Author: LANKA24X7

යුධ හමුදා බුද්ධි අංශ නිලධාරීන්ට ලද තොරතුරකට අනුව රුපියල් මිලියන තිස්තුනක වටිනාකමින් යුත් තල්මස් වමනය හෙවත් ඇම්බර් 6 kg සමඟ වයස අවුරුදු 46 ක පුද්ගලයෙකු හොරණ ප්‍රදේශයේදී අද (12) දින මිරිහාන විශේෂ විමර්ෂණ නිලධාරීන් විසින් අත්අඩංගුවට ගෙන ඇති බවට වාර්තාවේ. මේ සම්බන්ධයෙන් හොරණ පොලීසිය විසින් වැඩිදුර පරීක්ෂණ සිදු කරන අතර, ඇම්බර් සඳහා විශාල ඉල්ලුමක් පවතින්නේ ලොව මිල අධිකතම සුවඳ විලවුන් සහ ඖෂධ නිෂ්පාදනයට එය භාවිත කිරීම හේතුවෙන් බවටද වාර්තාවේ.

අබිරහස් ලෙස අතුරුදහන් වූ ත්‍රිරෝද රථ රියදුරෙකු සොයා පානදුර බදුවිල වෙල්යායේ විශේෂ සෝදිසි මෙහෙයුමක් ක්‍රියාත්මක කර තිබේ. මීට දින 40කට පෙර නාඳුනන කාන්තාවක් සමඟින් කුලී ගමනක් යාමෙන් අනතුරුව මෙම ත්‍රිරෝද රථ රියදුරු අතුරුදහන්ව ඇත. මහා පරිමාණ මත්ද්‍රව්‍ය ජාවාරම්කරුවකු මෙන්ම සංවිධානාත්මක අපරාධකරුවකු වන පානදුර සලිඳු නමැත්තා විදේශගතව සිටියදී, ඔහුට අයත් යම් දෙයක් සොරකම් කිරීමේ සිද්ධියකට මෙම ත්‍රිරෝද රථ රියදුරු සහ වඳුරාමුල්ල ප්‍රදේශයේ තවත් පුද්ගලයකු පැහැරගෙන පහරදීමේ සිද්ධියක්ද 2021 වසරේදී වාර්තා වූ බව පොලිසිය පවසයි. එහිදී අනෙක් පුද්ගලයා ජීවිතක්ෂයට පත්ව ඇති අතර, එම ඝාතනය ඇසින් දුටු එකම සාක්ෂිය මෙම අතුරුදහන් ත්‍රිරෝද රථ රියැදුරා බව විමර්ශනවලදී අනාවරණ වී තිබේ.

සිය නිවසේ සිට යතුරු පැදියෙන් රාජකාරියට යමින් සිටි පොලිස් සැරයන්වරයෙකු මිහින්තලේ, ත්‍රිකුණාමලය මාර්ගයේ මහකනදරාව වැව ආසන්නයේදි මාර්ගය හරහා ගමන් ගනිමින් සිටි වන අලියෙකුගේ ගැටි බරපතල තුවාල ලැබිමෙන් පසු අද (12) රෝහල් ගත කළ බව මිහින්තලය පොලිසිය කියයි. මෙසේ රෝහල් ගත කොට ඇත්තේ අනුරාධපුර,උඩමළුව පොලිසියට අනුයුක්තව සේවය කරන එස්.කරුණාරත්න(54)නැමති සැරයන් වරයෙකි. මෙම පොලිස් සැරයන්වරයා සිප්පුකුලම, පනාවැව පිහිටි සිය නිවසේ සිට අද (12) පෙරවරැවේදි සිය සේවා ස්ථානයට යමින් සිටියදි මහකනදරාව වැව ආසන්නයේදි මාර්ගය හරහා ගමන් ගනිමින් සිටි වන අලියෙකුගේ ගැටි බරපතල තුවාල ලබා තිබේ.

