Author: LANKA24X7

පාර්ලිමේන්තුවේ විපක්‍ෂය නියෝජනය කරනු ලබන සියලු පක්‍ෂ සහ මන්ත්‍රීවරුන් පූර්ණ එකඟතාවයකින් යුතුව ඉදිරි කටයුතු කරගෙන යෑමට සාකච්ඡා පවත්වා ඇත. ඒ අනුව විපක්‍ෂයේ ප්‍රධාන සංවිධායක ගයන්ත කරුණාතිලක මහතා සහ විපක්‍ෂ නායක ලේකම්වරයා විසින් අදාළ සාකච්ඡා පැවැත්වීම ආරම්භ කර තිබිණි. ඉන් අනතුරුව විපක්‍ෂ මන්ත්‍රීවරුන්, විපක්‍ෂ නායක සජිත් ප්‍රේමදාස මහතා සමග ද සාකච්ඡා පැවැත්වූ බව විපක්‍ෂයේ ප්‍රධාන සංවිධායක ගයන්ත කරුණාතිලක මහතා ‘දිවයින ඉරිදා සංග්‍රහය’ට කීය. ඉදිරියේදී පාර්ලිමේන්තු කාරක සභාවන්හි විපක්‍ෂ සහභාගිත්වය වැඩිකර ගැනීම සම්බන්ධයෙන් ද විපක්‍ෂය කථානායක අශෝක රංවල මහතා සමග ද සාකච්ඡා පවත්වා ඇත.

ආපදා කළමනාකරණ මධ්‍යස්ථානය විසින් ඉකුත් වසර දහතුනක කාලයේ දී (2011 වසරේ සිට 2023) ආපදා අවම කිරීමේ ව්‍යාපෘති සඳහා රුපියල් තුන්සිය විසිහතර කෝටි හැත්තෑ හත්ලක්ෂ හැට එක්දහස් පන්සිය පනස් නමයක (3,247,761,559) වියදමක් දරා ඇතත් එකී ව්‍යාපෘතිවලින් ලබා ගෙන ඇත්තේ ඉතා අල්ප ප්‍රතිඵලයක් බැව් ජාතික විගණන කාර්යාලය මගින් නිකුත් කර ඇති විගණන වාර්තාවක සඳහන් වෙයි. ගංවතුර, නායයෑම්, දැඩි සුළං තත්ත්ව හේතුවෙන් ඉකුත් වසර දෙකේ දී (2022, 2023) පුද්ගලයෝ දෙලක්ෂ තිස්පන්දහස් තුන්සිය විසිනවදෙනෙක් (235,389) පීඩාවට ලක්වූහ. ආපදා අවම කිරීමේ ව්‍යාපෘතිවලින් අපේක්ෂිත ප්‍රතිඵල ළඟාකරගත යුතු බැව් විගණනය මගින් නිර්දේශ කර ඇත. මේ පිළිබඳ ආපදා කළමනාකරණ මධ්‍යස්ථානයේ කළමනාකාරීත්වය විසින් විගණනයට සඳහන් කර ඇත්තේ ඉකුත් වසර…

සහල් වර්ග 04කට ජනවාරි සිට දැඩි ලෙස පාලන මිල ක්‍රියාත්මකළ යුතු බව ජාතික සහල් කර්මාන්ත සම්මේලනයේ අනුශාසක අරුණකාන්ත බණ්ඩාර මහතා පවසයි. මාධ්‍ය වෙත අදහස් දක්වමින් ඔහු සහල් මාෆියාව සිදුවන ආකාරය විස්තර කළේය. “අවුරුදු දෙක තුනකට සැරයක් ප්‍රධාන සහල් මෝල් හිමියන් කීරි සම්බා මිල ඉහළ දානවා. කීරි සම්බා මිල ඉහළ දාපු ගමන් ඊළඟ කන්නයේදී ගොවියෝ එ්ක වගා කරන්න පෙළබෙනවා වගාකරන්න පෙළබුණාම කීරි සම්බා මිල අඩුවෙනවා. අඩු වුණාම මෝල් හිමියන් ගබඩාවල පුරවාගන්නවා. එහෙම පුරවාගෙන ඒක ඉතා ඉහළ මිලකට විකුණනවා. ඒක සිදුවෙන්නේ මේ ප්‍රධාන මෝල් හිමියන් නිලධාරීන්ගේ සහායෙන් තත්ත්වයේ සමබරතාවය බිඳිනවා. ඉතින් මේ තත්ත්වෙදි නාඩු හාල්වල හිඟයක් ඇති වෙනවා. ඒ නිසා ස්ථිර වශයෙන්ම…

