Author: LANKA24X7

සියලුම සිපෙට්කෝ ඉන්ධනහල් හිමිකරුවන්ගේ විශේෂ හමුවක් අද (22) පැවැත්වීමට නියමිතව තිබේ. මෙම හමුව කොළඹ පදනම් ආයතනයේදී අද පෙරවරු 9ට ආරම්භවීමට නියමිත අතර ඒ සඳහා සියලුම ඉන්ධන හල් හිමිකරුවන්ට ආරාධනා කර ඇති බව වාර්තා වෙයි. ඉන්ධන පිරවුම්හල්වලට දැනට හිමිවන කොමිස් මුදලින් සියයට 35ක් නඩත්තු ගාස්තු ලෙස සංස්ථාව යළි අය කරගැනීමට සුදානම්වීම හේතුවෙන් සිපෙට්කෝ ඉන්ධන හල් වැසීයාමේ අවදානමක් මතුවී ඇති බව ඉන්ධන බෙදුම්කරුවන්ගේ සංගමය පෙන්වාදෙයි. මේ සම්බන්ධයෙන් අද දිනයේ දී දීර්ඝ වශයෙන් සාකච්ඡා කිරීමට සැලසුම්කර ඇති බව ඛණිජ තෙල් බෙදුම්කරුවන්ගේ සම ලේකම් කපිල නාඔටුන්න මහතා ප්‍රකාශ කළේව.

පන්නල ඇලබඩගම ප්‍රදේශයේදී නීතිවීරෝධී ව්‍යාජ ගමන් බලපත්‍ර, වීසා බලපත්‍ර ඇතුළු ලේඛන මහා පරිමාණයෙන් මුද්‍රණය කළ ස්ථානයක් පවත්වාගෙන ගිය පුද්ගලයින් දෙදෙනෙකු අත්අඩංගුවට ගෙන තිබේ. පොලිස් විශේෂ කාර්ය බළකා මුලස්ථාන කඳවුරේ නිලධාරීන්ට ලද තොරතුරක් මත සිදුකළ වැටලීමකදී එම සැකකරුවන් අත්අඩංගුවට ගෙන ඇති බව පොලිස් මූලස්ථානය පැවසීය. ඔවුන් දීර්ඝ කාලයක සිට මහා පරිමාණයෙන් මෙම ජාවාරම සිදුකර ඇති බවට අනාවරණයවී ඇති අතර සැකකරුවන් සතුව තිබි ලැප්ටොප් පරිගණක යන්ත්‍ර 03ක්, ප්‍රින්ටර් යන්ත්‍ර 08ක්, විවිධ පුද්ගලයින්ට අයත් විදෙස් ගමන් බලපත්‍ර 24ක්, නිල මුද්‍රා ඇතුළු ලිපිලේඛන රැසක් පොලිස් භාරයට ගෙන තිබේ. අවුරුදු 22ත් 23ත් අතර වයස්වල පසුවන සැකකරුවන් වැඩිදුර විමර්ශන කටයුතු සඳහා අපරාධ පරීක්ෂණ දෙපාර්තමේන්තුවේ තැනැත්තන් වෙළෙඳාම,…

සංචාරක රාජ්‍ය ඇමතිනී ඩයනා ගමගේ මහත්මිය ඉන්දීය චිත්‍රපටියක මෙහෙණින් වහන්සේ නමක ලෙස රඟපෑමට තෝරාගෙන සිටින්නීය. ඒ අනුව එම චරිතය රඟපෑමට කැමැත්ත පළකර ඇති ගමගේ මහත්මිය ඒ සඳහා ඊයේ (21) හිස මුඩු කරන බව ආරංචි මාර්ග සඳහන් කළේය. ඩයනා ගමගේ මහත්මිය මෙසේ තෝරාගෙන ඇත්තේ ඉන්දියාවේ ප්‍රවීණ චිත්‍රපට අධ්‍යක්ෂවරයකු විසින් ශ්‍රී ලංකා ඉන්දියා මිත්‍ර සම්බන්ධතා උදෙසා නිර්මාණය කරනු ලබන බෞද්ධ තේමාවක් රැගත් සම්භාව්‍ය සිනමා කෘතියක ප්‍රධාන චරිතයක් වන මෙහෙණින් වහන්සේ නමකගේ චරිතයකට පන පෙවීමටය. ඉන්දීය චිත්‍රපටි අධ්‍යක්ෂවරයා සිය චිත්‍රපටයේ රඟපෑම සඳහා කළ ආරාධනය ඩයනා ගමගේ මහත්මිය ඉතා කැමැත්තෙන් බාරගෙන ඇතැයිද දැනගන්නට ඇත.

