉන්ධන තොගය පසුගියදා දිවයිනට පැමිණි බව විදුලිබල හා බලශක්ති අමාත්‍ය කංචන විජේසේකර මහතා ට්විටර් පණිවුඩයක් නිකුත් කරමින් පැවසීය. ඉන්ධන පිරවුම්හල් අලෙවිකරුවන් සමග ගිවිසුම් අත්සන් කිරීමෙන් අනතුරුව සයිනොපෙක් සමාගම දිවයින පුරා ඉන්ධන පිරවුම්හල් 150ක් සමඟ මෙහෙයුම් ආරම්භ කිරීමට නියමිතව තිබේ. සයිනොපෙක් සමාගම සෘජුවම විදේශ විනිමය වැය කරමින් මෙරටට ඉන්ධන තොග ගෙන එන බව විදුලිබල හා බලශක්ති අමාත්‍යාංශය පවසයි. ඒ හේතුවෙන් මෙරට දේශීය මුල්‍යායතනවලට ගැටලුවක් ඇති නොවන අතර මාස 12ක මූල්‍ය පහසුකම් සහිතව මෙම ඉන්ධන තොග ඔවුන් මෙරටට ගෙන ඒමට නියමිත බව සඳහන්ය. මෙරට චීන තනාපති කාර්යාලය…

එක්සත් ජාතික පක්ෂ කෘත්‍යාධිකාරී මණ්ඩල රැස්වීමක් පක්ෂ නායක ජනාධිපති රනිල් වික්‍රමසිංහ මහතාගේ ප්‍රධානත්වයෙන් පිටකෝට්ටෙි සිරිකොත පක්ෂ මූලස්ථානයේදී අද (2) පැවැත්වේ. එක්සත් ජාතික පක්ෂ සම්මේලනය සම්බන්ධයෙන් අවසන් තීන්දුවක් ගැනීම උදෙසා මෙම පක්ෂ කෘත්‍යාධිකාරී මණ්ඩලය රැස්වනු ඇත. එක්සත් ජාතික පක්ෂයේ 76 වැනි සංවත්සරය හා පක්ෂ සම්මේලනය සැප්තැම්බර් මස 10 වැනිදා පැවැත්වීමට එජාප කළමනාකරණ කමිටුවේදී ගත් තීරණය හෙට පැවැත්වෙන කෘත්‍යාධිකාරී මණ්ඩලයේදී අනුමත කිරීමට ද නියමිතව ඇතැයි පක්ෂ මහා ⁣ ලේකම් පාලිත රංගෙ බණ්ඩාර මහතා පැවසීය. පක්ෂ සම්මේලනය පැවැත්වෙන ස්ථානය හා සම්මේලනය සංවිධානය කිරීමේ කමිටුව ද මෙම කෘත්‍යාධිකාරී මණ්ඩල රැස්වීමේදී අනුමත කර ගැනීමට ද සැලසුම් කර තිබේ. එක්සත් ජාතික පක්ෂය මේ වන විට මුළු…

පවුල් සෞඛ්‍ය සේවා නිලධාරිනියක් කියූ පමණින්ම අපේ මනසට එන්නේ ගෙයින් ගෙට යමින් ගර්භණී මව්වරුන් සහ දරුවන් පරීක්ෂා කරමින්, ඔවුන්ගේ සෞඛ්‍ය සහ පෝෂණය පිළිබඳ සොයා බලන කාන්තාවකි. නමුත්, රාජකාරියෙන් ඔබ්බට ගොස් ප්‍රදේශයේ දරු දැරියන්ගේ මෙන්ම මව්පියවරුන්ගේ දක්ෂතා ඇගයීමට කැපවූ පවුල් සෞඛ්‍ය සේවා නිලධාරිනියක් පිළිබඳව පුවතක් මේ. මේ වෘත්තියෙන් පවුල් සෞඛ්‍ය සේවා නිලධාරිනියක් වන අතුල්ල්‍යා වීරසේකර. ඇය අපට හමුවන්නේ හොරණ ප්‍රාදේශීය ලේකම් කාර්යාල පරිශ්‍රයේ පැවැති අරමනාගොල්ල පවුල් සෞඛ්‍ය සේවා නිලධාරි කොට්ඨාසයේ සෙනෙහසේ සවිය හා සෙනෙහසේ දිරිය මව්පිය සංගම විසින් සංවිධානය කරනු ලැබූ ඇගයීම් කුසලතා සම්මාන උළෙලේදීය. සාමාන්‍යෙයන් පවුල් සෞඛ්‍ය සේවා නිලධාරිනයකට පැවරෙන්නේ තම කොට්ඨාසයේ ගර්භණී මව්වරුන්ගේ සහ දරුවන්ගේ සෞඛ්‍ය හා පෝෂණ තත්ත්වය…