Author: LANKA24X7

ගම්පොළ ප්‍රදේශයේ ඊයේ (05) රාත්‍රී භූකම්පනයක් සිදුව තිබේ. රාත්‍රී 10.49ට පමණ මෙම භූකම්පනය සිදුව ඇති බව භූවිද්‍යා සමීක්ෂණ හා පතල් කැණීම් කාර්යාංශය සඳහන් කළේය. රික්ටර් මාපක 2ක පමණ සුළු භූකම්පනයක් මෙලෙස සිදුව ඇති අතර එය කම්පන මාපකවල සටහන්ව ඇති බව ද එම කාර්යාංශය සඳහන් කළේය. මහකනදරාව, හක්මන, පල්ලෙකැලේ, බුද්ධංගල යන මාපකවල මෙය සටහන්ව තිබේ. මෙහි කේන්ද්‍රය ලෙස පුපුරැස්ස ප්‍රදේශය හඳුනාගෙන ඇති බව ද භූ විද්‍යා සමීක්ෂණ හා පතල් කැණිම් කාර්යාංශය පැවසීය.

ලොව ජනප්‍රියතම Messaging App එකක් වන WhatsApp සඳහා Meta සමාගම විසින් මේ වන විට විවිධ නව විශේෂාංග නිරන්තරයෙන්ම හඳුන්වා දෙමින් සිටිනවා. ඒ අනුව, මීට පෙර යැවු පණිවුඩ Edit කිරිමේ පහසුකමත්, Chat Lock කිරිමේ පහසුකමත් සහ එකම WhatsApp ගිණුම එකවර දුරකථන කිහිපය භාවිත කිරීමේ හැකියාව ආදි පහසුකම් රැසක් හඳුන්වා දීම සිදු කරනු ලැබුවා. Meta සමාඟම විසින් මීළඟට WhatsApp Calls සඳහා ScreenShare පහසුකම ලබා දීමට සූදානම් වන බවයි වාර්තා වෙන්නේ. මේ පහසුකම Voice, Video දෙක සඳහාම සහාය දක්වයි. කෙසේ වෙතත් මේ පහසුකම මඟින් Screen Share කිරීමක් නැරඹීම සඳහා ඇමතුමේ සිටින සියලුම පරිශීලකයින් WhatsApp හි නවතම සංස්කරණය භාවිතා කළ යුතුයි. මේ පහසුකම දැනටමත්…

ජාතික ඖෂධ නියාමන අධිකාරියේ ලියාපදිංචි ඖෂධ මිල ජුනි 15 වැනිදා සිට පහළ දමන බව සෞඛ්‍ය අමාත්‍ය කෙහෙළිය රඹුක්වැල්ල සඳහන් කරනවා. ඔහු සඳහන් කළේ ජුනි 15 සිට ඖෂධ මිල 16%කින් අඩු කරන බවයි.

ජනාධිපති රනිල් වික්‍රමසිංහ මහතා විසින් නව පත්කිරීම් කිහිපයක් සිදුකර තිබෙනවා. දිසා විනිසුරුවරුන් වන ටී. ප්‍රභාකරන්, පී.කේ. පරණ ගමගේ, පාර්ලිමේන්තු සහකාර මහලේකම් ටිකිරි කේ ජයතිලක සහ රජයේ ජ්‍යෙෂ්ඨ අධිනීතිඥ කේ.ඩී.වයි.එම්. නයනි නිර්මලා කස්තුරිරත්න යන පිරිස මෙලෙස මහාධිකරණ විනිසුරුවරුන් ලෙස පත් වූ බවයි වාර්තා වන්නේ.