මත්කුඩු සම්බන්දයෙන් වූ මුදල් ආරවුලක් හේතුවෙන් නිවසක රඳවා දැත් දෙපා ගැටගසා පුද්ගලයකුට තියුණු ආයුධවලින් පහර දුන් සංවිධානාත්මක කල්ලික සාමාජිකයන් හත් දෙනකු කඩු තුනක් ඇතුළු ආයුධ සමග අත්අඩංගුවට ගත්බව කලුතර කොට්ඨාස දූෂණ මර්දන අංශය පවසයි . මෙසේ අත්අඩංගුවට ගෙන ඇත්තේ කළුතර , කලමුල්ල සහ ලාගෝස්වත්ත ප්‍රදේශයේ පදිංචි 18, 20, 25, 27 සහ 28 වියැති පුද්ගලයන් පිරිසක් බව පොලිසිය කීය. කළුතර, ලාගෝස්වත්ත ප්‍රදේශයේ වැටලීමක් සිදුකරන අතරතුර එකී නිවස වටලන විට නිවසේ සිටි පුද්ගලයින් කිහිප දෙනෙකු දිවගොස් ඇති බවත් , ඔවුන් ලුහුබැඳ අත්අඩංගුවට ගෙන නිවස පරීක්ෂා කිරීමේදී දැත් දෙපා ගැටගසා ඉතා අමානුෂික ලෙස තියුණු ආයුධ සහ වෙනත් ක්‍රම මගින් විවිධ උපකරණ යොදාගෙන පහර…

ජනාධිපති රනිල් වික්‍රමසිංහ මහතා සහ උතුරු නැගෙනහිර නියෝජනය කරන ද්‍රවිඩ පාර්ලිමේන්තු මන්ත්‍රීවරුන් අතර හමුවක් ජනාධිපති කාර්යාලයේදී ඊයේ (21) පස්වරුවේ පැවැත්විණි. උතුරු හා නැගෙනහිර පළාතේ ජනතාවගේ ඉඩම් අයිතිය ලබාදීම, නැවත පදිංචි කිරීම් කටයුතු හා සංහිඳියාවට අදාළ නීති ක්‍රියාත්මක කිරීම, ඉන්දියාවේ සරණාගත කඳවුරුවල සිටින ශ්‍රී ලාංකිකයන්ගේ ගැටළු මෙන්ම උතුරු නැගෙනහිර පළාත්වල දිස්ත්‍රික් සංවර්ධනයට අදාළ කරුණු රැසක් පිළිබඳ මෙහිදී අවධානය යොමු විය. උතුරු හා නැගෙනහිර පළාත් නියෝජනය කරන පාර්ලිමේන්තු මන්ත්‍රීවරුන් වන ආර්. සම්බන්ධන්, එස්. රාසමාණික්‍යම්, ජී. කරුණාකරන්, ටී. කලෙයි අරසන්, කුලසිංහම් දිලීපන් යන මහත්වරු මීට එක්ව සිටියහ.

අගුණකොලපැලැස්ස බන්ධනාගාරයට ඈෂ් මත්ද්‍රව්‍ය ජංගම, දුරකථනයක්, සිගරට් සහ බීඩි රැගෙන යාමට තැත්කළ බන්ධනාගාර නිළධාරින් දෙදෙනකු පොලිසිය ,පොලිස් විශේෂ කාර්ය බලකාය සහ යුද හමුදාව එක්ව සිදුකළ පරීක්ෂාවකදී සැකපිට අත් අඩංගුවට ගත් බව පොලිසිය පවසයි . අගුණකොලපැලැස්ස බන්ධනාගාරයේ සේවය කරන නිළධාරින් බන්ධනාගාරයට යාමට පෙර බන්ධනාගාරය ඉදිරිපිටදී සිදුකළ පරීක්ෂාවකදී මෙම නිළධාරින් දෙදෙනා අත් අඩංගුවට ගෙන තිබේ . අත් අඩංගුවට ගත් නිළධාරින් දෙදෙනා ගෙන් එක් අයකු වූ බන්ධනාගාර වෘත්තිය උපදේශකවරයා සතුව තිබී ඈෂ් මත්ද්‍රව්‍ය මිලිග්රැම් 110 ක්, බීඩි 02 ක් සහ සිගරට් 01ක් සොයාගත් බව පොලිසිය පවසයි .

