Subscribe to Updates
Get the latest creative news from FooBar about art, design and business.
Author: LANKA24X7
පාර්ලිමේන්තුව ගිනි තැබීමට ආ පිරිසගෙන් කට උත්තරයක්වත් ලබාගැනීමට වත්මන් ආණ්ඩුවට නොහැකිවී ඇති බව ශ්රී ලංකා පොදුජන පෙරමුණේ හම්බන්තොට දිස්ත්රික් පාර්ලිමේන්තු මන්ත්රී නාමල් රාජපක්ෂ පවසනවා. තමන්ගේ නිවසේ ඇතිකරගත් බල්ලා සොරකම් කරගෙන ගිය පුද්ගලයාත් හිරේ ගිය බවත්, පාර්ලිමේන්තුව ගිනිතැබීම්ට ආ පුද්ගලයන්ගෙන් අඩුතරමේ කට උත්තරයක්වත් ලබාගැනීමට නොහැකිවීම පිළිබඳ තමා කණගාටුවන බවද රාජපක්ෂ සඳහන් කළා. ශ්රී ලංකා පොදුජන පෙරමුණේ පොළොන්නරු දිස්ත්රික් ආසන බලමණ්ඩල රැස්වීම පසුගියදා මනම්පිටිය මහවැලි ප්රතිභා ශාලාවේදී පැවති අවස්ථාවේදී නාමල් රාජපක්ෂ මේ බව සඳහන් කළා. “රනිල් වික්රමසිංහ ජනාධිපතිතුමා ආර්ථික වශයෙන් රට යම්කිසි ස්ථානයකට ගෙනල්ලා තියෙනවා අපි විශ්වාස කරනවා. හැබැයි අපි අතර ප්රතිපත්තිමය ගැටලුවක් තියෙනවා. රනිල් වික්රමසිංහ මහතා අපි ඒ මොහොතේ තෝරාගත්තේ පාර්ලීමේන්තුව…
විහාරස්ථානවල ඇතිවන හුදෙකලා සිද්ධි ප්රචාරය කිරීමෙන් අනවශ්යය ලෙස සමාජය කැළඹෙන ඹැවින් අනවශ්ය ලෙස හැසිරීමටත් එවැනි සිදුවීම් මාධ්යට මුදා හරින අයට විරුද්ධව නීතිය ක්රියාත්මක කිරීමට සිදුවන බව බුද්ධශාසන, ආගමික, සංස්කෘතික කටයුතු අමාත්යාංශයේ ලේකම් සෝමරත්න විදානපතිරණ පවසනවා. කඩුවෙල,නවගමුව ප්රදේශයේ විහාරස්ථානයක ඇති වූ සිදුවීම සම්බන්ධයෙන් කඩිනමින් පොලීසිය දැනුවත් කළ අතර ඒ අතර ක්රියාත්මක වූ පොලීසිය අදාළ සැකකරුවන් කඩිනමින් අත්අඩංගුවට ගත් බවයි ඔහු පවසා සිටියේ. එමෙන්ම අදාළ සිදුවීමේදී භික්ෂුවට සහ කාන්තාන් දෙදෙනාට පහර දීම වැරදි සහගත බවත් එවැනි සිදුවීම් සමාජ මාධ්යට මුදා හැරීමේදි වඩා විමසිලිමත් විය යුතු බවයි ඔහු වැඩිදුරටත් පෙන්වා දුන්නේ. එම සිදුවීමට අදාල හිමිනම පිළිබඳව මහා නායක හිමිවරුන් තීරණයක් ගත යුතු බවත්…
නුවරඑළිය දිස්ත්රික්කයටත් විශ්වවිද්යාලයක් ස්ථාපිත කිරීම සම්බන්ධයෙන් අධ්යාපන අමාත්යාංශයේ අවධානය යොමු වී තිබෙනවා. අධ්යාපන අමාත්ය සුසිල් ප්රේමජයන්ත ඇතුළු පිරිසක් කොටගල රජයේ ගුරු විදුහලේ නිරීක්ෂණ චාරිකාවක නිරත වූයේ ඒ පිළිබඳ සොයා බැලීම සඳහායි.
