Subscribe to Updates
Get the latest creative news from FooBar about art, design and business.
Author: LANKA24X7
ප්‍රංශයේදී පැවැත්වීමට නියමිත එළඹෙන ගිම්හාන ඔලිම්පික් උලෙලේ නිළ සංකේතය එළි දක්වා ඇත. විශේෂත්වය වන්නේ මෙය නැගෙනහිර යුරෝපයට ආවේණික තොප්පියක හැඩය ගැනීමයි. තුන්හුලස් හැඩය ගන්නා මෙම තොප්පිය උතුරු යුරෝපානු ජාතීන් අතර ජනප්‍රිය Phrygian cap ආකෘතිය ගනියි. මෙය ඇමරිකානු හා ප්‍රංශ විප්ලවයෙන් නිදහස් වීම සිහිගන්වනක් වීම හා මෙහි ඇති විනෝදාත්මක හැඩය එළඹෙන තරගාවලියට මෙය සංකේතාත්මකව තෝරාගැනීමට හේතුවක් වී ඇත. රතු පැහැයෙන් යුක්ත මෙම Phrygian cap ආකෘතිය නිළ වශයෙන් ඊයේ (14දා) එළි දක්වා ඇත. 2024 වර්ෂයේ ජූලි 26 වැනිදා සිට අගෝස්තු 11 වැනිදා දක්වා ප්‍රංශයේදී පැරිස් නුවරදී පැවැත්වීමට නියමිත එළඹෙන ඔලිම්පික් තරගාවලිය ඉතිහාසයට එක්වන්නේ 33 වැනි ඔලිම්පික් තරගාවලිය ලෙසිනි.
අයවැය සම්මත කර ගැනීමේ බලය ශ්‍රී ලංකා පොදුජන පෙරමුණ සතුව ඇති බවත්, ඒ අනුව ඊට වෙනත් පාර්ශ්වවල සහාය ලබාගැනීමට ‘වැඩි මහන්සියක්’ නොවිය යුතු බවත් එම පෙරමුණෙහි ප්‍රධාන ලේකම්, පාර්ලිමේන්තු මන්ත්‍රී සාගර කාරියවසම් මහතා ප්‍රකාශ කළේය. ඔහු පෙන්වා දුන්නේ අයවැය යනු තුනෙන් දෙකකින් නොව සාමාන්‍ය බහුතරයකින් සම්මත විය යුතු දෙයක් වන බවයි. ඒ අනුව අයවැය හා අමාත්‍ය ධුර ලබාදීම අතර සම්බන්ධයක් තමන් නොදන්නා බවද ප්‍රධාන ලේකම්වරයා සඳහන් කර සිටියේය. බත්තරමුල්ල, නෙළුම් මාවතෙහි පිහිටි ශ්‍රී ලංකා පොදුජන පෙරමුණු මූලස්ථානයේදී ඊයේ (14දා) පැවැති මාධ්‍ය හමුවේදී මාධ්‍යවේදීන් විසින් යොමු කරන ලද ප්‍රශ්න සඳහා පිළිතුරු ලබාදෙමින් හෙතෙම මේ බව පැවසීය.
ශ්‍රී පාද වන්දනා සමයට අවශ්‍ය යටිතල පහසුකම් පිළිබඳව රජය මැදිහත් වන බවත් මහනුවර රාජධානිය බිඳවැටීමෙන් ජනතාව වගාකළ ඉඩම් බොහෝමයක් සුදු අධිරාජ්‍යවාදින් අල්ලගත් බවත් අග්‍රාමාත්‍ය දිනේෂ් ගුණවර්ධන මහතා පැවැසීය. එම ඉඩම් නැවත ජනතාවට ලබාදී වගා සංග්‍රාමයට එක් කරන බවද අග්‍රාමාත්‍යරය පැවැසීය. අග්‍රාමාත්‍යවරයා