Author: LANKA24X7

කුරුන්දි රජ මහා විහාර භූමියේ පොන්ගල් උත්සවයක් පොලිසිය සහ පුරාවිද්‍යා දෙපාර්තමේන්තුව මැදිහත් වීමෙන් වළක්වා තිබෙනවා. පාර්ලිමේන්තු මන්ත්‍රී සෙල්වරාසා ගජේන්ද්‍රන් ඇතුළු පිරිසක් පැමිණ මුලතිව් කුරුන්දි විහාර භුමියේ පොංගල් පූජාවක් පැවැත්වීමට උත්සාහ කිරීමේදී එහි ගොස් සිටි භික්ෂූන් වහන්සේ ඇතුළු පිරිසක් ඊට විරෝධය පළ කිරීමත් සමග උණුසුම් තත්ත්වයක් හට ගත්තා. පොලිසිය සහ පුරාවිද්‍යා දෙපාර්තමේන්තුවේ නිලධාරීන් මැදිහත් වී එය පාලනය කළ අතර, මෙවැනි පූජාවක් පැවැත්වීම වළක්වන්නැයි ඉල්ලා මුලතිව් පොලිසිය මුලතිව් අධිකරණයටද ගොස් තිබුණා. එහිදී, පූජාවක් පැවැත්වීම අධිකරණයකින් නැවතිය නොහැකි බැවින්, කිසිදු ඉදිකිරීමක් නොකර පූජාව පවත්වන්නැයි විනිසුරුවරයා නියෝග කර තිබූ පසුබිමක, මෙම තත්ත්වය හට ගත්තා.

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් අද (15) දිනයේ වැසි වාර කිහිපයක් ඇති විය හැකි බව කාලගුණ විද්‍යා දෙපාර්තමේන්තුව නිවේදනය කරනවා. ඌව පළාතේත් අම්පාර සහ මඩකළපුව දිස්ත්‍රික්කවලත් සවස් කාලයේදී හෝ රාත්‍රී කාලයේදී ස්ථාන ස්වල්පයක වැසි හෝ ගිගුරුම් සහිත වැසි ඇතිවිය හැකි බව සඳහන්. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස‍යි එම දෙපාර්තමේන්තුව ජනතාවගෙන් ඉල්ලා සිටින්නේ.

බඩල්කුඹුර – මොණරාගල මාර්ගයේ 11 කණුව අසල ඇති තාවකාලිකව ඉදිකරන ලද පළතුරු වෙළදසැලක් අසල ඊයේ (14) ගෙලෙහි කැපුම් තුවාල සහිතව පුද්ගලයෙකු මිය ගොස් තිබෙනවා. මෙසේ මියගොස් ඇත්තේ වයස අවුරුදු 45 ක් වූ පුස්සැල්ලෑව, බඩල්කුඹුර ප්‍රදේශයේ පදිංචිකරුවෙක්. අදාළ පුද්ගලයා පළතුරු වෙළදසැලේ හිමිකරු බවට මූලික විමර්ශනයේදී අනාවරණය වී ඇති අතර සැකකරු සම්බන්ධයෙන් මෙතෙක් තොරතුරු කිසිවක් හෙළි වී නොමැති බවයි වාර්තා වන්නේ. මහේස්ත්‍රාත් පරීක්ෂණයෙන් පසු මෘත ශරීරය පශ්චාත් මරණ පරීක්ෂණය සඳහා බදුල්ල රෝහලේ මෘත ශරීරාගාරයේ තැන්පත් කර ඇති බවයි පොලිසිය පැවසුවේ.

අම්පාර ප්‍රධාන බස් නැවතුම්පොල ඉදිරිපිටදී ගජමුතු 3ක් ළග තබා ගත් සැකකරුවෙක් අත්අඩංගුවට ගෙන තිබෙනවා. ඒ අම්පාර පොලිසියට ලද තොරතුරක් මතයි. අත්අඩංගුවට ගත් සැකකරුගේ වයස අවුරුදු 21ක් වන අතර ඔහු සීදුව ප්‍රදේශයේ පදිංච්කරුවෙක්. සැකකරු අද(15) දින අම්පාර මහේස්ත්‍රාත් අධිකරණය වෙත ඉදිරිපත් කිරිමට නියම්තයි. අම්පාර පොලිසිය තවදුරටත් විමර්ශන පවත්වයි.

