Author: LANKA24X7

ඉන්දියාව සමග පවතින හවුල්කාරීත්වය වඩාත් ශක්තිමත් සබඳතාවයක් බව අමෙරිකානු රාජ්‍ය දෙපාර්තමේන්තුවේ ප්‍රධාන නියෝජ්‍ය ප්‍රකාශකයා පවසා තිබේ. ඔහු මේ බව සඳහන් කර ඇත්තේ ඉන්දීය අග්‍රාමාත්‍ය නරේන්ද්‍ර මෝදි එළඹෙන ජුනි මාසයේදී සංචාරයක් සඳහා අමෙරිකාවට පැමිණීමට නියමිතව ඇති පසුබිමකය. අමෙරිකානු ජනාධිපති බයිඩන්ගේ හා ඔහුගේ බිරිඳගේ ආරාධනාවකට අනුව එම සංචාරය සිදු කිරීමට නියමිතය.

කුසට අහරක් හෝ ඇඳිවතවත් නොමැතිව ඉතා අනාරක්ෂිත තත්ත්වයේ සිටි බාලවයස්කාර දරුවන් තිදෙනෙකු සිය බාරයට ගත් බව මිනුවන්ගොඩ පොලිසියේ ළමා හා කාන්තා කාර්යංශය පවසනවා. 12 හැවිරිදි විශේෂ අවශ්‍යතා ඇති දැරියක සහ ඇයගේ අවුරුදු 7ක් සහ 8ක් වයසැති සොහොයුරන් දෙදෙනකු ඔවුන්ගේ ආරක්ෂාව පතා මෙසේ අත්අඩංගුවට ගෙන ඇති බවයි වාර්තා වන්නේ. මෙම දරු තිදෙනා ගේ පියා මියගොස් ඇති බව පොලිසිය කියයි. මව රෝගී තත්වයෙන් ප්‍රතිකාර නොලබා මිනුවන්ගොඩ උන්නාරුව ප්‍රදේශයේ නිවස තුළ බිම වැතිරී සිටිය දී රෝහල්ගත කිරීමට පොලිසිය පියවර ගෙන තිබෙනවා. පිරිමි දරු දෙදෙනා කලකට පෙර පාසල් ගොස් ඇති බවත් පවතින අගහිඟකම් මධ්‍යයේ පාසල් ගමන අතහැර ගොස් ඇති බවත් පොලීසිය පවසනවා. මිනුවන්ගොඩ පොලිසියේ…

විපක්ෂ නායක සජිත් ප්‍රේමදාස සමගි ජන බලවේගයේ මීළග ජනාධිපති අපේක්ෂකවරයා බව එම පක්ෂය ඒකමතිකව තීරණය කර තිබෙනවා. සමගි ජනබලවේගයේ කෘත්‍යාධීකාරී මණ්ඩලය විසින් මෙම තීරණය ගෙන ඇති බවයි වාර්තා වන්නේ. සමගි ජන බලවේගයේ කෘත්‍යාධිකාරී මණ්ඩල රැස්වීමක් ඊයේ (16) පැවැත්වුණා. පස්වරු හතරට පක්ෂ නායක සජිත් ප්‍රේමදාස මහතාගේ ප්‍රධානත්වයෙන් එම රැස්වීම පැවැත් වූ බවයි වාර්තා වන්නේ. සජබයේ උප සභාපතිවරයෙක් වූ පී. හැරිසන් තමන් ජනාධිපති රනිල් වික්‍රමසිංහට සහාය දක්වන බව පසුගිය දා ප්‍රකාශ කළා. එමෙන් ම පාර්ලිමේන්තු මන්ත්‍රී වඩිවේල් සුරේෂ් ද තමන් ජනාධිපතිවරයාට සහය දක්වන බව සඳහන් කළා. සජබ කොළඹ දිස්ත්‍රික් පාර්ලිමේන්තු මන්ත්‍රී ඒ.එච්.එම් ෆවුසි පසුගිය දා IMF ගිවිසුමට පක්ෂව ඡන්දය ප්‍රකාශ කළා. මේ…