මේ බව පැවැසුවේ ශ්‍රී පාදස්ථානාධිපති පූජ්‍ය බෙංගමුවේ ධම්මදින්න නායක හිමියන් බැහැදැකීමට පපැල්මඩුල්ල රජමහා විහාරයට ගිය අවස්ථාවේදීය. එළැඹෙන උදුවප් පොහොය දින සිට ඇරඹෙන ශ්‍රී පාද වන්දනා සමයට අදාලව පහසුකම් සැපයීම සම්බන්ධයෙන් ද මෙහිදී සාකච්ඡා කෙරිණි. “මහනුවර රාජධානිය බිඳ වැටුනට පස්සේ සුදු අධිරාජ්‍යවාදීන් අපේ ජනතාවගේ ලංකාව පුරා ඉඩම් අත්පත් කර ගත්තා. ඒ ඉඩම් තමයි බොහොමයක් අද වතු සමාගම්වල හා රජයේ තියෙන්නේ.…
හම්බන්තොට ජාත්‍යන්තර වරාය (HIP) විශ්වාසනීයත්වය සහ නවෝත්පාදනය කේන්ද්‍ර කර ගනිමින්, කලාපයේ කාර්යක්ෂම වරාය බවට පත්වීමේ අරමුණ කරා වේගයෙන් ළගා වී ඇති බව හම්බන්තොට ජාත්‍යන්තර වරායෙහි ප්‍රධාන විධායක නිලධාරී ජොන්සන් ලියු මහතා පැවසිය. වැඩිදුරටත් මාධ්‍ය වෙත අදහස් දක්වමින් ජොන්සන් ලියු මහතා මෙසේද පැවසිය. “සමුද්‍රීය ඉන්ධන නෞකාවක් වන MV P.Yanbuහි ගොඩබෑම් කටයුතුවල මෙහෙයුම් කාලය 57% කට සීමා කරමින් නව වාර්තාවක් පිහිටුවීමට වරාය සමත් වී තිබෙනවා. ප්‍රථම වරට වරායේ තෙල් ජැටියේදී ඉන්ධන දෙවර්ගයක් සමගාමීව පැටවීමේ ක්‍රියාවලියක් දියත් කිරීමටවරායට හැකිවුණා. ඒ අනුව සමුද්‍රීය ගෑස් තෙල් (Marine Gas Oil – MGO) සහ සල්ෆර් ප්‍රතිශතය අඩු ඛනිජ තෙල් (Very Low Sulfur Fuel Oil – VLSFO) එකවර…
මාතලේ, රණබිම ප්‍ර දේශයේ නිවසක පදිංචිව සිටි එකම පවුලේ මව, දියණිය හා පුතුන් දෙදෙනාට අසළ නිවසක සිටි පුද්ගලයෙක් තියුණු ආයුධයකින් පහරදීම හේතුවෙන් තුවාල ලබා මාතලේ රෝහලට ඇතුළත් කිරිමෙන් පසු එක් පිරිමු දරුවෙක් මිය ගොස් ඇතැයි පොලීසිය කියයි. පහර කෑමෙන් මියගොස් ඇත්තේ අවුරුදු 3 හමාරක පිරිමි දරුවෙකි. අවුරුදු 38ක් වන මව, අවුරුදු 19ක් වන දියණිය හා අවුරුදු 15ක් වන තවත් පිරිමි දරුවෙක් මාතලේ රෝහලේ ප්‍රතිකාර ලබයි. පහරකෑමට ලක්වූ පවුලේ අය හා පහර දුන් පුද්ගලයාගේ පවුලේ අය අතර දිගුකාලීනව පැවැති ආරවුලක් දුරදිග යාම හේතුවෙන් මෙම ඝාතනය සිදුව තිබේ. ඝාතනය සිදුකළ පුද්ගලයා අපරාධය සඳහා ගත් කඩුවද සමගින් අත්අඩංගුවට ගෙන තිබේ.
