Author: LANKA24X7

ලෝක ආහාර වැඩසටහනේ (world Food Programe – Sri Lanka) මෙරට නියෝජිත ලෙස පත් වූ පිලිප් වෝඩ් සහ නියෝජ්‍ය අධ්‍යක්ෂ රොබට් ඔලිවර් සහ අග්‍රාමාත්‍ය ලේකම් ප්‍රදීප් සපුතන්ත්‍රි මහත්වරුන් අතර හමුවක් අග්‍රාමාත්‍ය කාර්යාලයේදී සිදු විය. 1968 සිට ශ්‍රී ලංකාවේ ක්‍රියාත්මක වන ලෝක ආහාර වැඩසටහන මගින් ශ්‍රී ලංකාවේ ආහාර සුරක්ෂිතතාව, පෝෂණ සුරක්ෂිතතාව, ආර්ථික හා දේශගුණික අභියෝගයන්ට මුහුණ දෙන ප්‍රජාවන්ගේ ඔරොත්තු දීමේ හැකියාව ශක්තිමත් කිරීම කෙරෙහි සහය ලබා දීම සිදු කෙරේ. මෙහිදී 2023- 2027 දක්වා ලෝක ආහාර වැඩසටහනේ (WFP) උපායමාර්ගික සැලැස්ම සහ ඉදිරි ක්‍රියාමාර්ග පිළිබඳ අවධානය යොමු වූ අතර විශේෂයෙන් ආහාර සුරක්ෂිතතාව සහ පෝෂණ සුරක්ෂිතතාව වෙනුවෙන් රජයේ ඉදිරි වැඩ පිළිවෙල අනුව ලෝක ආහාර වැඩසටහන…

“අස්වැසුම” සමාජ ආරක්ෂණ වැඩසටහනට සුදුසුකම් ලත් පිරිස තෝරාගැනීමේදී යාවත්කාලීන වූ නිවැරදි දත්ත පද්ධතියක් පැවතීමේ අවශ්‍යතාවය ලෝක බැංකු නියෝජිතයින් අවධාරණය කර තිබේ. ඒ සඳහා වූ තාක්ෂණික සහ ජාත්‍යන්තර අත්දැකීම් ලබාදීමට සුදානම් බවද ඔවුහු ප්‍රකාශ කළහ. මේ පිළිබඳ අදහස් පළවුයේ “අස්වැසුම වැඩසටහන” පිළිබඳව මුදල්, ක්‍රම සම්පාදන සහ ආර්ථික සංවර්ධන කටයුතු පිළිබඳ අමාත්‍යාංශයීය උපදේශක කාරක සභාවේ සාමාජික මන්ත්‍රීවරුන්, ආර්ථික සංවර්ධනය සහ අන්තර්ජාතික සබඳතා පිළිබඳ ආංශික අධීක්ෂණ කාරක සභාවේ සාමාජික මන්ත්‍රීවරුන් ඇතුළු අනෙකුත් මන්ත්‍රීවරුන්, ලෝක බැංකු නියෝජිතයින් සහ මුදල්, ක්‍රම සම්පාදන සහ ආර්ථික සංවර්ධන අමාත්‍යාංශයේ නිලධාරීන් සමඟ පසුගියදා පාර්ලිමේන්තුවේදී ඒකාබද්ධව පැවැත්වූ රැස්වීමේදීය. ග්‍රාමීය සංවර්ධන, සමාජ ආරක්ෂණ සහ ප්‍රජා සවිබලගැන්වීම් අමාත්‍ය (ආචාර්ය) උපාලි පන්නිලගේ සහ…

රට බින්දුවට වැටුණු අවස්ථාවේ ඒ තත්ත්වයෙන් ගොඩගෙන ඉදිරියට ගෙන ගිය නායකයා රනිල් වික්‍රමසිංහ වන බැවින් රට අරගෙන යා යුතු පාර දන්නේ එතුමා බව එක්සත් ජාතික පක්ෂ සභාපති වජිර අබේවර්ධන මහතා පැවැසීය. රනිල් වසර පනහක දේශපාලන පළපුරුද්දක් සහිත නායකයකු බැවින් ඔහු රට වෙනුවෙන් පාවිච්චි කළ යුතුව තිබෙන බවද අබේවර්ධන මහතා සඳහන් කළේය. රනිල්ට පාර්ලිමේන්තු එන්නට දැනට අවශ්‍යතාවයක් නැතැයි ද අබේවර්ධන මහතා කීය. “සන්ධානයක් ගොඩනැගීමේ අරමුණ පොදු එකඟතාවයක් සඳහා සියල්ලන්ම එකට වාඩි වීමයි.එලෙස වාඩි වූ පසුව එකතු වෙන කණ්ඩායමට ආරක්ෂාව දිය හැකි පුද්ගලයා කවුදැයි ඒ කණ්ඩායම තීරණය කළ යුතුයි.ගුටි නොකා දේශපාලනය කළ හැකි පුද්ගලයා කවුදැයි තීරණය කළ යුතුයි” යනුවෙන්ද කොළඹදී මාධ්‍යයට ප්‍රකාශයක්…