මහනුවර හා තදාසන්න ප්රදේශවල ධාවනය වන පෞද්ගලික බස් රථ GPS තාක්ෂණය ඔස්සේ නිරීක්ෂණැය කිරීමට මහනුවර නගර සංවර්ධනය කමිටුව තීරණය කර තිබෙනවා. දුර ගමන් සේවා නොවන බොහෝ බස් රථ සිය ගමන් වාර ආරම්භ කොට නගර සීමාව පසු වන තෙක්ම මන්දගාමීව ධාවනය වන බවට මහනුවර නගර සභා සංවර්ධන කමිටුවට පැමිණිලි ලැබී ඇති බවයි වාර්තා වන්නේ. මේ නිසා GPS උපාංග භාවිත කරමින් බස් රථ විධිමත්ව නිරීක්ෂණය කරමින් මාර්ගයේ සිදුවන තදබදය පාලනය කිරීම මෙම වැඩපිළිවෙළේ අරමුණයි. මධ්යම පළාත් මාර්ගස්ථ මගී ප්රවාහන අධ්කාරිය මහනුව මූල්ස්ථාන පොලිසිය හා එක්ව අදාළ පෞද්ගලික බස් රථ නිරීක්ෂණය කර තදබදය පාලනය කිරීමට එකඟ වී තිබෙනවා.
තායිලන්තය සහ ශ්රී ලංකාව අතර අඩු වියදම් සෘජු ගුවන් ගමන් සේවාවක් ආරම්භ කෙරුණා. එහි සමාරම්භය සනිටුහන් කරමින් ඊයේ (09) රාත්රි එයාර් ඒෂියා ගුවන් සේවයේ ඒ.අයි.කිව් 140 දරන යානය තායිලන්තයේ දොන් මුවාන් ජාත්යන්තර ගුවන් තොටුපළේ සිට කටුනායක වෙත පැමිණ තිබෙනවා. මෙම ගුවන් ගමන සඳහා ඒ 320 එයාර් බස් වර්ගයේ ගුවන් යානයක් යොදා ගෙන තිබූ අතර එහි මගීන් 134 දෙනෙකු සහ කාර්ය මණ්ඩලයේ 7 දෙනෙකු සිටියා. මෙම යානය මගින් 174 දෙනෙකු රැගෙන යළි කටුනායකින් තායිලන්තය බලා ගමන් කිරීමට නියමිතයි. තායිලන්තය සහ ශ්රී ලංකාව අතර සතියකට ගුවන් ගමන් වාර 4ක් ක්රියාත්මක කෙරෙන අතර එය සඳුදා, බදාදා, සිකුරාදා සහ ඉරිදා යන දිනවල දී කටුනායක…
මහරගම අපේක්ෂා රෝහලේ වියළි ආහාර ද්රව්ය සොරකම් කළ බව කියන එම රෝහලේම අරක්කැමියන් දෙදෙනෙකු මහරගම පොලිසිය විසින් අත්අඩංගුවට ගෙන තිබෙනවා. මෙම රෝහලේ නේවාසික රෝගීන්ගේ ආහාරපාන සැකසීම සඳහා රෝහලේ මුළුතැන්ගෙයි ගබඩා කර තිබෙන වියළි ආහාර කාලයක් තිස්සේම අස්ථානගත වී ඇතැයි රෝහලේ පාලනාධිකාරිය විසින් පොලිසියට පැමිණිලි කළ බව පොලිසිය පවසනවා. පොලිසිය විසින් මෙම අත්අඩංගුවට ගැනීම සිදු කර ඇත්තේ මෙම සැකකරුවන් දෙදෙනා ත්රිරෝද රථයකින් වියළි ආහාර ද්රව්ය තොගයක් රැගෙන යාමට සූදානම් වූ අවස්ථාවේදීයි. මෙලෙස අත්අඩංගුවට ගත් සැකකරුවන් වයස අවුරුදු 38ක් හා 54ක් වන හෝමාගම හා බණ්ඩාරගම ප්රදේශවල පදිංචිකරුවන්. මෙම සොරකමට සම්බන්ධ තවත් සැකකරුවන් දෙදෙනෙකු අත්අඩංඟුවට ගැනීමට මහරගම පොලිසිය විමර්ශනය කරනවා.
අමෙරිකානු ජනාධිපති ජෝ බයිඩ්න් ලන්ඩනයට ළඟාවී තිබෙනවා. ඒ, බ්රිතාන්යය අග්රාමාත්ය රිෂී සුනක් සහ තුන්වන චාල්ස් රජු මුණගැසීමේ අරමුණින්. ලිතුවේනියාවේ පැවැත්වෙන නේටෝ සමුළුවකට සහභාගිවීම සඳහා යන අතරතුරයි ඔහු බ්රිතාන්යය වෙත පැමිණ ඇත්තේ. පළමුව ඇමරිකානු ජනාධිපතිවරයා අග්රාමාත්ය රිෂී සුනක් සමඟ සාකච්ඡාවකට සහභාගිවීමට නියමිත අතර, ඉන් අනතුරුවයි වින්ඩ්සර් මන්දිරයේදී තුන්වන චාල්ස් රජු මුණගැසීමට සැළසුම් කර ඇත්තේ. නේටෝ සමුළුවට සහභාගිවීමෙන් අනතුරුව ඇමරිකානු ජනාධිපති ජෝ බයිඩ්න් පින්ලන්තයට යාමට ද නියමිතයි.