ලංකා සතොස කිලෝවක් රුපියල් 275 කට අලෙවි කළ සුදු සීනි කිලෝවක මිල රුපියල් 20 කින් වැඩි කරමින් සුදු සීනි කිලෝවක් රුපියල් 295 කට අලෙවි කරන බවට පාරිභෝගිකව චෝදනා කරති. රාජ්‍ය ආයතනයක් හැටියට ජනතාවට අඩු මිලට සීනි සපයන බවට පවසමින් සති දෙක පමණ කාලයක් සීනි කිලෝවක් රුපියල් 275 කට අලෙවි කළේය. සාමාන්‍ය වෙළඳපොළේ සුදු සීනි කිලෝවක් රුපියල් 290 කට මිලදී ගත හැකි බවත් රාජ්‍ය ආයතනයක් වන සතොස මේ ආකාරයට සාමාන්‍ය වෙළඳපොළේ මිලට වඩා වැඩි මිලකට සීනි අලෙවි කිරීම පිළිබඳ කණගාටුවන බවද පාරිභෝගිකව සඳහන් කරති.

සමගි ජන බලවේගයේ කුරුණෑගල දිස්ත්‍රික් සංවිධායකවරයකු ලෙස කටයුතු කරන අමිත බණ්ඩාර මහතා එම සංවිධායක ධුරයෙන් ඉවත් කර පක්ෂ සාමාජිකත්වය වහාම ක්‍රියාත්මක වන පරිදි අත්විටුවීමට කටයුතු කළ බව සමගි ජන බලවේගයේ මහලේකම් රංජිත් මද්දුම්බණ්ඩාර මහතා පැවසීය. පක්ෂ කෘත්‍යාධිකාරී මණ්ඩලයට අද (22) පැවැත්වෙන මෙම තීරණය ඉදිරිපත් කොට අනුමැතිය ලබාගැනීමට කටයුතු කරන බවත් මහලේකම්වරයා සඳහන් කළේය. අමිත බණ්ඩාර මහතා මත්ද්‍රව්‍ය වැටලීමකදී මත්ද්‍රව්‍ය සමග අත්අඩංගුවට ගැනීම පිළිබඳ අවධානය යොමු කරමින් පක්ෂය මෙම පියවර ගත් බවත් ඔහු තවදුරටත් කීවේය.

ආර්ථිකය පිළිබඳ තුන්කල් දකින නායකයකු ලෙස ජනාධිපති රනිල් වික්‍රමසිංහ මහතා යුරෝපීය රටක සිටියා නම් මුළු ජීවිත කාලය පුරාම රාජ්‍ය නායකයා ලෙස තබා ගන්නා බව එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබෙිවර්ධන මහතා පැවසීය. එවැනි රාජ්‍ය නායකයකු ශ්‍රී ලංකාවට සම්පතක් බවත් මන්ත්‍රීවරයා කීය. ශ්‍රී ලංකාවට ආර්ථික නිදහස ලබාදුන් ජාතික නායකයා රනිල් වික්‍රමසිංහ මහතා බව ද අබේවර්ධන මහතා ප්‍රකාශ කළේය. ආර්ථික අර්බුදය මාස දහ අටක් වැනි කෙටි කාලයකින් ජයගෙන ශ්‍රී ලංකාව ශක්තිමත් ආර්ථිකයක් කරා ගෙන යාමට ඉදිරි දශකය ඇතුලත ජනාධිපති රනිල් වික්‍රමසිංහ මහතාට හැකි බව ද මන්ත්‍රීවරයා ප්‍රකාශ කළේය . පාර්ලිමේන්තු මන්ත්‍රී වජිර අබේවර්ධන මහතා මෙම අදහස් පළ කළේ , අරලියගහ…

පොලොන්නරුව මහ රෝහලේ සහ මැදිරිගිරිය මූලික රෝහලේ ශල්‍ය කර්ම සිදු කළ නව ලැපරස්කෝප් යන්ත්‍ර අබලන්වීමෙන් ශල්‍යකර්ම කළ නොහැකි තත්වයක් උදාවී ඇතැයි රෝහල් ආරංචි මාර්ග කියයි. පොලොන්නරුව දිස්ත්‍රික්කයේ මේ වන විට ශල්‍යකර්ම කරන්නේ පොලොන්නරුව මහ රෝහලේ සහ මැදිරිගිරිය මූලික රෝහලේ පමණී. මැදිරිගිය මූලික රෝහලේ මෙම ලැපරස්කොප් යන්ත්‍රය මාස 3කට වැඩි කාලයක් අක්‍රිය වී තිබීම හේතුවෙන් රෝගීන් 100කට වැඩි පිරිසකට පොරොත්තු ලේඛනයේ බලා සිටිමට සිදුව තිබේ. මෙම යන්ත්‍ර නවත භාවිත කළ නොහැකි අන්දමින් අක්‍රියවී ඇති බව රෝහල් ප්‍රකාශකයෙක් කීය.