මත්ද්‍රව්‍ය වැරදි සම්බන්ධයෙන් පුද්ගල අත්අඩංගුවට ගැනීම් අනුව කොළඹ සහ ගම්පහ දිස්ත්‍රික්ක ඉදිරියෙන්ම සිටින බව පොලිස් මත්ද්‍රව්‍ය කාර්යාංශ සංඛ්‍යා ලේඛන පවසයි. ඒ අනුව 2024 වසරේදී කොළඹ දිස්ත්‍රික්කයෙන් හෙරොයින් සැකරුවන් 46182ක් සහ ගංජා වලට සම්බන්ධ සැකකරුවන් 34778 ක්ද මෙතැමිපිටිමින් හෙවත් අයිස් වලට සම්බන්ධ සැකකරුවන් 41833ක්ද අත්අඩංගුවට පත්ව ඇත. 2024 වසරේදී ගම්පහ දිස්ත්‍රික්කයෙන් හෙරොයින් සැකකරුවන් 6934ක් ගංජා සැකකරුවන් 4942ක් සහ අයිස් මත්ද්‍රව්‍ය වලට සම්බන්ධ සැකකරුවන් 11487ක් අත්අඩංගුවට පත්විය.

පොලිස් විශේෂ කාර්ය බලකායේ නිලධාරීන් කණ්ඩායමක් විසින් සිදු කළ විශේෂ වැටලීමක දී කේරළ ගංජා තොගයක් සමඟ පුද්ගලයෙකු අත්අඩංගුවට ගෙන තිබේ. දොම්පේ, නාගහදෙණිය, පාළුගම ප්‍රදේශයේ දී ඊයේ (26) මෙම වැටලීම සිදු කර ඇත. එහිදී සැකකරු සන්තකයේ තිබී කේරළ ගංජා කිලෝ 196 ග්‍රෑම් 218ක් සොයා ගෙන ඇති බව පොලීසිය පවසයි. සැකකරු 44 හැවිරිදි දොම්පේ ප්‍රදේශයේ පදිංචිකරුවෙකි. මෙම පුද්ගලයා ශ්‍රී ලංකා රත්මලාන ගුවන් හමුදා කඳවුරේ පයිලට් සාජන්වරයෙකු ලෙස සේවය කර 2022 වසරේ ජනවාරි මස විශ්‍රාම ලබාගෙන ඇති බව අනාවරණය වී ඇත. එමෙන්ම සැකකරු මහාපරිමාණ මත්ද්‍රව්‍ය ජාවාරම්කරුවෙකුවන අධිකරණය මගහැර වරෙන්තු ලබා සැඟව සිටින සෙම්බුකුට්ටි ආරච්චිගේ ඩිලාන් දනුෂ්ක ලක්මාල් නැමැත්තාගේ මස්සිනා බවද අනාවරණය වී තිබේ.

දේශපාලන වශයෙන් සක්‍රිය කණ්ඩායම් 76 ක් දේශපාලන පක්ෂ වශයෙන් ලියාපදිංචි වීමට මැතිවරණ කොමිෂන් සභාවට අයදුම්පත් යොමු කර ඇත. එම අයදුම්පත් සම්බන්ධයෙන් සම්මුඛ පරීක්‍ෂණ මේ දිනවල පැවැත්වේ. වැඩිම අයදුම්පත් සංඛ්‍යාවක් යොමු කර ඇත්තේ බස්නාහිර පළාතෙනි. මැතිවරණ කොමිෂන් සභාවේ දැනට ලියාපදිංචි වී ඇති දේශපාලන පක්ෂ සංඛ්‍යාව83කි.

