Subscribe to Updates
Get the latest creative news from FooBar about art, design and business.
Author: LANKA24X7
ලෙල්ලම යනුවෙන් ජනප්රිය වී ඇති මීගමුව ධීවර වෙළෙඳ මධ්යස්ථානයේ දේපොළ පරිපාලනය සහ කළමනාකරණය පිටිපන එක්සත් ධීවර සමිතියෙන් ඉවත් කර භාරකරුවෙකු වෙත පත්කරන ලෙස මීගමුව දිසා අධිකරණය නීයෝග කර තිබේ. මීගමුව දිසා විනිසුරු ලලිත් කන්නංගර මහතා විසින් මෙම නියෝගය නිකුත් කර ඇත්තේ පිටිපන එක්සත් ධීවර සමිතියේ නිලධාරි මණ්ඩලයට එරෙහිව අගරදගුරු හිමිපාණන් ගොනුකර ඇති පැමිණිල්ලකට අදාළ නඩුව පසුගියදා කැඳවු අවස්ථාවේදිය. කොළඹ අගරදගුරු හිමිපාණන්ට අයත් දේපොළක් තෑගි ඔප්පුවක් මඟින් ” ලෙල්ලම” ධීවර වෙළෙඳ මධ්යස්ථානය සඳහා පිටිපන එක්සත් ධීවර සමිතිය වෙත පවරා දී ඇත්තේ 1963 වර්ෂයේදීය. අදාළ පවරාදීමේදී එම දේපොළවලින් උපයන ආදායමෙන් කොටසක් පිටිපන දේවස්ථානය වෙත භාරදිය යුතු බවට කොන්දේසියක් පනවා ඇත්තේ පිටිපන මීසමේ…
දිවයින පුරා ක්රියාත්මක යුක්තිය මෙහෙයුම යටතේ අද (05) අලුයම අවසන් වූ ගතවු පැය 24 තුළ සැකකරුවන් 667 දෙනෙකු අත්අඩංගුවට ගත් බව පොලීසිය පවසයි.
පානදුර වෙරළ තීරයේ දියනාමින් සිටි පිරිසක් අතරින් 6 දෙනෙකු දිය වැලකට හසු වී ගසාගෙන යමින් සිටියදී පානදුර පොලිස් ජීවිතාරක්ෂක ඒකකයේ නිලධාරීන් දෙදෙනෙකු විසින් බේරාගෙන ඇත. මෙලෙස දිවිබේරාගෙන ඇත්තේ අවුරුදු 16ත් 21ත් අතර වයසැති පිරිමි ළමුන් තිදෙනෙකු සහ ගැහැණු ළමුන් තිදෙනෙකු ය. මෙම දරුවන්ගේ දිවි බේරාගැනීමට සමත්ව ඇත්තේ පානදුර පොලිස් ජීවිතාරක්ෂක ඒකකයේ පොලිස් කොස්තාපල්වරුන් වන 69951 පුෂ්පකුමාර හා 93731 දේශාන් යන නිලධාරින් දෙදෙනා විසිනි. ඊයේ (04) සවස් කාලයේ මෙම දරුවන් දියවැලට හසු වූ අවස්ථාවේ මෙම නිලධාරින් දෙදෙනා එකතුව මෙම දරුවන් වෙරළට රැගෙනවිත් වාහාම මූලික ප්රථමාධාර ලබා දී දරුවන්ව ඥාතීන් වෙත භාර දී ඇත. මෙලෙස අනතුර මුහුණ දී ඇත්තේ රත්නපුර ප්රදේශයේ පදිංචි…
ඇඹිලිපිටිය නගරයේ සිට තෝරකොළයාය හරහා මිද්දෙණිය දෙසට ඇති ප්රධාන මාර්ගයේ පිහිටා ඇති හුලංදා ඔය පාලම අද (05) අලුයම කඩා වැටී තිබේ. අප වාර්තාකරු පැවසුවේ, කොට පැටවූ ලොරි රථයක් පාලම හරහා ගමන් කරමින් තිබිය දී පාලම එලෙස කඩා වැටී ඇති බවය. අනතුරින් ජීවිත හානි සිදුව නොමැති අතර, ඉහත මාර්ගයේ ගමන් ගන්නා රියදුරන්ට විකල්ප මාර්ග භාවිත කරන ලෙස පොලීසිය දැනුම්දෙයි.
