Subscribe to Updates
Get the latest creative news from FooBar about art, design and business.
Author: LANKA24X7
බස්නාහිර, සබරගමුව, මධ්යම, වයඹ සහ ඌව පළාත්වලත් ගාල්ල, මාතර සහ මුලතිව් දිස්ත්රික්කවලත් සවස් කාලයේ දී හෝ රාත්රී කාලයේ දී ස්ථාන ස්වල්පයක වැසි හෝ ගිගුරුම් සහිත වැසි ඇති විය හැකි බව අද (18) කාලගුණ විද්යා දෙපාර්තමේන්තුව විසින් නිකුත් කළ නිවේදනයේ සඳහන් වනවා. බස්නාහිර සහ වයඹ වෙරළබඩ ප්රදේශවලත් යාපනය දිස්ත්රික්කයේත් උදෑසන කාලයේ දී ද වැසි ස්වල්පයක් ඇති විය හැකි. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් එම දෙපාර්තමේන්තුව ඉල්ලා සිටිනවා.
වත්තල පොලිස් වසමේ හේකිත්ත ප්රදේශයේ දී, කැළණි ගං ඉවුරේ පිරිමි පුද්ගලයෙකුගේ නරක් වූ මළ සිරුරක් පාවෙමින් තිබිය දී වත්තල පොලිස් ස්ථානයට ලද පැමිණිල්ලක් මත විමර්ශන ආරම්භ කර තිබෙනවා. මරණකරු උස අඩි 05 අඟල් 06ක් වූ පුද්ගලයෙක්. කළු ඉරි සහිත අත් කොට කමිසයක් ඇඳ සිට ඇත. හදිසි මරණ පරීක්ෂණයෙන් පසු මෘත ශරීරය රාගම රෝහලේ මෘත ශරීරාගාරයේ තැන්පත්කර තිබෙනවා.
අතීතයේ වැරදි සිදු වුවද, සියලුදෙනා එක්ව නිසි ප්රතිපත්තිමය වැඩපිළිවෙළක් ඔස්සේ කටයුතු කිරීමෙන් එම වැරදි ආපසු හරවා ගැනීමට හැකියාව තිබෙන බව ජනාධිපතිවරයා පැවසීය. අමාත්යාංශ ලේකම්වරු සහ පළාත් ප්රධාන ලේකම්වරු සමඟ අද (17) පැවති හමුවකදී ජනාධිපතිවරයා මෙම අදහස් පලකළ බව ජනාධිපති මාධ්ය අංශය නිවේදනයක් නිකුත් කරමින් පවසයි. එහිදී වැඩිදුරටත් අදහස් දක්වමින් ජනාධිපතිවරයා පැවසුවේ බිඳවැටුණු ආර්ථිකය ගොඩගැනීමට රජය ඉදිරිපත් කළ ප්රතිපත්තිමය වැඩපිළිවෙළ නිසි ලෙස ක්රියාත්මක කළහොත් ජාත්යන්තර මූල්ය අරමුදල විසින් ලබා දුන් ඉලක්ක පමණක් නොව ඉන් ඔබ්බට ගිය ආර්ථික සමෘද්ධියක් කෙටි කාලයක් තුළ රටට උදාකරගත හැකි බවය. රටේ දියුණු ආර්ථිකයක් ඇති කිරීමට නම් ඇතැම් රාජ්ය සමාගම් ප්රතිව්යුහගත කිරීම අත්යාවශ්ය බව අවධාරණය කළ ජනාධිපති…
සමගි ජන බලවේගයේ කෘත්යාධිකාරී මණ්ඩලයේ එකඟතාවයෙන් තනතුරු දෙකකට නව සාමාජිකයින් පත්කර තිබේ. ඊයේ (16) සජිත් ප්රේමදාස මහතාගේ ප්රධානත්වයෙන් විපක්ෂ නායක කාර්යාලයේ දී කෘත්යාධිකාරී මණ්ඩලය රැස්වූ අවස්ථාවේ දී එම තීරණය ගෙන ඇත. ඒ අනුව ගම්පහ දිස්ත්රික් පාර්ලිමේන්තු මන්ත්රී හර්ෂණ රාජකරුණා මහතා සමගි ජනබලවේගයේ නියෝජ්ය භාණ්ඩාගාරික තනතුරට පත්කර තිබේ. කොළඹ දිස්ත්රික් හිටපු පාර්ලිමේන්තු මන්ත්රී මුජිබර් රහුමාන් මහතා සමගි ජනබලවේගයේ නියෝජ්ය ලේකම් ධුරයට පත්කර ඇත. සජිත් ප්රේමදාස මහතා විසින් විපක්ෂ නායක කාර්යාලයේ දී එම පත්වීමේ ලිපි ලබාදී තිබේ.
අමෙරිකානු ඩොලරයට සාපේක්ෂව ශ්රී ලංකා රුපියල අද (17) තවදුරටත් ශක්තිමත් වී ඇති බව ශ්රී ලංකා මහ බැංකුව පවසයි. ඩොලරයේ ගැනුම් මිල රුපියල් 302.42ක් ලෙසද විකිණුම් මිල රුපියල් 316.18ක් ලෙසද සඳහන් විය.
ප්රවීණ ගායන ශිල්පී ටෝනි හසන් මහතා අභාවප්රාප්ත වී තිබේ. මිය යන විට ඒ මහතා 73වන වියේ පසු විය. ටෝනි හසන් මහතා දේහය පිළිබඳ අවසන් කටයුතු අද (17) සවස මාලිගාවත්ත මුස්ලිම් සුසාන භූමියේදී සිදුකිරීමට නියමිත බව පවුලේ ආරංචි මාර්ග පවසයි.
