Author: LANKA24X7

මෙරටට පැමිණෙන විදෙස් සංචාරකයන්ගේ ආරක්ෂාව තහවුරු කිරීමට හා ඔවුන්ට නිදහසේ සංචාරය කිරීමට අවශ්‍ය වටපිටව සකස් කිරීමට ජනාධිපති ජ්‍යෙෂ්ඨ උපදේශක සහ කාර්ය මණ්ඩල ප්‍රධානී සාගල රත්නායක මහතා ආරක්ෂක අංශවලට උපදෙස් දී තිබේ. ශ්‍රී ලංකාවට එන සංචාරකයන් ත්‍රිරෝද රථ හිමියන්ගේ විවිධ අකටයුතුකම් නිසා පීඩාවට පත්වන බවටත් යම් පිරිසක් ඔවුන්ගේ දේපොළ සොරකම් කරන බවටත් සංචාරක හෝටල් හිමියන් පිරිසක් විසින් කළ දැනුම්දීමකට අනුව සාගල රත්නායක මහතා මෙම උපදෙස් දී තිබේ. ඉකුත් සතියේ මහා පරිමාණ සංචාරක හෝටල් හිමියන් සේම කුඩා හෝටල් හිමියන් ද ඇතුළුව පිරිසක් ජනාධිපති කාර්ය මණ්ඩල ප්‍රධානී සාගල රත්නායක ජනාධිපති ලේකම් කාර්යාලයේ දී මුණ ගැසී මේ කරුණු පැමිණිලි කර තිබිණි. එහිදී හෝටල්වල ආරක්ෂාව…

මැතිවරණ කොමිෂන් සභාව ඇතුළු ස්වාධීන කොමිෂන් සභා තුනක සාමාජිකයන් පත් කිරීම පාර්ලිමේන්තු ව්‍යවස්ථාදායක සභාවේ සාමාජිකයන්ගේ එකඟත්වයක් නොමැති වීම හේතුවෙන් කල් යමින් පවතින බව වාර්තාවේ. සාමාජිකයන් පත් කර ගැනීම නොහැකිව ඇති අනෙක් කොමිෂන් සභා වන්නේ මානව හිමිකම් කොමිසම හා පොලිස් කොමිසමයි. 21 වන ආණ්ඩුක්‍රම ව්‍යවස්ථා සංශෝධනය සම්මත වී නව ආණ්ඩුක්‍රම ව්‍යවස්ථාදායක සභාවක් පත්වීමෙන් පසුව සියලු ස්වාධීන කොමිෂන් සභා විසිර ගිය අතර ඒවාට නව සාමාජිකයන් පත් කිරීමට නියමිත විය. නව සාමාජිකයන් පත් කිරීම ව්‍යවස්ථාදායක සභාවට පැවැරුණු අතර එය ජනපති, අගමැති නියෝජිතයන් මෙන්ම විපක්ෂයේ නියෝජිතයන් හා සිවිල් සමාජ නියෝජිතයන්ගෙන් සමන්විත විය. එහි සාමාජිකයන් කිහිප දෙනකුගේ කඹ ඇඳීමක් නිසා මෙලෙස ස්වාධීන ආයතන සඳහා සාමාජිකයන්…

අපරභාගයේදී ගිගුරුම් සහිත තද වැසි අපෙක්ෂා කරන බව කාලගුණ විද්‍යා දෙපාර්තමේන්තුව අපෙක්ෂා කරයි. දිවයිනේ බොහෝ ප්‍රදේශවලට සවස 2.00 පසු ගිගුරුම් සහිත වැසි ඇති විය හැකි බවද අනතුරු අඟවයි. බස්නාහිර, සබරගමුව, මධ්‍යම, වයඹ සහ දකුණු පළාත්වල ඇතැම් ස්ථානවලට මිලිමීටර් 100 ඉක්මවූ වැසි ඇද හැළෙන බව ද කාලගුණ විද්‍යා දෙපාර්තමේන්තුව කියයි. නැගෙනහිර පළාතෙත් මුලතිව් සහ හම්බන්තොට දිස්ත්‍රික්කවල උදෑසන කාලයේදී වැසි හෝ ගිගුරුම් සහිත වැසි ඇතිවිය හැකිය. ගිගුරුම් සහිත වැසි සමග තද සුළංද අකුණ සැරද ඇති වේ.