අග්‍රාමාත්‍ය දිනේෂ් ගුණවර්ධන මහතාගේ විදේශ සංචාරයක් හේතුවෙන් පූජ්‍ය අජාන් බ්‍රහ්මවන්සෝ හිමියන්ට ගුවන්යානය මග හැරුණු බවට පළ වන වාර්තාවල කිසිදු සත්‍යතාවයක් නොමැති බව ගුවන්තොටුපොළ සහ ගුවන් සේවා සමාගමේ සභාපති විශ්‍රාමික මේජර් ජෙනරාල් ජි. ඒ. චන්ද්‍රසිරි පවසනවා. කටුනායක ගුවන් තොටුපොළ පරිශ්‍රයේ අද ප්‍රවෘත්ති සාකච්ඡාවක් පවත්වමින් සභාපතිවරයා මේ බව සඳහන් කර තිබෙනවා. ජාත්‍යන්තර වශයෙන් කීර්තියට පත් බ්‍රිතාන්‍ය ජාතික පූජ්‍ය අජාන් බ්‍රහ්මවන්සෝ හිමියන් ඉකුත් 31 වැනිදා විදෙස්ගතවීම සඳහා කටුනායක ගුවන්තොටුපොළ වෙත පැමිණි අවස්ථාවේ උන්වහන්සේව නිසි වේලාවට ගුවන්යානය වෙත රැගෙන යාමට කටයුතු නොකිරීමෙන් පැය 12ක පමණ කාලයක් එහි රැඳී සිටීම සිදු වුණා. මෙම සිද්ධිය සම්බන්ධයෙන් පාර්ශ්ව රැසකින් අප්‍රසාදය පළ වූ අතර පළ වූ අතර පූජ්‍ය…

මදුරන්කුලිය ප්‍රදේශයේ ඉඩමක නිදන් හෑරීමේ චෝදනාව මත එම ඉඩමේ හිමිකරු මදුරන්කුලිය පොලිසිය විසින් අත්අඩංගුවට ගෙන තිබෙනවා. ප්‍රදේශවාසීන් චෝදනා කරන්නේ මෙම ඉඩමේ ඇති නිවසක හිමිකරු විසින් කාන්තාවක් හා දැරියක්ද රඳවාගෙන සිටි බවටයි. ඔවුන්ගේ බවට සැක කෙරෙන ඇඳුම් කිහිපයක් නිදන් හෑරූ බව කියන ස්ථානයේ තිබී සොයාගෙන ඇති අතර දැරිය හා කාන්තාව සම්බන්ධයෙන් කිසිදු තොරතුරක් මෙතෙක් අනාවරණය වී නැහැ. මෙවැනි පසුබිමක ගම්වාසීන් හා ඉඩමේ මුරකරු අතර විවාදාත්මක තත්වයක්ද හටගත්තා.

බස්නාහිර සහ සබරගමුව පළාත්වලත් ගාල්ල සහ මාතර දිස්ත්‍රික්ක වලත් විටින් විට වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව නිවේදනය කර සිටිනවා. සබරගමුව පළාතේත් ගාල්ල, මාතර සහ කළුතර දිස්ත්‍රික්කවල ඇතැම් ස්ථාන වලට මි.මි. 75ට වැඩි තරමක තද වැසි ද ඇතිවිය හැකි බවයි එම දෙපාර්තමේන්තුව සඳහන් කරන්නේ. වයඹ පළාතේ වැසි වාර කිහිපයක් ඇති වීමට හැකියාව පවතින බව සඳහන්. ඌව සහ මධ්‍යම පළාත්වලත් අම්පාර සහ මඩකළපුව දිස්ත්‍රික්කවලත් ස්ථාන ස්වල්පයක සවස් කාලයේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇති විය හැකි බව එම නිවේදනයේ සඳහන්. උතුරු සහ උතුරු-මැද පළාත්වලත් හම්බන්තොට, පුත්තලම සහ ත්‍රිකුණාමලය දිස්ත්‍රික්ක වලත් විටින් විට…

