මීට වසර 8 කට පෙර බ්‍රසීලයේදී පැවති ලෝක කුසලාන අවසන්මහා තරගයේදී ජර්මනිය ශූරයින් ලෙස කිරුළු පැළඳියේ එදා මෙදාතුර ලෝක කුසලානයේ බ්‍රසීලයට පමණක් දෙවැනි සාර්ථකත්වයක් අතකර ගත් කණ්ඩායම බවට පත්වෙමිනි.
නමුත් ඉන් පසු ජර්මනියේ ලෝක කුසලාන ගමනට කණකොකා හැඩීමට පටන් ගත්තේ 2018 වර්ෂයේ රුසියාවේ පැවති තරගාවලියේදී පළමු වටයෙන්ම ඉවත්විම් අවාසනාවට මුහුණදෙමිනි.
එයට අඛණ්ඩය දෙවැනි වරටද මුහුණදීමට ඔවුන්ට සිදුවූයේ මෙවර තරගාවලියේ තමන් මුහුණදුන් අවසන් තරගයද ජය ගනිමින් වීම විශේෂත්වයකි.
ඒ් කොස්ටා රිකා කණ්ඩායමට එරෙහිවය. තරගාවලියේ අල්- කෝර් හිදී පැවති තරගයෙන් කොස්ටාරිකා කණ්ඩායම පරදා ගෝල 4-2 ක විශිෂ්ඨ ජයක් හිමිකර ගත්තද ඔවුන්ට තරගාවලියේ දෙවනි වටයට යාමට එය ප්‍රමාණවත් නොවීය. ඒ් එම කාණ්ඩයේ අවසන් ප්‍රසාද ලකූණු සටහනේ තෙවැන්නා බවට පත්වීම හේතුවෙනි.
මෙවර තරගාවලිය අවාසනාවකින්ම ඇරඹීමට ජර්මනියට සිදුවූයේ ජපානය හමුවේ ලැබූ ගෝල 2-1 ක අනපේක්ෂිත පරාජයත් සමගිනි.
මේ සමගින් ප්‍රභල ස්පඤ්ඤය හමුවේ ජර්මනිය පහසුවෙන් පරාජයට පත්වෙතැයි විචාරකයින් අනුමාන කළ අතර එසේ වූවානම් ජර්මනියට කලින්ම තරගාවලියෙන් ඉවත්වීමට සිදුවනු ඇත.
නමුත් එම තරගය ගෝල 1-1 ක් ලෙස ජය පැරදුමින් තොරව නිමා කරගත් ජර්මනිය පළමු වටයේ අවසන් තරග දක්වාම සිය බලාපොරොත්තු ඉදිරියට ගෙන ගියහ.
නමුත් ස්පාඤ්ඤය පරදා ජපානය ලැබූ අනපේක්ෂිත ජයග්‍රහණයත් සමගින් ජර්මනියට සිය බලාපොරොත්තු හකුලා ගැනීමට සිදුවිය.
කොස්ටාරිකා කණ්ඩායම පරදා ස්පාඤ්ඤය ලැබූ ගෝල 7-0 ක දැවැන්ත ජයග්‍රහණයද දෙවැනි වටයට යාමට ජර්මනියට විශාල බාධාවක් විය.
තරගාවලියේ අවසන් ප්‍රසාද ලකුනු සටහනට අනුව එක් තරගයක් ජයගෙන එකක් ජයපැරදුමින් තොරව නිමා කරගනිමින් එකක් පමණක් පරාජයකින් කෙලවර කර ගැනීමට ජර්මනිය සමත්වූයේ ප්‍රසාද ලකුනු 4 ක් හිමිකර ගනිමිනි.
ඒය ස්පාඤ්ඤයේ ප්‍රසාද ලකුනු ප්‍රමාණයට සමානවුවද තරගාවලියේ වාර්තාකළ ගෝල ප්‍රමාණය අනුව ජර්මනිය අබිබවා දෙවැනි වටයට සුදුසුකම් ලැබීමට ස්පාඤ්ඤය සමත්විය. කාණ්ඩයේ එක් තරගයක් පමණක් ජයගෙන ඉතිරි තරග දෙක පරාජයවූ කොස්ටාරිකා කණ්ඩාමට ප්‍රසාද ලකුණු සටහනේ අවසන් ස්ථානය හිමිවිය.