Author: LANKA24X7

ඉන්දියාවේදී පසුගියදා අවසන් වූ එක්දින ලෝක කුසලාන ක්‍රිකට් තරගාවලියට සහභාගි වූ ශ්‍රී ලංකා ක්‍රිකට් කණ්ඩායමේ විදේශික නිලධාරීන් දෙදෙනෙක් ඉවත්ව ගොස් තිබේ. ශ්‍රී ලංකා කණ්ඩායමේ භෞතචිකිත්සකවරයා ලෙස කටයුතු කළ ක්‍රිස් ක්ලිර්ක් සහ අභ්‍යාසකවරයා ලෙස කටයුතු කළ ග්‍රාන්ට් ලූඩන් යන මහත්වරු මෙසේ සිය තනතුරුවලින් ඉවත්ව ගියහ. ශ්‍රී ලංකා ක්‍රිකට් ආයතනයේ උසස් නිලධාරියකුගෙන් එම ඉවත්ව යෑම පිළිබඳව කළ විමසුමේදී පැවසුවේ කණ්ඩායමේ පුහුණුකරුවන් ඇතුළු කාර්ය මණ්ඩලය පිළිබඳව පසුගිය දිනවල පැවැති විවේචන හේතුවෙන් ඔවුන් ඉවත්ව යන්නට ඇති බවත් කෙසේ වෙත් ඔවුන් පෞද්ගලික හේතූන් මත ඉවත්ව යන බව දැනුම් දුන් බවත්ය.

විපක්ෂය සති දෙකක් හිටපු ක්‍රිඩා ඇමති රොෂාන් රණසිංහ මහතා කඩේ යවා දැන් ඔහු පොදු අපේක්ෂකයා වේයැයි සිතා සජිත් ප්‍රේමදාස කලබලයට පත්ව ඇතැයි නාගරික සංවර්ධන සහ නිවාස අමාත්‍ය ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග මහතා පාර්ලිමේන්තුවේදී ඊයේ (30) පැවසීය. පොහොට්ටුව හොරු සමඟ දේශපාලනය නොකරන බවද අමාත්‍යවරයා කීය. “රට බංකොලොත් කියලා උදේ ඉදන් ජප කරනවා. රට බංකොලොත් කළේ විපක්ෂයයි.පසුගිය සති දෙකම රොෂාන් රණසිංහ ඇමතිතුමා කඩේ ඇරලා නැති කළා. දැන් පොදු අපේක්ෂක වේවි කියලා බයේ සජිත් ප්‍රේමදාස ජනාධිපති අපේක්ෂක කියලා දානවා යනුවෙන් ද අමාත්‍ය ප්‍රසන්න රණතුංග මහතා පැවසීය.

දැන් ඉන්නවා වගේ බොළඳ විපක්ෂ නායකයෙක් ජීවිතේටම දැක නැතැයි පොදු ජන පෙරමුණේ කළුතර දිස්ත්‍රික් මන්ත්‍රී රෝහිත අබේගුණවර්ධන මහතා පාර්ලිමේන්තුවේදී පැවසීය. විපක්ෂ නායකවරයා පාර්ලිමේන්තුවට නොපැමිණි ඊයේ දිනයේදී අය වැය විවාදය නියමිත වේලාවටම පටන් ගන්නට හැකි වූ බව කී අබේවර්ධන මහතා පාර්ලිමේන්තුව පටන් ගත් වෙිලේ සිට කාලය කා දැමීම නිසා පැයක්,එකහමාරක් විවාදය ඇරැඹීමට පරක්කු වන බව කීය. සෞඛ්‍ය අමාත්‍යාංශය අමාත්‍යාංශ වැය ශීර්ෂය දවසේ මුලින්ම පාර්ලිමේන්තුවේ වැළඳී ඇති ඇති ලෙඩේට බෙහෙත් දිය යුතුව ඇතැයි මන්ත්‍රීවරයා පැවසීය.