ගුණාත්මකභාවයෙන් අඩු ඖෂධ සැපයීම හෝ විකිණීම යන වරදට මෙතෙක් අය කළ රුපියල් සියයේ දඩ මුදල රුපියල් ලක්ෂය දක්වා ඉහළ දැමීමට කැබිනට් මණ්ඩලයේ අනුමැතිය හිමිව ඇත යම් ඖෂධයක් නියමිත ගුණාත්මකභාවය අඩුවන පරිදි මිශ්ර කිරීම සහ ඒ බව දැනුවත්ව එම ඖෂධය බෙහෙත් ශාලාවකින් නිකුත් කිරීම යන වරදවල් වලට මෙතෙක් පැවැති දඩ මුදල වූයේ රුපියල් 100කි. අධිකරණ බන්ධනාගාර කටයුතු සහ ආණ්ඩුක්රම ව්යවස්ථා ප්රතිසංස්කරණ අමාත්ය ආචාර්ය විජයදාස රාජපක්ෂ මහතා මෙම පනත් කෙටුම්පත කැබිනට් මණ්ඩලයට ඉදිරිපත් කළේය.
යාපනය ඇතුළු උතුරු පළාති භිතියට පත් කරමින් විවිධ අපරාධ කරමින් කප්ම් ගැනීම් මනුෂ්ය ඝාතන සිදු කළබව කියන ආවා කල්ලි නායක ප්රභාකරන් කොයුසිකන් නොහොත් ප්රභා නැමැත්තා ගල්කිස්ස යශෝරාපුර දෙමහල් නිවසක උඩුමහලේ සැඟව සිටියදී අඩංගුවට ගත් බව පානදුර වලාන මධ්යම දූෂණ මර්දන ප්රහාරක බළකාය කියයි. සැකකරු සන්තකයේ තිබී අයිස් මත්ද්රව්ය මිලිගෑම් 300 ක් ද සොයාගෙන ඇත. ආවා කල්ලියේ ලාංඡනය ඇතුළත් පත්රිකාවක් ද සොයගෙන ඇත. සැකකරු තෙල්පලෛයි පොලිස් වසමේ නීලියම් බනෙයි, පිල්ලෙයාර් ප්රදේශයේ පදිංචිකරුවකු වන 25 හැවිරිදි පුද්ගලයකු බව වලාන මධ්යම දූෂණ මර්දන ප්රහාරක බළකාය කියයි. සැකකරු ආවා කල්ලිය තුළ කොයින්සි තම්පා යන සංකේත නාමයෙන් හඳුන්වන අතර සංකේත අංකය 001 බව පොලිසිය කියයි.
මාර්ග ගත ක්රමවල සුරක්ෂිතභාවය පිළිබඳ පනතට විරෝධය පළ කරමින් හිටපු අමාත්ය මර්වින් සිල්වා මහතා ඇතුළු පිරිසක් මෘත දේහයක් රැගෙන යන අයුරින් බොරැල්ල කනත්තට ඇතුළු වී විරෝධතාවයක් පැවැත්වූහ. සමාජ මාධ්යයේ මරණය භූමිදානය කිරීම යනුවෙන් පවසමින් විරෝධතාවය පැවැත්විණි. හිටපු අමාත්යවරයාව ප්රමුඛ පිරිස කනත්තට ඇතුළු වන අවස්ථාවේදී කනත්තේ ආරක්ෂක නිලධාරීන් ඊට එරෙහිව සිය විරෝධය දැක්වූ අතර එහිදී තරමක උණුසුම් තත්ත්වයක් ඇති විය. නමුත් හිටපු අමාත්යවරයා ප්රමුඛ පිරිස එම විරෝධතාවය නොතකා කනත්තට ඇතුළු වි සිය විරෝධතාවය පැවැත්වූහ.
