Subscribe to Updates
Get the latest creative news from FooBar about art, design and business.
Author: LANKA24X7
මොටර් රථ ප්‍රවාහන දෙපාර්තමේන්තුව විශාල වංචා හා දුෂණ සහිත කැලයක් බවත් ඒවා ක්‍රමානුකූලව නිරවුල් කරගෙන ඉදිරියට යාමට පියවර ගන්නා බවත් ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍ය බිමල් රත්නායක මහතා පැවැසීය. ඔහු මෙසේ පැවැසුවේ අනුරධපුර දිස්ත්‍රික් ලේකම් කාර්යාල ශ්‍රවණාගාරයේ අනුරාධපුර දිස්ත්‍රික් විශේෂ සම්බන්ධීකරණ කමිටු රැස්වීමේදීය. අනුරාධපුර දිස්ත්‍රික්කයේ පවතින ප්‍රවාහන කේෂත්‍රයේ ගැටලු සහ ඉදිරියේදී සංවර්ධනය විය යුතු කටයුතු පිළිබදව මෙහි දී සාකච්ජාවට ලක්විය. ප්‍රවාහන හා මාර්ග කටයුතු සම්බන්ධයෙන් සංවර්ධන කටයුතු පහසු කිරීම හා නිසියාකාර කිරීම උදෙසා වන දිස්ත්‍රික් කමිටුවක් පිහිටුවීම ද මෙහිදී සිදු කෙරිණි. එහි සභාපතිවරයා ලෙස ජාතික ජනබල වේගය අනුරාධපුර දිස්ත්‍රික් පාර්ලිමේන්තු මන්ත්‍රී සුසන්ත කුමාර නවරත්න මහතා පත් කෙරිණි.…
මත්ද්‍රව්‍ය ජාවාරම්කරුවන් සහ අපරාධකරුවන් අත්අඩංගුවට ගැනීමට කටයුතු කරන පොලිස් නිලධාරීන්ට හානි කරන අපරාධකරුවන්ට උසාවියෙන් කිසිඳු සමාවක් නැතැයි සඳහන් කළ කොළඹ මහාධිකරණ විනිසුරු ලංකා ජයරත්න මෙනවිය මත්ද්‍රව්‍ය වැටලීමක නිරතව සිටි පොලිස් මත්ද්‍රව්‍ය නාශක කාර්යංශයේ නිලධාරියකු කාරයට යටකර මරා දැමීමට තැත් කළ මත් ජාවාරම්කරුවකුට වසර 15ක බරපතල වැඩ සහිත සිරදඬුවම් නියම කරමින් පැවසුවාය. වසර 17කට පෙර දෙහිවල නැදිමාල ප්‍රදේශයේදී මත්ද්‍රව්‍ය වැටලීමක නිරතව සිටි පොලිස් මත්ද්‍රව්‍ය නාශක කාර්යංශයේ පොලිස් සැරයන් වීරසිංහ බණ්ඩාර මහතා මත්ද්‍රව්‍ය තොගයක්ද සමඟ විත්තිකරු පැමිණී කාර් රථය නතර කරන ලෙස සංඥා කළ අවස්ථාවේදී ඔහු යටකර බරපතල තුවාල කිරීම සඟ මරා දැමීමට තැත් කිරීම යන චෝදනාවන්ට වරදකරු කළ විත්තිකරුවකුට එලෙෂ දඬුවම්…
ලෝක ළමා දිනය සැමරීමට සිය විදුහලට මත්වතුර බෝතලයක් රැගෙන පැමිණි අම්බලන්ගොඩ පාසලක සිසුන් සිවු දෙනකු අත්අඩංගුවට ගත් බව මීටියාගොඩ පොලීසිය කියයි. මෙසේ බාරයට ගත් සිසුහු සිව් දෙනා මෙවර සාමාන්‍ය පෙළ විභාගයට පෙනී සිටීමට නියමිත සිටින අය වෙති. ඔවුන්ට දැඩි ලෙස අවවාද කර ඔවුන්ගේ මවුපියන්ට පෙරේදා (1) පස්වරුවේම බාර දුන් බව ද පොලීසිය කියයි. අනතුරුව මෙම සිව් දෙනා මවුපියන්ගේ කැමැත්ත සහිතව එම පාසලෙන් ඉවත් කර ගෙන ඇතැයි විදුහල් ආරංචි මාර්ග කියයි. ලෝක ළමා දිනය පැවැති පෙරේදා (1) සිසුන් සිව්දෙනා වතුර බෝතලයකට මත්පැන් පුරවා පාසලට රැගෙන පැමිණ ඇති බවත් පොලිසිය කියයි. මත් වතුර රැගෙන ආ බවට විදුහලෙන් ලැබුණු තොරතුරකට අනුව ඔවුන් සිව්දෙනාම…
