Author: LANKA24X7

තව දින කීපයකින් පැවැත්වීමට නියමිත ජනාධිපතිවරණය සඳහා විවිධ අපේක්ෂකයන් ජනාධිපති වන බව ඉලක්ක කරගෙන මුදල් සහ දේපළ ඔට්ටු ඇල්ලීමේ ප්‍රවණතාවයක් මෙවර හටගෙන ඇත. පොලිස් දෙපාර්තමේන්තුවේ ඇතැම් නිලධාරීන් ද මෙම මාසයට ලැබෙන සිය ගමන් වියදම් දීමනාවද විවිධ අපේක්ෂකයන් ජනාධිපති වන බව පවසා ඔට්ටු ඇල්ලීමට ඉතා රහසිගතව උනන්දුවක් ඇති වී තිබෙන බව පොලිස් ආරංචි මාර්ග සඳහන් කරයි. කළුතර දිස්ත්‍රික්කයේ බේරුවල, පානදුර බණ්ඩාරගම අටලුගම හා, කොළඹ දිස්ත්‍රික්කයේ කහතුඩුව, කැස්බෑව හා පිළියන්දල ආදී ප්‍රදේශවලින් මෙම මුදල් ඔට්ටු මෙන්ම ත්‍රී රෝද රථ හා මෝටර් රථ ඔට්ටු ඇල්ලීමේ ප්‍රවණතාවය හටගෙන ඇතැයි දැනගන්නට ඇත

අලුත විවාපත් යුවළක් ශ්‍රී දළදා මාළිගාවට පැමිණ දළදා සමිඳුන්ට අපහාස වන ආකාරයට ඡායාරූප ගැනීමේ සිද්ධියක් සම්බන්ධයෙන් පොලිස් විමර්ශන ආරම්භ වී තිබේ . එම යුවළ ශ්‍රී දළදා මාලිගාවේ දියවඩන නිලමේවරයා පවා දැනුවත් නොකර ශ්‍රී දළදා මාළිගාවට පැමිණ ඉහළ මාලයේ ප්‍රධාන මල් ආසනය ඇතුළු ශ්‍රී දළදා මාලිගාවේ විවිධ ස්ථානවල ඡායාරූප ගනිමින් සිටියදී එහි රාජකාරියේ නියුතු පොලිස් නිලධාරීන් එය වැළැක්වීමට උත්සාහ කිරීමේදී වෙනත් බලගතු පාර්ශවයක් පොලිස් නිලධාරීන්ට බලපෑම් කරමින් ඔවුන්ගේ ඡායාරූප ගැනීම සඳහා ඉඩ ප්‍රස්ථාව ලබාදී ඇති බව පොලිස් විමර්ශන වලදී අනාවරණය වී තිබේ . මේ සම්බන්ධයෙන් ඉහළ පොලිස් නිලධාරියෙකුගෙන් කළ විමසීමකදී ඔහු පවසා සිටියේ සිද්ධිය සම්බන්ධයෙන් පුළුල් විමර්ශනයක් ආරම්භ කොට ඇති බවයි…

ගෙයින් ගෙට මැතිවරණ අත්පත්‍රිකා බෙදා හැරීමට යෑමට හැක්කේ උපරිම වශයෙන් පස් දෙනෙකුට පමණක් බව මැතිවරණ කොමිෂන් සභාවේ සභාපති ආනන්ද රත්නායක මහතා සියලුම දේශපාලන පක්ෂවලට දැනුම් දෙයි. ඊට වැඩියෙන් පිරිස් ගමන් කරන්නේ නම් ඒ අය සම්බන්ධයෙන් වහාම නීතිය ක්‍රියාත්මක කරන ලෙස පොලිසියට උපදෙස්දී ඇතැයිද ඔහු සඳහන් කළේය. ඇතැම් දේශපාලන පක්ෂවල පස්දෙනෙකුට වැඩි පිරිසක් පෙළපාළි වශයෙන් අත්පත්‍රිකා බෙදා හැරීමට ගෙයින් ගෙට යන බවට තොරතුරු ලැබී ඇතැයි මැතිවරණ කොමිෂන් සභාව පවසයි. එලෙස කටයුතු කිරීම මැතිවරණ නීති උල්ලංඝනය කිරීමක් බව පවසන කොමිසම විවිධ ආරවුල් ඇතිවීමටද එය ප්‍රධාන හේතුවක් බව සඳහන් කළේය.

