Author: LANKA24X7

ආණ්ඩු පක්ෂයේ මන්ත්‍රී කණ්ඩායම් රැස්වීම අද අද (24) පස්වරුවේ ජනාධිපති ලේකම් කාර්යාලයේ දී පැවැත්වෙනවා. ඒ ජනාධිපති රනිල් වික්‍රමසිංහගේ ප්‍රධානත්වයෙන්. එමෙන් ම මෙම සතියට අදාළ පාර්ලිමේන්තු රැස්වීම හෙට ආරම්භ වීමට නියමිතයි. ජාත්‍යන්තර මූල්‍ය අරමුදලේ විස්තීර්ණ ණය පහසුකම පිළිබඳ විවාද අනිද්දා ආරම්භ වීමට නියමිත අතර 28 වනදා දක්වා එම විවාදය පැවැත්වෙන බවයි පාර්ලිමේන්තුවේ සන්නිවේදන දෙපාර්තමේන්තුව සඳහන් කළේ.

හම්බන්තොට ප්‍රදේශයේ භූ කම්පනයක් සිදු ව තිබෙනවා. අද අලුයම මෙම භූ කම්පනය සිදු ව ඇත්තේ හම්බන්තොට ප්‍රදේශයේ දී යි. රික්ටර් මාපක 4.4ක සුළු භූ කම්පන තත්ත්වයක් වාර්තා වී ඇති බව සඳහන්. හම්බන්තොට වෙරළට කිලෝමීටර් 25.8 ක් ඔබ්බෙන් වූ මුහුදු තීරයේ දී අද අලුයම 12.45ට පමණ මෙය සිදු වී තිබෙනවා. කෙසේ වෙතත් භූ විද්‍යා සමීක්ෂණ සහ පතල් කාර්‍යංශය නිවේදනය කළේ මෙම තත්ත්වයෙන් සුනාමි තත්ත්වයක් ඇති වීමේ අවදානමක් නොමැති අතර ඒ හේතුවෙන් මහජතාව අනිසි ලෙස බිය විය යුතු නැති බවයි.

ආණ්ඩු පක්ෂ මන්ත්‍රී කණ්ඩායමේ රැස්වීමක් හෙට (24) පස්වරුවේ පැවැත්වීමට නියමිතව තිබේ. ජනාධිපති රනිල් වික්‍රමසිංහ මහතාගේ ප්‍රධානත්වයෙන් ජනාධිපති ලේකම් කාර්යාලයේ දී එම රැස්වීම පැවැත්වෙන බව ආණ්ඩුවේ ජ්‍යෙෂ්ඨ අමාත්‍යවරයෙකු සඳහන් කළේය. ඉදිරි පාර්ලිමේන්තු සතියේ දී කටයුතු කළ යුතු ආකාරය පිළිබඳව මෙහිදි සාකච්ඡා කිරීමට නියමිතව තිබේ. ජාත්‍යන්තර මූල්‍ය අරමුදලේ ණය පහසුකම පිළිබඳව පැවැත්වෙන පාර්ලිමේන්තු විවාදය සහ ඊට අදාළ ඡන්ද විමසීම පිළිබඳව මෙන්ම උසස් පෙළ පිළිතුරු පත්‍ර ඇගයීම් සම්බන්ධයෙන් මෙහිදි අවධානය යොමුවනු ඇත. සමගි ජනබලවේගයේ පාර්ලිමේන්තු කණ්ඩායම් රැස්වීම ද විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් හෙට රැස්වීමට නියමිතව තිබේ.

ලබන 25 වනදා උතුරු නැගෙනහිර පළාත් දෙක තුළ හර්තාල් ව්‍යාපාරයක් ක්‍රියාත්මක කිරීමට සැලසුම් කර තිබේ. දෙමළ ජාතික සන්ධානය ඇතුළු උතුරු නැගෙනහිර දේශපාලන පක්ෂ එක්ව මෙම හර්තාල් ව්‍යාපාරය සංවිධානය කර ඇති බව පාර්ලිමේන්තු මන්ත්‍රී ශානක්කියන් රාසමානික්‍කම් මහතා පවසයි. ඔහු පෙන්වා දෙන්නේ ත්‍රස්ත විරෝධී පනත ඇතුළු දෙමළ ජනතාව මුහුණ දෙන ගැටලු කිහිපයක් මුල් කරගනිමින් එම හර්තාල් ව්‍යාපාරය පැවැත්වීමට සැලසුම් කර ඇති බවය.