ඝාතනය කර ඇති බවට සැක අඹුසැමි යුවළකගේ සිරුරු වව්නියාව සෙට්ටකුලම ප්‍රදේශයේ තිබියදී සොයාගෙන ඇත. ඔවුන්ගේ සිරුරු සොයාගෙන ඇත්තේ ඔවුන්ට අයත් වෙළෙඳසැලක් පසුපස පිහිටි කාමරයක තිබියදීය. මෙලෙස ජීවිතක්ෂයට පත්ව ඇති පිරිමි සැමියා 78 හැවිරිදි වියේ පසුව ඇති අතර බිරිඳ 68 හැවිරිදි වියේ පසුව ඇත. ඔවුන්ගේ පුත්‍රයා අද උදෑසන එහි යනවිට මොවුන්ගේ මළසිරුරු දැක ඒ පිළිබඳව පොලීසියට දැනුම්දී තිබේ. මේ වනවිට තොරතුරු අනාවරණය වී ඇත්තේ ඔවුන් සතුව තිබූ පවුම් 5කට ආසන්න රන් භාණ්ඩ ප්‍රමාණයක් අතුරුදන්ව ඇති බවටය. සිද්ධිය සම්බන්ධයෙන් සෙට්ටිකුලම පොලීසිය වැඩිදුර විමර්ශන ආරම්භ කර තිබේ.

වැලිකන්ද, සිංහපුර ප්‍රදේශයේ දී බස් රථයක් මාර්ගයෙන් ඉවතට පැන පෙරළීමෙන් සිදුවු අනතුරකින් පුද්ගලයින් 20දෙනෙකු තුවාල ලබා තිබේ. පොලීසිය පැවසුවේ, වැලිකන්ද සිංහපුර මාර්ගයේ කිලෝ මීටර් 8 කණුව ප්‍රදේශයේ දී බස් රථයේ රියදුරුට එහි වේගය පාලනය කිරීමට නොහැකිවීමෙන් එම අනතුර සිදුව ඇති බවය. අනතුර සිදුවන අවස්ථාවේ බස් රථයේ පුද්ගලයින් 75 දෙනෙකු පමණ ගමන් කර ඇති බව සඳහන්ය. පොලීසිය පැවසුවේ, පෞද්ගලික ආයතනය සේවකයින් ප්‍රවාහනය කළ බස් රථයක් මෙලෙස අනතුරට ලක්ව ඇති බවය. තුවාල ලැබු පුද්ගලයින් වැලිකන්ද ප්‍රාදේශීය රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා පොළොන්නරුව රෝහල වෙත මාරු කර යවා තිබේ.

වැටුප් වැඩි නොකිරීමට විරෝධය පළ කරමින් එළැඹෙන සතියේ සිට වෘත්තීය ක්‍රියාමාර්ගවල නිරත වන බව සමස්ත ලංකා වරාය පොදු සේවක සංගමය පවසයි. සාමුහික ගිවිසුමක් හරහා වරාය සේවකයන්ට වැටුප් වැඩි කිරීම පසුගිය ඔක්තෝබර් 23 වැනි දින රැස් වූ කැබිනට් මණ්ඩලයේ තීරණයකට අනුව අත්හිටුවනු ලැබිණි. ඒ අනුව වරාය සේවකයන්ට වැටුප් වැඩි කිරීමේ ගැටලුවක් මේ වන විට පැන නැගී ඇති අතර, ඒ සම්බන්ධයෙන් ඊයේ (29) දිනයේ දී සමස්ත ලංකා වරාය පොදු සේවක සංගමය සභාපතිවරයා හමු වී සාකච්ඡා සිදු කර ඇත. කෙසේ වෙතත් එම සාකච්ඡා අසාර්ථක වූ බව සමස්ත ලංකා වරාය පොදු සේවක සංගමයේ ප්‍රධාන ලේකම් නිරෝෂන් ගොරකානගේ මහතා සඳහන් කරයි.