රිය අනතුරකට ලක්ව මාර්ගය මැද වැටී සිටි යතුරු පැදිකරුවෙක් ආයාසයෙන් නැගිටීමට උත්සාහ දරද්දී පිටුපසින් පැමිණි ජීප් රථයක් එම යතුරු පැදිකරු තවත් අනතුරකට ලක්කොට පලා ගොස් ඇතැයි කොට්ටාව පොලිසිය කියයි. අනතුරින් තුවාල ලැබූ 28 හැවිරිදි තරුණයාගේ පාද දෙක සහ අතක් බිදී ඇති අතර හිසට බරපතල තුවාල සිදුව ඇති බව පොලිසිය කියයි. ඔහු ප්‍රතිකාර සදහා හෝමාගම මූලික රෝහලට ඇතුලත් කිරීමෙන් අනතුරුව වැඩ් දුර ප්‍රතිකාර සඳහා කොළඹ ජාතික රෝහලට මාරු කර යවා ඇති අතර මේ වනවිට ශල්‍ය කර්ම දෙකකට ලක් කොට එහි දැඩි සත්කාර ඒකකයේ ප්‍රතිකාර ලබන බව පැවසේ. අනතුරට පත් තරුණයා රාත්‍රී සේවා මුරය නිමවා කොළඹ සිට හයිලේවෙල් මාර්ගය ඔස්සේ කොට්ටාවට එමින්…

ගැඹුරු මුහුදේ ධීවර කටයුතු සිදු කරමින් සිටියදී තවත් බෝට්ටු දෙකකින් පැමිණි අට දෙනෙකු එම බෝට්ටුවේ එන්ජිම ඇතුළු ලක්ෂ දහඅටක දේපළ කොල්ලකා පලා ගොස් ඇතැයි කළුවාන්චි කුඩි පොලිසිය කියයි. සැකකරුවන් බෝට්ටු දෙකකින් පැමිණ වීදුරු බෝතල්, ගල් වලින් සහ යකඩ බට වලින් පහරදී පැමිණිලිකරුවන්ගේ බෝට්ටුවට ගොඩ වී ඇති බව පොලිසිය කියයි. පසුව පැමිණිලිකරුවන්ගේ බෝට්ටුවේ තිබූ එන්ජිමක්, මාළු දැල් කොටස් දහයක්, gps උපකරණයක්, බැටරියක්, බෝට්ටු එන්ජින් ෆෑන් එකක්, විදුලි පන්දම් තුනක් සහ භූම් තෙල් ලීටර් අසූවක් කොල්ලකා ඇති බව පොලිස් විමර්ශන වලදී අනාවරණය වී ඇත. සැකකරුවන් හඳුනාගෙන ඇති අතර අත්අඩංගුවට ගැනීම සඳහා විමර්ශන සිදු කරන බව පොලිසිය පවසයි.

මතට ඇබ්බැහි වූ මාපියන්ගෙන් නිසි රැකවරණයක් නොලැබීම නිසා ළමා හා කාන්තා කාර්යාංශයේ මූලස්ථානය මගින් අධිකරණයට ඉදිරිපත් කොට හෝමාගම හිරිපිටිය ප්‍රදේශයේ ළමා නිවාසයකට භාරදී තිබූ නව හැවිරිදී පාසැල් දරුවෙකු ඉන් පලාවිත් සිය පියා සොයා යමින් සිටියදී පොලිසිය මගින් සොයා ගත් බව මත්තේගොඩ පොලිසිය පවසයි. මෙසේ භාරයට ගෙන ඇත්තේ බොරලැස්ගමුව පිල්ලෑව ප්‍රදේශයේ පදිංචි 09 හැවිරිදි පිරිමි දරුවකු බව පොලීසිය කියයි. මත්තේගොඩ පොලිසියේ නිලධාරී කණ්ඩායමක් මත්තේගොඩ හන්දිය අසල රාත්‍රි ජංගම මුර සංචාරයේ යෙදී සිටියදී කුඩා දරුවෙකු රාත්‍රී 08.30 පමණ තනිවම මාර්ගයේ ගමන් ගන්නා අයුරු දැක තිබේ. පසුව එම නිලධාරියා මෙම දරුවා නවතා තොරතුරු විමසීමේදී මෙම තොරතුරු හෙළිකොට තිබේ.