ඉන්දියානු මහකොමසාරිස් ගෝපාල් බග්ලේ මහතා මල්වතු – අස්ගිරි මහ නාහිමිවරුන් බැහැදැක ආශිර්වාද ලබාගෙන තිබේ. ශ්‍රී ලංකාවේ සහ ඉන්දියාවේ ජනතාව අතර පවතින සහෝදර බැදීම පිළිබඳව මෙහිදී ඉන්දීය මහකොමසාරිස්වරයා මහ නාහිමිවරුන් දැනුවත් කර ඇති බව වාර්තා වෙයි. පසුගිය 20 වනදා ගෝලීය බෞද්ධ සමුළුවේ සමාරම්භක දේශනය සිදුකරමින් ඉන්දීය අග්‍රාමාත්‍ය නරේන්ද්‍ර මෝදි විසින් සිදුකළ දේශනය මල්වතු අස්ගිරි නා හිමිවරු විසින් අගය කිරීමට ලක්කර තිබේ. බුදුන් වහන්සේගේ ඉගැන්වීම අනුව සැමගේ සුබසිද්ධිය සඳහා ඉන්දියාව විසින් ගෙන ඇති පියවර පිළිබඳව ද මහනාහිමිවරුන් ඉන්දීය මහකොමසාරිස්වරයාට ස්තූතිය පළකර ඇති බව වාර්තා වෙයි. දෙරටේ ජනතාව අතර ඉහළ සම්බන්ධතාවයක් පවත්වාගෙන යාමේ ප්‍රතිලාභ සහ සංස්කෘතික ක්ෂේත්‍රය තුළ වඩාත් ශක්තිමත් සහයෝගීතාවක් ඇතිකර ගැනීම…

අනුරාධපුර දිස්ත්‍රික්කයේ එළ හා මී ගවයින් අතර ගැටිති රෝගයක් ව්‍යාප්ත වෙමින් පවතිනවා. මේ නිසා දෛනික කිරි කර්මාන්තයේ නිරත වන කිරි ගොවින්ගේ ජීවනෝපායට බරපතළ තර්ජනයක් එල්ල වී ඇති බවයි කිරි ගොවීන් පවසන්නේ. සාමාන්‍ය ප්‍රමාණයේ සම මතුපිට ගැටිති හට ගැනීමත්, එම ගෙඩි විශාල වී පුපුරා ගොස් ලේ සහ සැරව ගලා යාමත් මෙම රෝගය වැළඳුණු ගවයින් අතර දක්නට ලැබෙන ‍රෝග ලක්ෂණයි. රෝගය වැළඳුණු ගවයින් දින ගණනාවක් නිරාහාරව සිටීම හේතුවෙන් ඔවුන්ගේ වර්ධනය බාල වීම සිදුවන බවයි කිරි ගොවීන් පෙන්වා දෙන්නේ. මෙම තත්ත්වය හමුවේ දෛනිකව කිරි ලීටර් 10 ක් පමණ ලබා ගත් දෙනුන්ගෙන් මේ වනවිට ලබාගත හැකි වන්නේ කිරි ලීටර් තුනක් පමණක් බවයි ගොවීන් වැඩිදුරටත්…

පාසල් ළමුන් ප්‍රවාහන ගාස්තුව සංශෝධනයට තීරණය කර තිබෙනවා. ඊයේ (22) පස්වරුවේ සමස්ත ලංකා අන්තර් දිස්ත්‍රික් පාසල් ළමුන් ප්‍රවාහන සංගමය සඳහන් කළේ රටේ පවතින යහපත් වාතාවරණය මත මෙම සහනය ලබාදීමට තීරණය කර ඇති බවයි. ඒ අනුව එළඹෙන මැයි මස 1 වැනි දින සිට ක්‍රියාත්මක වන පරිදි මෙම තීන්දුව බලපැවැත්වෙනු ඇති. එහිදී නව පාසල් ළමුන් ප්‍රවාහන ගාස්තුව පවතින මිලට සාපේක්ෂව සියයට 5ත් 8ත් අතර අගයකින් පහත බැසීමට නියමිතයි.

