Author: LANKA24X7

ශ්‍රී ලංකාවට අදාළ වන රථවාහන ප්‍රතිපත්තියක් මේ වන තුරු සකස් කර නැති බවත් රථවාහන ප්‍රතිපත්තිය සකස් කර, ඒ තුළ විදුලි වාහන ප්‍රතිපත්තිය සකස් කිරීමට බලාපොරොත්තු වන බවත් කර්මාන්ත සංවර්ධන අමාත්‍යාංශයේ විදුලි සහ ඉලෙක්ට්‍රොනික කර්මාන්ත සංවර්ධන උපදේශක කමිටුවේ සාමාජික ගාමිණි රණසිංහ පවසනවා. විදුලි වාහන ප්‍රතිපත්තිය සකස් කර පාර්ලිමේන්තුවට ඉදිරිපත් කර එය පනතක් බවට පත් කිරීම ඉදිරියේදී සිදු කරන බවයි ඔහු සඳහන් කර සිටින්නේ. ඒ අනුව කර්මාන්ත අමාත්‍යාංශය හා එක්ව විදුලි වාහන සම්බන්ධයෙන් ජාතික ප්‍රතිපත්තියක් එළිදක්වීමට නියමිත බව සඳහන්. ඔහු ප්‍රකාශ කර ඇත්තේ අදාළ ප්‍රතිපත්තිය සකස් කිරීමෙන් පසු විදුලි වාහන එකලස් කිරීම, නිෂ්පාදනය සහ ආනයනය සම්බන්ධයෙන් පිරිවිතරයන් සහ අදාළ නිර්ණායකයන් තීරණය කරන…

ශ්‍රී ලංකා පොදුජන පෙරමුණේ නියෝජිතයින් පිරිසක් සහ ජනාධිපති රනිල් වික්‍රමසිංහ මහතා අතර සාකච්ඡාවක් මේ වන විට පැවැත්වෙයි. අද (18) පෙරවරු 11.30ට ජනාධිපති ලේකම් කාර්යාලයේ දී එම සාකච්ඡාව ආරම්භ වී ඇති බව වාර්තා වෙයි. සාකච්ඡාව සඳහා පොදුජන පෙරමුණේ මහලේකම් නීතීඥ සාගර කාරියවසම් මහතා, පාර්ලිමේන්තු මන්ත්‍රී සංජීව එදිරිමාන්න මහතා මෙන්ම පොදුජන පෙරමුණේ හිටපු පළාත් පාලන ආයතන ප්‍රධානීන් ඇතුළු පිරිසක් සහභාගී වී සිටිති. පළාත් පාලන මැතිවරණය කල්යාම හේතුවෙන් ඒ සඳහා නාමයෝජනා භාරදුන් තම සාමාජිකයින් මුහුණ දී ඇති ගැටලු සම්බන්ධයෙන් ජනාධිපතිවරයාගේ අවධානය යොමුකිරීම මෙම සාකච්ඡාවේ අරමුණ බව ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා සඳහන් කළේය. මැතිවරණය කල්යාම හේතුවෙන් නාමයෝජනා ලබාදුන් හිටපු පළාත්…

බඩඉරිඟු කිලෝග්‍රෑම් 01ක් මත පනවා තිබූ රුපියල් 75ක ආනයන බද්ද ඊයේ (17) රාත්‍රියේ සිට රුපියල් 25 දක්වා අඩු කර තිබේ. බඩඉරිඟු යොදාගෙන නිෂ්පාදනය කෙරෙන සත්ත්ව ආහාර මිල අඩු කිරීම මෙහි අරමුණය. මුදල් රාජ්‍ය අමාත්‍ය, රංජිත් සියඹලාපිටිය මහතා ඒ බව පවසයි.