රුපියල් කෝටි තුනක පමණ වටිනාකමකින් යුත් රන් බිස්කට් තම කලිසම් සාක්කුවේ සඟවාගෙන කටුනායක ගුවන්තොටුපොළ සංක්‍රමණික මගී පර්යන්තයේ රැඳී සිටි ඉන්දීය ජාතිකයෙකු ඊයේ (7) පස්වරුවේ ගුවන්තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගනු ලැබීය. 29 හැවිරිදි පුද්ගලයෙකු වන මෙම ඉන්දීය ජාතිකයා ව්‍යාපාරික ගුවන් මගියෙකු ලෙස ඉකුත් 06 වනදා චෙන්නායි සිට පැමිණ ඇත. ඔහු ඊයේ පස්වරුවේ නැවත බැංගලෝර් වෙත පිටත්ව යෑම සඳහා ගුවන්තොටුපොළ වෙත පැමිණ ඇත. මොහු පිටත්වීමේ පර්යන්තයේ සිට සංක්‍රමණික ගුවන් මගී පර්යන්තය වෙත ගොස් සිටියදී අපරාධ පරීක්ෂණ දෙපාර්තමේන්තු නිලධාරීන් විසින් අත්අඩංගුවට ගනු ලැබීය. ඒ වනවිට ඔහුගේ කලිසමේ සාක්කුවක් තුළ කුඩා බෑගයක කිලෝ ග්‍රෑම් 01යි ග්‍රෑම් 158ක් බරැති රන් බිස්කට් 09ක්…

භාණ්ඩ අපනයනකරුවන්ට තම අපනයන ඉපැයීම් ශ්‍රී ලංකා රුපියල්වලට පරිවර්තනය කිරීම සඳහා දී තිබූ කාල සීමාව ශ්‍රී ලංකා මහ බැංකුව විසින් ලිහිල් කර තිබේ. සාර්ව ආර්ථික වර්ධනයන්, විශේෂයෙන්ම දේශීය විදේශ විනිමය වෙළෙඳපොළ තත්ත්වයන්හි වර්ධනයන් සැලකිල්ලට ගෙන එම තීරණය ගත් බව ශ්‍රී ලංකා මහ බැංකුව පැවසීය. 2023 අංක 16 දරණ ශ්‍රී ලංකා මහ බැංකු පනත මඟින් භාණ්ඩ අපනයනකරුවන්ට තම අපනයන ආදායම ශ්‍රී ලංකා රුපියල්වලට පරිවර්තනය කිරීමට අදාළ කාල සීමාව සැලකිය යුතු ලෙස ලිහිල් කරමින් ශ්‍රී ලංකා මහ බැංකුව විසින් “2024 අංක 01 දරණ අපනයන ඉපැයීම් ශ්‍රී ලංකාවට ගෙන ඒමේ රීති” නිකුත් කරන ලද අතර එය 2024.07.01 දිනැති අංක 2391/02 දරණ අතිවිශේෂ ගැසට්…

අනුර දිසානායක යාපනයට පැමිණ කළ තර්ජනකාරී ප්‍රකාශය සම්බන්ධයෙන් උතුරේ ජනතාවගෙන් වහාම සමාව ගත යුතුව ඇතැයි ජනාධිපති රනිල් වික්‍රමසිංහ මහතා යාපනයේ ජන රැළියේදී ඊයේ (7) පැවසීය. දකුණේ මතයට හවුල් නොවුන හොත් උතුරේ ජනතාව වෙනසට විරුද්ධ වූවන් ලෙස දකුණේ ජනතාව විසින් සිතනු ඇතැයි අනුර දිසානායක යාපනයට පැමිණ කියා තිබෙන බව කී ජනාධිපතිවරයා එය යාපනයට මෙන්ම උතුරට ද කළ තර්ජනයක් බව සඳහන් කළේය. සිංහල ජනතාවගේ නම පාවිච්චි කරමින් උතුරට තර්ජනය කිරීම ගැන අනුර කුමාර දකුණෙන් ද සමාව ගත යුතු බව කී ජනාධිපතිවරයා අනුරගේ එම එම ප්‍රකාශය තමා දැඩි ලෙස හෙලා දකින බව සඳහන් කළේය. අනුර මෙම ජනපතිවරණයෙන් ජයග්‍රහණය නොකරන බව කී ජනාධිපතිවරයා තර්ජන…

නිල ඡන්ද දැන්වීම් පත්‍රිකා බෙදාහැරීමට අද (8) විශේෂ දිනයක් ප්‍රකාශ කර ඇතැයි නියෝජ්‍ය තැපැල්පති රාජිත රණසිංහ මහතා පැවසීය. ලබන 11,12,13,14 දිනවලද නිල ඡන්ද දැන්වීම් පත්‍රිකා බෙදා හැරීමට නියමිතය.