මහරගම අපේක්ෂා රෝහල සඳහා මිලදී ගත් රුපියල් කෝටි 20ක් වටිනා පෙට් ස්කෑන් යන්ත්‍රයේ FDG රසායනිකය ස්වයංක්‍රීය එන්නත්කරණ යන්ත්‍රය වසරක පමණ කාලයක සිට භාවිතාවෙන් ඉවත් කර තිබෙන බව සෞඛ්‍ය වෘත්තීයවේදීන්ගේ විද්වත් සංගමය අනාවරණ කර තිබේ. මේ පිළිබඳව මහරගම අපේක්ෂා රෝහලේ අධ්‍යක්ෂ වෛද්‍ය අරුණ ජයසේකර මහතාගෙන් අප කළ විමසීමකදී ඔහු සඳහන් කළේ පෙට් ස්කෑන් යන්ත්‍රයෙන් ස්වයංක්‍රීය එන්නත්කරණ කටයුතු හැර අනෙකුත් පරීක්ෂණ කටයුතු සාමාන්‍ය පරිදි සිදුකරන බවය. මහරගම අපේක්ෂා රෝහලට පැමි‍ණෙන රෝගීන්ගේ සිරුරේ යම් අවයවයක පිළිකා තත්ත්වයක් ඇතැයි හඳුනාගත් විට එම පිළිකා සෛල ඇති ස්ථානය නිවැරදිවම හඳුනාගෙන ඊට ප්‍රතිකාර කිරීම සඳහා පෙට් ස්කෑන් යන්ත්‍රය භාවිත කෙරේ. මෙම යන්ත්‍රය මහරගම අපේක්ෂා රෝහලට 2018 වසරේදී…

මාරාන්තික ශ්වසන ආසාදන සහිත HMPV වෛරසය සම්බන්ධයෙන් විශේෂ අවධානයක් යොමුකර ඇති බව සෞඛ්‍ය අමාත්‍යංශය පවසයි. එම අමාත්‍යංශයේ කොවිඩ් 19 රෝගය පිළිබඳ ප්‍රධාන සම්බන්ධීකාරක වෛද්‍ය අන්වර් හම්දානි මහතා සඳහන් කළේ, එම වෛරසයේ බලපෑමක් මෙතෙක් ශ්‍රී ලංකාවට නොමැති බවය. HMPV වෛරසය අමෙරිකා එක්සත් ජනපදය ඇතුළු බටහිර රටවල් කිහිපයක ඉහළ ව්‍යාප්තියක්‍ පවතින බව ඔහු සඳහන් කළේය. කොවිඩ් ආසාදනයේ සහ උණ රෝගයේ රෝග ලක්ෂණ සහිත මෙම වෛරසය මාරාන්තික ශ්වසන ආසාදන ඇති කරවන බව අන්වර් හම්දානි මහතා පැවසුවේය. කෙසේවෙතත් මෙම වෛරසය මෙරටට මෙතෙක් ව්‍යාප්ත වී නොමැති අතර මේ සම්බන්ධයෙන් සෞඛ්‍ය අමාත්‍යංශය සහ අදාළ බළධාරීන් වඩා අවධානයෙන් කටයුතු කරන බව වෛද්‍ය අන්වර් හම්දානි මහතා වැඩිදුරටත් සඳහන්…

රුපියල් අට කෝටියකට අධික වටිනාකමින් යුත් රත්‍රන් මෙරටට රැගෙන ඒමට උත්සාහකළ විදෙස් ජාතිකයෙක් කටුනායක ගුවන්තොටුපොළේදී අත්අඩංගුවට ගෙන තිබේ. එම සැකකරු ප්‍රංශ ජාතිකයෙක් වන අතර ඔහු කිලෝග්‍රෑම් 4.611ක් බරැති රත්‍රන් තොගයක් නීතිවිරෝධී ලෙස ශ්‍රී ලංකාවට ගෙනඒමට උත්සාහ දරා තිබුණි. එම පුද්ගලයාව ශ්‍රී ලංකා රේගුවේ මැණික් සහ ස්වර්ණාභරණ තක්සේරු අංශයේ සහ මත්ද්‍රව්‍ය පාලන අංශයේ නිලධාරීන් පිරිසක් විසින් අත්අඩංගුවට ගත් බව වාර්තා විය. 35 හැවිරිදි මෙම ප්‍රංශ ජාතිකයා මීට පෙර අවස්ථා කීපයකදීම ශ්‍රී ලංකාවට පැමිණ තිබූ අතර , මෙවර ඔහු පැය 24ක කාලයක් සදහා පමණක් මෙරටට පැමිණීම සැලකිල්ලට ගනිමින් ඔහුගේ ගමන් මලු පරීක්ෂා කිරීමේදී මෙම රත්‍රන් තොගය හමුවී තිබුණි . මේ පිළිබඳව සිදුකළ…