වාර්ෂිකව සංචාරකයින් මිලියන 05ක් මෙරටට ගෙන්වා ගැනීමේ ඉලක්කගත වැඩපිළිවෙල කඩිනම් කරන ලෙස ජනාධිපති රනිල් වික්‍රමසිංහ මහතා නිලධාරීන්ට උපදෙස් ලබාදී තිබේ. ශ්‍රී ලංකාව ප්‍රධාන සංචාරක ගමනාන්තයක් ලෙස ගොඩනැගීම සඳහා අවශ්‍ය නිර්දේශ ඉදිරිපත් කිරීමට පත්කළ කමිටුවේ සාමාජිකයින් ඇතුළු නිලධාරීන් සමග ජනාධිපති කාර්යාලයේ ඊයේ (17) පැවති සාකච්ඡාවකදී ජනාධිපතිවරයා මෙම උපදෙස් ලබාදුන් බව ජනාධිපති මාධ්‍ය අංශය පැවසීය. සංචාරකයින්ට ආකර්ෂණීය සහ සුව පහසු ගමනාන්තයක් බවට ශ්‍රී ලංකාව පත් කිරීම සඳහා වන කෙටිකාලීන, මධ්‍යකාලීන හා දිගුකාලීන සැලසුම් පිළිබඳ මෙහිදී දිර්ඝ ලෙස සාකච්ඡා වී තිබේ. මෙරටට පැමිණෙන සංචාරකයින්ගේ නවාතැන් පහසුකම් පුළුල් කිරීම වෙනුවෙන් ඓතිහාසික පෙනුමක් සහිත දැනට භාවිතයට නොගන්නා ගොඩනැඟිලි සහ බංගලා පිළිබඳ සොයා බලා වාර්තාවක් සකස්…

යෝජිත කම්කරු නීති ප්‍රතිසංස්කරණ අතිශය අමානුෂික බව හෝටල් සේවක මධ්‍යස්ථානයේ සභාපති නීතිඥ ජානක අධිකාරි මහතා පවසයි. කොළඹදී ප්‍රවෘත්ති සාකච්ඡාවක් පවත්වමින් ඔහු පැවසුවේ සේවකයින් බලවත් අසාධාරණයට ලක්වන ප්‍රතිසංස්කරණ රැසක් එම යෝජනාවලට ඇතුළත් බවය. හෝටල් සේවක මධ්‍යස්ථානයේ සභාපති නීතිඥ ජානක අධිකාරි මහතා, “අර්ධ කාලීන කියලා සේවකයින් බඳවාගැනීමේ හැකියාවක් යෝජිත කම්කරු නීති සංශෝධනය යටතේ ආණ්ඩුව ඉදිරිපත් කරලා තියෙනවා. හෝටල් පාලකයාට අයිතිය ලැබෙනවා.. කාර්යබහුල වේලාවේදී පමණක් පැය 03කට සේවකයෝ බඳව ගන්න. ඊට පස්සේ ගෙදර යවන්න. අලුත් සේවකයෙක් ඕනේ නම් ආයෙත් ගන්න. පාලකයාට පැය 08කට ගෙවන්න ඕනේ නැහැ. අතිකාල ගෙවන්න ඕනේ නැහැ. අතිකාල නැතුව වැඩ ගන්න පුළුවන්. මේක කුරිරු නීතියක්.”

පාර්ලිමේන්තු මන්ත්‍රී විමලවීර දිසානායක විසින් කෝට්ටේ, මාදිවෙල මන්ත්‍රී නිවාස සංකිර්ණ අවට සම්භාහන මධ්‍යස්ථාන හෙවත් ස්පා 42ක් පවතින බව පවසනවා. ඔහු මෙය ප්‍රකාශ කළේ දෙහිඅත්තකන්ඩිය ප්‍රාදේශීය සම්බන්ධිකරණ කමිටු රැස්වීමක් අමතමින්. ඔහු පෙන්වා දෙන්නේ මෙම සම්භාහන මධ්‍යස්ථාන වලින් රුපියල් 5,000ක් වැනි ඉහළ මිලක් අයකරගන්නා බවයි. මන්ත්‍රීවරයා වැඩිදුරටත් පැවසුවේ ආයුර්වේද පුවරු යොදාගනිමින් මෙම සම්භාහන මධ්‍යස්ථාන පවත්වන බවයි.

