ශ්රී ලංකාවේ ප්රදේශ රැසකට බලපා ඇති දැඩි වියළි කාලගුණික තත්ත්වය හේතුවෙන් ප්රධාන හා කුඩා ජලාශවල ජල මට්ටම් ශීඝ්රයෙන් පහත බැස ඇති අතර, එමගින් ජනතාව සහ සත්ව ප්රජාව දැඩි පානීය ජල අර්බුදයකට මෙන්ම වගා හානි රැසකට ද මුහුණ දී සිටිති.
වාරිමාර්ග දෙපාර්තමේන්තුව සතු ජලාශ 74 හි සමස්ත ජල ධාරිතාව මේ වන විට 37% දක්වා පහත බැස ඇත. විශේෂයෙන්ම ගොවිජන සංවර්ධන දෙපාර්තමේන්තුව යටතේ පාලනය වන කුඩා වැව්වලට මෙහි දැඩි බලපෑම් එල්ල වී තිබේ.
ඒ හේතුවෙන් ජලය අරපිරිමැස්මෙන් භාවිත කරන ලෙස ඉල්ලා සිටී.
ශ්රී ලංකාවේ වැව් හා ජලාශ පාලනය කිරීම සිදුවන්නේ ප්රධාන ව්යුහ කිහිපයක් යටතේ.
ඒ අනුව විශාල වැව්, ජලාශ මහවැලිය සහ වාරිමාර්ග දෙපාර්තමේන්තුවෙන් ද, කුඩා වැව් ගොවිජන සංවර්ධන දෙපාර්තමේන්තුව මගින් ද පාලනය කෙරේ.