පෞද්ගලික ආයතනයක අධ්‍යක්ෂකවරයෙකු වශයෙන් කටයුතු කළ වෛද්‍යවරයෙක් රුපියල් මිලියන පනස් පහක මුදලක් වංචා කිරීමේ සිද්ධියක් සම්බන්ධයෙන් අපරාධ පරීක්‍ෂණ දෙපාර්තමේන්තුව විසින් අත්අඩංගුවට ගනුලැබීය. මෙසේ අත්අඩංගුවට ගෙන ඇත්තේ ගෝනහේන, වෑබඩ ප්‍රදේශයේ පදිංචි අවුරුදු 52 වන වෛද්‍යවරයෙකි. අපරාධ පරීක්ෂණ දෙපාර්තමේන්තුවේ මහජන පැමිණිලි අංශයට ලද පැමිණිල්ලකට අනුව සැකකරු අත්අඩංගුවට ගනු ලැබීය. අත්අඩංගුවට ගත් සැකකරු අධිකරණයට ඉදිරිපත් කිරීමට නියමිතව තිබුණි. අපරාධ පරීක්ෂණ දෙපාර්තමේන්තුව වැඩිදුර විමර්ශන සිදු කරයි.

ආණ්ඩුව සහ කාන්තා හා ළමා කටයුතු අමාත්‍යාංශයත් මැදිහත්ව කාන්තාවන්ට එරෙහි ප්‍රචණ්ඩත්වය පිටු දැකීමට අවශ්‍ය සියලු පියවර ගන්නා බව කාන්තා හා ළමා කටයුතු පිළිබඳ අමාත්‍ය සරෝජා සාවිත්‍රි පෝල්රාජ් මහත්මිය පැවසුවාය. පාර්ලිමේතුවේ කාන්තා සංසඳයේ පළමු මාධ්‍ය හමුව අමතමින් අමාත්‍ය සරෝජා සාවිත්‍රි පෝල්රාජ් මහත්මිය ඊයේ (6) එසේ සඳහන් කළාය.

වෘත්තීය සමිති මර්දනය කිරීම හෝ වෘත්තීය අයිවාසිකම් කප්පාදු කිරීම නව රජයේ ප්‍රතිපත්තිය නොවන බව සෞඛ්‍ය හා ජනමාධය අමාත්‍ය වෛද්‍ය නලින්ද ජයතිස්ස මහතා කොළඹදී පැවසීය. සියලු වෘත්තීන් වල වෘත්තීමය ගරුත්තවය ආරක්ෂා කරමින් හැකි අයුරින් වෘත්තීය සමිතිවල සාධාරණ ඉල්ලීම් ඉටු කිරීමට තම රජය කැපවන බවත් අමාත්‍යවරයා සඳහන් කළේය. සෞඛ්‍ය සේවාවේ වෘත්තීය සමිති සමග කොළඹදී පැවති සාකච්ඡාවකදී ඔහු මේ බව පැවසීය. ගුණාත්තමක, ප්‍රශස්ත සෞඛ්‍ය සේවාවක් මෙරට ජනතාවට ලබා දීම සදහා වත්තමන් රජය ගෙන යනු ලබන නව වැඩපිළිවලට සහාය දෙන්නැයි අමාත්‍යවරයා එහිදී වෘත්තීය සමිති වලින් ඉල්ලීමක් ද කළේය.

ගම්පහ , මාකෙවිට ප්‍රදේශයේ පදිංචි සිටින පවුලක මත් ලෝලියෙකු වන පියා විසින් මුදල් ලබා ගැනීම පිනිස දියණියට පහරදී මියගිය පසුව ගෙවත්තේ වැසිකිළි වලට දමා ඇති බව ගම්පහ මූලස්ථාන පොලීසිය සදහන් කරයි. ඝාතනයට ලක්ව ඇත්තේ හිමාෂා සඳරුවනි නමැති 14 හැවිරිදි දැරිවියක් බව පොලීසිය පවසයි. මාකෙවිට ප්‍රදේශයේ නිවසක් ඉදිකරනු ලබන පෙදරේරුවෙකු , ඉදිකරනු ලබන එම නිවසෙහි සිය බිරිඳ සහ දියණිය සමග වාසය කොට ඇති අතර දැරියගේ මව ඇගළුම් කම්හලක සේවය බවත් සැමියා විසින් මත් ද්‍රව්‍ය ගැනීම සඳහා ඇයගේ රන් මාලය උකස් කිරීම මත එය බේරා ගැනීමට මව, දියණියට ලබාදී ඇති මුදල් ඉල්ලා පහරදීමේදී දැරිය වැටී මියගොස් ඇති බව අනාවරණය වූ බවත් පොලීසිය…