කොළඹ ප්‍රදේශ කිහිපයකට අද (15) දිනයේ ජල කප්පාදුවක් සිදු කරන බව ජාතික ජල සම්පාදන හා ජලාපවහන මණ්ඩලය සඳහන් කරනවා. ඒ අනුව පෙරවරු 08.00 සිට පැය 14ක කාලයක් මෙසේ ජල කප්පාදුව සිදු කරන බව සඳහන්. එම මණ්ඩලය ප්‍රකාශ කර සිටියේ කොළඹ 01,02,03,04, 07,08,09,10,11,12,13,14,15 යන ප්‍රදේශවලට මෙසේ ජල කප්පාදුව සිදුවන බවයි.

පේරාදෙණිය ශික්ෂණ රෝහලේදී 21 හැවිරිදි තරුණියක් මිය යාමේ සිද්ධිය ගැන විමර්ශනයට විශේෂඥ වෛද්‍යවරුන් 05 දෙනෙකුගෙන් සමන්විත කමිටුවක් පත් කර තිබෙනවා. සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන සදහන් කළේ අදාළ විශේෂඥ කමිටුව අද පළමුවරට රැස්වීමට නියමිත බවයි. ඒ අනුව ඔවුන් එම රෝහලට ගොස් ඒ පිලිබද විමර්ශන ආරම්භ කිරීමට ද නියමිතයි. පේරාදෙණිය ශික්ෂණ රෝහලේ උදරාබාධ රෝග තත්ත්වයකට ප්‍රතිකාර ලබමින් සිටියදී මිය ගිය 21 හැවිරිදි තරුණියගේ දේහය පිළිබඳ අවසන් කටයුතු ඊයේ පස්වරුවේ සිදු කෙරුණා. ඒ පොත්තපිටිය පොදු සුසාන භූමියේදියි. පවුලේ එකම දරුවා වූ චමෝදි සන්දීපනී නැමති ඇය පසුගිය නව වනදා රෝහල් ගත කෙරුණේ රාත්‍රී ආහාරයට ගත් කොත්තුවක් නිසා හටගත් උදරාබාධ තත්ත්වයක් හේතුවෙන්.…

රට ගොඩනැඟීමට නම් මූල්‍ය විනයක් අත්‍යාවශ්‍ය බවත්, රාජ්‍ය වියදම් පාලනයට මෙන්ම රාජ්‍ය නව ආදායම් උත්පාදනයට විධිමත් ක්‍රමවේද කඩිනමින් හඳුන්වා දෙන බවත් ජනාධිපති රනිල් වික්‍රමසිංහ මහතා අවධාරණය කරයි. රජය වැය කරන සෑම රුපියලකටම උපරිම වටිනාකමක් ලබාගත යුතු නමුත් බොහෝ විට එය රාජ්‍ය වියදම් ක්‍රියාවලිය තුළ සිදුනොවන බව පෙන්වා දුන් ජනාධිපතිවරයා, රාජ්‍ය ආදායම් අමතක කිරීම පමණක් නොව කිසිදු ප්‍රතිලාභයක් නොමැති කටයුතු සඳහා රාජ්‍ය මුදල් සීමාවකින් තොරව වැය කිරීම ද මෙරට ආර්ථික අර්බුදයට හේතු වූ බව කියා සිටියි. එසේම පසුගිය වසර දෙක, තුන තුළ මේ පිළිබඳ පාර්ලිමේන්තුව තුළ සංවාදයක් සිදුනොවිම අද රටේ මතුව ඇති මූල්‍ය ගැටලුවලට ප්‍රධාන හේතුවක් බව පෙන්වා දුන් ජනාධිපති රනිල්…