නැගෙනහිර, ඌව, උතුරු, උතුරු-මැද, සබරගමුව සහ මධ්‍යම පළාත්වල සවස් කාලයේ දී හෝ රාත්‍රී කාලයේ දී තැනින් තැන වැසි හෝ ගිගුරුම් සහිත වැසි ඇති වන අතර ඇතැම් ස්ථාන වලට මි. මී. 50ට වැඩි තරමක තද වැසි ද ඇති විය හැකි බව කාලගුණ දෙපාර්තමේන්තුව පවසනවා. සෙසු පළාත්වල ද ස්ථාන ස්වල්පයක සවස් කාලයේ දී හෝ රාත්‍රී කාලයේ දී වැසි හෝ ගිගුරුම් සහිත වැසි ඇති වෙයි. බස්නාහිර පළාතේ සහ ගාල්ල සහ මාතර දිස්ත්‍රික්කවල ද උදෑසන කාලයේ දී ද වැසි ඇති විය හැකි බවයි එම දෙපාර්තමේන්තුව පවසන්නේ. ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට…

මන්ත්‍රීවරුන් ඇතුළු අමුත්තන්ගේ දිවා ආහාර වේලට එක් කෙරුණු එළු මස් ව්‍යංජනය නතර කරන ලෙස පාර්ලිමේන්තු ප්‍රධානීන් ආපනශාලා අංශ ප්‍රධානීන්ට උපදෙස්දී ඇත. අධික මිල ගණන් හේතුවෙන් එළු මස් සැපයීම මෙසේ නතර කළ බව පාර්ලිමේන්තුවේ උසස් නිලධාරියෙක් මාධ්‍යට පැවැසීය. පාර්ලිමේන්තුවේ එළු මස් ව්‍යංජනය බොහෝ මන්ත්‍රීවරුන් අතර ජනප්‍රිය වූ ආහාරයක්විය. මේ අතර පාර්ලිමේන්තු දිවා ආහාර වේලට ඇතුළත් කෙරුණු ආහාර වර්ග ප්‍රමාණයද (Items ) අධික මිල ගණන් හේතුවෙන් අඩු කර ඇතැයි පාර්ලිමේන්තු නිලධාරීහු පෙන්වා දෙති. පාර්ලිමේන්තුවේ ආහාර සඳහා වාර්ෂිකව වැය කරෙන මුදල රුපියල් කෝටි 12 කට ආසන්නය. එසේම පාර්ලිමේන්තුව දිනක් රැස් කිරීම වෙනුවෙන් රුපියල් කෝටියකට ආසන්න මුදලක් වැයවන බව ගණන් බලා ඇත. මේ අතර…

ශ්‍රී ලංකා පොදුජන පෙරමුණේ නව සභාපතිවරයා ලෙස ජ්‍යෙෂ්ඨ මහාචාර්ය පූජ්‍ය උතුරාවල ධම්මරතන හිමියන් පත්කර තිබේ. අද (22) පැවති ශ්‍රී ලංකා පොදුජන පෙරමුණේ මහ සභා රැස්වීමේදී උන්වහන්සේගේ පත්කිරීම ඒකමතිකව සිදුකළ බව එම පක්ෂයේ මහලේකම් සාගර කාරියවසම් මහතා පැවසීය. ශ්‍රී ලංකා පොදුජන පෙරමුණේ 2023 වර්ෂය සඳහා වන මහ සභා රැස්වීම අද පෙරවරු 10.00 ට පමණ එම පක්ෂ කාර්යාලයේදී පක්ෂ නායක, හිටපු ජනාධිපති මහින්ද රාජපක්ෂ මහතාගේ ප්‍රධානත්වයෙන් ආරම්භ වුණි. අද දිනයේ පැවැත්වෙන මහ සභා රැස්වීමට එම පෙරමුණේ සභාපතිවරයා ලෙස සහභාගීවීමට පාර්ලිමේන්තු මන්ත්‍රි මහාචාර්ය ජී.එල්. පීරිස් මහතාට පක්ෂ ලේකම්වරයා විසින් ලිපියක් මඟින් දැනුම්දී තිබුණද ඔහු ඊට සහභාගීවීම ප්‍රතික්ෂේප කර තිබුණි. ඒ අනුව අද මහ…