සෞඛ්‍ය ආරක්ෂිතව පානීය ජලය පාරිභෝගිකයන්ට ලබා ගැනීමට හැකිවන පරිදි ආරක්ෂිත ක්‍රමවේදයක් හඳුන්වා දීම අත්‍යවශ්‍ය කරුණක් වී ඇති බව ජනාධිපති රනිල් වික්‍රමසිංහ මහතා ඊයේ (14) අයවැය කතාව ඉදිරිපත් කරමින් කියා සිටියේය. ජනාධිපතිවරයා වැඩි දුරටත් පවසා සිටියේ ඒ අනුව, පානීය ජල බෝතල් නිෂ්පාදනය සිදු කරනු ලබන අවස්තාවේ දීම ඒ සඳහා ආරක්ෂිත මුද්‍රාවක් (Sticker) යෙදීමට හැකිවන පරිදි අවශ්‍ය ක්‍රමවේද හඳුන්වා දීමට සහ පසුවිපරම් කිරීමට සෞඛ්‍ය අමාත්‍යාංශය විසින් පියවර ගත යුතු බවයි. පානීය ජල බෝතල් භාවිතය සීඝ්‍ර ලෙස වැඩි වී ඇති බැවින් සෞඛ්‍ය ආරක්ෂිතව පානීය ජලය පාරිභෝගිකයන්ට ලබා ගැනීමට හැකිවන පරිදි ආරක්ෂිත ක්‍රමවේදයක් හඳුන්වා දීම අත්‍යවශ්‍ය වී ඇත. ඒ අනුව, පානීය ජල බෝතල් නිෂ්පාදනය…
ලබන වසරේ අළු බඳුන තරගාවලියෙන් පසුව ඔස්ට්‍රේලියානු ක්‍රිකට් ක්‍රීඩක ඩේවිඩ් වෝනර් ටෙස්ට් ක්‍රිකට් ක්‍රීඩාවෙන් සමුගැනීමට නියමිත බව විදෙස් මාධ්‍ය වාර්තා කරයි. මෙරව T20ලෝක කුසලාන තරගාවලියෙන් ඔස්ට්‍රේලියානු කණ්ඩායමට අනපේක්ෂිත ලෙස ඉවත්වීමට සිදුවුණි. එම සිදුවීමත් සමග වෝනර් සහ ඔස්ට්‍රේලියානු ජ්‍යෙෂ්ඨ ක්‍රීඩකයින් කිහිපදෙනෙකුම දැඩි ලෙස කම්පනයට ලක්ව ඇතැයි ද විදෙස් මාධ්‍ය වාර්තා කර තිබේ. විශේෂයෙන්ම ඔස්ට්‍රේලියානු හිටපු ක්‍රිකට් ක්‍රීඩක මැතිව් හේඩ්න් කණ්ඩායමේ වෙනසක් සිදුවිය යුතු බව සඳහන් කර ඇත්තේ, මීළඟ ලෝක කුසලානයට පෙර ඇතැමුන්ට ඉවත් වීමට කාලය පැමිණ ඇති බව පවසමිනි.
ඉරානයේ පැවැති විරෝධතා අතරතුර මියගිය පුද්ගලයින් සංඛ්‍යාව 326 දෙනෙකු දක්වා ඉහළ ගොස් තිබේ. ආරක්ෂක අංශ විසින් විරෝධතා මර්දනයට ගත් ක්‍රියාමාර්ග අතරතුර මියගිය පුද්ගලයින් අතර ළමුන් 43 දෙනෙකු සහ කාන්තාවන් 25 දෙනෙකු වන බව මානව හිමිකම් සංවිධාන පෙන්වාදී ඇත. කාන්තාවන් සඳහා වන ඇඳුම් පැළඳුම් නීති උල්ලංඝනය කළ බවට අත්අඩංගුවට ගත් මාහ්ෂා අමීනී නම් තරුණිය මියයාමත් සමග රටපුරා මෙම විරෝධතා ක්‍රියාත්මක කෙරුණි.
මෙවර අයවැය හරහා යෝජනා කරන ලද විශේෂ කරුණු 73කින් සමන්විත නිවේදනයක් ජනාධිපති මාධ්‍ය අංශය විසින් නිකුත් කර ඇත. එම නිවේදනය පහතින්.
ක්‍රිකට් ක්‍රීඩක ධනුෂ්ක ගුණතිලක සම්බන්ධ නඩුව සඳහා වියදම් කිරීමට ශ්‍රී ලංකා ක්‍රිකට් ආයතනය සතුව මූල්‍ය ප්‍රතිපාදන නොමැති බවට පසුගියදා පළවු මාධ්‍ය වාර්තා අසත්‍ය බව ශ්‍රී ලංකා ක්‍රිකට් ආයතනයේ උප ලේකම් ක්‍රිෂාන්ත කපුවත්ත මහතා පවසයි. ඔහු පැවසුවේ පළමුවෙන් ධනුෂ්ක ගුණතිලක බේරා ගැනීම සඳහා කටයුතු කළයුතු බවය. පසුව ඔහුගෙන් අදාළ පියවා ගැනීම් සිදුකිරීමට හැකි බවත් ඒ මහාතා පැවසීය. ඔහු මේ බව පැවසුවේ ඊයේ (14) කොළඹ දී මාධ්‍ය වෙත අදහස් දක්වමිනි. “මම අඟහරුවාදාම ශ්‍රී ලංකා ක්‍රිකට් විධායක මණ්ඩලයේ අනුමැතිය අරන් තියෙනවා අවශ්‍ය ප්‍රතිපාදන ලබලා දෙන්න. ඒ ළමයා බේර ගත්තට පස්සේ එයාගේ පෞද්ගලික වියහියදම් පියවා ගන්නට තියෙනවා නම් අපිට එතුමාගෙන් එක පියවා ගන්න පුළුවන්.…