නැගෙනහිර ප්‍රදේශයේ පවතින තරංගාකාර කැළඹිලි ස්වභාවය හේතුවෙන් ඉදිරි දිනවලදී දිවයින පුරා කාලගුණට යම් බලපෑමක් ඇති කිරීමේ හැකියාව පවතින බව කාලගුන විද්‍යා දෙපාර්තමේන්තුව පවසයි. මේ නිසා ලබන අඟහරුවා දා දින සිට උතුරු සහ නැගෙනහිර පළාත්වල වැසි තත්ත්වයේ වැඩි වීමක් අපේක්ෂා කරන බව ද කාලගුණ විද්‍යා දෙපාර්තමේන්තුව දැනුම් දෙයි. මෙම තරංගකාරී තත්වය නිසා දිවයින හරහා ඊසානදිග මෝසම් තත්ත්වයද ක්‍රමයෙන් ස්ථාපිත වන ඇති බව ද කාලගුන විද්‍යා දෙපාර්තමේන්තුව බලාපොරොත්තු ව බස්නාහිර, සබරගමුව සහ දකුණු පළාත්වලත් නුවරඑළිය සහ මහනුවර දිස්ත්‍රික්කවලත් සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇති විය හැකියි. සෙසු ප්‍රදේශවලට වැසි රහිත කාලගුණ තත්ත්වයක් පවතී.

දොඩංගොඩ නෑහින්න ප්‍රදේශයේ යතුරුපැදියක් මාර ගසක ගැටී දෙදෙනකු මියගොස් ඇති බව දොඩංගොඩ පොලිසිය පවසයි . මෙසේ මියගොස් ඇත්තේ නෑහින්න ප්‍රදේශයේ පදිංචිව සිටී අසංක සුජිත් අනුර කුමාර සහ සුබ්‍රමනියම් පද්මරාජා නමැති පුද්ගලයන් දෙදෙනකු බව පොලිසිය කීය. මෘතදේහය දෙක විල්පාත ප්‍රාදේශීය රෝහලේ සහ කළුතර නාගොඩ ශීක්ෂණ රෝහලේ තැන්පත් කර තිබේ. දොඩංගොඩ නෑහින්න කැටගහේන ප්‍රදේශයේ දී බෑවුම් මාර්ගයක් සහිත ප්‍රදේශයේ දී අනතුර සිදුව ඇති බව පොලිසිය සදහන් කරයි. දොඩංගොඩ පොලිසිය පරීක්ෂණ පවත්වති .

පසුගිය රජය සමයේදී හිතුමතේ පත් කර ඇතැයි කියන පාර්ලිමේන්තුවේ කමිටු රැසක් අහෝසි කිරීමට හෝ වෙනස් කිරීමට පාර්ලිමේන්තු කටයුතු පිළිබඳ කාරක සභාව තීරණය කර ඇත. මෙලෙස හිතුමතේ ප්‍රදර්ශනාත්මක අරමුණින් කමිටු පත් කිරීම හේතුවෙන් විශාල මුදලක් නාස්තිවී ඇතැයි රජයට පෙනී යාමෙන් පසු මෙම තීරණය ගෙන ඇති බව පැවසේ. පාර්ලිමේන්තු කමිටු විධිමත් ලෙස පත්කිරීම සම්බන්ධයෙන් කරුණු සමාලෝචනය කර ඊට අදාළ යෝජනා ජනවාරි 31 වැනිදාට පෙර ඉදිරිපත් කරන ලෙස පාර්ලිමේන්තු කටයුතු පිළිබඳ කාරක සභාව අදාළ නිලධාරීන්ට දැනටමත් නියෝග කර ඇත. මේ අනුව විශේෂයෙන්ම ආංශික අධීක්ෂණ කාරක සභා සහ පාර්ලිමේන්තු සංසද පිහිටුවීමේ ක්‍රමවේදය ඉතා කඩිනමින් වෙනස් කෙරෙනු ඇතැයි දැනගන්නට ඇත. එකම සහ සමාන විෂයන් වෙනුවෙන්…