දේවගැති ජෙරම් ප්රනාන්දු නැවත දිවයිනට පැමිණෙන විට ගුවන්තොටුපොළේ දී අත්අඩංගුවට ගැනීමේ හැකියාව පවතින බව පොලීසිය පවසයි. පොලිස් මාධ්ය ප්රකාශක, ජ්යෙෂ්ඨ පොලිස් අධිකාරී නීතිඥ නිහාල් තල්දූව මහතා පවසා සිටියේ, අධිකරණයෙන් ඔහුට එරෙහිව සංචාරක ගමන් තහනමක් ලබාදී ඇති මොහොතක එලෙස අත්අඩංගුවට ගැනීමට බාධාවක් නොමැති බවය. එමෙන්ම ඔහු සම්බන්ධයෙන් අපරාධ පරීක්ෂණ දෙපාර්තමේන්තුව සිදුකරන විමර්ශනයන්ට කිසිදු බලපෑමක් එල්ල වී නොමැති බව ද පොලිස් මාධ්ය ප්රකාශකවරයා පැවසීය. වැඩිදුරටත් අදහස් දැක්වු මාධ්ය ප්රකාශවරයා, “පාස්ටර් ජෙරම් සම්බන්ධව පැමිණිලි කිහිපයක් ලැබිලා තියෙනවා අපරාධ පරීක්ෂණ දෙපාර්තමේන්තුවට. පැමිණිලි ලැබුණට පස්සේ තමා අපරාධ පරීක්ෂණ දෙපාර්තමේන්තුව කටයුතු කළේ. ඒ අනුව තමා අධිකරණයෙන් අදාළ සාක්ෂි සටහන් කරගෙන පසුව තමා අධිකරණය නියෝග ලබාගන්නේ. පාස්ටර්…
නව ආණ්ඩුකාරවරුන් තිදෙනෙකු ජනාධිපති රනිල් වික්රමසිංහ මහතා ඉදිරියේ මීට සුළු මොහොතකට පෙර දිවුරුම් දී තිබේ. ඒ ජනාධිපති ලේකම් කාර්යාලයේදී ය. ඒ අනුව උතුරු පළාත් නව ආණ්ඩුකාරවරයා ලෙස පී.එස්.එම්. චාල්ස් මහත්මිය ජනාධිපති රනිල් වික්රමසිංහ මහතා ඉදිරියේ දිවුරුම් දී තිබේ. නැගෙනහිර පළාතේ නව ආණ්ඩුකාරවරයා ලෙස දිවුරුම් දෙනු ලැබුවේ සෙන්දිල් තොණ්ඩමාන් මහතාය. එමෙන්ම ලක්ෂ්මන් යාපා අබේවර්ධන මහතා වයඹ පළාත් ආණ්ඩුකාරවරයා ලෙස ජනාධිපතිවරයා ඉදිරියේ දිවුරුම් දුන්නේය.
මධ්යම පළාත් සභාවේ හිටපු මන්ත්රීවරයකු පැදවූ ජිප් රථයක ගැටුණු පිය පුතු දෙපොළක මියගිය බව මහනුවර පොලිසිය කියයි. මෙසෛ් මියගොස් ඇත්තේ බූවැලිකඩ සංඝමිත්තා මාවතේ චන්ද්රික සම්පත් රුද්රිගු (41) සහ විමන්ත රුද්රිගු (11) යන දෙදෙනෙකි. කිසියම් අවශ්යතාවයක් සඳහා පියපුතු දෙදෙනා මාර්ගය හරහා ගමන් ගනිද්දි මෙම අනතුර සිදුව තිබේ. අනතුර සම්බන්ධයෙන් හිටපු මන්ත්රීවරයා අත්අඩංගුවට ගෙන ඇත.
දේශීය ණය ප්රතිව්යුහගත කිරීමේ වැඩසටහන හරහා රාජ්ය බැංකුවලින් ණය ලබාගත් දේශපාලකයින්ගේ ණය කප්පාදු කිරීමට ආණ්ඩුව සූදානම් වන බව චරිත හේරත් මන්ත්රීවරයා පවසයි. කොළඹ පැවති මාධ්ය හමුවකට එක් වෙමින් ඔහු ඒ බව සඳහන් කළේය. “ලංකාවේ ආණ්ඩුවේ ප්රධාන බැංකුවල සමහර බොල් ණය බවට පත්වෙලා තිබෙන්නේ, එසේත් නැතිනම් නොගෙවන ණය බවට පත්වෙලා තියෙන සමහර ණය ලබාගත් අය තාම ව්යාපාර කටයුතු කරනවා. හෝටලයකට ණය ගන්නවා මාතලේ පැත්තේ ඇතැම් දේශපාලඥයෙක් හෝටලයේ ණය ගෙවන්නේ නැහැ. හැබැයි හෝටලය තියෙනවා. ඊළඟට නැගෙනහිර පළාතේ දේශපාලඥයෙක් තමන්ගේ ව්යාපාරවලට විශාල ණයක් ගන්නවා. ණය තියෙද්දි ඔහු ඒ ව්යාපාරයෙන් පැත්තකට වෙලා. වෙන ව්යාපාරයක් කරනවා. ඒ නිසා මේ වගේ අපේ ප්රධාන බැංකුවල නොගෙවූ ණය…