අපවත්වී වදාළ අතිපූජ්‍ය දොඩම්පහළ චන්දසිරි මහනාහිමියන්ගේ ආදාහන පූජෝත්සවය පූර්ණ රාජ්‍ය ගෞරව සහිතව මැයි 21 ඉරිදා පස්වරු 3 නිදහස් චතුරස්‍ර පරිශ්‍රයේදී පැවැත්වෙන බව බුද්ධශාසන අමාත්‍යාංශය සඳහන් කරනවා. ශ්‍රී ලංකා අමරපුර මහනිකායේ මහනායක අතිපූජ්‍ය දොඩම්පහළ චන්දසිරි නාහිමියන් අපවත් වී තිබුණා. අද දහවල් ශ්‍රී ජයවර්ධනපුර රෝහලේ ප්‍රතිකාර ලබමින් සිටියදී උන්වහන්සේ අපවත් වූ බවයි වාර්තා වන්නේ. කලක් රෝගාතුරව සිටි උන්වහන්සේ අපවත්වන විට 84 වියෙහි පසුවුණා. 1950 නොවැම්බර් 25 දින කුඩාවැල්ල වාලුකාරාමයේදී පැවිදි දිවියට ඇතුළත් වූ දොඩම්පහළ චන්දසිරි හිමියන් මාතර, වීරබා පිරිවෙනෙන් මූලික අධ්‍යාපනය හදාරනු ලැබුවා.

හිටපු පාර්ලිමේන්තු මන්ත්‍රීවරයෙකු මෙන්ම හිටපු පාර්ලිමේන්තු ඇමතිවරයකු වන මර්වින් සිල්වා මාධ්‍ය සාකච්ඡාවකට එක්වෙමින් ආන්දෝලනාත්මක ප්‍රකාශයක් සිදු කළ දේවගැති ජෙරම් ප්‍රනාන්දු සම්බන්ධයෙන් සිය අදහස් ප්‍රකාශ කළා. සාකච්ඡාවට එක්වෙමින් හෙතෙම සඳහන් කළේ මෙවන් අදහසක් “මං ෆාදර් ජෙරම් ප්‍රනාන්දුට කියනවා ඩොලර්ස්වලින් සාක්කු පුරව ගන්න ආගම් බේද ඇති කරන්නෙ එපා. ජෙරම් කියනවනම් ක්‍රිස්තුස් වහන්සේ ආලෝකයයි කියලා, ක්‍රිස්තුස් වහන්සේ මර්කරි බල්බ් එකක් වෙන්න ඇති. අපහාස කරන්න එපා. ක්‍රිස්තුස් වහන්සේ කියන්නේ පින් පිරිච්ච එඩිතරව රජුන්ට විරුද්දව මූන දුන්නු හැමෝටම ප්‍රේම කරන්නැයි කියලා නිහමානී කමින් පිරිච්ච ලෝකයේ වැඩි පිරිසක් අදහන ආගම ලෙසයි මම දැනගෙන තියෙන්නේ.” මෙහිදී හෙතෙම දේවගැති ජෙරම් විවේචනයට ලක් කරමින් කියා සිටින්නේ, බුද්ධාගම නොදන්නේ නම්…

මේ අතර, වැසි සහිත කාලගුණය හේතුවෙන් ඩෙංගු සහ මී උණ රෝග තත්ත්වයන් ඉහළ යාමේ අවදානමක් ඇති බවටයි සෞඛ්‍ය අංශ අනතුරු අඟවන්නේ. ජාතික ඩෙංගු මර්දන වැඩසටහනෙහි දත්තවලට අනුව මෙම වසර තුළ ඩෙංගු රෝගය වැළඳීමෙන් සිදුවූ පුද්ගල මරණ සංඛ්‍යාව 22ක්. එමෙන්ම අදාළ කාලය තුළ දිවයින පුරා ඩෙංගු රෝගීන් 34,511ක් වාර්තා වී ඇති බවයි ජනාධිපති මාධ්‍ය අංශය නිවේදනය කරන්නේ. මේ අතර, බේරුවල ධීවර වරායේ බහුදින ධීවර යාත්‍රා හතලිහකට ආසන්න ප්‍රමාණයකින් ඩෙංගු කීටයින් හඳුනාගත් බව කළුතර සෞඛ්‍ය වෛද්‍ය විද්‍යායතනය පවසනවා. එහිදී දැඩි ලෙස සෞඛ්‍ය උපදෙස් උල්ලංඝනය කළ බහුදින යාත්‍රා හිමිකරුවන් 14 දෙනෙකුට අධිකරණ ක්‍රියාමාර්ග ගැනීමටද එම ආයතනය පියවර ගත්තා.