අලුත්ගම නගරයේ කාන්තා රූපලාවන්‍යාගාරයක් පවත්වාගෙන යන කාන්තාවක රූපලාවන්‍ය ගාරයට මාස කිහිපයක් තිස්සේ හොරෙන් විදුලි ගැනීම හේතුවෙන් විදුලි පුද්ගලික සමාගමේ වංචා විමර්ශන ඒකකය අලුත්ගම පොලිසිය අත්අඩංගුවට ගෙන තිබේ . මෙලෙස අත්අඩංගුවට ගෙන ඇත්තේ අහුන්ගල්ල ප්‍රදේශයේ පදිංචි 51 හැවිරිදි කාන්තාවක් වන අතර කලුතර අධිකරණයට ඉදිරිපත් කිරීමට නියමිතය. ලංකා විදුලි පුද්ගලික සමාගමේ අලුත්ගම ප්‍රධාන කාර්යාලය විමර්ශන ඒකකය අලුත්ගම පොලිසිය එක්ව මෙම වැටලීම සිදුකර තිබේ.

දිවයිනේ බොහෝ ප්‍රදේශවල සවස 2.00 න් පසුව තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව අද(28) නිකුත් කළ නිවේදනයේ සඳහන් වනවා. බස්නාහිර, සබරගමුව සහ වයඹ පළාත්වලත් ගාල්ල සහ මාතර දිස්ත්‍රික්කවලත් ඇතැම් ස්ථාන වලට මි.මී. 75 ට වැඩි තරමක තද වැසි ද ඇතිවිය හැකි බවත් එහි එම සඳහන්. නැගෙනහිර පළාතේත්, දකුණු වෙරළබඩ ප්‍රදේශවලත් උදෑසන කාලයේදී ද වැසි ඇති ඇති විය හැකි බවයි පවසන්නේ. ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් එම දෙපාර්තමේන්තුව ඉල්ලා සිටී.

චීන ආයෝජනයක් ලෙස දෛනිකව බොරතෙල් ටොන් 04ක් පිරිපහදු කළ හැකි අති නවීන තාක්ෂණයෙන් යුත් පිරිපහදු මධ්‍යස්ථානයක් මෙරට ස්ථාපිත කරන බව ශ්‍රී ලංකාවේ චීන තානාපති චී ෂෙන්හොං පවසනවා. ඔහු මේ බව සඳහන් කළේ මල්වතු – අස්ගිරි මහනාහිමිවරුන් ඊයේ (27) බැහැදුටු අවස්ථාවේ දීයි. ශ්‍රී ලංකාවේ දැනට ඇති බොරතෙල් පිරිපහදුව ඉතා පැරණි එකක් බව සඳහන් කළ චීන තානාපතිවරයා යෝජිත නව පිරිපහදුව විවෘත කිරීමෙන් පසු මෙරට ඉන්ධන බෙදාහැරීමේ ක්ෂේත්‍රයේ වෙනස්කම් රැසක් සිදුවනු ඇති බව කියා සිටියා. මෙම වසරේ දී අමෙරිකානු ඩොලර් මිලියන 120ත්, 140ත් අතර මුදලක් චීනය විසින් මෙරට ආයෝජනය කිරීමට සැලසුම් කර ඇති අතර, ඒ ඔස්සේ නව රැකියා අවස්ථා බිහිවනු ඇති බවයි ඔහු…