දේවගැති ජෙරම් ප්‍රනාන්දු මහතා CIDයට පැමිණ තිබේ. ඒ, ප්‍රකාශයක් ලබා දීම සඳහායි. බෞද්ධාගමට අපහාස වන පරිදි ප්‍රකාශයක් සිදු කළ බවට දේවගැති ජෙරම් ප්‍රනාන්දු හට චෝදනා එල්ල විය. සිංගප්පූරුව වෙත ගොස් සිටි ජෙරම් ප්‍රනාන්දු ඊයේ (29) දිවයිනට පැමිණියේය.

ගිනිකොන බෙංගාල බොක්ක මුහුදු ප්‍රදේශය ආශ්‍රිතව පවතින කැලඹිලි ස්භාවය නිසා දිවයිනේ වැස් තත්ත්වය වර්ධනය වීමක් බලා පොරොත්තුවන බව කාලගුණ විද්‍යා දෙපාර්තමේන්තුව කියයි. උතුරු,උතුරු මැද නැගෙනහිර පළාත්වල විටින් විට වැසි හෝ ගිගුරුම් සහති වැසි ඇතිවේ. දිවයිනේ සෙසු ප්‍රදේශවලට පස්වරු 1.00 පසු වැසි ඇති වන අතර උතුරු,නැගෙනහිර, මධ්‍යම සහ ඌව පළාත්වල ඇතැම් ස්ථානවල මිලි මීටර් 100ක පමණ තද වැසි ඇති විය හැකිය.

ස්වයංක්‍රීය ගිනිඅවියකින් පොලිස් නිලධාරීන්ට වෙඩි තැබීමට තැත් කළ පුද්ගලයකු බොරලැස්ගමුව බෝධිරාජපුර ප්‍රදේශයේ දී ජීව උණ්ඩ තුනක් ද සමගින් ඊයේ (29) රාත්‍රි අත් අඩංගුවට ගත් බව බොරලැස්ගමුව පොලිසිය පවසයි. බොරලස්ගමුව පොලිසියේ අපරාධ අංශයේ ස්ථානාධිපති පොලිස් පරීක්ෂක දල්පදාතු ඇතුළු කණ්ඩායමක් අපරාධ නිවාරණ රාජකාරියේ යෙදී සිටියදී පොලිසිය දැක පලා යාමට තැත් කළ පුද්ගලයෙකු පරික්ෂා කිරීමට සැරසුණු අවස්ථාවේදී සැකකරු සතුව තිබූ මෙම ගිනි අවිය පොලිස් නිලධාරීන් දෙසට එල්ල කර ඇති බවත් එම අවස්ථාවේදී දැඩි පරිශ්‍රමයක් දරා පොලිස් නිලධාරීන් නිලධාරීන් විසින් සැකකරු අත්අඩංගුවට ගෙන ඇති බවත් පොලිසිය පවසයි. එම ස්වයංක්‍රීය ගිණි අවිය සමග ජීව උණ්ඩ තුනක් ද සොයා ගැනීමට හැකිව ඇත. අත්අඩංගුවට ගත් සැකකරු තවදුරටත්…

කැළණිය වාසල දී තියුණු ආයුධ ප්‍රහාරයකට ලක් වූ දක්ෂ මැරතන් ක්‍රීඩකයකු ඝාතනය කර ඇතැයි පෑලියගොඩ පොලිසිය කියයි. මෙලෙස ඝාතනයට ලක්ව ඇත්තේ එම ප්‍රදේශයේම පදිංචිව සිටි මැරතන් ධාවකයකු වු රණසිංහ සරත් නැමති 59 හැවිරිදි පුද්ගලයෙකි. ප්‍රදේශයේම දෙපාර්ශවයක් අතර කලක පටන් පැවැති කෝන්තරයක් මෙම ඝාතනයට හේතු වී ඇතැයි පොලිසිය සඳහන් කරයි. තියුණු ආයුද ප්‍රහාරයට ලක්ව සිටියදී කොළඹ ජාතික රෝහලට රැගෙන ගොස් ඇති අතර ඒ වන විටත් ඔහු මියගොස් ඇතැයි වෛද්‍යවරු පවසති.