ශ්‍රී ලංකා සුපිරි කෙටිදුර ධාවන ශූර යුපුන් අබේකෝන් මෙම වසරේ දී සහභාගීවන වන සිය පළමු ඩයමන්ඩ් ලීග් මලල ක්‍රීඩා තරගාවලියේ මීටර් 100 ඉසව්ව සදහා ලබන මස 2 වැනිදා එක්වනවා. ඒ ඉතාලියේ ෆ්ලෝරන්ස් ඩයමන්ඩ් ලීග් තරගාවලියටයි. යුපුන් ක්‍රීඩා දිවියේ එතෙක් මෙතෙක් සහභාගී වන සුපිරිම තරගය මෙය බවට පත්ව ඇත්තේ මේවන විට ලොව මීටර් 100 ඉසව්වේ සුපිරිතම ක්‍රීඩකයින් එම තරගයට එක්වීම හේතුවෙන්. ඒ අතරට මීටර් 100 ඉසව්වේ වත්මන් ලෝක ශූරයා වන අමෙරිකාවේ ෆ්‍රෙඩ් කර්ලි , මීටර් 100 ඉසව්වේ ඔලිම්පික් රන් පදක්කම් ලාභී ඉතාලියේ මාසෙල් ජේකෝබ්ස්, පොදුරාජ්‍ය මණ්ඩලයීය මීටර් 100 රන් පදක්කම් ලාභීයා ඇතුළු වනවා. එමෙන්ම මෙම වසරේ මීටර් 100 ඉසව්වෙන් වේගවත්ම කාළය…

පළාත් කිහිපයකට අදත් (17) වැසි ඇති විය හැකි බව කාලගුණ විද්‍යා දෙපාර්තමේන්තුව නිවේදනය කර සිටිනවා. බස්නාහිර, සබරගමුව, වයඹ, මධ්‍යම සහ නැගෙනහිර පළාත්වල මෙලෙස වැසි ඇති විය හැකි බව එම නිවේදනයේ සඳහන්. මුලතිව් දිස්ත්‍රික්කයේත් සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති විය හැකි බවයි වාර්තා වන්නේ. බස්නාහිර වෙරළබඩ ප්‍රදේශවලත් ගාල්ල සහ මාතර දිස්ත්‍රික්කවලත් උදෑසන කාලයේදී ද වැසි ස්වල්පයක් ඇති වීමට ඉඩ ඇති බවයි එම නිවේදනයේ වැඩි දුරටත් සඳහන් වන්නේ. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙසයි කාලගුණ විද්‍යා දෙපාර්තමේන්තුව…

ආගමික සහජීවනය ට බාධා වන අන්දමේ ආන්දෝලනාත්මක ප්‍රකාශ කළ බවට චෝදනා එල්ල වී ඇති දේවගැති ජෙරම් ප්‍රනාන්දු (15) සිංගප්පූරුව බලා පිටත්ව ගොස් ඇති බව වාර්තා වී තිබෙනවා. ඔහු 15 අළුයම කටුනායක ගුවන් තොටුපළින් පිටත්ව ගොස් ඇති බවයි ගුවන් තොටුපල ආරංචි මාර්ග සඳහන් කළේ. කොළඹ අගරදගුරු නිල නිවසේ ඊයේ පැවති මාධ්‍ය හමුවකට එක්වෙමින් කතෝලික සභාවේ මාධ්‍ය ප්‍රකාශක සිරිල් ගාමිණි පියතුමන් සදහන් කළේ ජෙරම් ප්‍රනාන්දු නැමැත්තා කතෝලික පුජාප්‍රසාදිතුමකු හෝ කතෝලික සභාවට කිසිදු ලෙසකින් සම්බන්ධ අයෙකු නොවන බවයි. මේ අතර ජෙරම් ප්‍රනාන්දු සිදු කළ ප්‍රකාශය හෙළා දකින බවත් එය සම්පූර්ණයෙන්ම ප්‍රතික්ෂේප කරන බවත් කතෝලික සභාවේ මාධ්‍ය ප්‍රකාශක සිරිල් ගාමිණි පියතුමන් එහිදී වැඩිදුරටත් කියා…

ජූලි මස පළමු වැනිදා සිට ක්‍රියාත්මකවීමට නියමිත විදුලි ගාස්තු සංශෝධනය සම්බන්ධයෙන් සකස් කළ යෝජනාව ලංකා විදුලිබල මණ්ඩලය විසින් මහජන උපයෝගීතා කොමිසම වෙත භාර දී තිබේ. ඒ අනුව එමඟින් සියයට තුනකින් විදුලි ගාස්තු අඩු කිරීමට යෝජනා කර ඇති බව වාර්තා වේ. විදුලි ජනන සහ විකුණුම් දත්ත, ඉන්ධන ගල්අඟුරු සහ අනෙකුත් ද්‍රව්‍ය මිල ගණන් මෙන්ම වසරේ විදුලි ජනන සැලසුම සහ අවශ්‍යතාව සැලකිල්ලට ගෙන එම යෝජනාව සකස් කර ඇති බව සඳහන්ය. කෙසේවෙතත් විදුලි නිෂ්පාදනය සඳහා දැරීමට සිදුවන වියදම් පහත වැටී ඇති අවස්ථාවක විදුලි ගාස්තු සියයට 20කින් පමණ පහත දැමිය හැකි බව මහජන උපයෝගීතා කොමිසමේ සභාපති ජනක රත්නායක මහතා පසුගියදා පැවසුවේය.