රස්නායකපුර පොලිස් වසමේ මුඩත්තව වැවෙහි ගිලීමෙන් පුද්ගලයෙකු ජීවිතක්ෂයට පත්ව තිබේ. මෙලෙස මියගොස් ඇත්තේ වයස අවුරුදු 68ක් වූ මොන්නෑකුලම ප්‍රදේශයේ පදිංචිකරුවෙකි. අදාළ පුද්ගලයා ටියුබයක් ආධාරයෙන් මාළු ඇල්ලීම සිදු කරන අයෙකු වන අතර ඔහු නිවසට පැමිණීම ප්‍රමාද වීම හේතුවෙන් නිවැසියන් විසින් සොයා බැලීමේදී වැවෙහි මැදට වන්නට තිබී ඔහුගේ මෘත ශරීරය හමු වී ඇති බව පොලීසිය පැවසුවේය. මෘත ශරීරය නිකවැරටිය රෝහලේ මෘත ශරීරාගාරයේ තැන්පත් කර ඇති අතර රස්නායකපුර පොලීසිය වැඩිදුර විමර්ශන සිදු කරයි.

විෂ මත්ද්‍රව්‍ය මුලිනුපුටා දැමීම සඳහා පිහිටවනු ලැබූ “රටම එකට” ජාතික මෙහෙයුම් සභාවේ සංයුතිය ලෙස පාර්ශව 23ක් පත්කර තිබේ. මෙහෙයුම් සභාවේ සභාපති ලෙස ජනාධිපති අනුර කුමාර දිසානායක මහතා කටයුතු කරන අතර එහි ලේකම්වරයා වන්නේ ජනාධිපති ලේකම්වරයායි. සෙසු පාර්ශව කරුවන් ලෙස ආගමික නායකයින් විසින් නම් කරනු ලැබූ නියෝජිතයෝ,මහජන ආරක්ෂක සහ පාර්ලිමේන්තු කටයුතු අමාත්‍ය,ආරක්ෂක අමාත්‍යාංශයේ ලේකම්, මහජන ආරක්ෂක සහ පාර්ලිමේන්තු කටයුතු අමාත්‍යාංශයේ ලේකම්, සෞඛ්‍ය සහ ජනමාධ්‍ය අමාත්‍යාංශයේ ලේකම්, රාජ්‍ය පරිපාලන, පළාත් සභා සහ පළාත් පාලන අමාත්‍යාංශයේ ලේකම්,අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශයේ ලේකම්,අධිකරණ සහ ජාතික ඒකාබද්ධතා අමාත්‍යාංශයේ ලේකම්, බුද්ධ ශාසන, සංස්කෘතික හා ආගමික කටයුතු අමාත්‍යාංශයේ ලේකම්,පොලිස්පති,ත්‍රිවිධ හමුදාපතිවරු,ජාතික ක්‍රම සම්පාදන දෙපාර්තමේන්තුවේ අධ්‍යක්ෂ ජනරාල්,…

මෙයා පමා වෙලා ආපු ආණ්ඩුවක් යැයි වැවිලි කර්මාන්ත අමාත්‍ය සමන්ත විද්‍යාරත්න මහතා පැවසීය. මේ ආණ්ඩුව මීට කලින් ආවේ නම් පාතාලය අද සම්පූර්ණයෙන්ම අවසන් බව පැවසූ අමාත්‍යවරයා අනුර කුමාර දිසානායක ජනාධිපතිවරයා නොවුණා නම් ඔය කුඩු අල්ලාවි දැයි ප්‍රශ්න කළේය. එසේ නොවුණා නම් පාතාලය හොඳට සෙල්ලම් දමාවි යැයිද සඳහන් කළේය.

ප්‍රාදේශීය සභා ඇතුළු පළාත් පාලන ආයතන වල ප්‍රධානීන්ගේ ආරක්ෂාව සම්බන්ධයෙන් විශේෂ ආරක්ෂක වැඩපිළිවෙළක් ක්‍රියාත්මක කිරීමට පොලිස්පතිවරයාගේ අවධානය යොමුව ඇත. මෙහි පළමු පියවරක් ලෙස තර්ජනයට ලක්ව සිටින පළාත් පාලන ආයතන ප්‍රධානීන්ගේ ලැයිස්තුවක් බුද්ධි අංශ වලින් ලබා ගැනීමට කටයුතු කරගෙන යන බව පොලිස් ආරංචි මාර්ග වලින් දැනගන්නට ඇත. එසේම තමන්ට පාතාලයෙන් හෝ වෙනත් කුමන හෝ කණ්ඩායමකින් මරණීය හෝ වෙනයම් තර්ජන පවතී නම් වහාම දැනුම් දෙන ලෙස පොලිසිය පළාත් පාලන ආයතන ප්‍රධානීන්ට දැනුම් දී ඇත.