රට පුරා සියලුම ඡන්ද ගණන් කිරීමේ මධ්‍යස්ථානවල ආරක්ෂාවට පොලිසියට අමතරව පොලිස් විශේෂ කාර්ය බලකායේ නිලධාරීන් යෙදවීමට තීරණය කර ඇතැයි පොලිස් මූලස්ථාන ආරංචි මාර්ග සඳහන් කළේය. මේ අතර ජනාධිපතිවරණ ඡන්ද විමසීම පැවැත්වෙන ලබන 21 සහ ඊට පසු දින මැතිවරණ මහ ලේකම් කාර්යාලයේ ආරක්ෂාව සඳහා ඒ අවට කලාපය අධි ආරක්ෂක කලාපයක් කිරීමටද තීරණය කර ඇතැයි එම ආරංචි මාර්ග පවසයි. ඡන්දය විමසීමට පසු දින සියලුම අපේක්ෂකයන් මැතිවරණ මහලේකම් කාර්යාලයට කැඳවෙන හෙයින් මෙම විශේෂ ආරක්ෂක වැඩපිළිවෙළ ක්‍රියාත්මක කෙරෙන බව පොලිස් මූලස්ථානය පවසයි පවසයි. ඡන්දය ගණන් කිරීමේ මධ්‍යස්ථානවල ආරක්ෂාව සඳහා සිවිල් ආරක්ෂක නිලධාරීන්ද යෙදවෙන අතර අවශ්‍ය වුවහොත් ත්‍රිවිධ හමුදා නිලධාරින්ද කැඳවීමට පියවර ගන්නා බව මැතිවරණ…

කූඨ ලෙස සකස් කළ එක්සත් අරාබි එමීර් රාජ්‍යයේ ගමන් බලපත්‍ර භාවිතා කර ඉතාලියේ රෝම නුවරට පැන යාමට තැත් කළ සිරියානු ජාතික පවුල් දෙකකට අයත් සාමාජිකයන් 07 දෙනෙකු අද(12) කටුනායක ගුවන් තොටුපොළ ආගමන විගමන දෙපාර්තමේන්තු නිලධාරීන් විසින් අත් අඩංගුවට ගෙන තිබේ . මොවුන් සිරියාවේ වාසය කළ වැඩිහිටියන් තිදෙනකු සහ කුඩා දරුවන් සිව් දෙනෙකුගෙන් සමන්විත පවුල් දෙකකි. ඔවුන් තම ගුවන් සේවා නිශ්කාශන කටයුතු නිමා කර ගුවන් තොටුපොළ විගමන කවුළු වෙත පැමිණ තිබූ අතර , එහිදී සේවය කළ ආගමන විගමන නිලධාරීන්ට ඇති වූ සැකය මත , මොවුන් , ඉදිරිපත් කළ ලියකියවිලි ද සමග දේශසීමා ආවේක්ෂණ ඒකකය වෙත යොමු කිරීමට පියවර ගෙන තිබුණි .ො…

විදේශීය රටක සිට ක්‍රියාත්මක වන යූටියුබ් නාලිකාවක් මගින් මෙරට බුද්ධි යාන්ත්‍රණයට සහ ජාතික ආරක්ෂාවට බලවත් තර්ජනයක් එල්ල වී ඇති බව සඳහන් කරමින් යුද හමුදා බුද්ධි අධ්‍යක්ෂවරයා ඊයේ (11) රහස් පොලිසියට පැමිණිල්ලක් කර ඇත. මෙම යූටියුබ් නාලිකාව මගින් ප්‍රවෘත්ති නිර්මාණය කර විකාශය කිරීම නිසා රටේ ජාතික ආරක්ෂාවට සහ බුද්ධි යාන්ත්‍රණයට තර්ජනයක් එල්ලවී ඇති බවට බුද්ධි අධ්‍යක්ෂවරයා කළ එම පැමිණිල්ලේ සඳහන් වන්නේ යැයි කියති. ශ්‍රී ලංකා පොලිසිය දේශපාපාලනයෙන් මුදා ගැනීමේ ජාත්‍යන්තර සංවිධානය යනුවෙන් හැඳින්වෙන යුටියුබ් නාලිකාව විසින් මෙවැන්නක් සිදුකර ඇතැයි ද එම පැමිණිල්ලේ වැඩිදුරටත් සඳහන් වන බව රහස් පොලිස් ආරංචි ශාර්ග සඳහන් කරයි.