ශ්‍රී ලංකා පොත් ප්‍රකාශකයන්ගේ සංගමය 26 වැනි වරටත් සංවිධානය කරන කොළඹ ජාත්‍යන්තර පොත් ප්‍රදර්ශනය ඉතාමත් සාර්ථකව පැවැත්වෙන බව පොත් ප්‍රකාශකයන්ගේ සංගමයේ සභාපති දිනේෂ් කුලතුංග මහතා පැවැසීය. මේ දින කිහිපයේ පමණක් ජනතාව ලක්ෂ එකහමාරකට වැඩි පිරිසක් පොත් ප්‍රදර්ශනය නැරඹීමට හා පොත්පත් මිලදී ගැනීමට පැමිණ ඇති බව ද ඔහු සඳහන් කළේය. පසුගිය වසර වලට වඩා බොහෝ සාර්ථක ලෙස පොත් ප්‍රදර්ශනය මෙවර පැවැත්වෙන බවත් පොතපත හොඳින් අලෙවි වන බවට කුටි සංවිධායකයන් ප්‍රකාශ කරන බවත් ඔහු කීය. මෙවර ප්‍රදර්ශනය ආරම්භයේ සිටම සති අන්ත හෝ සතියේ දින යැයි නොසලකා ජනතාව ඇදෙමින් සිටින බව ද වෙන වසරවල එවැනි තත්වයක් නොතිබූ බව ද ඔහු කීය. මෙවර පොත්…
අපරාධ පරීක්ෂණ දෙපාර්තමේන්තුවේ රඳවාගෙන ප්‍රශ්න කරන මත්ද්‍රව්‍ය ජාවාරම්කරුවෙකු හා සංවිධානාත්මක අපරාධකරුවෙකු වන මන්දිනු පද්මසිරි පෙරේරා නොහොත් කෙහෙල් බද්දර පත්මෙ නැමැත්තාගෙන් අනාවරණය වූ තොරතුරු අනුව මයික්‍රෝ වර්ගේ ගිනි අවියක් හා මැගසිනයක් සොයාගත් බව අපරාධ පරීක්ෂණ දෙපාර්තමේන්තුව කියයි. පසුගියදා ඉන්දුනීසියාවේ ජාකාරතා නුවරදී කෙහෙල් බද්දර පද්මෙ නමැත්තා ඇතුළු පස්දෙනෙකු නැමැත්තා ඇතුළු ඉඳුල් නිසා උන පොලිසිය සහ පෑලියගොඩ උතුර අපරාධ කොට්ඨාසයේ නිලධාරීන් ඒකාබද්ධව සිදුකළ වැටලීමකදී අත්අඩංගුවට ගැනුණි . කෙහෙල් බද්දර පද්මේ නමැත්තා අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශ 3 හි රඳවාගෙන සිදුකළ ප්‍රශ්න කිරීමේදී විවිධ අපරාධ සතා යොදාගත් ගිනිි අවියක් ඌරගස් මං හන්දිය,කොස්ගොඩ මාර්ගයේ ඇති අතුරු මාර්ගයක බෝක්කුවක් යට ගිනිඅවියක් සඟවා තිබෙන බවට…
විශ්‍රාමික පවුල් සෞඛ්‍ය සේවිකාවගේ නිවස ඉදිරි පස බෑගයක අසුරා දමා ගොස් තිබූ දිනක් පමණ වයසක බිළිදියක් හමු වී ඇතැයි මහව මූලස්ථාන පොලිසිය කියයි. මෙසේ දමා ගිය බිළිඳිය 166 කෝන්වැව, ඉපලෝගම , මහව ලිපිනයේ පදිංචි ඉන්ද්‍රාණි අනුලා මහත්මියගේ නිවසේ තිබියදී සොයා ගන්නා ලද බව පොලිසිය සඳහන් කරයි. බිළිඳිය සොයා ගන්නා විට නිරෝගීව සිටි බවත් වහාම නිකවැරටිය මූලික රෝහලට ඇතුළත් කිරීමට කටයුතු කළ බවත් මහව මුලස්ථාන පොලිසිය සඳහන් කරයි. සිද්ධිය සම්බන්ධයෙන් මහව මූලස්ථාන ප්‍රධාන පොලිස් පරික්ෂක ඒ.ඒ.පි.ඒ. කුලතුංග මහතාගේ ප්‍රධානත්වයෙන් කාන්තාව පොලිස් ඒකකයේ ස්ථානාධිපති කාන්තා පොලිස් පරීක්ෂක අපේක්ෂා ඇතුළු කණ්ඩායමක් විසින් වැඩිදුර විමර්ශන සිදු කරති. සිද්ධිය ඇසින් දුටු ඉන්ද්‍රාණි අනුලා මහත්මිය මෙසේ…