පොළොන්නරුව කන්දකාඩු පුනරුත්ථාපන මධ්යස්ථානයේ ඊයේ සවස හයට පමණ රැඳවියන් දෙපිරිසක් අතර ඇතිවූ ගැටුමකින් රඳවියන් දහදෙනකු සහ හමුදා සෙබළකු තුවාල ලබා වැලිකන්ද රෝහලට ඇතුළත් කර ඇතැයි වැලිකන්ද පොලිසිය කියයි. මෙම ගැටුමට හේතුවෙන් මෙතෙක් අනාවරණය වී නොමැති අතර රැඳවියන් විසින් කන්දකාඩු පුනරුත්ථාපන මධ්යස්ථානයේ මුළුතැන්ගෙයි සහ තවත් ස්ථාන කිහිපයක දේපළවලට අලාභ හානී කර ඇති බවද පොලිසිය සඳහන් කරයි. කන්දකාඩු පුනරුත්ථාපන මධ්යස්ථානයේ දේපළ අලාභ හානි කිරීමට සම්බන්ධ යොදා ගත් යකඩ පොලු සහ මුගුරු මෙන්ම ගැටුමක් ඇතිකර ගැනීමට යොදාගත් බව කියන පොලු මුගුරු සහ තවත් මත්ද්රව්ය තොගයක් පොලිස් භාරයට ගෙන ඇති බවද වැලිකන්ද පොලිසිය සඳහන් කරයි.
ජාතික ජන බලවේගයේ නායක අනුර කුමාර දිසානායක මහතා ඇතුළු පිරිසක් අද (05) ඉන්දියාව බලා පිටත්වේ. ඉන්දියානු ආණ්ඩුවේ නිල ආරාධනාවකට අනුව සිදුකරන මෙම සංචාරයට ජාතික ජන බලවේගයේ ප්රධාන ලේකම් විශේෂඥ වෛද්ය නිහාල් අබේසිංහ, පාර්ලිමේන්තු මන්ත්රි විජිත හේරත් සහ ජාතික විධායක සභික මහාචාර්ය අනිල් ජයන්ත මහත්වරු දිසානායක හා මහතා සමග ඉන්දියාව බලා පිටත්ව යන සෙසු පිරිසට අයත්වේ.
පීඩාකාරී නායකත්වයෙන් රට මුදාගෙන නව නායකයෙක් රටට පත්කර ගැනීමට කාලය එළැඹ ඇතැයි අගරදගුරු අතිඋතුම් මැල්කම් කාදිනල් රංජිත් හිමිපාණෝ පවසති. නිදහස් දිනය වෙනුවෙන් පුංචි බොරැල්ල සියලු ශාන්තුවරුන්ගේ දේවස්ථානයේ පැවති විශේෂ දේව මෙහෙයට එක්වෙමින් කාදිනල් හිමියෝ එම අදහස් පළ කළහ. එහි දී වැඩිදුරටත් අදහස් දැක්වූ අගරදගුරු අතිඋතුම් මැල්කම් කාදිනල් රංජිත් හිමිපාණන්, “දේශපාලන හා ආර්ථිකමය වශයෙන් රට පහළට වැටිලා. නායකයින්ගෙන් අසන්නේ සමරන්නේ කාගේ නිදහසද? පාලකයන්ගේ නිදහසද? ජනතාවගේ නිදහසද? පිටරට නියෝජිතයින් ගෙන්වා, රටේ ප්රභූවරුන් ඉදිරියේ බඩගින්නේ සිටින ජනතාව හෑල්ලු කිරීම නිදහසද? සුන්දර අපේ මව්බිම අවාසනාවන්තයි. පීඩාකාරි පාලන පැලැන්තියෙන් රට මුදාගත යුතුයි. නිවැරදි නායකයෙක් රටට පත්කරගත යුතුයි”