ශ්රී ලංකාවේ උපසම්පදාව ආරම්භ කර වසර 270ක් සැපිරීම නිමිත්තෙන් තායිලන්තයේ සිට බෞද්ධ දූත පිරිසක් දිවයිනට පැමිණ තිබෙනවා. තායිලන්තයේ උබෝන් සංඝරාජ අචාන් ප්රරාවිෂන් තාරා පාත් උත්තමෝ මහ තෙරුන් වහන්සේගේ ප්රධානත්වයෙන් ඊයේ (09) කටුනායක ගුවන් තොටුපලට පැමිණි මෙම දූත පිරිසට භික්ෂූන් වහන්සේ අට නමක් සහ ගිහි නියෝජිතයින් 17 දෙනෙකු ඇතුළත්. මෙම දූත පිරිස තායිලන්තයේ වත්මන් රජුගේ මුත්තනුවන් වන 8 වන රාම රජතුමා, මෙරට තුන්මාසයක තාවකාලික පැවිදි උපසම්පදාව ලබා සිටි කොළඹ කොටහේන දීපදුප්තාරාම විහාරස්ථානය වෙත ගොස් එතුමන්ගේ පිළිරුවට පුෂ්පෝපහාර දැක්වීමට ද නියමිතයි. එමෙන්ම දූත පිරිස අනුරාධපුරය, මහනුවර දළදා මාළිගාව, ජාත්යන්තර නෙල්ලිගල බෞද්ධ මධ්යස්ථානය, කැළණිය රජමහා විහාරය ආදී පූජනීය ස්ථාන ද වැඳපුදා ගනු ඇති.…
පොළොන්නරුව – මනම්පිටිය ප්රදේශයේදී පුද්ගලයින් 10 දෙනෙකුට මරු කැඳවමින් සිදුවූ අනතුර සම්බන්ධයෙන් වාර්තාවක් ලබාදෙන ලෙස නැගෙනහිර පළාත් ආණ්ඩුකාර සෙන්දිල් තොණ්ඩමන් පළාත් මාර්ගස්ථ අධිකාරියට උපදෙස් ලබාදී තිබෙනවා. එමෙන්ම ආණ්ඩුකාරවරයා විසින් අනතුරට පත්වූවන්ට අවශ්ය හදිසි ආධාර, කඩිනමින් ලබාදෙන ලෙස පළාත් සෞඛ්ය අමාත්යාංශයේ ලේකම්වරයාටද දැනුම් දෙනු ලැබුවා. කඳුරුවෙල සිට කල්මුණේ දක්වා ගමන් කළ මගී ප්රවාහන බස් රථය ඊයේ අනතුරට ලක්වීමෙන් 10 දෙනෙකු මියගිය අතර, තුවාල ලැබූ 41 දෙනෙකු තවදුරටත් පොළොන්නරුව මහ රෝහලේ සහ මනම්පිටිය ප්රාදේශීය රෝහලේ ප්රතිකාර ලබනවා.
අස්වැසුම සුබසාධන වැඩසටහනට අභියාචනා ඉදිරිපත් කිරීමට ලබා දී තිබූ කාලය අදින් අවසන් වනවා. ඒ අනුව එම වැඩසටහනට අදාළව අභියාචනා ලක්ෂ 9ක් සහ විරෝධතා 12,000ක් ලැබී ඇති බවයි මුදල් රාජ්ය අමාත්ය ෂෙහාන් සේමසිංහ ප්රකාශ කළේ. පසුගිය දින කිහිපය තුළදීම අස්වැසුම සුබසාධන වැඩසටහනට විරෝධය පළ කරමින් දිවයින පුරා විරෝධතා පැවැත්වුණේ, ඇතැම් පාර්ශවයන්ගේ නම් ඊට ඇතුළත් කර නොමැති බව පවසමින්. ඒ අනුවයි රජයේ පාර්ශවය අස්වැසුම වැඩසටහන සඳහා අභියාචනා සහ විරෝධතා ඉදිරිපත් කිරීමට අද (10) දිනය දක්වා කල් ලබා දුන්නේ. ලැබුණු අභියාචනා පරික්ෂා කිරීම සඳහා අධීක්ෂණ කමිටුවක් ද පත් කරනු ලැබුවා.