පශ්චාත් උපාධි අධ්‍යයන කටයුතු සඳහා විදේශගත වූ වවුනියාව විශ්ව විද්‍යාලයේ අධ්‍යයන කාර්ය මණ්ඩලයේ නිලධාරීනියක එම වැඩසටහන නිමවීමෙන් පසු සේවයට වාර්තා කර නැතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ. ඇය මෙසේ සේවයට වාර්තා කර නැතත් රුපියල් දෙකෝටියකට වැඩි බැඳුම්කර වටිනාකම අැයගෙන් අය කර ගැනීමට විශ්ව විද්‍යාල පාලනාධිකාරය පියවර ගෙන නැතැයිද එම වාර්තාවේ දැක්වේ. මේ සම්බන්ධයෙන් විගණනයට කරුණු දක්වා ඇති විශ්ව විද්‍යාල පාලනාධිකාරිය ප්‍රකාශ කර ඇත්තේ හිග ශේෂය තවදුරටත් නොගෙවන්නේ නම් අැයට එරෙහිව නීතිමය ක්‍රියාමාර්ග ගන්නා බවයි. රුපියල් ලක්ෂ හතළිහක පමණ මුදලක් අැය දැනට ගෙවා ඇති අතර තවත් රුපියල් එක්කෝටි හතළිස් හතර ලක්ෂයකට වැඩි මුදලක් අය කර ගැනීමට නියමිත බවද…
හිටපු ජනපති මහින්ද රාජපක්ෂ මහතාගේ ප්‍රධාන ආරක්ෂ නිලධාරී මේජර් නෙවිල් වන්නිආරච්චි මහතා මීට සුළු මොහොතකට පෙර අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් අත්අඩංගුවට ගනු ලැබීය. ඒ අල්ලස් සහ දූෂණ චෝදනාවක් සම්බන්ධයෙන් අල්ලස් කොමිෂන් සභාව හමුවේ අද පෙනී සිටි අවස්ථාවේදීය.
තාජුදීන් ඝාතනය සම්බන්ධයෙන් වැඩ බලන පොලිස් මාධ්‍ය ප්‍රකාශකවරයා කී කතාව ගැන නාමල් රාජපක්ෂ මන්ත්‍රීවරයා ලොකුවට කලබල විය යුතු නැතැයි කම්කරු නියෝජ්‍ය නියෝජ්‍ය අමාත්‍ය මහින්ද ජයසිංහ මහතා පැවසීය. මේ සම්බන්ධයෙන් මෙතරම් කලබල වන්නේ ඇයි දැයි ජනතාව සිතා බැලිය යුතු බවත් තාජුඩීන් ඝාතනය මහා බැංකු හොරකම වැනි සිද්ධි සම්බන්ධයෙන් මේ රටේ ජනතාව යම් විමසිල්ලකින් සිටින බවත් ඔහු සඳහන් කළේය. එම සිද්ධි පරීක්ෂණවලට බාධාවක් නොවන ආකාරයට යම් ප්‍රමාණකට දැනගැනීමට ජනතාවට අයිතියක් ඇති බව පැවසූ නියෝජ්‍ය අමාත්‍යවරයා නීතිය පසිඳලන ආයතන දේශපාලන ඇඟිලි ගැසීමෙන් තොරව අද ස්වාධීනව ක්‍රියාත්මක වන බවද සඳහන් කළේය.
මන්නාරම සුළං විදුලි බලාගාර ව්‍යාපෘති අඛණ්ඩව පවත්වාගෙන යන ලෙස ඉල්ලමින් සහ එයින් ජනතාව වෙත ලැබෙන ප්‍රතිලාභ පිළිබඳව දැනුවත් කිරීමේ අරමුණින් අද උදෑසන මන්නාරම දිස්ත්‍රික් ලේකම් කාර්යාලය අසලදී ප්‍රදේශවාසීන්ගේ සහභාගීත්වයෙන් සාමකාමී විරෝධතාවක් පවත්වා ඇති බවට වාර්තාවේ. එහිදී ජනාධිපතිවරයා වෙත ඉදිරිපත් කිරීම සඳහා අදාල ඉල්ලීම් ඇතුලත් ලිපියක්ද මන්නාරම දිස්ත්‍රික් ලේකම්වරයා වෙත භාරදී ඇත. සුළං විදුලි බලාගාර ව්‍යාපෘතියේ ඉදිකිරීම් නතර කරන ලෙස ඉල්ලා විරෝධතාවයන් පැවැත්වෙන අවස්ථාවකදී මෙසේ තවත් ප්‍රදේශවාසීන් කොටසක් පැමිණ මෙම ව්‍යාපෘති සිදුකරන මෙන් අදාල බලධාරීන්ගෙන් මෙහිදී ඉල්ලා ඇත. මෙම අවස්ථාවේදී දෙපාර්ශවය අතර සුළු ගැටුමක්ද ඇතිවී ඇත එහිදි පොලීසිය විසින් එය සමථයකට පත්කර ඇති අතර, මෙම ව්‍යාපෘති සිදු කරන ලෙස ඉල්ලා මන්නාරම…