එළඹෙන සෙනසුරාදා (15) කොළඹ ප්‍රදේශ කිහිපයක ජල කප්පාදුවක් සිදුකරන බව ජාතික ජල සම්පාදන හා ජලාපවහන මණ්ඩලය පවසයි. ඒ අනුව එදින පෙරවරු 08 සිට පැය 14ක ජල කප්පාදුවක් සිදුකිරීමට නියමිතය. මෙලෙස ජල කප්පාදුව සිදුවන්නේ කොළඹ 01,02,03,04 සහ කොළඹ 07,08,09,10,11,12,13,14,15 යන ප්‍රදේශවලටය.

අධිකරණයට අපහාස කළේ යැයි කියන රාජ්‍ය අමාත්‍ය සනත් නිශාන්ත මහතාට එරෙහිව ගොනුකර තිබෙන පෙත්සම් 03ක් සැප්තැම්බර් මස 27 වන දා යළි කැඳවන ලෙස අභියාචනාධිකරණය නියම කළේය. මෙම පෙත්සම් අද (13) අභියාචනාධිකරණ සභාපති විනිසුරු නිශ්ශංක බන්දුල කරුණාරත්න සහ ඒ. මරික්කාර් යන විනිසුරු මඩුල්ල ඉදිරියේ කැඳවනු ලැබීය. එහිදී නීතිපතිවරයා වෙනුවෙන් පෙනීසිටි නියෝජ්‍ය සොලිසිටර් ජනරාල්වරිය, අධිකරණයට දන්වා සිටියේ, මෙම පැමිණිල්ලට අදාළව කටහඬ පරීක්ෂණයක් සිදු කිරීමට අවශ්‍යව තිබෙන බවත් එය රජයේ රස පරීක්ෂණ දෙපාර්තමේන්තුවේ නිලධාරීන් ඉදිරිපිට කිරීමට අවශ්‍යව තිබෙන බවත්ය. එම අවස්ථාවේදී එක් පෙත්සමක් ඉදිරිපත් කර තිබූ ශ්‍රී ලංකා අධිකරණ නිලධාරීන්ගේ සංගමය වෙනුවෙන් පෙනී සිටි නීතිඥවරයා කියා සිටියේ, එවැනි පරීක්ෂණයකින් තොරව මෙම පෙත්සම පවත්වාගෙන…

රුපියල් ලක්ෂ 56ක් පමණ මුදලකට වාලම්පුරියක් අලෙවි කිරීමට උත්සාහ කළ කාන්තාවන් දෙදෙනෙකු ඇතුළු පුද්ගලයන් හය දෙනෙකු ජාඇළ නගරයේ දී පොලිසිය විසින් අත්අඩංගුවට ගෙන තිබේ. ජා ඇල පොලිස් ස්ථානයේ නිලධාරීන්ට ලද තොරතුරක් මත සිදුකළ වැටලීමකදී සැකකරුවන් අත්අඩංගුවට ගෙන ඇති බව පොලිස් මාධ්‍ය කොට්ඨාසය පවසයි. අගල් 14ක් පමණ දිගැති වාමාවර්තව කැරකී ඇති දුඹුරු සහ සුදු පැහැයෙන් යුතු ඉතා වටිනා වාලම්පුරියක් මෙලෙස සැකකරුවන් විසින් අලෙවි කිරීමට සුදානම්ව සිට ඇති බව පොලිසිය සදහන් කරයි. කිරිඳිවැල, නිට්ටඹුව, අංගොඩ සහ මාලිගාකන්ද යන ප්‍රදේශවල පදිංචිකරුවන් වන සැකකරුවන් පැමිණි කැබ් රථයක් සහ යතුරු පැදි දෙකක් ද පොලිස් භාරයට ගෙන ඇත. ඔවුන් අද (13) වැලිසර මහේස්ත්‍රාත් අධිකරණය වෙත ඉදිරිපත්…