ගල්කිස්ස , බොරුපන ප්‍රදේශයේ නිවසක ඇති වු කළබලයකින් පියාගේ පහරකෑ පුතා මියගොස් ඇතැයි පොලීසිය කියයි. මියගොස් ඇත්තේ අවුරුදු 26ක් වූ බොරුපන, රත්මලාන ප්‍රදේශයේ පදිංචිකරුවෙකි. පවුල් ආරවුලක් දුරදිග යාමෙන් ස්වාමිපුරුෂයා විසින් බිරිඳට හා පුත්‍රයාට තියුණු ආයුධයකින් පහරදීම හේතුවෙන් මෙම ඝාතනය සිදුව ඇති බවට තොරතුරු අනාවරණය වී ඇතැයි පොලීසිය පවසයි. පහරදීමෙන් තුවාල ලැබූ කාන්තාව කළුබෝවිල රෝහලට ඇතුළත් කර කර තිබේ. ඝාතනය සිදුකළ සැකකරු ප්‍රදේශයෙන් පළාගොස් ඇති අතර සැකකරු අත්අඩංගුවට ගැනීම සඳහා පරීක්ෂණ පවත්වන බව ගල්කිස්ස පොලීසිය කියයි.

බස්නාහිර, සබරගමුව සහ වයඹ පළාත්වලත් මහනුවර,නුවරඑළිය, ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි. ඌව පළාතෙත් අම්පාර සහ මඩකලපුව දිස්ත්‍රික්කවලත් සවස් කාලයේ හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති වේ. ගිගුරුම් සහිත වැසි සමග තාවකාලික තද සුළං ද ඇති වේ

තඹුත්තේගම මූලස්ථාන පොලිස් ස්ථානාධිපතිවරයා ලෙස රාජකාරි කළ ප්‍රධාන පොලිස් පරීක්ෂකවරයා දින තුනක පමණ සිට ආගිය අතක් නොමැති බව මූලස්ථාන පොලිස් ආරංචි මාර්ග සඳහන් කරයි. තවදුරටත් රාජකාරී කිරීම අපහසු බවට පොලිස් පොතේ සටහනක් යොදා ඔහු පොලිස් ස්ථානයෙන් පිටව ගොස් ඇති බව උසස් පොලිස් නිලධාරියෙක් පැවැසීය. පොලිස් පොතේ සටහනක් යොදා පිටව ගොස් ඇතත් ඔහු සොයා ගැනීමට අවශ්‍යව ඇතැයි පොලිස් ආරංචි මාර්ග පවසයි. ඔහු ඉන්නා තැනක් ගැන තොරතුරු අනාවරණය කර ගැනීම සඳහා පොලිස් බුද්ධි අංශ නිලධාරීන් ද යොදවා සිටින බව පොලිස් ආරංචි මාර්ගවලින් දැන ගැනීමට ඇත. මෙම ප්‍රධාන පොලිස් පරීක්ෂකවරයා ගැන කිසිදු තොරතුරක් ඊයේ වනතුරු ද දැනගැනීමට ලැබී නොමැති බව පොලිස් මාර්ග සඳහන්…

මිනුවන්ගොඩ නගරයේ රූපලාවණ්‍යගාරයක දී කාන්තාවකට විස සහිත ආලේපන ගැල්වීමේ සිද්ධියත් සමග පාරිභෝගික සේවා අධිකාරියේ ගම්පහ දිස්ත්‍රික් විමර්ශන ඒකකය මගින් ඊයේ (11) මිනුවන්ගොඩ නගරයේ සිදු කළ වැටලීම්වලදී කල් ඉකුත් වු ආලේපන , ආනයනික විස්තර අඩංගු නොවන අලෙවිය සහ භාවිතය තහනම් කළ ආලේපන සොයා ගත් බව එම ඒකකය සදහන් කරයි. මෙහිදී අධික මිල ගණන් යටතේ විකීණීම සිදු කළ සහ නිෂ්පාදකයකුගේ හෝ ආනයන කරුවකු නොමැති තහනම් ආලේපන විකීනීම් සිදු කළ වෙළෙඳුන් 14 දෙනකු අත්අඩංගුවට ගෙන බැදුම්කර මත මුදා හැරීමට කටයුතු යොදා ඇත. මෙම තහනම් ආලේපන භාවිතා කරමින් රූපලාවණ්‍ය කටයුතු කිරීම සිදු කළ සැලූන් පරීක්ෂා කිරීම සිදු කර ඒවායේ හිමි කරුවන් සහ සේවකයන් අත්…