සිමෙන්ති කොට්ටයකින් රුපියල් 700 ක පමණ ලාභයක් සිමෙන්ති සමාගම් උපයන බව රජයේ මුදල් පිළිබඳ කාරක සභාවේදී අනාවරණය වුණා. වරායට ගොඩබාන අවස්ථාවේ සිමෙන්ති මිල සහ විකුණුම් මිල අතර සියලු බදු අඩු කළ විට මෙවැනි ලාභයක් උපයන බවයි මෙහිදී හෙළි වුණේ. එසේම යකඩ ආනයනයේදී ඒ අනුව අයථා ලාභයක් අදාළ සමාගම් උපයන බවට පෙනී යන බැවින් සිමෙන්ති සහ යකඩ පිළිබඳ වාර්තාවක් ලබාදෙන ලෙසයි මුදල් හා නාගරික සංවර්ධන හා ඉදිකිරීම් අමාත්‍යංශවල නිලධාරින්ට කාරක සභාවේ තාවකාලික සභාපති පාර්ලිමේන්තු මන්ත්‍රී පාඨලී චම්පික රණවක නියෝග කළේ. එසේම ප්‍රධාන සමාගම් ද්විත්වයට අතිරේක ලාභයක් ලැබිය නොහැකි වන පරිදි තිරිඟු පිටි කිලෝවක විකුණුම් මිල රුපියල් 198 ක් බව නිවේදනය කරන…

මාස 6 ක කාලයක් සඳහා මෙගාවොට් 100 ක් පෞද්ගලික අංශයෙන් විදුලිය මිලදීගැනීමට කොන්දේසි තුනක් යටතේ ලංකා විදුලිබල මණ්ඩලයට අනුමැතිය දුන් බව ශ්‍රී ලංකා මහජන උපයෝගිතා කොමිෂන් සභාව ඊයේ (17) පස්වරුවේ පැවසුවා. ශ්‍රී ලංකා විදුලිබල පනතේ 43 වන වගන්තිය යටතේ මෙම අනුමැතිය දුන් අතර ප්‍රධාන කොන්දේසි 3 ක් යටතේ 2023 අගෝස්තු මස 18 වැනි දින සිට මාස 6 ක කාලයක් සඳහා පමණක් විදුලිය මිලදී ගැනීමට අනුමැතිය දුන් බවත් එම කොමිසම පැවසුවා. කුසලතා පදනම මත අදාල විදුලි මිලදී ගැනීම කළ යුතු අතර විදුලිය මිලදී ගැනීමේ ගිවිසුම් කාලය අවසානයේදී එම මිලදීගැනීම පිළිබද ස්වාධීන විගණනයක් කළ යුතුය, කොත්මලේ පොල්පිටිය විදුලි සම්බන්ධතාව 2024 අගෝස්තු 31…

කේබල් දෙකකට හානි වීම නිසා හැව්ලොක්-වැල්ලවත්ත ප්‍රදේශයේ ස්ථාන කිහිපයකට විදුලිය විසන්ධි විය හැකි බව විදුලි බල මණ්ඩලය පවසනවා. අළුත්වැඩියා අවසන් වනතුරු ජනන යන්ත්‍ර මගින් ඇතැම් ස්ථානවලට විදුලිය ලබා දීමට විදුලි බල මණ්ඩලය කටයුතු කර තිබෙනවා.

ලංකා ප්‍රිමියර් ලීග් ක්‍රිකට් තරගාවලියේ අවසන් වටයේ එළිමිනේටර් තරගය ඊයේ කොළඹ ආර් ප්‍රේමදාස ක්‍රීඩාංගණයේදී පැවැත්වුණා. ඒ B-Love Kandy කණ්ඩායම හා Jaffna Kings කණ්ඩායම අතර. කාසියේ වාසිය ලබාගත් Jaffna Kings පළමුව පන්දුවට පහරදීමට B-Love Kandy ට ආරාධනා කළා. පන්දු වාර 20 අවසානයේ B-Love Kandy කණ්ඩායම කඩුලු 08 ක් දැවී ලකුණු 188 ලබා ගත්තා. දිනේෂ් චන්දිමාල් ලකුණු 41, මොහොමඩ් හැරිස් 79, වනිදු හසරංග ලකුණු 19 යි. පන්දු යැවීමේදි නුවන් තුෂාර කඩුලු 4 ක් ද මහේෂ් තීක්ෂණ හා අසේල ගුණරත්න අතර කඩුලු 02 බැගින් බෙදී ගියා. පිළිතුරු ඉනිම ක්‍රීඩා කිරීමට පිටියට පිවිසි Jaffna Kings කණ්ඩායම පන්දු වාර 17 යි පන්දු 1 දී සියලු…