ශ්‍රී ලංකාවේ සමීපතම අසල්වැසියා වන ඉන්දියාව දෙරට අතර ගමනාගමන පහසුකම් වැඩිදියුණු කිරීම සඳහා දීර්ඝ කාලයක සිට අත්හිටුවා තිබූ මගී යාත්‍රා සේවාව (ෆෙරි) යළි ආරම්භ කිරීමට මේ වනවිට සූදානමින් සිටිනවා. මෙම යාත්‍රා සේවාව ශ්‍රී ලංකාව සහ ඉන්දියාව අතර ගමනාගමනය වඩාත් පහසු කරනු නොඅනුමානයි. ශ්‍රී ලංකාවේ උතුරු අර්ධද්වීපයේ කන්කසන්තුරේ ඉන්දියාවේ කරෙයිකාල් අතර මගී යාත්‍රා සේවාවක් මැයි 15 වැනිදා සිට ආරම්භ කිරීමට සියලු කටයුතු සූදානම් කර අවසන්. එසේ තිබිය දී දෙරට අතර විවිධ වරායන් සම්බන්ධ කරමින් තවත් මගී යාත්‍රා සේවා දියත් කිරීමට සාකච්ඡා ආරම්භ කර තිබෙනවා. වාර්තාවන්ට අනුව, තලෙයිමන්නාරම සහ කොළඹ සිට ඉන්දියාවේ තූත්තුකුඩිය දක්වා යාත්‍රා සේවා ආරම්භ කිරීමට බලධාරීන් සොයා බලමින් සිටිනවා.…

මාරවිල දිසා අධිකරණයේ සේප්පුවේ තිබී රුපියල් ලක්ෂ 22කට වඩා වැඩි මුදලක් අතුරුදහන් වී තිබෙනවා. එම සිද්ධිය සම්බන්ධයෙන් එම අධිකරණයේම සේවය කරන ලිපිකරුවෙකු සහ ලිපිකාරිණියක් මාරවිල පොලීසිය විසින් ඊයේ (27) දින අත්අඩංගුවට ගෙන තිබුණා. අධිකරණ සේප්පුවේ තැන්පත් කර තිබූ රුපියක් 22,07,000ක මුදලක් මෙලෙස අස්ථාන ගත වී ඇති බව එම අධිකරණයේ රෙජිස්ටාර්වරියක ලෙස සේවය කරන ශාරිකා මානෙල් වික්‍රමනායක පසුගිය මාර්තු 20 වැනිදා මාරවිල පොලීසිය වෙත පැමිණිලි කර ඇති බවයි වාර්තා වන්නේ. පොලීසිය විසින් මෙම සිදුවීමට අදාලව විමර්ශණ කටයුතුවල දී අධිකරණයේ සේවයේ නියුතු කිහිප දෙනෙකුගෙන්ම ප්‍රකාශ ලබා ගැනීමටයි පොලීසිය කටයුතු කර තිබෙන්නේ. මාරවිල පොලීසිය සිද්දිය සම්බන්ධයෙන් වැඩිදුර විමර්ශන කටයුතු සිදුකරනවා.

වගාවන්ට රිළවුන්ගෙන් හා වඳුරන්ගෙන් සිදුවන හානිය වළක්වා ගැනීම සඳහා නව උපකරකණයක් නිෂ්පාදනය කර තිබෙනවා. මේ වන විට එහි පර්යේෂණ කටයුතු සිදුකරගෙන යන බවයි වාර්තා වන්නේ. මෙම නව නිෂ්පාදනය ඉංජිනේරු මනතුංග ශෙරෝන් දීප්ති ජීවකාන්ත ද සිල්වා විසින් නිශ්පාදනය කර ඇති අතර එය නිෂ්පාදනය ලුනුවිල ජාතික පොල් පර්යේෂණ ආයතනයේ ඉල්ලීමක් මතයි.

IMF එකඟතා පිළිබඳ විවාදය තුන්වන දිනටත් අද (28) පාර්ලිමේන්තුවේ පැවැත්වීමට නියමිතයි. විවාදයෙන් අනතුරුව ඡන්ද විමසීම පැවැත්වෙනු ඇති. මේ අතර ජාත්‍යන්තර මූල්‍ය අරමුදල සමඟ ඇතිකරගත් ගිවිසුම පිළිබඳව අද (28) පැවැත්වෙන ඡන්ද විමසීම සඳහා සහභාගීවීමට නොහැකි බව හිටපු ජනාධිපති මෛත්‍රීපාල සිරිසේන පවසනවා. කෙසේ වෙතත් ඔහු පෙරේදා (26) සඳහන් කළේ මෙම ඡන්ද විමසීමේ දී නිදහස් පක්ෂය ඊට පක්ෂව ඡන්දය ප්‍රකාශකරන බවයි.